অসম

14 Apr

বিহাৰৰ ইটাভাটাত আৱদ্ধ ধুবুৰীৰ ৪৭ শ্ৰমিকক উদ্ধাৰ; মালিকক গ্ৰেপ্তাৰ

Paromita0 Commentsঅসম

সংস্থাপনৰ সন্ধানত বিহাৰলৈ গৈ ইটাভাটাত আৱদ্ধ হৈ পৰা অসমৰ দুকুৰিৰো অধিক শ্ৰমিক অৱশেষত উভতিল ঘৰলৈ। বিহাৰ আৰক্ষীৰ সহযোগত ধুবুৰীৰ ৪৭ গৰাকী বঁধুৱা শ্ৰমিকক উদ্ধাৰ কৰি সোমবাৰে নিৰাপদে নিজ জিলালৈ ওভতাই অনা হয়। পুৰুষ, মহিলা আৰু শিশুসহ এই বৃহৎ দলটোক চাহাৰ্ছা আৰক্ষীয়ে দুখন বিশেষ বাছেৰে লৈ আহি ধুবুৰী আৰক্ষীক গতাই দিয়ে। জানিব পৰা মতে, চাহাৰ্ছা জিলাৰ কাহাৰা ব্লকৰ 'ষ্টাৰ মাৰ্কা' নামৰ ইটাভাটাটোত যোৱা প্ৰায় সাত মাহ ধৰি ধুবুৰীৰ এই লোকসকলক বন্দী কৰি ৰখা হৈছিল। ইটাভাটাটোত শ্ৰমিকৰ ওপৰত চলোৱা পাশৱিক আক্ৰমণৰ অভিযোগত স্বত্বাধিকাৰী মহম্মদ ওৱাইচ কাৰ্ণিক ইতিমধ্যে বিহাৰ আৰক্ষীয়ে গ্ৰেপ্তাৰ কৰিছে। সকলো শ্ৰমিক আৰু তেওঁলোকৰ সন্তানক সুকলমে ওভতাই অনাৰ কথা নিশ্চিত কৰিছে…

Read More

13 Apr

মালিগাঁৱত ‘জুবিন গাৰ্গ ৰেলৱে বিহুতলী সাংস্কৃতিক কেন্দ্ৰ মুকলি ; স্থায়ী ঠিকনা পালে পাণ্ডু বিহু সন্মিলনীয়ে

Sonakshi Sarkar0 Commentsঅসম

অসমৰ মিনি ইণ্ডিয়া হিচাপে পৰিগণিত হৈ অহা তথা বিভিন্ন জাতি-জনজাতি, ভাষা-ভাষী লোকৰ  মিলনভূমি মালিগাঁৱত বাস কৰা বিভিন্ন ধর্মালম্বী লোকসকলে মিলি ৬৪ টা বছৰে বিহু উদযাপন কৰি আহিছে। পাণ্ডু বিহু সম্মিলনী , মালিগাঁৱে  বিভিন্ন ঘাট-প্রতিঘাটৰ মাজেৰে আহি ৬৫ বছৰত ভৰি দিলে। কিছু বছৰৰ পৰা মালিগাঁৱ ৰেলৱে ষ্টেডিয়ামত উদযাপন কৰি অহা  বিহুখনৰ বাবে অলপ জটিলতা আহি পৰিছিল। বিহু উদযাপনৰ বাবে কমেও এমাহৰ বাবে বিভিন্ন খেলৰ অনুশীলন বন্ধ হৈ পৰিছিল ৰেলৱে ষ্টেডিয়ামখনত। ইয়াৰ পৰিপ্ৰেক্ষিতত বিষয়টোৰ এটা স্থায়ী সমাধান সূত্ৰ আৰু সন্মিলনীৰ এটা স্থায়ী ঠিকনা বিচাৰি উত্তৰ পূব সীমান্ত ৰেলৱেৰ অগ্ৰণী ট্ৰেড ইউনিয়ন এন এফ ৰেলৱে এম্পলইজ ইউনিয়নৰ কেন্দ্ৰীয় সাধাৰণ সম্পাদক মুনীন্দ্র শইকীয়া ,…

Read More

11 Apr

প্ৰধানমন্ত্ৰীৰ নিৰ্বাচনী প্ৰতিশ্ৰুতি; পশ্চিমবংগত বিজেপি চৰকাৰ আহিলে কাৰ্যকৰী হ’ব অভিন্ন দেৱানী বিধি

Paromita0 Commentsঅসম

পশ্চিমবংগত বিজেপি শাসনলৈ আহিলে ৰাজ্যখনত অভিন্ন দেৱানী বিধি (ইউচিচি) কাৰ্যকৰী হ’ব। শনিবাৰে মুৰ্ছিদাবাদ জিলাৰ জঙ্গীপুৰত এক বিশাল নিৰ্বাচনী জনসভাত অংশ লৈ এই ঘোষণা কৰে প্ৰধানমন্ত্ৰী নৰেন্দ্ৰ মোদীয়ে। তেওঁ কয় যে বংগৰ পৰা তুষ্টিকৰণৰ ৰাজনীতি চিৰদিনৰ বাবে সমাপ্ত কৰিবলৈ তেওঁলোক দায়বদ্ধ। ৰাজ্যখনত বঙালীসকলক কেতিয়াও সংখ্যালঘু হ’বলৈ দিয়া নহ’ব বুলিও এই জনসভাত মন্তব্য কৰে প্ৰধানমন্ত্ৰীগৰাকীয়ে। কেন্দ্ৰীয় গৃহমন্ত্ৰী অমিত শ্বাহে শুকুৰবাৰে মুকলি কৰা বিজেপিৰ নিৰ্বাচনী ইস্তাহাৰক পশ্চিমবংগৰ মহাজংঘলী ৰাজৰ অন্ত পেলাব পৰা এক শক্তিশালী ৰোডমেপ বুলি অভিহিত কৰে প্ৰধানমন্ত্ৰীয়ে। তেওঁৰ মতে দেশৰ নিৰাপত্তাই বিজেপিৰ বাবে আটাইতকৈ অগ্ৰাধিকাৰৰ বিষয়। সেই লক্ষ্যৰেই ৰাজ্যখনত ছমাহৰ ভিতৰত ইউ চি চি বলবৎ কৰাৰ পৰিকল্পনা কৰা হৈছে। বংগৰ স্বকীয়…

Read More

11 Apr

পশ্চিমবংগত অন্ত পৰিব তৃণমূলৰ ‘চিণ্ডিকেট ৰাজ’; বিজেপি চৰকাৰ আহিলে মহিলাৰ সুৰক্ষা নিশ্চিত কৰাৰ প্ৰতিশ্ৰুতি অমিত শ্বাহৰ

Paromita0 Commentsঅসম

পশ্চিমবংগত বিজেপি শাসনলৈ আহিলে অন্ত পৰিব তৃণমূল কংগ্ৰেছৰ ‘চিণ্ডিকেট ৰাজ’। ৰাজ্যখনৰ নিৰ্বাচনী পৰিৱেশৰ মাজতে শনিবাৰে এই দাবী কৰে কেন্দ্ৰীয় গৃহমন্ত্ৰী অমিত শ্বাহে। বাঁকুৰা জিলাৰ ছাটনাত এখন বিশাল নিৰ্বাচনী সভাত অংশ লৈ তেওঁ কয় যে ৰাজ্যখনত মহিলাৰ বিৰুদ্ধে চলা অমানৱীয় কাৰ্যত জড়িত প্ৰতিজন দোষীকে কাঠগড়ালৈ অনা হ’ব। এই নিৰ্বাচনত মমতা বেনাৰ্জীৰ চৰকাৰক বিদায় দিয়াৰ সময় সমাগত বুলিও তেওঁ মন্তব্য কৰে। মুখ্যমন্ত্ৰী মমতা বেনাৰ্জীয়ে ভোটাৰৰ সহানুভূতি লাভ কৰিবলৈ ‘ভিক্টিম কাৰ্ড’ খেলি থকা বুলি গুৰুতৰ অভিযোগ উত্থাপন কৰে গৃহমন্ত্ৰীগৰাকীয়ে। শ্বাহৰ মতে, কেতিয়াবা ভৰিত বা কেতিয়াবা মূৰত বেণ্ডেজ বান্ধি মমতাই ৰাইজৰ দৃষ্টি আকৰ্ষণৰ চেষ্টা চলাই আহিছে। পশ্চিমবংগৰ সচেতন জনসাধাৰণে এইবাৰ তৃণমূলৰ প্ৰলোভনত ভোল নাযায়…

Read More

11 Apr

সংসদ ভৱনত মোদী-ৰাহুলৰ সৌজন্যমূলক সাক্ষাৎ; জ্যোতিবা ফুলেৰ জন্মজয়ন্তীত দুয়ো নেতাৰ আকস্মিক বাৰ্তালাপ

Paromita0 Commentsঅসম

ৰাজনৈতিক মতাদৰ্শৰ তীব্ৰ সংঘাতৰ মাজতেই সংসদ ভৱনৰ প্ৰাংগণত শনিবাৰে প্ৰধানমন্ত্ৰী নৰেন্দ্ৰ মোদী আৰু বিৰোধী দলপতি ৰাহুল গান্ধী এক অভূতপূৰ্ব সৌজন্যমূলক সাক্ষাতত মিলিত হয়। মহাত্মা জ্যোতিবা ফুলেৰ ২০০তম জন্মজয়ন্তী উপলক্ষে আয়োজিত এক অনুষ্ঠানত অংশ ল’বলৈ গৈ দুয়ো নেতা আকস্মিকভাৱে মুখামুখি হোৱা কাৰ্যই দেশৰ ৰাজনৈতিক মহলত এতিয়া লাভ কৰিছে বিশেষ চৰ্চা। ৰাজহুৱা মঞ্চত সাধাৰণতে তীব্ৰ বাক-বিতণ্ডাত লিপ্ত হোৱা দেখা যায় যদিও ব্যক্তিগত পৰ্যায়ত আজি পোহৰলৈ আহে দুয়োৰে মাজত সংলাপৰ এক বিৰল মুহূৰ্ত। শনিবাৰে পুৱা প্ৰধানমন্ত্ৰী মোদীয়ে নিজ বাহনৰ পৰা নামিয়েই লোকসভাৰ বিৰোধী দলপতি ৰাহুল গান্ধীক প্ৰত্যক্ষ কৰে। ইয়াৰ পাছতেই তেওঁ আগবাঢ়ি গৈ বিৰোধী দলপতিগৰাকীৰ সৈতে বাৰ্তালাপত মগ্ন হয়। ভাইৰেল হোৱা এক ভিডিঅ’ত…

Read More

11 Apr

বৃদ্ধি পাইছে ধনী আৰু দুখীয়া ৰাষ্ট্ৰৰ ব্যৱধান; ৰাষ্ট্ৰসংঘৰ শেহতীয়া প্ৰতিবেদনত উন্মোচন বিশ্ব অৰ্থনীতিৰ উদ্বেগজনক ছবি

Paromita0 Commentsঅসম

বিশ্বৰ চহকী আৰু দৰিদ্ৰ দেশসমূহৰ মাজত থকা অৰ্থনৈতিক ব্যৱধান পূৰ্বতকৈ অধিক বৃদ্ধি পোৱা কাৰ্যই এতিয়া চিন্তিত কৰি তুলিছে আন্তঃৰাষ্ট্ৰীয় মহলক। ৰাষ্ট্ৰসংঘৰ এক শেহতীয়া প্ৰতিবেদনত প্ৰকাশ পোৱা অনুসৰি, বৈশ্বিক বিত্তীয় প্ৰতিষ্ঠানসমূহৰ সংস্কাৰৰ বাবে যোৱা বৰ্ষত গ্ৰহণ কৰা সিদ্ধান্তসমূহ কাৰ্যকৰী নোহোৱাৰ বাবে এই সংকট গভীৰ হৈ পৰিছে। ২০৩০ চনৰ ভিতৰত উন্নয়নমূলক লক্ষ্যত উপনীত হোৱাৰ যি ব্লু-প্ৰিণ্ট প্ৰস্তুত কৰা হৈছিল, সেয়া এতিয়াও কেৱল এক প্ৰতিশ্ৰুতি হৈয়ে ৰৈছে। আন্তঃৰাষ্ট্ৰীয় মুদ্ৰা নিধি আৰু বিশ্ব বেংকৰ আগন্তুক বসন্তকালীন বৈঠকৰ পূৰ্বে এই প্ৰতিবেদন ৰাজহুৱা কৰা হৈছে। আইএমএফৰ পৰিচালন সঞ্চালক ক্ৰিষ্টালিনা জৰ্জিভাই জনোৱা মতে, বৈশ্বিক বিকাশৰ হাৰ বৃদ্ধিৰ বাবে প্ৰস্তুতি চলোৱা হৈছিল যদিও ইৰাণ যুদ্ধই বিশ্ব অৰ্থনীতিৰ ভৱিষ্যত…

Read More

10 Apr

মথুৰাৰ যমুনাত নাও ডুবি ১০ তীৰ্থযাত্ৰীৰ কৰুণ মৃত্যু; উদ্ধাৰ অভিযানত নিয়োজিত এনডিআৰএফ আৰু সেনা

Paromita0 Commentsঅসম

উত্তৰ প্ৰদেশৰ বৃন্দাবনৰ যমুনাত আজি দুপৰীয়া সংঘটিত হয় এক ভয়ংকৰ নাও দুৰ্ঘটনা। প্ৰায় ৩০ গৰাকী যাত্ৰী কঢ়িয়াই নিয়া এখন ষ্টিমাৰ যমুনাত ডুব যোৱাৰ ফলত প্ৰাণ হেৰুৱায় অতিকমেও ১০ গৰাকী তীৰ্থযাত্ৰীয়ে। মৃতকৰ ভিতৰত আছে ছয়গৰাকী মহিলা আৰু চাৰিগৰাকী পুৰুষ। পঞ্জাবৰ পৰা ধৰ্মীয় ভ্ৰমণৰ বাবে অহা এই যাত্ৰীসকলৰ মৃত্যুত এতিয়া সমগ্ৰ বৃন্দাবনত শোকৰ ছাঁ পৰিছে। বিখ্যাত বাঁকে বিহাৰী মন্দিৰৰ সমীপত বিয়লি প্ৰায় ৩ বজাত এই দুৰ্ঘটনাটো সংঘটিত হয়। ঘটনাৰ খবৰ পোৱাৰ লগে লগে উদ্ধাৰ অভিযান আৰম্ভ কৰে সেনা আৰু ৰাষ্ট্ৰীয় দুৰ্যোগ সঁহাৰি বাহিনীয়ে। গাজিয়াবাদৰ পৰাও এটি বিশেষ দল উপস্থিত হৈছে বৃন্দাবনত। স্থানীয় আৰক্ষীৰ সূত্ৰই প্ৰকাশ কৰা মতে দুখন ষ্টিমাৰেৰে তীৰ্থযাত্ৰীৰ দলটো গৈ…

Read More

10 Apr

অসম নিৰ্বাচনত ৰক্তক্ষয়ী সংঘৰ্ষ; ৰাজ্যৰ বিভিন্ন প্ৰান্তত ৩০ জন আহত, ৭ জনক আটক

Paromita0 Commentsঅসম

অসম বিধানসভাৰ নিৰ্বাচনক কেন্দ্ৰ কৰি ৰাজ্যৰ কেইবাখনো জিলাত কালি সৃষ্টি হয় তীব্ৰ নিৰ্বাচনী হিংসাত্মক পৰিস্থিতিৰ। ভোটগ্ৰহণৰ দিনা হোৱা এই বিক্ষিপ্ত ঘটনাসমূহত প্ৰায় ৩০ জন লোক আহত হোৱাৰ লগতে আৰক্ষীয়ে বৰ্তমানলৈকে ৭ জনক গ্ৰেপ্তাৰ কৰিছে। শ্ৰীভূমি জিলাৰ পাথাৰকান্দি সমষ্টিত কংগ্ৰেছ প্ৰাৰ্থী কাৰ্তিক সেনা সিনহাই ইভিএম ভাঙি পেলোৱাক কেন্দ্ৰ কৰি পৰিস্থিতি অধিক উত্তেজনাপূৰ্ণ হৈ পৰে। পাথাৰকান্দিৰ ৰঙামাটি ভোটকেন্দ্ৰত ভুৱা ভোটদানৰ অভিযোগ তুলি প্ৰাৰ্থী সিনহাই প্রিজাইডিং অফিচাৰৰ সৈতে তৰ্কত লিপ্ত হয়। আৰক্ষীৰ সূত্ৰই জনোৱা মতে, সিনহাই ইভিএম ভঙাৰ পাছতেই বিজেপি আৰু কংগ্ৰেছ কৰ্মীৰ মাজত ৰক্তক্ষয়ী সংঘৰ্ষ আৰম্ভ হয়। এই ঘটনাত প্ৰায় ২৫ জন লোক আহত হয় আৰু ইয়াৰে দুজনৰ অৱস্থা সংকটজনক হোৱাত তেওঁলোকক…

Read More

10 Apr

নগদ ধন উদ্ধাৰ বিতৰ্ক: মহাভিযোগৰ মাজতে পদত্যাগ এলাহাবাদ উচ্চ ন্যায়ালয়ৰ ন্যায়াধীশ যশৱন্ত বাৰ্মাৰ

Paromita0 Commentsঅসম

বাসগৃহত জ্বলি যোৱা নগদ ধন উদ্ধাৰ হোৱাক কেন্দ্ৰ কৰি দেশজুৰি অব্যাহত থকা প্ৰতিক্ৰিয়াৰ মাজতে আজি পদত্যাগ কৰে এলাহাবাদ উচ্চ ন্যায়ালয়ৰ ন্যায়াধীশ যশৱন্ত বাৰ্মাই। মহাভিযোগৰ দৰে গুৰুতৰ আইনী প্ৰক্ৰিয়াৰ সন্মুখীন হোৱা ন্যায়াধীশগৰাকীয়ে কালি ৰাষ্ট্ৰপতি দ্ৰৌপদী মুৰ্মুলৈ প্ৰেৰণ কৰে নিজৰ পদত্যাগ পত্ৰ। ভ্ৰষ্টাচাৰৰ অভিযোগক লৈ দীৰ্ঘদিন ধৰি চলা বিতৰ্কৰ মাজতে গ্ৰহণ কৰা এই সিদ্ধান্তই এতিয়া দেশৰ আইনী মহলত তীব্ৰ চাঞ্চল্যৰ সৃষ্টি কৰিছে। ৰাষ্ট্ৰপতিলৈ লিখা পত্ৰখনত ন্যায়াধীশ যশৱন্ত বাৰ্মাই কয়, "মই গভীৰ দুখেৰে এলাহাবাদ উচ্চ ন্যায়ালয়ৰ ন্যায়াধীশৰ পদৰ পৰা পদত্যাগ কৰিছোঁ। এই পদত কাৰ্যনিৰ্বাহ কৰাটো মোৰ বাবে এক সন্মানৰ বিষয় আছিল।" অৱশ্যে পদত্যাগৰ কোনো নিৰ্দিষ্ট কাৰণ তেওঁ পত্ৰখনত স্পষ্টকৈ উল্লেখ কৰা নাই। উল্লেখ্য…

Read More

10 Apr

সামান্য সকাহ! পৱন খেড়াক এসপ্তাহৰ বাবে অন্তৱৰ্তীকালীন জামিন তেলেংগানা উচ্চ ন্যায়ালয়ৰ

Paromita0 Commentsঅসম

অসমৰ মুখ্যমন্ত্ৰী ড° হিমন্ত বিশ্ব শৰ্মাৰ পত্নী ৰিণিকি ভূঞা শৰ্মাই ৰুজু কৰা এক গোচৰত আজি তেলেংগানা উচ্চ ন্যায়ালয়ৰ পৰা সাময়িক সকাহ লাভ কৰে কংগ্ৰেছৰ জ্যেষ্ঠ নেতা পৱন খেড়াই। ন্যায়ালয়ে খেড়াক এসপ্তাহৰ বাবে অন্তৱৰ্তীকালীন জামিন মঞ্জুৰ কৰিছে। ন্যায়াধীশ কে সুজনাই আজি এই ৰায়দান কৰি জনায় যে আবেদনকাৰীক সংশ্লিষ্ট আদালতত আবেদন দাখিল কৰিবলৈ এসপ্তাহৰ সময় দিয়া হৈছে। উক্ত শুনানিৰ সময়ত খেড়াৰ হৈ জ্যেষ্ঠ অধিবক্তা অভিষেক মনু সিংভীয়ে যুক্তি দৰ্শায় যে এয়া কেৱল এক মানহানিৰ গোচৰহে। ৰাজনৈতিক উদ্দেশ্যপ্ৰণোদিতভাৱে খেড়াক হাৰাশাস্তি কৰিবলৈকে আৰক্ষীক ব্যৱহাৰ কৰা হৈছে বুলিও তেওঁ আদালতত মন্তব্য কৰে। সিংভীৰ মতে, এজন ৰাজনৈতিক বিৰোধীক নিমাত কৰিবলৈ আইনৰ অপব্যৱহাৰ কৰি এনেদৰে গ্ৰেপ্তাৰৰ ভাবুকি…

Read More