Paromita

জৱাহৰলাল নেহৰু বিশ্ববিদ্যালয়ত এগৰাকী ছাত্ৰীক যৌন নিগ্ৰহ কৰাৰ অভিযোগত দিল্লী আৰক্ষীৰ ওচৰত হাজিৰ হ'ল মণিপুৰৰ কংগ্ৰেছ সাংসদ ড° আংগোমচা বিমল আকোইজাম। আৰক্ষীৰ চমন লাভ কৰাৰ পিছত বৃহস্পতিবাৰে তদন্তত সহযোগ কৰাৰ উদ্দেশ্যে বসন্ত কুঞ্জ আৰক্ষী থানাত উপস্থিত হৈ নিজৰ জীৱনৰ বহু সময় কটোৱা ৰাজধানী চহৰখনক লৈ গভীৰ আক্ষেপ প্ৰকাশ কৰে সাংসদগৰাকীয়ে। সাংবাদিকৰ আগত মনৰ ক্ষোভ আৰু হতাশা ব্যক্ত কৰি সাংসদ আকোইজামে কয়, "মই দিল্লীৰ এনে এখন অচিনাকি ঠাইলৈ অহা যেন অনুভৱ হৈছে, য'ত মই জীৱনৰ সিংহভাগ সময় কাম কৰি কটালোঁ। মোৰ এনে লাগিছে যেন মই কোনো শত্ৰুভাৱাপন্ন স্থানলৈহে আহিছোঁ। ইয়াত মই কোনো আত্মীয়তা বা নিজৰ বুলি অনুভৱ কৰিব পৰা নাই।" তেওঁ…

টিভিএছ মটৰ কোম্পানীয়ে টিভিএছ ৰাইডাৰ টিএফটি ডিডি আৰু এছএক্সচি ডিডি ভেৰিয়েণ্টত উন্নত সুৰক্ষা ব্যৱস্থা অন্তৰ্ভুক্ত কৰি গ্ৰাহকৰ বাবে আগবঢ়াইছে, এই নতুন পৰিসৰত এটা ট্ৰেকচন কণ্ট্ৰল চিষ্টেম (টিচিএছ) অন্তৰ্ভুক্ত আছে, যাক কোম্পানীটোৱে ১২৫ চিচি মটৰচাইকেল খণ্ডত সৰ্বপ্ৰথম বুলি বৰ্ণনা কৰিছে।১৫ অক্টোবৰত বেংগালুৰুত ঘোষণা কৰা এই উন্নীতকৰণ অনুসৰি জৰুৰীকালীন ব্ৰেক সতৰ্কবাণী, এটা ডাঙৰ পিছফালৰ টায়াৰ আৰু এটা ২৭ ৱাটৰ ইউএছবি টাইপ-চি ফাষ্ট ছাৰ্জাৰো অন্তৰ্ভুক্ত কৰা হৈছে। এই ট্ৰেকচন কণ্ট্ৰল চিষ্টেমটো এনেদৰে বিশেষ ধৰণে প্ৰস্তুত কৰা হৈছে যাতে ভিজা ৰাস্তা, খহটা শিল থকা পথ আৰু অসমান ৰাজপথত পিছফালৰ চকাৰ গ্ৰিপ হেৰাই গ’লে চালকে নিয়ন্ত্ৰণ বজাই ৰাখিব পাৰে। আনহাতে, জৰুৰীকালীন ব্ৰেক সতৰ্কবাণীয়ে চালকে হঠাত…

আমেৰিকান ধনকুবেৰ তথা উদ্যোগপতি ইলন মাস্কক লৈ এইবাৰ বিতৰ্কিত মন্তব্য কৰি চৰ্চালৈ আহিছে মধ্যপ্ৰদেশৰ ৰিৱাৰ বিজেপি সাংসদ জনাৰ্দন মিশ্ৰ। ভাৰতলৈ আহিব বিচাৰিলে দেশৰ চৰ্ত মানিহে আহিব লাগিব বুলি হুংকাৰ দি বিশ্বৰ অন্যতম শীৰ্ষ ধনী ব্যক্তিগৰাকীক 'ঘোঁচা মাৰি খেদি দিয়া'ৰ মুকলি ভাবুকি দিয়ে সাংসদগৰাকীয়ে। এক ৰাজহুৱা কাৰ্যসূচীত অংশ লৈ বিজেপি সাংসদগৰাকীয়ে ইলন মাস্কক কঠোৰ ভাষাৰে সকীয়নি প্ৰদান কৰে। তেওঁ কয়, "সমগ্ৰ পৃথিৱীখন কিনি লোৱাৰ ক্ষমতা তোমাৰ থাকিব পাৰে, কিন্তু ভাৰতবৰ্ষক কিনাৰ শক্তি তোমাৰ নাই।" ইয়াৰ পিছতেই মাস্কক লক্ষ্য কৰি মিশ্ৰই পুনৰ কয়, "ভাৰতৰ ৫৬ ইঞ্চি বুকুৰ নেতাক তুমি নতশিৰ কৰাব নোৱাৰা, নিজৰ ক্ষমতা ইয়াত দেখুৱাবলৈ চেষ্টা নকৰিবা। ভাৰতলৈ আহিব লাগিলে আমাৰ…

মাজ আকাশত হঠাতে সৃষ্টি হোৱা এক নিৰাপত্তাজনিত ভাবুকিৰ পিছতে জাৰ্মানীৰ ফ্ৰাংকফৰ্টৰ পৰা নতুন দিল্লী অভিমুখে আহি থকা এয়াৰ ইণ্ডিয়াৰ এখন যাত্ৰীবাহী বিমানক জৰুৰীভাৱে জয়পুৰলৈ ডাইভাৰ্ট কৰা হয়। বুধবাৰে বিয়লি বোয়িং ৭৮৭-৯ বিমানখন জয়পুৰ আন্তঃৰাষ্ট্ৰীয় বিমানবন্দৰত সুৰক্ষিতভাৱে অৱতৰণ কৰোৱাৰ পিছতে এক বিশেষ আইচলেচন বে'লৈ লৈ যোৱা হয়। এই চাঞ্চল্যকৰ ঘটনাৰ পিছতে এয়াৰপ’ৰ্ট কৰ্তৃপক্ষ আৰু চোৰাংচোৱা সংস্থাসমূহৰ মাজত সৃষ্টি হৈছে তীব্ৰ চাঞ্চল্যৰ। সংবাদ সংস্থা পিটিআইৰ এক সূত্ৰই প্ৰকাশ কৰা অনুসৰি, এআই-২০৩০ নম্বৰৰ বিমানখন মুম্বাই বিমান তথ্য অঞ্চলৰ ওপৰেৰে উৰি থকাৰ সময়তে পাইলটে 'স্কোৱাক ক’ড ৭৫০০' সক্ৰিয় কৰে। আন্তঃৰাষ্ট্ৰীয় নিয়ম অনুসৰি এই বিশেষ ট্ৰান্সপণ্ডাৰ ক’ডটোৱে বিমান অপহৰণ বা কোনো অবৈধ হস্তক্ষেপৰ সংকেত বহন…

শিশুৰ সুস্বাস্থ্য, সৰ্বাংগীণ বিকাশ আৰু উজ্জ্বল ভৱিষ্যৎ নিশ্চিত কৰাৰ লক্ষ্যৰে অসম চৰকাৰে ৰাষ্ট্ৰীয় শিশু স্বাস্থ্য কাৰ্যসূচী (RBSK) ২.০ৰ জৰিয়তে শিশু স্বাস্থ্যসেৱা ব্যৱস্থাক অধিক শক্তিশালী কৰাৰ পদক্ষেপ গ্ৰহণ কৰিছে। মঙলবাৰে গুৱাহাটীৰ প্ৰাগজ্যোতিষ চিকিৎসা মহাবিদ্যালয় আৰু চিকিৎসালয়ত এই কাৰ্যসূচীৰ নিৰ্দেশনাৱলী উন্মোচন কৰি স্বাস্থ্য আৰু পৰিয়াল কল্যাণ মন্ত্ৰী অশোক সিংহলে শিশুৰ স্বাস্থ্যজনিত সমস্যাৰ আগতীয়া চিনাক্তকৰণ আৰু সময়মতে চিকিৎসা প্ৰদানৰ ওপৰত বিশেষ গুৰুত্ব আৰোপ কৰে। আৰবিএছকে ২.০ৰ অধীনত জন্মগত বিসংগতি, অপুষ্টি, বিভিন্ন ৰোগ আৰু বিকাশজনিত পলমৰ আগতীয়া চিনাক্তকৰণৰ লগতে শিশুৰ মানসিক স্বাস্থ্য, ডায়েবেটিছ, উচ্চ ৰক্তচাপ আৰু অন্যান্য উদীয়মান স্বাস্থ্যজনিত সমস্যাসমূহৰ প্ৰতিও গুৰুত্ব দিয়া হ’ব। এনে সমস্যাসমূহ প্ৰাৰম্ভিক অৱস্থাতে চিনাক্ত কৰিব পাৰিলে উপযুক্ত চিকিৎসা প্ৰদান…

মুখ্য নিৰ্বাচন আয়ুক্তৰ বিৰুদ্ধে আয়োজিত প্ৰতিবাদক কেন্দ্ৰ কৰি ৰাজধানীত মেট্ৰ’ ষ্টেচন বন্ধ আৰু বিৰোধী নেতাসকলক আটক কৰা কাৰ্যক লৈ দেওবাৰে বিশেষ শুনানি অনুষ্ঠিত কৰে উচ্চতম ন্যায়ালয়ে। দেওবাৰৰ বন্ধৰ দিনটোতে অনুষ্ঠিত এই জৰুৰী শুনানিত প্ৰশাসনৰ ভূমিকাক লৈ অসন্তুষ্টি প্ৰকাশ কৰি শান্তিপূৰ্ণ প্ৰতিবাদকাৰীক বেআইনীভাৱে আটক নকৰিবলৈ কঠোৰ নিৰ্দেশ দিয়ে শীৰ্ষ আদালতে। একেদৰে দিল্লীত মেট্ৰ’ আৰু ৰে’ল সেৱা পূৰ্বৰ দৰে স্বাভাৱিক কৰি তোলাৰ লগতে ইণ্টাৰনেট সেৱাত কোনো বাধা আৰোপ নকৰিবলৈ প্ৰশাসনক স্পষ্ট নিৰ্দেশ দিয়ে ন্যায়াধীশ জয়মাল্য বাগচী আৰু ন্যায়াধীশ ভি মোহনাৰ বিচাৰপীঠে। উল্লেখ্য যে, শনিবাৰে যন্তৰ মন্তৰত বিৰোধী ঐক্যমঞ্চ আৰু চিজেপিয়ে আহ্বান জনোৱা প্ৰতিবাদ প্ৰতিহত কৰিবলৈ দিল্লীত একাধিক মেট্ৰ’ ষ্টেচন বন্ধ কৰি দিয়াৰ…

মুখ্য নিৰ্বাচন আয়ুক্ত জ্ঞানেশ কুমাৰৰ পদত্যাগৰ দাবীত দিল্লীত প্ৰতিবাদ সাব্যস্ত কৰিবলৈ আহি আৰক্ষীৰ জিম্মাত থকাৰ সময়তে এক ব্যক্তিগত শোকৰ সন্মুখীন হ'ল ককৰোচ জনতা পাৰ্টীৰ প্ৰতিষ্ঠাপক অভিজিৎ দীপকে। শনিবাৰে পুৱা মহাৰাষ্ট্ৰৰ হিংগোলী জিলাৰ সন্তুক পিম্পৰীস্থিত নিজ বাসভৱনত শেষ নিশ্বাস ত্যাগ কৰে দীপকেৰ আইতাক সাবিত্ৰীবাই দীপকেয়ে। মৃত্যুৰ সময়ত তেওঁৰ বয়স আছিল ৮৫ বছৰ। পৰিয়ালৰ ঘনিষ্ঠ সূত্ৰই প্ৰকাশ কৰা অনুসৰি, বিগত কিছুদিন ধৰি বাৰ্ধক্যজনিত অসুস্থতাত ভুগি আছিল সাবিত্ৰীবাই দীপকে। বিশেষভাৱে মন কৰিবলগীয়া যে দিল্লী বিমানবন্দৰত অৱতৰণ কৰা বিমানখনৰ ভিতৰৰ পৰাই দীপকেক আৰক্ষীয়ে আটক কৰাৰ মাত্ৰ কেইঘণ্টামান পিছতেই এই বিয়োগৰ খবৰ আহে। মুম্বাইৰ পৰা সতীৰ্থ সৌৰভ দাস আৰু আশুতোষ ৰাংকাক লগত লৈ যন্তৰ মন্তৰৰ…

মুখ্য নিৰ্বাচন আয়ুক্ত জ্ঞানেশ কুমাৰৰ বিৰুদ্ধে ককৰোচ জনতা পাৰ্টী আৰু বিৰোধী দলসমূহে ঘোষণা কৰা ১০ অক্টোবৰৰ প্ৰতিবাদক কেন্দ্ৰ কৰি ৰাজধানীত মেট্ৰ’ আৰু ৰে’ল সেৱা বন্ধ কৰা কাৰ্যক লৈ গভীৰ উদ্বেগ প্ৰকাশ কৰিছে উচ্চতম ন্যায়ালয়ে। প্ৰতিবাদ নিয়ন্ত্ৰণৰ নামত জনসাধাৰণৰ মৌলিক সা-সুবিধা আৰু যাতায়াতৰ অধিকাৰ সম্পূৰ্ণৰূপে স্তব্ধ কৰি দিয়াটো কোনো কাৰণতে গ্ৰহণযোগ্য নহয় বুলি স্পষ্ট কৰি দিয়ে আদালতে। ভাৰতৰ মুখ্য ন্যায়াধীশ সূৰ্য কান্ত, ন্যায়াধীশ জয়মাল্য বাগচী আৰু ন্যায়াধীশ ভি মোহনাৰে গঠিত তিনিজনীয়া বিচাৰপীঠে শুক্ৰবাৰে দিল্লীত বলৱৎ কৰা নিষেধাজ্ঞা সম্পৰ্কীয় আৱেদনসমূহৰ শুনানি গ্ৰহণ কৰে। শুনানিৰ সময়ত জ্যেষ্ঠ অধিবক্তা কপিল চিব্বল, গোপাল শংকৰনাৰায়ণন আৰু বৃন্দা গ্ৰোভাৰে মেট্ৰ’ ষ্টেচন ছীল কৰা আৰু দূৰণিবটীয়া ৰে’লসমূহ আৰম্ভণি…

কয়দী নহয় যেন নিজৰ ঘৰৰ বান্দীহে! কাৰাগাৰৰ মহিলা কয়দীক ঘৰলৈ নি ঘৰ মচা, ঘৰ সৰাৰ দৰে কামত খটাই আহিছিল এগৰাকী জেইলাৰে। শেহতীয়াকৈ ৰাজস্থানৰ অজমেৰত এই ঘটনা পোহৰলৈ অহাৰ পিছতে সৃষ্টি হৈছে তীব্ৰ প্ৰতিক্ৰিয়াৰ। আৰক্ষীয়ে ইতিমধ্যে গ্ৰেপ্তাৰ কৰিছে মহিলা কাৰাগাৰৰ তদানীন্তন ভাৰপ্ৰাপ্ত জেইলৰ দিব্যা চৌধুৰীক। জানিব পৰা মতে, যোৱা ১২ জুলাইত সংঘটিত হৈছিল এই ঘটনা। দিব্যা চৌধুৰীয়ে ছোনিয়া নামৰ এগৰাকী মহিলা কাৰাৰক্ষীৰ সহযোগত কাৰাগাৰৰ সকলো নীতি-নিয়ম উলংঘা কৰি দুগৰাকী মহিলা কাৰাবন্দীক বাহিৰলৈ উলিয়াই নিয়ে। কাৰাগাৰৰ অন্যান্য কৰ্মচাৰীসকলে এই কাৰ্যৰ তীব্ৰ বিৰোধিতা কৰা সত্ত্বেও নিজৰ প্ৰভাৱ খটুৱাই তেওঁলোকক নিজৰ ব্যক্তিগত আৱাসলৈ লৈ যায় আৰু তাত ঘৰ মচা, ঘৰ সৰা আদি চাফ-চিকুণৰ কাম…

আজৱ দেশৰ গজৱ কথা! চুৰি কৰি নিয়া ফোনৰ পাছৱৰ্ড বিচাৰি ফোনৰ গৰাকীকে মেছেজ কৰিলে চোৰে। এই আজৱ কাণ্ড সংঘটিত হৈছে উত্তৰাখণ্ডৰ ডেৰাডুনত। ঘটনাৰ বিৱৰণী অনুসৰি, যোৱা ১২ ছেপ্টেম্বৰত ক্লেমেণ্ট টাউন অঞ্চলৰ এটা ফ্লেটৰ পৰা কৌশিকী ধ্যানী নামৰ এগৰাকী যুৱতীৰ আইফোন চুৰি হয়। একেটা দিনতে সেই ভৱনটো আৰু সমীপৰ পেয়িং গেষ্ট তথা ছাত্ৰাৱাসসমূহৰ পৰা কৌশিকীৰ বন্ধুৰ ভাতৃ সক্ষম নেগীৰ ম’বাইলসহ কেইবাটাও লেপটপ আৰু মেকবুক নিমিষতে নোহোৱা কৰে চোৰে। পুৱা প্ৰায় ৪ বজাৰ পৰা ৮ বজাৰ ভিতৰত সংঘটিত হয় এই বৃহৎ চুৰি কাণ্ড। চাঞ্চল্যকৰ বিষয়টো হ’ল, চুৰি হোৱা আইফোনটোত যোগাযোগৰ নম্বৰটো স্পষ্ট হৈ থকাৰ সুযোগ লৈ চোৰটোৱে কৌশিকীলৈ পোনপটীয়াকৈ বাৰ্তা প্ৰেৰণ কৰে।…