Blog

আকৌ আকাশত মৃত্যুৰ কিৰিলি! এইবাৰ উত্তৰ প্ৰদেশৰ কানপুৰত সংঘটিত এক প্ৰশিক্ষণ বিমান দুৰ্ঘটনাত প্ৰাণ হেৰুৱালে দুজন অভিজ্ঞ বৈমানে। বৃহস্পতিবাৰে পুৱা প্ৰায় ১১:৫০ বজাত গোৱালটোলি থানাৰ অন্তৰ্গত নাথাপুৰৱা গাঁৱৰ সমীপত গংগা নদীৰ পাৰৰ এখন পথাৰত আচাৰ খাই পৰে চাৰিখন আসনযুক্ত ‘টেকনাম’ নামৰ দুই ইঞ্জিনবিশিষ্ট প্ৰশিক্ষণ বিমানখন। গাৰ্গ এভিয়েচন ট্ৰেইনিং চেণ্টাৰৰ পৰা উৰা মৰাৰ কিছু সময় পিছতে নিয়ন্ত্ৰণ হেৰুৱাই বিমানখন দুৰ্ঘটনাত পতিত হয়। নিহত পাইলট দুজনৰ এজন গুজৰাটৰ বাসিন্দা শচীন আৰু আনজন কৰ্ণাটকৰ অভিষেক পূজাৰী বুলি চিনাক্ত কৰা হৈছে। কানপুৰ আৰক্ষী আয়ুক্ত ৰঘুবীৰ লালে দুয়োগৰাকী পাইলটৰ মৃত্যু নিশ্চিত কৰিছে। পাইলট শচীনৰ ৩,০০০ ঘণ্টাতকৈ অধিক সময় বিমান চলোৱাৰ অভিজ্ঞতা আছিল বুলি আৰক্ষীয়ে প্ৰকাশ…

নেপাল আৰু তিব্বত সীমান্তত সৃষ্টি হোৱা প্ৰলয়ংকৰী আকস্মিক বানৰ পিছতে সন্ধানহীন হৈ আছে ইশা ফাউণ্ডেচনৰ এটা ৮০ জনীয়া দল। আধ্যাত্মিক গুৰু তথা ইশা ফাউণ্ডেচনৰ প্ৰতিষ্ঠাপক সদগুৰু জগ্গী বাসুদেৱে সমগ্ৰ পৰিস্থিতিক লৈ গভীৰ উদ্বেগ প্ৰকাশ কৰে। তিব্বতৰ ছাগাত উপস্থিত থকা সদগুৰুৱে ব্যক্ত কৰা অনুসৰি, সীমান্ত অঞ্চলত যোগাযোগ ব্যৱস্থা সম্পূৰ্ণৰূপে বিচ্ছিন্ন হৈ পৰাৰ লগতে পথ বন্ধ হৈ পৰাত দুৰ্যোগস্থলীৰ সৈতে কোনো ধৰণৰ আনুষ্ঠানিক সংযোগ স্থাপন সম্ভৱ হোৱা নাই। আৱদ্ধ হৈ পৰা দলটোত আমেৰিকা যুক্তৰাষ্ট্ৰৰ ২২ জন, কানাডাৰ ১২ জন, অষ্ট্ৰেলিয়াৰ ১১ জন, যুক্তৰাজ্যৰ ৯ জন, জাৰ্মানীৰ ৪ জন, ফ্ৰান্সৰ ৩ জন, নেপালৰ ৩ জনকৈ সদস্য আছে। ইয়াৰ উপৰি নেদাৰলেণ্ড, নিউজিলেণ্ড, ছিংগাপুৰ আৰু…

নেৰানেপেৰা বৰষুণৰ ফলত সৃষ্টি হোৱা প্ৰচণ্ড ভূমিস্খলনৰ বাবে নাগালেণ্ডত বৃহস্পতিবাৰে পুৱা সম্পূৰ্ণৰূপে খহি পৰে এক গুৰুত্বপূৰ্ণ চৰকাৰী কাৰ্যালয় ভৱন। ৰাজ্যখনৰ ট্যুৱেনচাং জিলাৰ ডাকঘৰ ৱাৰ্ডত অৱস্থিত জিলা পৰিবহণ বিষয়াৰ কাৰ্যালয় ভৱনটো ভূমিস্খলনৰ ফলত পুৱাৰ ভাগত ভাগি পৰে। অৱশ্যে পূৰ্বতেই ভৱনটো খালী কৰি দিয়াৰ বাবে এই ঘটনাত কোনো লোক হতাহত হোৱা নাই। উল্লেখযোগ্য যে, বিগত ২৩ জুলাইতেই ট্যুৱেনচাঙৰ উপায়ুক্ত তথা জিলা দুৰ্যোগ ব্যৱস্থাপনা প্ৰাধিকৰণৰ অধ্যক্ষ লিথ্ৰংলা টংপী ৰুটছাই কাৰিকৰী পৰীক্ষণৰ পিছত এই ভৱনটোক বিপদজনক বুলি ঘোষণা কৰিছিল আৰু জৰুৰীভাৱে ভাঙি পেলোৱাৰ নিৰ্দেশ জাৰি কৰিছিল। সেই নিৰ্দেশনাৰ আধাৰত ২৪ জুলাইৰ পৰাই কাৰ্যালয়টোৰ সকলো কাম-কাজ অনিৰ্দিষ্টকাললৈ বন্ধ ৰখা হৈছিল। যাৰ ফলত ড্ৰাইভিং লাইচেঞ্চ প্ৰদান,…

এটা ম’হৰ মালিকীস্বত্বক লৈ দুটা পক্ষৰ মাজত সৃষ্টি হোৱা তীব্ৰ বিবাদ নিষ্পত্তিৰ বাবে বিহাৰ আৰক্ষীয়ে গ্ৰহণ কৰিছে এক ব্যতিক্ৰমী পদক্ষেপ। গয়া জিলাত সংঘটিত এই ঘটনাৰ প্ৰকৃত সত্য উদঘাটনৰ অৰ্থে আৰক্ষী প্ৰশাসনে এতিয়া জন্তুটোৰ ডিএনএ পৰীক্ষা কৰোৱাৰ সিদ্ধান্ত লৈছে। মগধ ৰেঞ্জৰ আৰক্ষী মহাপৰিদৰ্শক বিকাশ বৈভৱে গয়া (গ্ৰামীণ) আৰক্ষী অধীক্ষক দিব্যাঞ্জলী জয়ছোৱালক বৈজ্ঞানিক অনুসন্ধানৰ জৰিয়তে এই বিবাদ সমাধানৰ নিৰ্দেশ দিয়ে। আই জি বিকাশ বৈভৱে জনোৱা অনুসৰি, সূৰজ যাদৱ আৰু প্ৰকাশ মাঞ্জী নামৰ দুটা পক্ষৰ মাজত ম’হটোক লৈ দীৰ্ঘদিনীয়া বিবাদ চলি আছে আৰু প্ৰকৃত গৰাকী নিশ্চিত কৰিবলৈ ডিএনএ পৰীক্ষাতকৈ আন কোনো সঠিক বৈজ্ঞানিক উপায় নাই। ঘটনাৰ বিৱৰণি অনুসৰি, কিছুদিন পূৰ্বে ছিৰ্হ গাঁৱৰ বাসিন্দা…

ৰাষ্ট্ৰীয় ক্ৰীড়া দিৱস লগত সংগতি ৰাখি  দেশজুৰি অনুষ্ঠিত কাৰ্যসূচীৰ অংশ হিচাপে আজি গুৱাহাটীৰ পশ্চিম প্ৰান্তৰ আজাৰাস্থিত  অসম ডন বস্ক’ বিশ্ববিদ্যালয় প্ৰাংগণত  ‘বিকশিত ভাৰত যুৱ সংযোগ – ক্ৰীড়া সংস্কৰণ’  অনুষ্ঠিত হয় । উল্লেখ্য যে কিংবদন্তি  হকী খেলুৱৈ তথা মেজৰ ধ্যানচান্দৰ জন্মজয়ন্তী উপলক্ষে প্ৰতি বছৰে এই অনুষ্ঠানৰ আয়োজন কৰা হয়। এইবেলি  দেশজুৰি অনুষ্ঠিত এই কাৰ্যসূচীৰ অন্যতম  আকৰ্ষণ আছিল  প্ৰধানমন্ত্ৰী  নৰেন্দ্ৰ মোদীৰ অনুষ্ঠান  নতুন দিল্লীৰ পৰা ভি ডি অ' যোগে কৰা পোনপটীয়া সম্প্ৰচাৰ। অনুষ্ঠানত  প্ৰধানমন্ত্ৰীয়ে দেশৰ ১,৬০০টা স্থানত উপস্থিত ৮ লাখৰো অধিক যুৱ অংশগ্ৰহণকাৰীক সম্বোধন কৰে।  প্ৰধানমন্ত্ৰী নৰেন্দ্ৰ মোদীয়ে ভাষণ প্ৰসংগত আন্তঃৰাষ্ট্ৰীয় প্ৰতিযোগিতা, যেনে অলিম্পিক, কমনৱেলথ গেমছ আদিত ভাৰতক প্ৰতিনিধিত্ব কৰাৰ ক্ষেত্ৰত ভাৰতীয়…

নেপালৰ জলপ্ৰলয়ে ইতিমধ্যে তচনচ কৰিছে সকলোবোৰ। এক হাঁহাকাৰ পৰিস্থিতিৰ মাজত দিন পাৰ কৰিছে নেপালবাসীয়ে। শেহতীয়াকৈ পোহৰলৈ আহিছে যে, তিব্বত সীমান্তৰ সমীপত হিমবাহ স্খলন (Ice-rock avalanche) বা হিমবাহৰ হ্ৰদ বিস্ফোৰণৰ (GLOF) ফলত নদীৰ পানীৰ স্তৰ মাত্ৰ ৩০ মিনিটৰ ভিতৰত ৯ মিটাৰ পৰ্যন্ত বৃদ্ধি পাইছিল। আৰু এই প্ৰলয়ে ৰচুৱা, নুৱাকোট আৰু ধাডিং জিলা ধ্বংস নিমিষতে কৰি পেলায়।নেপালৰ জলপ্ৰলয়ৰ আঁৰৰ কাৰণ কি? ২০২৫চনতো আহিছিল এনে এক মহাপ্লাৱন। এই বানত কমেও ৯জন লোকৰ মৃত্যু আৰু ১৯জন লোক সন্ধানহীন হৈছিল। কিন্তু তাৰ পিছতো এই বিষয়টোক লৈ নাছিল কোনো সজাগতা। যাৰ ফল ভুগিলে আজি নেপালে। বিপৰ্যয়ৰ সময়ৰ আশে-পাশে অঞ্চলটোত ৪.৪ প্ৰাবল্যৰ ভূমিকম্প ৰেকৰ্ড হৈছিল। ভূমিকম্পৰ জোকাৰণিৰ…

নেপালৰ পৰিস্থিতিৰ ফলত বিহাৰৰ সম্ভাব্য বান পৰিস্থিতিৰ প্ৰতি লক্ষ্য ৰাখি মুখ্যমন্ত্ৰী সম্ৰাট চৌধৰীৰ সৈতে বাৰ্তালাপ গৃহমন্ত্ৰী অমিত শ্বাহৰ ।টেলিফোনিক বাৰ্তালাপত শ্বাহে বিহাৰ চৰকাৰক পৰিস্থিতিৰ পৰা উদ্ভৱ হোৱা যিকোনো সম্ভাব্য সংকটৰ সৈতে মোকাবিলা কৰিবলৈ কেন্দ্ৰৰ পৰা সকলো ধৰণৰ সহায়ৰ আশ্বাস দিয়ে ।গৃহমন্ত্ৰীগৰাকীয়ে যিকোনো জৰুৰীকালীন পৰিস্থিতিৰ মোকাবিলা কৰিবলৈ প্ৰয়োজনীয় প্ৰস্তুতিৰ ব্যৱস্থা গ্ৰহণ কৰিবলৈও নিৰ্দেশ দিয়ে । তেওঁ লগতে কয় যে যিকোনো পৰিস্থিতিৰ সৈতে মোকাবিলা কৰিবলৈ আৰু প্ৰয়োজন হ’লে ৰাজ্যিক কৰ্তৃপক্ষক সহায় আগবঢ়াবলৈ এনডিআৰএফ বাহিনীক সাজু কৰি ৰখা হৈছে ।নেপালত হোৱা প্ৰচণ্ড বৰষুণ আৰু হিমবাহ বিস্ফোৰণৰ ফলত জলস্তৰত প্ৰভাৱ পৰাৰ বাবে বিহাৰৰ কিছু অংশত বানৰ সম্ভাৱনাক লৈ উদ্বেগ প্ৰকাশ কৰাৰ সময়তে এই কথা…

তিব্বতৰ পৰা নামি অহা ভোটেকোশী নৈৰ বাঢ়নী পানীয়ে নেপাল-চীন সীমান্তৰ ৰাছুৱা জিলাৰ টাইমুৰে আৰু ছাইপ্ৰুবেছি অঞ্চলত ব্যাপক ধ্বংসলীলা চলায় । নেপালৰ এই দুৰ্যোগৰ সময়ত সহমৰ্মিতা প্ৰকাশ কৰিছে ভাৰতৰ ৰাষ্ট্ৰপতি, প্ৰধানমন্ত্ৰী, উপ-ৰাষ্ট্ৰপতিৰ লগতে বিভিন্নজনে । ভাৰতে সকলো ধৰণে নেপালক সহায় আগবঢ়োৱাৰো আশ্বাস প্ৰদান কৰিছে ।প্ৰধানমন্ত্ৰী মোদীয়ে ইতিমধ্যে নেপালৰ প্ৰধানমন্ত্ৰী বলেন্দ্ৰ শ্বাহৰ সৈতে বাৰ্তালাপ কৰিছে ৷ এক্সত এটা পোষ্টত মোদীয়ে লিখে, ‘‘প্ৰধানমন্ত্ৰী বলেন্দ্ৰ শ্বাহৰ সৈতে কথা পাতি নেপালত হোৱা বানপানীৰ ফলত প্ৰাণ হেৰুওৱাসকলৰ প্ৰতি শোক প্ৰকাশ কৰিলোঁ । এই কঠিন সময়ত ভাৰতৰ জনসাধাৰণে নেপালত থকা ভাতৃ-ভগ্নীসকলৰ সৈতে সংহতিৰে থিয় দিছে । ভাৰতে নেপালক সম্ভৱপৰ সকলো ধৰণৰ মানৱীয় সাহায্য প্ৰদান কৰিবলৈ সাজু ।…

বিহাৰৰ ৰাঘপুৰৰ গংগা নদীত ভয়ংকৰ নাও দুৰ্ঘটনা।বিহাৰৰ ভাগলপুৰৰ ৰাঘোপুৰত সংঘটিত এই শোকাবহ ঘটনাত বৰ্তমানলৈ কেইবা ডজন লোক নিৰুদ্দেশ।ঘটনাস্থলিত NDRF উপস্থিত হৈ উদ্ধাৰ অভিযান চলাই আছে।হঠাতে জলপৃষ্ঠ বৃদ্ধিৰ বাবেই সংঘটিত হৈছে এই দুৰ্ঘটনা..!কেমেৰাত বন্দী শিহৰণকাৰী নাও দুৰ্ঘটনাৰ দৃশ্য।১৯জন শ্ৰমিকক উদ্ধাৰ, নিখোজ ২জন শ্ৰমিক।

অসমৰ মুখ্যমন্ত্ৰী হিমন্ত বিশ্ব শৰ্মাই বুধবাৰে নতুন দিল্লীত থকা তেওঁৰ চৰকাৰী বাসভৱনত কেন্দ্ৰীয় শক্তি আৰু গৃহ নিৰ্মাণ আৰু নগৰ পৰিক্ৰমা মন্ত্ৰী মনোহৰ লাল খট্টৰক সাক্ষাৎ কৰে আৰু ৰাজ্যৰ শক্তিৰ প্ৰয়োজনীয়তা, বিদ্যুৎ আন্তঃগাঁথনি আৰু নগৰ উন্নয়নৰ অগ্ৰাধিকাৰসমূহ সন্দৰ্ভত বিশদ আলোচনাত মিলিত হয়। বৈঠকৰ সময়ত মুখ্যমন্ত্ৰীয়ে কেন্দ্ৰীয় মন্ত্ৰীগৰাকীক শক্তিৰ ক্ষেত্ৰত আত্মনিৰ্ভৰশীলতা অৰ্জনৰ বাবে অসমৰ উচ্চাকাংক্ষী প্ৰচেষ্টাৰ বিষয়ে অৱগত কৰাৰ লগতে বিদ্যুৎ খণ্ডত গ্ৰাহক-কেন্দ্ৰিক সংস্কাৰৰ বিষয়েও আলোচনা কৰে। আলোচনাত অসমৰ দীৰ্ঘম্যাদী বিদ্যুতৰ প্ৰয়োজনীয়তা আৰু কেন্দ্ৰীয় উৎপাদন কেন্দ্ৰসমূহৰ পৰা ৰাজ্যখনৰ বাবে আবণ্টিত বিদ্যুৎ অধিক যুক্তিসংগতভাৱে ব্যৱহাৰ কৰাৰ উপায়সমূহ সামৰি লোৱা হয়। বৈঠকত গুৱাহাটীৰ বিদ্যুৎ বিতৰণ নেটৱৰ্ক শক্তিশালী কৰাৰ ওপৰতো গুৰুত্ব আৰোপ কৰা হয়, য’ত…