11
May
১২ বছৰীয়া ব্যৰ্থতাৰ বোজা দেশৰ জনসাধাৰণৰ ওপৰত জাপি দিয়াটো বিজেপি চৰকাৰৰ এক চৰিত্ৰ হৈ পৰিছে। পশ্চিম এছিয়াৰ যুদ্ধৰ পৰিপ্ৰেক্ষিতত দেশত দেখা দিয়া অৰ্থনৈতিক সংকটৰ মাজতে প্ৰধানমন্ত্ৰী নৰেন্দ্ৰ মোদীয়ে জনসাধাৰণক মিতব্যয়ী হোৱাৰ যি আহ্বান জনাইছে, তাক লৈ সোমবাৰে এইদৰে তীব্ৰ আক্ৰমণ চলায় লোকসভাৰ বিৰোধী দলপতি ৰাহুল গান্ধীয়ে। কংগ্ৰেছ আৰু বিজেপিৰ মাজত আৰম্ভ হোৱা এই নতুন বাকযুদ্ধই এতিয়া ৰাষ্ট্ৰীয় ৰাজনীতি উত্তপ্ত কৰি তুলিছে। প্ৰধানমন্ত্ৰীৰ এই মন্তব্যক চৰকাৰৰ ব্যৰ্থতাৰ প্ৰমাণ বুলি অভিহিত কৰি ৰাহুল গান্ধীয়ে কয় যে চৰকাৰে দেশৰ অৰ্থনীতিক এনে এক পৰ্যায়লৈ ঠেলি দিছে য'ত এতিয়া নাগৰিকক কি কিনিব লাগে বা কেনেকৈ জীয়াই থাকিব লাগে তাৰ উপদেশ দিয়া হৈছে। তেওঁ কয়, "মোদী…
