Blog

জলবায়ু পৰিৱৰ্তন আৰু বৰ্তমানৰ তথাকথিত উন্নয়নৰ আৰ্হিয়ে অসমৰ বান পৰিস্থিতিক অধিক ভয়াৱহ আৰু বিধ্বংসী কৰি তুলিছে। এই উদ্বেগ প্ৰকাশ কৰিছে অসম নাগৰিক সন্মিলনে। কেৱল সাময়িক সকাহ আৰু মথাউৰি মেৰামতিৰ পৰিৱৰ্তে সমগ্ৰ নদী আৰু প্ৰাকৃতিক পৰিৱেশ তন্ত্ৰক লৈ এক সৰ্বাংগীন তথা বৈজ্ঞানিক পদক্ষেপ গ্ৰহণৰ দাবী তুলি শুকুৰবাৰে এক বিবৃতিযোগে স্পষ্ট কৰি দিয়ে নাগৰিক সমাজে। সংগঠনটোৰ তৰফৰ পৰা প্ৰকাশ কৰা অনুসৰি, ১৯৫০ চনৰ প্ৰলয়ংকাৰী ভূমিকম্পই অসমৰ কেইবাখনো নদীৰ গতিপথ সলনি কৰাৰ লগতে ব্ৰহ্মপুত্ৰৰ বুকুত পলস পেলাই নদীৰ গভীৰতা হ্ৰাস কৰিছিল। পৰৱৰ্তী সময়ত বান নিয়ন্ত্ৰণৰ বাবে মথাউৰি নিৰ্মাণ কৰা হৈছিল যদিও এই পদক্ষেপৰ দীৰ্ঘম্যাদী উপযোগিতাক লৈ এতিয়াও প্ৰশ্ন থাকি গৈছে। পূৰ্বতে বানপানীয়ে প্ৰাকৃতিকভাৱে…

মেঘালয়ত অসমৰ বাহন আৰু চালকসকলৰ ওপৰত চলি থকা নিৰ্যাতনৰ প্ৰতিবাদত চুবুৰীয়া ৰাজ্যখনলৈ পেট্ৰ'ল, ডিজেল আৰু এলপিজি কঢ়িওৱা সকলো ধৰণৰ বাহনৰ চলাচল অনিৰ্দিষ্টকালৰ বাবে বন্ধ ঘোষণা কৰিছে উত্তৰ-পূব পেট্ৰ'লিয়াম মজদুৰ ইউনিয়নে। মেঘালয় চৰকাৰে অসমৰ পঞ্জীয়নভুক্ত বাণিজ্যিক তথা পৰ্যটন বাহনসমূহৰ সম্পূৰ্ণ সুৰক্ষা নিশ্চিত নকৰালৈকে এই সিদ্ধান্ত বাহাল থাকিব বুলি শুকুৰবাৰে স্পষ্ট কৰি দিয়ে শ্ৰমিক সংগঠনটোৱে। সংগঠনটোৰ সাধাৰণ সম্পাদক ৰমেন ডেকাই জনোৱা অনুসৰি, মেঘালয়ৰ বিভিন্ন প্ৰান্তত সৃষ্টি হোৱা অশান্ত পৰিস্থিতিৰ প্ৰতি লক্ষ্য ৰাখি ৰাজ্যখনত পেট্ৰ'লিয়ামজাত সামগ্ৰী উঠোৱা আৰু নমাোৱা কাৰ্যও সম্পূৰ্ণৰূপে স্থগিত ৰখা হৈছে। এই সন্দৰ্ভত স্থিতি স্পষ্ট কৰি সাধাৰণ সম্পাদকগৰাকীয়ে কয়, "যিহেতু পেট্ৰ'লিয়ামজাত সামগ্ৰীসমূহ অত্যন্ত দাহ্য পদাৰ্থ, গতিকে বাহন আৰু চালকসকলৰ নিৰাপত্তাৰ…

উত্তপ্ত পৰিস্থিতি আৰু আক্ৰমণৰ মুখামুখি হৈও অসীম সাহস আৰু উপস্থিত বুদ্ধিৰে বহু যাত্ৰীৰ প্ৰাণ ৰক্ষা কৰিলে এখন চৰকাৰী বাছৰ চালক আৰু পৰিচালকে। শ্বিলং চহৰত সৃষ্টি হোৱা হিংসাত্মক পৰিস্থিতিৰ সময়ত শিলগুটি নিক্ষেপকাৰী দুৰ্বৃত্তৰ পৰা যাত্ৰীসকলক অক্ষত অৱস্থাত উদ্ধাৰ কৰা এই নিদৰ্শনমূলক কাৰ্যৰ বাবে ‘কা বচ জং ঙী’ (এমএল ০৫ এএইচ ৫০৪৫) নামৰ বৈদ্যুতিক বাছখনৰ চালক ফুলমুনৱেল লিংডো আৰু পৰিচালক বানমানভা মাৰৱিনক শুকুৰবাৰে নগৰ পৰিক্ৰমা বিভাগে বিশেষভাৱে সম্বৰ্ধনা জনায়। বিভাগে দুয়োগৰাকী কৰ্মচাৰীক আনুষ্ঠানিক স্বীকৃতি প্ৰদান কৰাৰ লগতে নগদ ১০ হাজাৰকৈ টকাৰ পুৰস্কাৰ আগবঢ়ায়। উল্লেখ্য যে, যোৱা ১৯ আগষ্টৰ বিয়লি প্ৰায় ৬ বজাত এয়াৰ ফৰ্চৰ পৰা আইআইএম অভিমুখে যাত্ৰী লৈ গৈ থকা অৱস্থাত…

শুকুৰবাৰে গভীৰ নিশা তেলেংগানাৰ য়াদাদ্ৰী ভংগীৰ জিলাৰ পোচমপল্লী মণ্ডলৰ দোথিগুডেমৰ সমীপত হাজেলো লেব প্ৰাইভেট লিমিটেড নামৰ এটা ঔষধ প্ৰস্তুতকৰণ কোম্পানীৰ ৰিয়েক্টৰ বিস্ফোৰণত দুজন শ্ৰমিক নিহত হোৱাৰ লগতে কেইবাজনো আহত হয় ।বিস্ফোৰণৰ ফলত কোম্পানীটোৰ চৌহদত ভয়ংকৰ অগ্নিকাণ্ড সংঘটিত হোৱাৰ ফলত অগ্নিনিৰ্বাপক বাহিনীৰ লোকে ততাতৈয়াকৈ সেই স্থানলৈ গৈ জুই নিয়ন্ত্ৰণলৈ আনে । এখন গাড়ীৰে জুই নুমুওৱাটো অসম্ভৱ হৈ পৰাত অগ্নি নিৰ্বাপক বাহিনীৰ কেবাখনো গাড়ী ব্যৱহাৰ কৰিবলগীয়া হয় ৷ অগ্নিকাণ্ডটোত আহত দুই শ্ৰমিকক নিশাই চিকিৎসাৰ বাবে হায়দৰাবাদলৈ স্থানান্তৰ কৰা হয় । অৱশ্যে চিকিৎসাধীন অৱস্থাতে এই দুজন দুৰ্ভগীয়া শ্ৰমিকে মৃত্যুক সাবটি লয় ।

যোৰাবাটত তৃতীয় দিনাও অব্যাহত আছে কেব চালকৰ প্ৰতিবাদ। কেব চালকসকলৰ এই প্ৰতিবাদে ক্ৰমাত তীব্ৰ ৰূপ ধাৰণ কৰিছে। প্ৰতিবাদকাৰীসকলে মেঘালয়ৰ পৰা অসমলৈ অহা যান-বাহনৰ চলাচল সম্পূৰ্ণৰূপে বন্ধ কৰি দিছে।প্ৰতিবাদকাৰীসকলে স্পষ্ট কৰি দিছে যে, উচ্চপদস্থ বিষয়া ঘটনাস্থলীত উপস্থিত হৈ ক্ষমা নোখোজা পৰ্যন্ত তেওঁলোকে প্ৰতিবাদ অব্যাহত ৰাখিব। লগতে মেঘালয়ৰ প্ৰতিবাদৰ সময়ত ক্ষতিগ্ৰস্ত হোৱা বাহনসমূহৰ উপযুক্ত ক্ষতিপূৰণ দিয়াৰো দাবী জনাইছে কেব চালকসকলে।একেদৰে, মেঘালয় চৰকাৰে চালকসকলৰ সুৰক্ষাৰ নিশ্চিতি প্ৰদান নকৰালৈকে প্ৰতিবাদ অব্যাহত ৰখাৰ হুংকাৰ দিছে প্ৰতিবাদকাৰীসকলে। ইয়াৰ ফলত অসম-মেঘালয় সীমান্তত যান-বাহনৰ চলাচলত প্ৰভাৱ পৰাৰ লগতে পৰিস্থিতি ক্ৰমাৎ অধিক উত্তপ্ত হৈ পৰিছে।

যোগীঘোপাত দুৰ্ধৰ্ষ ডকাইতলৈ লক্ষ্য কৰি আৰক্ষীৰ গুলীচালনা। আৰক্ষীৰ এনকাউণ্টাৰত আহত গোৱালপাৰাৰ ডকাইত বৰাত আলী। সো-ভৰিত গুলী লাগি আহত হয় ডকাইতটো।কৃষ্ণাইৰ পৰা যোগীঘোপা আৰক্ষীয়ে গ্ৰেপ্তাৰ কৰিছিল দুৰ্ধৰ্ষ ডকাইতটোক। যোগীঘোপা থানালৈ আনি থকা সময়তে পলায়নৰ চেষ্টা কৰিছিল ডকাইতটোৱে ।এগৰাকী আৰক্ষীক আক্ৰমণ কৰি পলায়নৰ চেষ্টা ডকাইত বৰাত আলীৰ।

প্ৰথম টেষ্ট মেচত এক বৃহৎ বিজয়েৰে উৎসাহিত ভাৰতীয় দলটোৱে দেওবাৰৰ পৰা ইয়াত শ্ৰীলংকাৰ বিৰুদ্ধে আৰম্ভ হ’বলগীয়া দ্বিতীয় তথা চূড়ান্ত টেষ্ট ক্ৰিকেট মেচত নিজৰ বিজয় যাত্ৰা অব্যাহত ৰাখি বিদেশী মাটিত তিনি বছৰৰ পাছত প্ৰথমটো টেষ্ট শৃংখলা দখল কৰাৰ লক্ষ্যৰে খেলপথাৰত নামিব। আনহাতে, অধিনায়ক শুভমন গিল আৰু অ’পেনাৰ বেটছমেন যশস্বী জয়ছৱালৰ দৃষ্টি থাকিব এক বৃহৎ স্ক’ৰ সংগ্ৰহ কৰাৰ ওপৰত। ভাৰতে বিদেশৰ মাটিত শেষবাৰৰ বাবে টেষ্ট শৃংখলা জয় কৰিছিল ২০২৩ চনৰ জুলাই মাহত, যিটো ৱেষ্ট ইণ্ডিজৰ বিৰুদ্ধে আছিল। তাৰ পাছৰে পৰা ভাৰতে অষ্ট্ৰেলিয়াৰ বিৰুদ্ধে পৰাজয়ৰ মুখ দেখিবলগীয়া হোৱাৰ বিপৰীতে দক্ষিণ আফ্ৰিকা আৰু ইংলেণ্ডৰ সৈতে তেওঁলোকৰ ঘৰুৱা মাটিত শৃংখলা ড্ৰ’ কৰিছিল। ইয়াৰ মাজতে নিজৰ…

য়েমেন আৰু ছোমালিয়াৰ সমীপত জলদস্যুৰ হাতত ২খন জাহাজ অপহৃত হোৱাৰ খবৰ আহিছে। ২২গৰাকী ভাৰতীয়ক বন্দী নাবিক আৰু কৰ্মচাৰীক বন্দী কৰি ৰাখিছে জলদস্যুয়ে।এম.টি. চি বু ১ (M.T. Sibu 1) নামৰ এৰিট্ৰিয়াৰ পতাকাযুক্ত এই তেলবাহী জাহাজখন য়েমেনৰ উপকূলৰ পৰা প্ৰায় ৩০মাইল আঁতৰত এডেন উপসাগৰত ৬ জন সশস্ত্ৰ জলদস্যুৱে অপহৰণ কৰে। জাহাজখনত থকা ২০ জনীয়া দলটোৰ ভিতৰত ১৬ গৰাকীয়েই ভাৰতীয়। ডাইৰেক্টৰেট অৱ মেৰিটাইম এডমিনিষ্ট্ৰেছনৰ প্ৰাৰম্ভিক ৰিপৰ্ট অনুসৰি নাবিকসকল বৰ্তমান সুৰক্ষিত অৱস্থাত আছে।

গৃহ নিৰ্মাণ আৰু নগৰ পৰিক্ৰমা বিভাগৰ মন্ত্ৰী কৌশিক ৰায়ে আজি গুৱাহাটী জল ব’ৰ্ডে ৰূপায়ণ কৰি থকা উত্তৰ গুৱাহাটী আৰু দক্ষিণ-পশ্চিম গুৱাহাটী খোৱাপানী প্ৰকল্প পৰিদৰ্শন কৰি প্ৰকল্পসমূহৰ অগ্ৰগতিৰ বুজ লয় আৰু সময়মতে সম্পূৰ্ণ কৰাত প্ৰভাৱ পেলোৱা প্ৰত্যাহ্বানসমূহৰ পৰ্যালোচনা কৰে। উত্তৰ গুৱাহাটী খোৱাপানী প্ৰকল্পত পুৱাৰ ভাগত কৰা পৰিদৰ্শনৰ সময়ত মন্ত্ৰীগৰাকীয়ে বিষয়াসকলৰ সৈতে প্ৰকল্পৰ স্থিতি সন্দৰ্ভত আলোচনা কৰে। গুৱাহাটী জল ব’ৰ্ডৰ পৰিচালন সঞ্চালক ৰোহন কুমাৰ ঝাই মন্ত্ৰীক জনায় যে প্ৰকল্পটো কমিচনিঙৰ ওচৰত। পাঁচটা ডিষ্ট্ৰিক্ট মিটাৰ্ড এৰিয়া (DMA)ৰ ভিতৰত তিনিটা DMAৰ ফ্লাছিং আৰু ট্ৰায়েল ৰাণ সম্পূৰ্ণ হৈছে। বিতৰণ জলাধাৰৰ পাদদেশত ঢাল সুৰক্ষা আৰু আনুষংগিক সুৰক্ষা ব্যৱস্থা সন্দৰ্ভত IIT গুৱাহাটীৰ পৰা প্ৰয়োজনীয় অনুমোদন লাভৰ পাছত…

অসম আৰক্ষী আৰু সুৰক্ষা বাহিনীয়ে ৰাজ্যজুৰি পৃথক অভিযান চলাই অবৈধ ড্ৰাগছৰ বিৰুদ্ধে অভিযান তীব্ৰতৰ কৰিছে, যাৰ ফলত কেইবাজনো সন্দেহযুক্ত ড্ৰাগছ সৰবৰাহকাৰীক গ্ৰেপ্তাৰ আৰু মাদক দ্ৰব্য জব্দ কৰা হৈছে। খাৰুৱাবান্ধা আৰক্ষীয়ে হাটশিঙিমাৰীত ড্ৰাগছ বিৰোধী অভিযান চলাই নুৰুল আচিদ নামৰ এজন সন্দেহযুক্ত সৰবৰাহকাৰীক গ্ৰেপ্তাৰ কৰে। আৰক্ষীয়ে জনোৱা মতে তেওঁৰ পৰা ১৬১ টা সন্দেহযুক্ত নিচাযুক্ত টেবলেট আৰু এটা কাহৰ চিৰাপৰ বটল উদ্ধাৰ কৰা হৈছে। তেওঁক জিম্মাত লোৱা হৈছে আৰু জব্দকৃত সামগ্ৰীৰ উৎস বিচাৰি আৰু এই সৰবৰাহ নেটৱৰ্কত আন কোন জড়িত আছে তাক জানিবলৈ তদন্ত চলি আছে। আন এক বৃহৎ অভিযানত বৰাক অঞ্চলত ৩৯ অসম ৰাইফলছ, ২০ বেটেলিয়ন CRPF আৰু বৰবেকৰা থানাৰ যুটীয়া দলে…