Sonakshi Sarkar

বিশ্ব পৰিৱেশ দিৱস উপলক্ষে  অসম যুৱ পৰিষদৰ অন্তৰ্গত মধ্য গুৱাহাটী যুৱ বিধান পৰিষদ উদ্যোগত তথা ৰমেন্দ্ৰ নাৰায়ণ কলিতা অনুৰাগী মঞ্চৰ সহযোগত আজি  মধ্য গুৱাহাটী সমষ্টিৰ আমবাৰী চেগুনবাৰীস্থিত দৈমুগিৰি প্ৰাথমিক বিদ্যালয় চৌহদত এক বৃক্ষৰোপণ  কাৰ্যসূচী  হাতত লোৱা হয়।    কাৰ্যসূচীত প্ৰাক্তন মন্ত্ৰী বিধায়ক তথা এমট্ৰনৰ অধ্যক্ষ  ৰমেন্দ্ৰ নাৰায়ণ কলিতা , ১২ নং ৱাৰ্ডৰ পাৰিষদ দীপাংকৰ বৈশ্য , মধ্য গুৱাহাটী বিধানসভা সমষ্টিৰ ভাৰপ্ৰাপ্ত সভাপতি হেমেন ডেকা, সম্পাদক ভূপেন ঠাকুৰীয়া, অসম যুৱ পৰিষদৰ কেন্দ্ৰীয় সাধাৰণ সম্পাদক তথা মধ্য গুৱাহাটী যুৱ পৰিষদৰ সভাপতি  সুশান্ত দেৱ চৌধুৰী, মধ্য গুৱাহাটী মহিলা বিধান পৰিষদৰ সভানেত্ৰী গীতা ৰাণী কলিতা, মধ্য গুৱাহাটী বিধানসভা সমষ্টিৰ বাবু শৰ্মা,বলেন কলিতা, মহিলা পৰিষদৰ…

২০২৬ ৰ ফ্ৰেন্স অ’পেনৰ পুৰুষৰ একক ফাইনেলত দেওবাৰে আলেকজেণ্ডাৰ ঝভেৰেভ আৰু ফ্লেভিঅ’ ক’ব’লিৰ মাজত অনুষ্ঠিত হ’ব আৰু দুয়োজনে প্ৰথমবাৰৰ বাবে ফ্ৰেন্স অ’পেন জয় কৰাৰ সুযোগ পাব। ঝভেৰেভে জাকুব মেনছিকক পৰাস্ত কৰি ফাইনেলত প্ৰৱেশ কৰাৰ বিপৰীতে মেটিঅ’ আৰ্নাল্ডিয়ে অসুস্থতাৰ বাবে মেচখনৰ পৰা আঁতৰি যোৱাৰ পিছত ক’ব’লিয়ে নিজৰ স্থান নিশ্চিত কৰে। শুকুৰবাৰে ফ্ৰেন্স অ’পেনৰ প্ৰথমখন একক ছেমি ফাইনেলত চেক তাৰকা জাকুব মেনছিকক চাৰিটা ছেটত পৰাস্ত কৰে আলেকজেণ্ডাৰ ঝভেৰেভে। তিনি ঘণ্টা এক মিনিটৰ খেলখনত পেৰিছৰ ক’ৰ্ট ফিলিপ-চেট্ৰিয়াৰৰ বিৰুদ্ধে আলেকজেণ্ডাৰ ঝভেৰেভে জাকুব মেনছিকক ৭-৫, ৬-২, ৩-৬, ৬-৩ ত পৰাস্ত কৰে। দ্বিতীয়বাৰৰ বাবে ফ্ৰেন্স অ’পেনৰ ফাইনেলত প্ৰৱেশ কৰিছে ঝভেৰেভ। জয়ৰ পিছত ঝভেৰেভে কয়-তৃতীয় ছেটত মেনচিকে…

ইউনিফৰ্ম চিভিল কোড (ইউচিচি ) বা সম নাগৰিক সংহিতা আইন বলৱতৰ জৰিয়তে  মুখ্যমন্ত্রী ডঃ হিমন্ত বিশ্ব শৰ্মা নেতৃত্বাধীন ৰাজ্য চৰকাৰে  গ্ৰহণ কৰা শক্তিশালী স্থিতিক ৰাজ্যজুৰি বিভিন্ন পক্ষই   আদৰণি জনোৱাৰ সময়তে মুখ্যমন্ত্ৰী ডঃ হিমন্ত বিশ্ব শর্মাক কৃতজ্ঞতা প্রকাশ কৰিছে  প্ৰাক্তন মন্ত্ৰী তথা অগপ দলৰ জ্যেষ্ঠ নেতা ৰমেন্দ্ৰ নাৰায়ণ কলিতাই। এটা বিবৃতিত ৰমেন্দ্ৰ নাৰায়ণ কলিতাই কয় যে ৰাজ্যবাসীৰ সুৰক্ষিত ভৱিষ্যতৰ বাবে মুখ্যমন্ত্রী ডঃ হিমন্ত বিশ্ব শৰ্মাই এক সময়োপযোগী পদক্ষেপ গ্রহণ কৰিছে। বিশেষকৈ লিভ-ইন ৰিলেচনশ্বিপে সমাজখনৰ বহু ক্ষতি কৰিছে। ইউচিচি বলৱতৰ জৰিয়তে এতিয়াৰে পৰা সমাজৰ বাবে ক্ষতিকাৰক এই ব্যৱস্থা সম্পূৰ্ণ বন্ধ হৈ পৰিব। আজিৰ যুগত এই ব্যৱস্থা সঁচাকৈয়ে বন্ধ কৰাৰ প্ৰয়োজন আছিল। মুখ্যমন্ত্রী…

অহা ১১ জুনৰ পৰা আৰম্ভ হ’বলগীয়া ফিফা বিশ্বকাপ ২০২৬ত মুঠ ৪৮টা দলে অংশগ্ৰহণ কৰিব। ৪৮ টা দলে ইজনে আনজনৰ বিৰুদ্ধে প্ৰতিদ্বন্দ্বিতা কৰি খিতাপ দখল কৰিবলৈ চেষ্টা চলাব। আটাইতকৈ দীঘলীয়া বিৰতিৰ অন্তত বিশ্বকাপলৈ উভতি অহা পাঁচটা দলৰ তালিকা প্ৰস্তুত কৰা হৈছে। যিখন তালিকাত প্ৰথমে আছে ৱেলছ। ৱেলছ (১৯৫৮-২০২২): ফিফা বিশ্বকাপত পুনৰ অংশগ্ৰহণৰ বাবে আটাইতকৈ বেছি সময় অপেক্ষা কৰিছিল ৱেলছ। ১৯৫৮ চনৰ বিশ্বকাপত খেলাৰ পিছত ৱেলছে ২০২২ চনত পৰৱৰ্তী বিশ্বকাপ খেলিছিল।অৰ্থাৎ এই মেগা ইভেণ্টলৈ দলটোৱে ঘূৰি আহিবলৈ ৬৪ বছৰ সময় লাগিছিল। অৱশ্যে তেওঁলোকৰ উভতি অহাটো ভাল নাছিল, আৰু ৱেলছ গ্ৰুপ পৰ্যায়ত বাহিৰ হৈছিল। ইজিপ্ত (১৯৩৪-১৯৯০): ১৯৩৪ চনৰ ফিফা বিশ্বকাপত খেলাৰ পিছত ইজিপ্তই…

টীম ইণ্ডিয়াৰ পৰৱৰ্তী টি-২০ অধিনায়ক হ’ব শ্ৰেয়াছ আয়াৰ। শীঘ্ৰে আনুষ্ঠানিক ঘোষণা হোৱাৰ সম্ভাৱনা আছে। টি-২০ৰ অধিনায়ক হিচাপে ভাৰতীয় দলত সূৰ্যকুমাৰ যাদৱৰ ঠাইত আয়াৰে স্থান লাভ কৰিব। এক প্ৰতিবেদন অনুসৰি শ্ৰেয়াছ আয়াৰক টি-২০ৰ অধিনায়ক হিচাপে নিযুক্তি দিয়াৰ চূড়ান্ত সিদ্ধান্ত বৃহস্পতিবাৰে বিচিচিআই এপেক্স কাউন্সিলৰ অনলাইন বৈঠকৰ সময়ত লোৱা হ’ব। ইতিমধ্যে টিম ইণ্ডিয়াৰ নতুন টি-২০ অধিনায়ক সন্দৰ্ভত আলোচনা পূৰ্ণগতিত চলি আছিল; এতিয়া এই বিষয়টোক লৈ থকা চাচপেন্স প্ৰায় শেষ হৈছে। বি চি চি আই এপেক্স কাউন্সিলৰ বৈঠকৰ সময়ত শ্ৰেয়াছ আয়েৰৰ নাম অনুমোদন পোৱাৰ পিছত এই সিদ্ধান্তৰ বিষয়ে আন নিৰ্বাচকসকলক আনুষ্ঠানিকভাৱে অৱগত কৰিব মুখ্য নিৰ্বাচক অজিত আগৰকাৰে। টি-২০ৰ অধিনায়ক হিচাপে সঞ্জু চেমছনক নিযুক্তি দিয়াৰ…

দিল্লীৰ মালভিয়া নগৰৰ ফ্ল’ৰিছ ষ্টে হোটেলত বুধবাৰে পুৱা সংঘটিত হোৱা অগ্নিকাণ্ডত ২১ জন লোকৰ মৃত্যু হয়। নিহতসকলৰ অধিকাংশই মধ্য এছিয়া আৰু আফ্ৰিকাৰ বিদেশী নাগৰিক। নিহত বিদেশী নাগৰিকৰ সঠিক সংখ্যা বৰ্তমান জানিব পৰা হোৱা নাই। দিল্লী অগ্নিনিৰ্বাপক বাহিনীৰ লগতে স্থানীয় ৰাইজৰ মতে, পুৱা ৮:৫০ বজাত মালভিয়া নগৰৰ এই হোটেলখনৰ ৰেষ্টুৰেণ্টত অগ্নিকাণ্ড সংঘটিত হয়। অগ্নিকাণ্ডৰ ফলত ওপৰৰ মহলা আৰু বেছমেণ্টলৈ বিয়পি পৰে। এই ঘটনাৰ ভিডিঅ’ত দেখা গৈছে যে জ্বলি থকা অট্টালিকাটোৰ তৃতীয় আৰু চতুৰ্থ মহলাৰ পৰা জপিয়াই নিজৰ জীৱন ৰক্ষা কৰিছে বহুকেইজনে। মুঠ ৪০ জন লোকক উদ্ধাৰ কৰা হৈছে, ইয়াৰে বহুতৰে অৱস্থা সংকটজনক। ছয়জনতকৈ অধিক লোককো বেছমেণ্টৰ পৰা উলিয়াই অনা হয়। এই…

ৰাষ্ট্ৰীয় শিক্ষাৰ্থী বাহিনীৰ  গুৱাহাটীস্থিত  প্ৰথম  আসাম  বেটেলিয়ান এন চি চিৰ   সামূহিক বাৰ্ষিক প্ৰশিক্ষণ শিবিৰ ২৩ মে'ৰ  পৰা পহিলা জুনলৈ দহদিনীয়াকৈ নলবাৰীৰ জৱাহৰ নৱোদয় বিদ্যালয়ত  অনুষ্ঠিত হয়।  দহদিনীয়া সামূহিক বাৰ্ষিক প্ৰশিক্ষণ শিবিৰত (চি এ টি চি) বেটেলিয়ানৰ অধীনৰ গুৱাহাটী , নলবাৰী , ৰঙিয়া আৰু তামূলপুৰ আদিৰ বিভিন্ন শিক্ষা প্ৰতিষ্ঠানৰ ৫২০ জন  জুনিয়ৰ আৰু ছিনিয়ৰ ডিভিজনৰ লৰা আৰু ছোৱালী কেডেটে  ভাগ লয়। দহদিনীয়া শিবিৰত কেডেট সকলক  শাৰীৰিক অনুশীলন, সামৰিক প্ৰশিক্ষণ ,  ৰাইফল চালনা, পেৰেড, ড্ৰিল, যুদ্ধত শত্ৰুক পৰাজিত কৰাৰ কৌশল, ব্যক্তিত্ব বিকাশ, দক্ষতা বিকাশ, মানসিক ভাবে সৱল হৈ থকাৰ উপায় , সেনাকে ধৰি সশস্ৰ বাহিনীত ভৰ্ত্তি বা নিযুক্তি লাভৰ  উপায় আদিৰ  প্ৰশিক্ষণ…

গুৱাহাটীৰ পাণ্ডুঘাটস্থিত পাণ্ডুনাথ দেৱালয় (প্ৰাচীন গণেশ মন্দিৰ) চৌহদত ৩১ মে'ত ১২টা সাৰ্বজনীন শৌচাগাৰ কমপ্লেক্সৰ উদ্বোধন কৰা হয়। উদ্বোধনী অনুষ্ঠানত বিশিষ্ট উদ্যোগপতি আৰু সমাজসেৱক কৈলাশ চন্দ্ৰ লোহিয়া মুখ্য অতিথি হিচাপে আৰু প্ৰদীপ ভাৰেচ সন্মানীয় অতিথি তথা ওমপ্ৰকাশ খাকোলিয়া বিশেষ অতিথি হিচাপে উপস্থিত থাকে । দেৱভক্ত, পৰ্যটক আৰু সাধাৰণ জনসাধাৰণৰ বাবে উন্নত স্বাস্থ্যসন্মত অনাময় সুবিধা প্ৰদানৰ উদ্দেশ্যে এই শৌচাগাৰসমূহ নাৰেংগীস্থিত এইচ. এল. পোদ্দাৰ ফাউণ্ডেচনৰ প্ৰতিষ্ঠাপক অজয় পোদ্দাৰ আৰু কাঞ্চন পোদ্দাৰৰ উদ্যোগত নিৰ্মাণ আৰু পৃষ্ঠপোষকতা কৰা হৈছে। বিশেষকৈ অম্বুবাচী মেলা আৰু অন্যান্য ধৰ্মীয় সমাৱেশৰ সময়ত আগমন ঘটা হাজাৰ হাজাৰ ভক্তৰ সুবিধাৰ প্ৰতি লক্ষ্য ৰাখি এই ব্যৱস্থা গ্ৰহণ কৰা হৈছে । অনুষ্ঠানত অজয় পোদ্দাৰে…