02
Jul
কামৰূপ (মেট্ৰ’) জিলা আৰু সত্ৰ ন্যায়াধীশ আদালতে অসমৰ জনপ্ৰিয় কণ্ঠশিল্পী জুবিন গাৰ্গৰ পত্নী গৰিমা শইকীয়া গাৰ্গৰ অনুকূলে উত্তৰাধিকাৰী প্ৰমাণপত্ৰ জাৰি কৰিছে। ইয়াৰ জৰিয়তে তেওঁক জুবিন গাৰ্গৰ বিত্তীয় সম্পত্তি আৰু বেংক একাউণ্টৰ ওপৰত আইনী অধিকাৰ প্ৰদান কৰা হৈছে। বুধবাৰে জিলা আৰু সত্ৰ ন্যায়াধীশৰ কাৰ্যালয়ৰ পৰা গৰিমাই প্ৰমাণপত্ৰখন সংগ্ৰহ কৰে। নথিখন লাভ কৰাৰ পিছতেই আদালত চৌহদত তেওঁ আবেগিক হৈ পৰে। সংবাদ মাধ্যমৰ আগত গৰিমাই কয় যে এনে পৰিস্থিতিত তেওঁ কেতিয়াও উত্তৰাধিকাৰী প্ৰমাণপত্ৰ ল’বলগীয়া হ’ব বুলি কল্পনা কৰা নাছিল। “যি কৰিছিলোঁ, আমি সদায় একেলগে থাকিম বুলি ভাবিয়েই কৰিছিলোঁ। জীৱনত এনেদৰে উত্তৰাধিকাৰী প্ৰমাণপত্ৰ ল’বলগীয়া হ’ব বুলি কেতিয়াও বিচৰা নাছিলোঁ। আজি পোৱাৰ পিছতো মই শান্তি…
