Paromita

প্ৰধানমন্ত্ৰী নৰেন্দ্ৰ মোদীৰ বলিষ্ঠ নেতৃত্বত নিষেধাজ্ঞা আৰোপৰ ভাবুকিয়ে ওলোটাইহে ক্ষতি কৰিব। এই মন্তব্য প্ৰকাশ কৰে ৰাছিয়াৰ ৰাষ্ট্ৰপতি ভ্লাদিমিৰ পুটিনে। শুকুৰবাৰে অনুষ্ঠিত চেইণ্ট পিটাৰ্চবাৰ্গ আন্তঃৰাষ্ট্ৰীয় অৰ্থনৈতিক মঞ্চৰ বাৰ্ষিক সন্মিলনত এক প্ৰশ্নৰ উত্তৰত এই মন্তব্য কৰে ৰাছিয়াৰ ৰাষ্ট্ৰপতিগৰাকীয়ে। বৃহস্পতিবাৰে নিশা পিটিআইকে ধৰি বিশ্বৰ আগশাৰীৰ সংবাদ প্ৰতিষ্ঠানসমূহৰ মুৰব্বীসকলৰ সৈতে হোৱা এক বাৰ্তালাপৰ প্ৰসংগ টানি আনি নতুন দিল্লীৰ কৌশলগত স্থিতি সন্দৰ্ভত নিজৰ মতামত স্পষ্ট কৰে পুটিনে। ভাৰতে সদায় এখন সাৰ্বভৌম দেশ হিচাপে কাম কৰে বুলি উল্লেখ কৰে ৰাষ্ট্ৰপতি পুটিনে। প্ৰধানমন্ত্ৰী মোদীৰ সৈতে দীৰ্ঘদিন ধৰি ঘনিষ্ঠ বাৰ্তালাপ অব্যাহত ৰখাৰ কথা উল্লেখ কৰি পূৰ্বতে ভাৰতীয় নেতাজনক আমেৰিকাত প্ৰৱেশ কৰাত নিষেধাজ্ঞা আৰোপ কৰা সময়ছোৱাকো স্মৰণ কৰে তেওঁ।…

ভাৰতীয় পুৰুষ টি-২০ ক্ৰিকেট দলৰ নতুন অধিনায়ক হিচাপেদায়িত্ব অৰ্পণ কৰা হৈছে তাৰকা বেটাৰ শ্ৰেয়াছ আয়াৰক। ক্ৰিকেটৰ এই চুটি ফৰ্মেটত এক নতুন যুগৰ সূচনা কৰি ভাৰতীয় ক্ৰিকেট নিয়ন্ত্ৰণ ব'ৰ্ডে (বিচিচিআই) শনিবাৰে এই ডাঙৰ ঘোষণা কৰে। ব’ৰ্ডৰ সচিব দেৱজিৎ শইকীয়া আৰু মুখ্য নিৰ্বাচক অজিত আগৰকাৰে এক যুটীয়া বৈঠকত আয়াৰৰ নাম আনুষ্ঠানিকভাৱে প্ৰকাশ কৰে। দলৰ এই নেতৃত্বৰ পৰিৱৰ্তনৰ অংশ হিচাপে যুৱ বেটাৰ তিলক বাৰ্মাক উপ-অধিনায়ক হিচাপে নিৰ্বাচিত কৰা হৈছে। অহা ২৬ আৰু ২৮ জুনত বেলফাষ্টত অনুষ্ঠিত হ’বলগীয়া আয়াৰলেণ্ডৰ বিৰুদ্ধে দুখনীয়া টি-২০ শৃংখলাত বাৰ্মাই ভাৰতীয় দলটোক নেতৃত্ব প্ৰদান কৰিব। আনহাতে, অহা ১ জুলাইৰ পৰা ইংলেণ্ডৰ মাটিত আৰম্ভ হ’বলগীয়া ৫খনীয়া টি-২০ শৃংখলাৰ পৰা আয়াৰে পূৰ্ণকালীন…

আইপিএলত চমক সৃষ্টিৰ বাবে এইবাৰ ভাৰতীয় মূল ক্ৰিকেট দলত অভিষেক ঘটাবলৈ সাজু হৈছে ক্ৰিকেটৰ নতুন সম্ভাৱনা, 'বেবী বছ’ খ্যাত বৈভৱ সূৰ্যবংশী। মাত্ৰ ১৫ বছৰ বয়সতে ভাৰতীয় ক্ৰিকেট দলত স্থান লাভ কৰি এক নতুন ইতিহাস ৰচনা কৰিবলৈ সক্ষম হৈছে বৈভৱে। ক্ৰিকেটৰ ভগৱানখ্যাত শচীন তেণ্ডুলকাৰৰ সৰ্বকনিষ্ঠ খেলুৱৈৰ অভিলেখ ভংগ কৰি মাত্ৰ ১৫ বছৰ বয়সতে পুৰুষ টি-২০ ক্ৰিকেট দললৈ নিৰ্বাচিত হয় বৈভৱ সুৰ্যবংশী। আই পি এল ২০২৬ বৰ্ষৰ সংস্কৰণত ৰাষ্ট্ৰীয় দলৰ বাছনিকৰণৰ বাবে ৰাজস্থান ৰয়েলছৰ হৈ প্ৰদৰ্শন কৰা ধাৰাবাহিকতাই মুখ্য ভূমিকা গ্ৰহণ কৰে। এই গুৰুত্বপূৰ্ণ সিদ্ধান্তৰ প্ৰসংগত মুখ্য নিৰ্বাচক অজিত আগৰকাৰে কয় যে বৰ্তমান সময়ৰ টি-২০ ক্ৰিকেটত প্ৰচুৰ প্ৰতিভাৰ মাজতো বৈভৱ সূৰ্যবংশীয়ে নিজৰ…

শ্ৰেণীকোঠাৰ ভিতৰতে একাংশ ছাত্ৰই নিষিদ্ধ মাংস ভক্ষণ কৰাক কেন্দ্ৰ কৰি এক উত্তপ্ত পৰিস্থিতিৰ সৃষ্টি হয় গোৱালপাৰা জিলাত। কৃষ্ণাইৰ হাব্ৰাঘাট উচ্চ মাধ্যমিক বিদ্যালয়ত এই স্পৰ্শকাতৰ ঘটনাটো সংঘটিত হোৱাৰ খবৰ পোহৰলৈ আহে। বিষয়টো জনাজাত হোৱাৰ পিছতে একাংশ অভিভাৱকে তীব্ৰ প্ৰতিবাদ সাব্যস্ত কৰে। ইয়াৰ লগতে তেওঁলোকে বিদ্যালয় কৰ্তৃপক্ষক জবাবদিহি কৰাৰ উপৰি অভিযুক্ত ছাত্ৰ আৰু অভিভাৱকৰ বিৰুদ্ধে বিহিত ব্যৱস্থা গ্ৰহণৰো দাবী জনায়। প্ৰাপ্ত খবৰ অনুসৰি, বিদ্যালয়খনৰ এটা শ্ৰেণীকোঠাৰ ভিতৰত এটা বিশেষ সম্প্ৰদায়ৰ ৫ গৰাকী ছাত্ৰই টিফিনৰ সময়ত নিষিদ্ধ মাংস ভক্ষণ কৰিছিল। ইয়াৰ পিছতে অভিযুক্ত ছাত্ৰকেইজনে শ্ৰেণীকোঠাতে থকা আন দুগৰাকী ভিন্ন সম্প্ৰদায়ৰ ছাত্ৰকো সেই মাংস খাবৰ বাবে বাধ্য কৰিবলৈ চেষ্টা চলাইছিল বুলি গুৰুতৰ অভিযোগ উত্থাপন…

মমতা চৰকাৰৰ পতন ঘটাই বংগত বিজেপিৰ ধ্বজা উৰুওৱাৰ পাছতে এতিয়া একশ্যন মুডত নামি পৰিছে শুভেন্দু চৰকাৰ। ৰাজ্যখনত যোগাযোগ খণ্ডৰ গতি ত্বৰান্বিত কৰাৰ লক্ষ্যৰে শেহতীয়াকৈ ১ লাখ কোটি টকাৰ এক বিশাল ৰেল প্ৰকল্পৰ কথা ঘোষণা কৰে মুখ্যমন্ত্ৰী শুভেন্দু অধিকাৰীয়ে। কেন্দ্ৰীয় ৰেলমন্ত্ৰী অশ্বিনী বৈষ্ণৱৰ সৈতে কলকাতাৰ নবান্ন সভাঘৰত অনুষ্ঠিত হোৱা এক গুৰুত্বপূৰ্ণ বৈঠকৰ পাছতে এই প্ৰকল্পৰ কথা ঘোষণা কৰাৰ লগতে ৰাজ্যৰ আটাইকেইখন জিলাৰ জিলা প্ৰশাসকক প্ৰয়োজনীয় ভূমি হস্তান্তৰৰ এক নিৰ্দিষ্ট সময়সূচী প্ৰস্তুত কৰিবলৈ নিৰ্দেশ দিয়ে মুখ্যমন্ত্ৰীগৰাকীয়ে। বৈঠকত অংশ লোৱাৰ পূৰ্বে নবান্ন সভাঘৰত কেন্দ্ৰীয় ৰেল মন্ত্ৰীগৰাকীৰ সৈতে এক যুটীয়া সংবাদ মেল সম্বোধন কৰে শুভেন্দু অধিকাৰীয়ে। কেন্দ্ৰ আৰু ৰাজ্যৰ সম্পৰ্কৰ প্ৰসংগ উত্থাপন কৰি তেওঁ…

অসমত পূৰ্বৰ তুলনাত নৱজাতকৰ স্বাস্থ্য সুৰক্ষাৰ মানদণ্ড উন্নত হোৱাৰ এক গুৰুত্বপূৰ্ণ পৰিসংখ্যা শেহতীয়াকৈ প্ৰকাশ পাইছে। ৰাজ্যখনত বিগত বিশ বছৰত শিশু মৃত্যুৰ হাৰ লক্ষণীয়ভাৱে হ্ৰাস পোৱাৰ তথ্য সদৰি কৰে ড° হিমন্ত বিশ্ব শৰ্মাই। সামাজিক মাধ্যম এক্সযোগে এই তথ্য ৰাজহুৱা কৰি মুখ্যমন্ত্ৰীগৰাকীয়ে মাতৃ আৰু শিশু স্বাস্থ্য সেৱাৰ সৱলীকৰণৰ লগতে বিভিন্ন কল্যাণকামী আঁচনিৰ বাবেই এই ইতিবাচক পৰিৱৰ্তন সম্ভৱ হোৱা বুলি উল্লেখ কৰে। প্ৰাপ্ত তথ্য অনুসৰি, অসমত ২০০৪ চনত প্ৰতি হাজাৰ জীৱিত শিশুৰ জন্মৰ বিপৰীতে শিশু মৃত্যুৰ হাৰ আছিল ৪৯ শতাংশ। পৰৱৰ্তী সময়ত অৰ্থাৎ ২০২৪ চনত এই পৰিসংখ্যা ২৯ শতাংশলৈ হ্ৰাস পাবলৈ সক্ষম হয়, যাৰ ফলত ৰাজ্যখনৰ শিশু স্বাস্থ্য খণ্ডত এক ডাঙৰ অগ্ৰগতি পৰিলক্ষিত…

পশ্চিম বংগত চৰকাৰী উন্নয়নমূলক আঁচনিসমূহৰ হিতাধিকাৰী বাচনি প্ৰক্ৰিয়াক কেন্দ্ৰ কৰি সৃষ্টি হোৱা চৰম ৰাজনৈতিক সংঘাতৰ মাজতে শাসকীয় দলক তীব্ৰ ভাষাৰে আক্ৰমণ কৰিছে অল ইণ্ডিয়া মজলিছ-ই-ইত্তেহাদুল মুছলিমিন (এআইএমআইএম) ৰ মুৰব্বী আছাদুদ্দিন ওৱেছিয়ে। ৰাজ্যখনত চলি থকা চৰকাৰী আঁচনিসমূহক এজন বিশেষ নেতাৰ ব্যক্তিগত সম্পত্তিৰ দৰে ব্যৱহাৰ কৰাৰ অভিযোগ উত্থাপন কৰিছে হায়দৰাবাদৰ সাংসদগৰাকীয়ে। বিধানসভাৰ বিৰোধী দলপতি শুভেন্দু অধিকাৰীৰ ভূমিকাক লৈ শেহতীয়াকৈ কৰা এক মন্তব্যৰ পাছতে সমগ্ৰ বিষয়টোক লৈ ৰাষ্ট্ৰীয় ৰাজনীতিত তীব্ৰ চাঞ্চল্যৰ সৃষ্টি হৈছে। চৰকাৰী নীতি আৰু ব্যৱস্থাৰ বিৰুদ্ধে সোচ্ছাৰ হৈ আছাদুদ্দিন ওৱেছিয়ে কয়, “পশ্চিম বংগ চৰকাৰে বৰ্তমান এনেদৰে কাম কৰিছে যেন এই সকলোবোৰ আঁচনি ৰাজকুমাৰ শুভেন্দুৰ ব্যক্তিগত পুণ্যৰ কামহে।” চৰকাৰী ধন আৰু প্ৰশাসনক…

দেশৰ শিক্ষা ব্যৱস্থাত সংঘটিত হোৱা ব্যাপক খেলিমেলিক কেন্দ্ৰ কৰি ৰাষ্ট্ৰীয় ৰাজধানীৰ জন্তৰ মন্তৰত সৃষ্টি হৈছে তীব্ৰ প্ৰতিবাদী উত্তাল পৰিস্থিতি। ককৰোচ জনতা পাৰ্টীৰ উদ্যোগত আৰু প্ৰতিষ্ঠাপক অভিজিত দিপকেৰ নেতৃত্বত চলোৱা এই প্ৰতিবাদী কাৰ্যসূচীলৈ মুকলি সমৰ্থন আগবঢ়াইছে প্ৰখ্যাত পৰিৱেশ কৰ্মী সোনম ৱাংচুকে। কেৱল সমৰ্থন আগবঢ়োৱাই নহয়, অভিজিত দিপকে অথবা আন কোনো প্ৰতিবাদকাৰীক আৰক্ষীয়ে গ্ৰেপ্তাৰ কৰিলে ৪২ দিনীয়া অনশন কাৰ্যসূচী ৰূপায়ণ কৰিব বুলিও চৰকাৰক এক গুৰুতৰ সকীয়নি প্ৰদান কৰে ৱাংচুকে। উল্লেখ্য যে, ৰাষ্ট্ৰীয় পৰ্যায়ৰ গুৰুত্বপূৰ্ণ পৰীক্ষা ক্ৰমে নিট, চি ইউ ই টি, চি বি এছ ই আৰু এছ এছ চিৰ পৰীক্ষাত হোৱা অনিয়মৰ বিৰুদ্ধে এই প্ৰতিবাদ সাব্যস্ত কৰা হৈছে। প্ৰতিবাদকাৰীসকলে কেন্দ্ৰীয় শিক্ষা মন্ত্ৰী…

অভিজ্ঞ শিক্ষাবিদসকলৰ দক্ষতা আৰু জ্ঞানক পুনৰ ব্যৱহাৰ কৰাৰ লক্ষ্যৰে এক ব্যতিক্ৰমী পদক্ষেপ গ্ৰহণ কৰিছে ৰাজ্য চৰকাৰে। এই বিশেষ নীতিৰ অধীনতে শিক্ষা বিভাগৰ এগৰাকী ৰাজ্যিক বঁটাপ্ৰাপ্ত অৱসৰপ্ৰাপ্ত শিক্ষকৰ কাৰ্যকাল অতিৰিক্ত এবছৰৰ বাবে বৃদ্ধি কৰাৰ সিদ্ধান্তত অনুমোদন জনোৱা হৈছে। এই সুযোগ লাভ কৰা ধুবুৰী জিলাৰ আগমণিৰ কালডোবা উচ্চ বিদ্যালয়ৰ প্ৰাক্তন প্ৰধান শিক্ষক ড০ মিজানুৰ ৰহমানক যোৱা ৩০ এপ্ৰিলত হোৱা অৱসৰৰ পাছতে পুনৰ সেৱাত মকৰল কৰা হয়। চৰকাৰী সূত্ৰই প্ৰকাশ কৰা অনুসৰি, শিক্ষাক্ষেত্ৰত বিশেষ অৱদানৰ বাবে ৰাজ্যিক বঁটা লাভ কৰা একাংশ নিৰ্বাচিত শিক্ষকক অৱসৰৰ পাছতো এক সীমিত সময়ৰ বাবে সেৱা আগবঢ়াবলৈ অনুমতি দিয়াৰ এক বিশেষ নীতি চৰকাৰে গ্ৰহণ কৰিছে। এই নিয়মৰ অধীনতে ড০…

অসমৰ দ্বিতীয়খন ৰাজধানী হিচাপে ডিব্ৰুগড় চহৰৰ প্ৰসাৰ আৰু বিকাশৰ বাবে এক সুদূৰপ্ৰসাৰী সিদ্ধান্ত গ্ৰহণ কৰিছে ৰাজ্য চৰকাৰে। ডিব্ৰুগড়ক কেন্দ্ৰ কৰি এখন ‘ৰাজ্যিক ৰাজধানী ক্ষেত্ৰ’ গঠন কৰাৰ লগতে ইয়াৰ পৰিকল্পিত বিকাশৰ বাবে এটা সুকীয়া উন্নয়ন প্ৰাধিকৰণ স্থাপনৰ প্ৰস্তাৱত অনুমোদন জনাইছে অসম কেবিনেটে। শুকুৰবাৰে মুখ্যমন্ত্ৰী ড° হিমন্ত বিশ্ব শৰ্মাৰ মন্ত্ৰীসভা সম্প্ৰসাৰণৰ পাছত অনুষ্ঠিত প্ৰথমখন কেবিনেট বৈঠকত এই গুৰুত্বপূৰ্ণ সিদ্ধান্ত লোৱা হয়। প্ৰস্তাৱিত এই ৰাজ্যিক ৰাজধানী ক্ষেত্ৰই ডিব্ৰুগড় ৰাজধানী চৌহদৰ চাৰিওফালে ২০ কিলোমিটাৰ ব্যাসাৰ্ধৰ এলেকাক সামৰি ল’ব। এই সমগ্ৰ অঞ্চলটোৰ পৰিকল্পনা আৰু উন্নয়নৰ দিশসমূহ তদাৰক কৰিবলৈ চৰকাৰে ‘ৰাজ্যিক ৰাজধানী ক্ষেত্ৰ উন্নয়ন প্ৰাধিকৰণ, ডিব্ৰুগড়’ গঠনত সন্মতি দিছে। ডিব্ৰুগড়ৰ দ্বিতীয় ৰাজধানী ক্ষেত্ৰৰ বিকাশৰ সৈতে সংগতি…