Blog

চীনৰ ৱাং জিউক ৬-৩, ৭-৬(৪) ত পৰাস্ত কৰি দেওবাৰে ফ্ৰেন্স অ’পেনৰ কোৱাৰ্টাৰ ফাইনেলত প্ৰৱেশ কৰে ৰোমানিয়াৰ ছ’ৰানা চিৰষ্টিয়াই। ৱাং জিউৰ পৰা চিৰষ্টেয়াই কঠিন প্ৰত্যাহ্বানৰ সন্মুখীন হ’ব বুলি আশা কৰা হৈছিল। কিন্তু ৰোমানিয়ানগৰাকীৰ অভিজ্ঞতা নিৰ্ণায়ক বুলি প্ৰমাণিত হ’ল। মেচখনৰ এটা বৃহৎ অংশ তেওঁ নিয়ন্ত্ৰণ বজাই ৰাখিছিল, আৰু অৱশেষত যেতিয়া ৱাঙে এক প্ৰবল প্ৰত্যাহ্বানৰ সৃষ্টি কৰিছিল, তেতিয়াও তেওঁৰ স্থিৰতা হেৰুৱাব পৰা নাছিল।আৰম্ভণিৰে পৰাই চিৰষ্টিয়াই আধিপত্য বিস্তাৰ কৰিছিল। শ্বটৰ গভীৰতা আৰু উচ্চমানৰ ক’ৰ্টৰ স্থান ব্যৱহাৰ কৰি ৩৬ বছৰীয়া তাৰকাগৰাকীয়ে প্ৰথম ছেটত দুবাৰকৈ চাৰ্ভ ব্ৰেক কৰি ৫-১ ত নিৰ্ণায়ক অগ্ৰগতি লাভ কৰে। কান্ধৰ দীঘলীয়া আঘাতৰ পিছত মাৰ্চ মাহতহে ছিজন পুনৰ আৰম্ভ হোৱা ৱাঙে অৱশেষত…

পুনৰ অপৰাধীৰ বিৰুদ্ধে গৰজি উঠিল আৰক্ষীৰ বন্দুক। এইবাৰ আৰক্ষীৰ এনকাউণ্টাৰত নিহত হ’ল নলবাৰীৰ ছাত্ৰ নেতা মাধুৰ্য বৰ্মনৰ হত্যাকাণ্ডৰ মূল অভিযুক্ত ৰোজ আলী। জিলাখনৰ ছাত্ৰ নেতাগৰাকীৰ হত্যাক লৈ ৰাজ্যজুৰি অব্যাহত থকা তীব্ৰ প্ৰতিক্ৰিয়া আৰু প্ৰতিবাদৰ মাজতে মুকালমুৱাত আৰক্ষীৰ সৈতে হোৱা এক তীব্ৰ সংঘৰ্ষত নিহত হয় এই ঘটনাৰ মূল অভিযুক্তটো। জানিব পৰা মতে, মুকালমুৱাৰ গঙ্গাপুৰৰ সমীপত স্কুটীৰে গৈ থকা অৱস্থাত দুৰ্বৃত্তৰ আক্ৰমণৰ বলি হৈছিল ১৯ বছৰীয়া মাধুৰ্য বৰ্মন আৰু ১৮ বছৰীয়া মৃদুমুদ্ৰা ডেকা। এই আক্ৰমণত পশ্চিম নলবাৰী আঞ্চলিক ছাত্ৰ সন্থাৰ সহকাৰী সাধাৰণ সম্পাদক তথা চামতাৰ বালিপথাৰৰ বাসিন্দা মাধুৰ্য বৰ্মনৰ থিতাতে মৃত্যু ঘটে। আনহাতে, গুৰুতৰভাৱে আহত মৃদুমুদ্ৰা ডেকাক সংকটজনক অৱস্থাত গুৱাহাটী চিকিৎসা মহাবিদ্যালয়…

বিগত বৰ্ষত ১১ জন লোকৰ মৃত্যু হোৱাৰ বিষয়টোৰ প্ৰতি লক্ষ্য ৰাখি ৰয়েল চেলেঞ্জাৰছ বেংগালুৰু (আৰ চি বি)য়ে ক্ৰমাগত দ্বিতীয়বাৰৰ বাবে ইণ্ডিয়ান প্ৰিমিয়াৰ লীগ (আই পি এল) খিতাপ উদযাপনৰ বাবে বিজয় শোভাযাত্ৰা নলোৱাৰ সিদ্ধান্ত গ্ৰহণ কৰিছে। দেওবাৰে ইয়াত গুজৰাট টাইটানছক ৫ উইকেটত পৰাস্ত কৰি একেৰাহে দ্বিতীয়বাৰৰ বাবে আই পি এল খিতাপ দখল কৰে ৰয়েল চেলেঞ্জাৰছ বেংগালুৰে। লোকভৱনত অনুষ্ঠিত হ’বলগীয়া কৰ্ণাটকৰ নৱনিযুক্ত মুখ্যমন্ত্ৰী ডি কে শিৱকুমাৰৰ শপতগ্ৰহণৰ কথাও মনত ৰাখি আৰ চি বিয়ে এই সিদ্ধান্ত গ্ৰহণ কৰে। যোৱা বছৰৰ ৪ জুনত আয়োজন কৰা বিজয় শোভাযাত্ৰাৰ সময়ত চিন্নাস্বামী ষ্টেডিয়ামৰ সমীপত ১১ জন অনুৰাগী নিহত হৈছিল। আৰচিবিৰ এক সূত্ৰই জনোৱা মতে, বেংগালুৰুত কোনো ধৰণৰ…

নলবাৰীৰ  নৃশংস হত্যা কাণ্ডৰ ঘটনাই জোকাৰিছে ৰাজ্য ।‌নলবাৰীৰ গংগাপুৰ অঞ্চলত আছু কৰ্মীক হানি খুচি হত্যা কৰাক লৈ ৰাজ্যজুৰি তীব্ৰ প্ৰতিক্ৰিয়াৰ সৃষ্টি হৈছে। এই ঘটনাৰ প্ৰতিক্ৰিয়া প্ৰকাশ কৰি আছুৰ মুখ্য উপদেষ্টা ড° সমুজ্জ্বল কুমাৰ ভট্টাচাৰ্যই কয়, " মাধুৰ্য্য বৰ্মনক হানি খুচি হত্যা কৰাটো এটা অতি মৰ্মান্তিক ঘটনা । আমাৰ প্ৰচণ্ড, খং ক্ষোভ আছো। ককায়েকে ভনিয়েকক এইখন অসমত লৈ যাব নোৱাৰে, ইয়াত জনসাধাৰণৰ নিৰাপত্তা নোহোৱা হৈছে । ক'ত গ'ল, চৰকাৰ, প্ৰশাসন, স্মাৰ্ট আৰক্ষী । দোষীয়ে কঠোৰতম শাস্তি পাবই লাগিব । হত্যাকাৰীয়ে শাস্তি নোপোৱালৈকে ক্ষান্ত নহও।

আইপিএলৰ ফাইনেলত গুজৰাট টাইটানছক ৫ উইকেটত পৰাস্ত কৰি ৰয়েল চেলেঞ্জাৰছ বেংগালুৰে একেৰাহে দ্বিতীয়বাৰৰ বাবে আই পি এল ২০২৬ৰ ট্ৰফী লাভ কৰে। চমৎকাৰ বলিং প্ৰদৰ্শন কৰি আৰ চি বিয়ে গুজৰাট টাইটানছক মুঠ ১৫৫ ৰানত সীমাবদ্ধ কৰি ৰাখে। লক্ষ্য অনুসৰণ কৰি বিৰাট কোহলীয়ে ৭৫ ৰানৰ ইনিংছ খেলে। ফাইনেলত কোহলীক প্লেয়াৰ অৱ দ্য মেচৰ বঁটা প্ৰদান কৰা হয়। বৈভৱ সূৰ্যবংশীক অৰেঞ্জ কেপকে ধৰি কেইবাটাও বঁটা লাভ কৰি টুৰ্ণামেণ্টৰ শ্ৰেষ্ঠ খেলুৱৈ হিচাপে ঘোষণা কৰা হয়। চেম্পিয়ন ৰয়েল চেলেঞ্জাৰছ বাংগালুৰুৱে লাভ কৰে ২০ কোটি টকাৰ পুৰস্কাৰ ধন। একেৰাহে দ্বিতীয়বাৰৰ বাবে দলটোৱে খিতাপ দখল কৰিছে, আৰু একেটা স্থানতে দুয়োটা ট্ৰফী লাভ কৰিছে। ফাইনেলত ৰানাৰ্ছ আপ গুজৰাট…

ৰাজ্যত দলীয় সংগঠনৰ ভেটি অধিক শক্তিশালী কৰাৰ লক্ষ্যৰে যুৱ কংগ্ৰেছৰ ৰাজ্যিক সমিতিত এক গুৰুত্বপূৰ্ণ সালসলনি কৰিছে নেতৃত্বই। দলীয় নেতৃত্বৰ অনুমোদন লাভ কৰাৰ পিছতে নিখিল ভাৰত কংগ্ৰেছ কমিটীয়ে বিধায়ক তাঞ্জিল হুছেইনক অসম প্ৰদেশ যুৱ কংগ্ৰেছৰ উপ-সভাপতি হিচাপে নিযুক্তি দিয়ে। এই নতুন নিযুক্তিৰ জৰিয়তে ৰাজ্যৰ যুৱ প্ৰজন্মৰ মাজত দলৰ প্ৰসাৰ বৃদ্ধি আৰু নতুন সাংগঠনিক কৌশল ৰচনাৰ বাবে যুৱনেতাগৰাকীক এক গুৰুত্বপূৰ্ণ দায়িত্ব অৰ্পণ কৰা হৈছে। দলীয় সূত্ৰই প্ৰকাশ কৰা এক বিবৃতিত হুছেইনক শুভেচ্ছা জ্ঞাপন কৰাৰ লগতে তেওঁ নিজৰ দায়িত্ব সফলভাৱে পালন কৰিব বুলি গভীৰ আত্মবিশ্বাস প্ৰকাশ কৰে। যুৱ কংগ্ৰেছৰ আদৰ্শৰ প্ৰতি থকা তেওঁৰ নিষ্ঠা, নেতৃত্বৰ গুণ আৰু দায়বদ্ধতাই ৰাজ্যখনত সংগঠনটোৰ বিকাশ আৰু ধাৰাবাহিক…

বৰ্তমান চলি থকা লেখেয়া বাজেট ব্যৱস্থাৰ বাবে জুন মাহৰ পৰা ৰাজ্য চৰকাৰে সাময়িকভাৱে স্থগিত ৰাখিছে মচুৰ দাইল, চেনি আৰু নিমখৰ ৰেহাই মূল্যৰ যোগান আঁচনি। ৰাজ্যত নতুন চৰকাৰ গঠন হোৱাৰ পিছত সম্পূৰ্ণ বাজেট গৃহীত নোহোৱালৈকে এই আঁচনিখন বন্ধ থাকিব বুলি মুখ্যমন্ত্ৰী হিমন্ত বিশ্ব শৰ্মাই ঘোষণা কৰে। মুখ্যমন্ত্ৰীৰ কাৰ্যালয়ে সদৰী কৰা তথ্য অনুসৰি, চৰকাৰৰ এই ৰেহাই মূল্যৰ খাদ্য সামগ্ৰী বিতৰণ কাৰ্যসূচী অহা আগষ্ট মাহৰ পৰা পুনৰ কাৰ্যকৰী কৰা হ’ব। অৱশ্যে, খাদ্য সুৰক্ষা আঁচনিৰ অধীনত হিতাধিকাৰীসকলে লাভ কৰি অহা বিনামূলীয়া চাউল যোগান ব্যৱস্থাত কোনো ব্যাঘাত নজন্মে বুলি চৰকাৰে স্পষ্ট কৰি দিছে। হিতাধিকাৰীসকলে পূৰ্বৰ দৰেই প্ৰতিমাহে নিয়মীয়াকৈ বিনামূলীয়া চাউল লাভ কৰি থাকিব। প্ৰশাসনৰ সূত্ৰই…

ধৰ্ষণ গোচৰৰ এজন অভিযুক্তক তদন্তৰ বাবে লৈ যোৱাৰ সময়তে সংঘটিত হ’ল এক চাঞ্চল্য্যকৰ এনকাউণ্টাৰৰ ঘটনা। কামৰূপ জিলাৰ ছয়গাঁৱত আৰক্ষীৰ জিম্মাৰ পৰা পলায়ন কৰিবলৈ চেষ্টা চলোৱাৰ সময়তে আৰক্ষীৰ গুলীত আহত হয় ১০ বছৰীয়া নাবালিকা ধৰ্ষণৰ মূল অভিযুক্ত আক্কাছ আলী (৩৫)। বাঁও ভৰিত গুলী লাগি আহত হোৱা ৩৫ বছৰীয়া অভিযুক্তজনক বৰ্তমান গুৱাহাটী চিকিৎসা মহাবিদ্যালয় হাস্পতালত ভৰ্তি কৰা হৈছে। জানিব পৰা মতে, পকচো আইনৰ অধীনত গ্ৰেপ্তাৰ হোৱা আক্কাছ আলীক শনিবাৰে নিশা আৰক্ষীৰ এটা দলে তদন্তৰ খাতিৰত এক অভিযানলৈ লৈ গৈছিল। অভিযানৰ সময়তে অভিযুক্তজনে হঠাতে আৰক্ষী কৰ্মীৰ ওপৰত আক্ৰমণ চলাই হাতকেৰেয়া ফালি পলায়নৰ চেষ্টা কৰে। আৰক্ষীয়ে তেওঁক ৰখাবলৈ সতৰ্কবাণী দিয়ে যদিও অভিযুক্তজনে দৌৰিবলৈ ধৰাত…

সীমান্তৰ কটকটীয়া নিৰাপত্তা ব্যৱস্থাকো নেওচি কেৱল প্ৰেমিকাৰ কাষ পাবলৈকে পাকিস্তান অধিকৃত কাশ্মীৰৰ পৰা ভাৰতভূমিত প্ৰৱেশ কৰিলে এজন যুৱকে। জম্মু-কাশ্মীৰৰ উৰী খণ্ডত নিয়ন্ত্ৰণ ৰেখা পাৰ হৈ অহা পাকিস্তান অধিকৃত জম্মু-কাশ্মীৰৰ এই যুৱকজনক বৰ্তমান ভাৰতীয় সেনাৰ এটি দলে আটক কৰিছে। ইয়াৰ লগে লগেই যুৱকজনৰ স্থানীয় প্ৰেমিকাকো সুৰক্ষা বাহিনীয়ে জিম্মাত লৈছে। জানিব পৰা মতে, শনিবাৰে নিশা উৰী খণ্ডৰ এটা পহৰাদাৰী দলে সীমান্তৰ কাঁটাতাঁৰৰ সমীপত সন্দেহজনক চাল চলন প্ৰত্যক্ষ কৰিছিল। নিৰাপত্তা কৰ্মীসকলে ততাতৈয়াকৈ সমগ্ৰ এলেকাটো ঘেৰি ধৰে আৰু অনুপ্ৰৱেশ কৰা যুৱকজনক কৰায়ত্ত কৰে। প্ৰাৰম্ভিক সোধা-পোছাত যুৱকজনে কোনো কূটাঘাতমূলক উদ্দেশ্যৰে নহয়, বৰঞ্চ কেৱল সীমান্তৰ এইপাৰে থকা নিজৰ প্ৰেমিকাক সাক্ষাৎ কৰিবলৈহে আহিছিল বুলি স্বীকাৰ কৰে। জানিব…