Blog

আধুনিক চিকিৎসা বিজ্ঞানৰ অভূতপূৰ্ব কৃতিত্বই অৱশেষত প্ৰাণ ৰক্ষা কৰিবলৈ সক্ষম হ’ল এটি ৯ মহীয়া দেৱশিশুৰ। ঘৰৰ ভিতৰত খেলি থকাৰ সময়তে পৰিয়ালৰ অলক্ষিতে এটি অতি সৰু এল ই ডি বাল্ব মুখত ভৰাই দিছিল শিশুটিৱে। ইয়াৰ পাছতে উশাহ-নিশাহ বন্ধ হৈ পৰা শিশুটিৰ জৰুৰী চিকিৎসা আৰম্ভ কৰি বিশেষ কেমেৰা আৰু আধুনিক নলীযুক্ত যন্ত্ৰৰ (ব্ৰংক’স্কোপি) সহায়ত জীৱন ৰক্ষা কৰিবলৈ সক্ষম হয় বিশেষজ্ঞ চিকিৎসকৰ দলে। মহাৰাষ্ট্ৰৰ পুনে চহৰত থকা সেনা বাহিনীৰ বিশেষ চিকিৎসালয়ত সংঘটিত হৈছে এই অভূতপূৰ্ব ঘটনা। উল্লেখ্য যে, খেলনাৰ পৰা এৰাই যোৱা জোঙা তাৰ থকা এই বাল্বটো শিশুটিৰ খাদ্য খোৱা নলীৰ সলনি উশাহ লোৱা নলীৰে গৈ বাওঁফালৰ হাওঁফাওঁৰ একেবাৰে গভীৰ অংশত লাগি ধৰিছিল।…

অসম বিধানসভাত অভিন্ন দেৱানী বিধি বিধেয়ক গৃহীত হোৱাৰ পাছতে দেশজুৰি সৃষ্টি হৈছে মিশ্ৰিত প্ৰতিক্ৰিয়াৰ। অসম চৰকাৰৰ এই পদক্ষেপক পূৰ্ণ সমৰ্থন কৰি বিধেয়কখনক উষ্ম আদৰণি জনায় বিজেপিৰ ৰাষ্ট্ৰীয় সভাপতি নেতা নিতিন নবীনে। সামাজিক মাধ্যম ‘এক্স’ত প্ৰকাশ কৰা এটা বাৰ্তাত তেওঁ এই সিদ্ধান্তক ঐতিহাসিক আখ্যা দি কয় যে দেশত সমান অধিকাৰ আৰু এক সুস্থিৰ দেৱানী ব্যৱস্থা নিশ্চিত কৰাৰ দিশত ই এক গুৰুত্বপূৰ্ণ খোজ। দলৰ নীতি সদায় সকলোৰে বাবে ন্যায় আৰু কাকো তোষামোদ নকৰা আদৰ্শৰ ওপৰত প্ৰতিষ্ঠিত বুলিও তেওঁ স্পষ্ট কৰি দিয়ে। ধৰ্ম নিৰপেক্ষভাৱে বিবাহ, বিবাহ বিচ্ছেদ, সম্পত্তিৰ উত্তৰাধিকাৰী আৰু লিভ-ইন সম্পৰ্ক পৰিচালনাৰ বাবে এক উমৈহতীয়া আইনী নিয়ম প্ৰস্তুত কৰাই হৈছে এই নতুন…

স্বয়ম্ভূ ধৰ্মগুৰু আশাৰাম বাপুৰ যাৱজ্জীৱন কাৰাদণ্ডৰ শাস্তি অপৰিৱৰ্তিত ৰাখিলে ৰাজস্থান উচ্চ ন্যায়ালয়ে। শেহতীয়া তথ্য অনুসৰি, ন্যায়াধীশ অৰুণ মোংগা আৰু ন্যায়াধীশ যোগেন্দ্ৰ কুমাৰ পুৰোহিতৰ বিচাৰপীঠে সোমবাৰে এই গুৰুত্বপূৰ্ণ ৰায়দান কৰে। আদালতে আশাৰামক দলবদ্ধ ধৰ্ষণ আৰু অপৰাধমূলক ষড়যন্ত্ৰৰ গুৰুতৰ অভিযোগৰ পৰা মুক্ত কৰে যদিও এগৰাকী নাবালিকাক ধৰ্ষণ কৰাৰ মূল অপৰাধত নিম্ন আদালতে বিহা যাৱজ্জীৱন কাৰাদণ্ডৰ ৰায় বাহাল ৰাখে। বৰ্তমান চিকিৎসাজনিত কাৰণত অন্তৱৰ্তীকালীন জামিনত থকা ৮৬ বছৰীয়া আশাৰামৰ জামিন বাতিল কৰে উচ্চ ন্যায়ালয়ে। একেদৰে তেওঁক অবিলম্বে আত্মসমৰ্পণ কৰিবলৈকো ন্যায়ালয়ে নিৰ্দেশ জাৰি কৰে। ৰায়দানৰ সময়ত আদালতে মন্তব্য কৰে যে আশাৰামৰ বৃদ্ধ বয়স বা শাৰীৰিক দুৰ্বলতাৰ দোহাই দি ভুক্তভোগী নাবালিকা গৰাকীৰ সৰৱ কণ্ঠক আওকাণ কৰিব…

প্ৰায় সম্পূৰ্ণ হৈ উঠিছে মেঘালয়ৰ সৈতে থকা ভাৰত-বাংলাদেশ আন্তঃৰাষ্ট্ৰীয় সীমান্তৰ কাঁটাতাঁৰৰ বেৰ নিৰ্মাণৰ কাম। সোমবাৰে এই বিষয়ে জানিবলৈ দিয়ে ৰাজ্যখনৰ মুখ্যমন্ত্ৰী কনৰাড চাংমাই। সীমান্তৰ আন্তঃগাঁথনি উন্নয়নৰ বুজ লৈ মুখ্যমন্ত্ৰীগৰাকীয়ে সদৰি কৰা অনুসৰি, মুঠ সীমান্তৰ ভিতৰত ইতিমধ্যে প্ৰায় ৪০০ কিলোমিটাৰ অংশত বেৰ নিৰ্মাণৰ কাম সফলতাৰে শেষ হৈছে। বৰ্তমান মাত্ৰ ৪০ ৰ পৰা ৪৫ কিলোমিটাৰমান সীমাৰ কামহে বাকী আছে। স্থানীয় কিছু সমস্যাৰ বাবেই এই শেষৰ ১০ শতাংশ কাম এতিয়াও সম্পূৰ্ণ হোৱা নাই বুলি উল্লেখ কৰে মুখ্যমন্ত্ৰী চাংমাই। বাকী থকা অংশখিনিত বসবাস কৰা সীমান্তবাসী ৰাইজৰ প্ৰকৃত অসুবিধা আৰু জটসমূহ সমাধান কৰাৰ বাবে চৰকাৰে স্থানীয় লোকসকলৰ সৈতে নিৰন্তৰ আলোচনা চলাই থকা বুলি তেওঁ স্পষ্ট…

গোষ্ঠীগত সংঘৰ্ষ জৰ্জৰ মণিপুৰৰ বৰ্তমানৰ পৰিস্থিতিলৈ লক্ষ্য ৰাখি ৰাজ্যখনৰ বাহিৰৰ কেডাৰৰ কোনো আই পি এছ বিষয়াক আৰক্ষী সঞ্চালক প্ৰধান (ডিজিপি) হিচাপে নিযুক্তি দিয়াৰ বাবে সোমবাৰে অনুমতি প্ৰদান কৰিলে উচ্চতম ন্যায়ালয়ে। মুখ্য ন্যায়াধীশ সূৰ্য কান্ত, ন্যায়াধীশ জয়মাল্য বাগচী আৰু ন্যায়াধীশ বিপুল এম পাঞ্চালীক লৈ গঠিত এখন সংমণ্ডল বিচাৰপীঠে মণিপুৰ চৰকাৰৰ এই আবেদন মঞ্জুৰ কৰে। উল্লেখ্য যে, ত্ৰিপুৰা কেডাৰৰ আই পি এছ বিষয়া তথা মণিপুৰৰ বৰ্তমানৰ আৰক্ষী সঞ্চালক প্ৰধান ৰাজীৱ সিঙৰ কাৰ্যকাল অহা ৩১ মে’ত সমাপ্ত হ’ব। ৰাজ্যখনৰ বৰ্তমানৰ বিশেষ পৰিস্থিতি আৰু আইন-শৃংখলাজনিত প্ৰত্যাহ্বানৰ বাবেই এই সিদ্ধান্ত গ্ৰহণ কৰে উচ্চতম ন্যায়ালয়ে। শুনানিৰ সময়ত কেন্দ্ৰীয় চৰকাৰৰ হৈ ছলিচিটৰ জেনেৰেল তুষাৰ মেহতাই আদালতক অৱগত…

পাঁচদিনীয়া কাৰ্যসূচীৰে অনুষ্ঠিত ১৬ সংখ্যক অসম বিধানসভাৰ প্ৰথমটো অধিৱেশনৰ বুধবাৰে সফলতাৰে সামৰণি পৰে। এই ঐতিহাসিক অধিৱেশনৰ অন্তিম দিনটোত ৰাজ্য চৰকাৰে উত্থাপন কৰা অন্যতম গুৰুত্বপূৰ্ণ ‘অসম অভিন্ন দেৱানী বিধি বিধেয়ক ২০২৬’ সদনত গৃহীত কৰা হয়। বিধানসভাৰ অধ্যক্ষ ৰঞ্জিত কুমাৰ দাসে সামৰণি ভাষণত উল্লেখ কৰা অনুসৰি, নৱ-নিৰ্বাচিত বিধায়কসকলৰ শপত গ্ৰহণ আৰু ৰাজ্যপালৰ ভাষণকে ধৰি কেইবাটাও গুৰুত্বপূৰ্ণ কাৰ্যসূচী এই চুটি অধিৱেশনখনত সম্পন্ন হৈ যায়। উল্লেখনীয় যে, অধিৱেশনৰ প্ৰথম দিনা সৰ্বজেষ্ঠ বিধায়ক চন্দ্ৰমোহন পাটোৱাৰীয়ে তদাৰকী অধ্যক্ষ হিচাপে নৱ-নিৰ্বাচিত বিধায়কসকলক শপত বাক্য পাঠ কৰোৱায়। ইয়াৰ পিছতে ভাৰতীয় জনতা পাৰ্টীৰ জ্যেষ্ঠ নেতা ৰঞ্জিত কুমাৰ দাস সৰ্বসন্মতিক্ৰমে বিধানসভাৰ নতুন অধ্যক্ষ নিৰ্বাচিত হয়। অধিৱেশনৰ দ্বিতীয় দিনা ৰাজ্যপাল লক্ষ্মণ…

কেৰালামৰ প্ৰাক্তন মুখ্যমন্ত্ৰী পিনাৰায়ী বিজয়নৰ বাসগৃহত EDয়ে চলালে অভিযান। বুধবাৰে এনফ'ৰ্চমেণ্ট ডিৰেক্টৰেটে কেৰালাম আৰু বেংগালুৰুৰ প্ৰায় ১০ ৰ পৰা ১২ টা স্থানত সমান্তৰালভাৱে চলাই তালাচী।জানিব পৰা মতে, এই গোচৰটো ধন সৰবৰাহ গোচৰৰ সৈতে জড়িত, য'ত কেৰালামৰ প্ৰাক্তন মুখ্যমন্ত্ৰী পিনাৰায়ী বিজয়নৰ কন্যা আৰু তেওঁৰ কোম্পানী ‘এক্সালজিক ছলিউচনছ প্ৰাইভেট লিমিটেড’ৰ নাম পোহৰলৈ আহিছিল।

বিগত সময়ত চৰকাৰে জল জীৱন আঁচনিৰ নামত কোটি কোটি টকা ব্য়য় কৰিলেও খোদ গুৱাহাটী মহানগৰীতেই এটুপি বিশুদ্ধ খোৱাপানীৰ বাবে হাহাকাৰ কৰিবলগীয়া হৈছে মহানগৰবাসীয়ে । এতিয়া এই লোকসকলৰ বাবে "ঘৰ ঘৰ নল, ঘৰ ঘৰ জল" শ্ল’গান অসাৰ হৈ পৰিছে । কেৱল সেয়াই নহয়, পানী নাপাই ক্ষুব্ধ জনতাই ক'লে, "ঘৰ ঘৰ চকুপানী" হৈছে ।বিগত এমাহ ধৰি চন্দ্ৰপুৰ অঞ্চলত সম্পূৰ্ণ ৰূপে বন্ধ হৈ আছে খোৱাপানী যোগান ব্যৱস্থা । স্থানীয় ৰাইজে ২০০০ লিটাৰ পানী ১০০০ টকাত কিনিবলগীয়া হৈছে । সেইবাবে মঙলবাৰে গুৱাহাটীৰ চন্দ্ৰপুৰত তীব্র প্ৰতিবাদ কাৰ্যসূচী ৰূপায়ণ কৰিলে ক্ষুব্ধ জনতাই ।

দেশত দ্ৰুতগতিত উষ্ণতা বৃদ্ধি পোৱাৰ বাবে নাগৰিকসকলক সৰ্বাধিক সাৱধানতা অৱলম্বন কৰিবলৈ আহ্বান জনায় প্ৰধানমন্ত্ৰী নৰেন্দ্ৰ মোদীয়ে ৷দেশত দ্ৰুতগতিত উষ্ণতা বৃদ্ধি পোৱাৰ বাবে নাগৰিকসকলক সৰ্বাধিক সাৱধানতা অৱলম্বন কৰিবলৈ আহ্বান জনাই প্ৰধানমন্ত্ৰী নৰেন্দ্ৰ মোদীয়ে বুধবাৰে কয় যে এনে গৰম বতৰত শৰীৰত আৰ্দ্ৰতা ধৰি ৰখাটোৱেই মূল উপায় ।সামাজিক মাধ্যম এক্সত এলানি পোষ্টত প্ৰধানমন্ত্ৰীয়ে কয় যে শিশু, বৃদ্ধ আৰু বাহিৰত কাম কৰাসকল বিশেষভাৱে অত্যন্ত গৰমৰ কবলত পৰে আৰু গৰমৰ সতৰ্কবাণীক কোনেও আওকাণ কৰা উচিত নহয় ৷ কাৰণ ই বিপজ্জনক হৈ পৰিব পাৰে আৰু আনকি হিটষ্ট্ৰ’কো হ’ব পাৰে ।তেওঁ কয়, ‘‘ভাৰতৰ বিভিন্ন প্ৰান্ত উষ্ণতা বৃদ্ধি আৰু ইয়াৰ লগতে অহা প্ৰত্যাহ্বানসমূহৰ সাক্ষী হৈছে । এই গৰম…