Sonakshi Sarkar

অপাৰেচন সিন্দূৰ এক শক্তিশালী, আত্মবিশ্বাসী আৰু সক্ষম ৰাষ্ট্ৰ হিচাপে ভাৰতৰ ৰূপান্তৰৰ এক বলিষ্ঠ নিদৰ্শন। দক্ষিণ কোৰিয়াত বসবাস কৰা প্ৰৱাসী ভাৰতীয়সকলৰ সৈতে এক মতবিনিময় অনুষ্ঠানত বুধবাৰে এই গুৰুত্বপূৰ্ণ মন্তব্য কৰে প্ৰতিৰক্ষা মন্ত্ৰী ৰাজনাথ সিঙে। ভাৰতৰ প্ৰতিৰক্ষা খণ্ডৰ আধুনিকীকৰণ আৰু বৈশ্বিক স্থিতি সম্পৰ্কে ভাষণ প্ৰদান কৰি তেওঁ কয় যে এই অভিযানে দেশখনে কোনো কাৰণতে সন্ত্ৰাসবাদ সহ্য নকৰে বুলি এক স্পষ্ট বাৰ্তা প্ৰেৰণ কৰিছে। দেশৰ সুৰক্ষা আৰু পাৰমাণৱিক নীতিৰ প্ৰসংগ উত্থাপন কৰি এক বিশেষ ভাষণ প্ৰদান কৰে প্ৰতিৰক্ষা মন্ত্ৰী ৰাজনাথ সিঙে। অনুষ্ঠানত দেশৰ পাৰমাণৱিক স্থিতি সম্পৰ্কে তেওঁ কয় যে নতুন দিল্লী নিজৰ স্থিতিত সদায় অলৰ-অচৰ থাকিব। প্ৰতিৰক্ষা মন্ত্ৰীগৰাকীয়ে কয়, "ভাৰত নিজৰ ‘ন’ ফাৰ্ষ্ট…

ডিব্ৰুগড়ৰ পৰা গুৱাহাটী অভিমুখী এখন চলন্ত বিমানত হঠাতে অসুস্থ হৈ পৰা নৱজাতক শিশুক চিকিৎসা কৰি সম্ভাব্য বিপদৰ পৰা ৰক্ষা কৰা ডিগবৈৰ চিকিৎসক ডাঃ ৰাজশ্ৰী দাসৰ মহানুভৱতাই এতিয়া চর্চা লাভ কৰিছে। ডিগবৈৰ বালিজান নিবাসী অৱসৰপ্ৰাপ্ত কেন্দ্ৰীয় চৰকাৰৰ বিষয়া গোপাল চন্দ্ৰ দাসৰ কন্যা ডাঃ ৰাজশ্ৰী দাস বৰ্তমান বি বৰুৱা কেন্সাৰ চিকিৎসালয়ৰ সহকাৰী অধ্যাপিকাৰূপে কৰ্মৰত। ডাঃ ৰাজশ্ৰীয়ে যোৱা ১৮ মে'ৰ পুৱা ৯ বজাত ডিব্ৰুগড় বিমান বন্দৰৰ পৰা গুৱাহাটী হৈ দিল্লীলৈ ৬২০৩ নম্বৰৰ ইণ্ডিগ' বিমানখন উৰা মৰাৰ পিচতে বিমানখনত এক হুৱাদুৱা পৰিৱেশৰ সৃষ্টি হয়। বিমানখনত পিতৃ-মাতৃৰ সৈতে এটি নৱজাতক শিশুৱে যাত্ৰী হিচাপে যাত্ৰা কৰিছিল। যাত্ৰাৰ কিছু সময়ৰ পিচতে শিশুটিৰ উশাহ-নিশাহত অসুবিধাৰ লগতে ৰক্তচাপজনিত কাৰণত…

গুৱাহাটীৰ পৰা মাত্ৰ এক বা ডেৰ ঘণ্টা সময়ৰ বাট তথা চুবুৰীয়া ৰাজ্য মেঘালযৰ ৰি-ভয় জিলাৰ সদৰ নংপো চহৰৰ পৰা মাত্ৰ ছয় কিলোমিটাৰ নিলগত প্ৰাকৃতিক সৌন্দৰ্য্যৰে ভৰপূৰ মনোমোহা স্থানত আছে দহখনকৈ অসমীয়াভাষী গাঁও। প্ৰচাৰকে ধৰি ৰাজনৈতিক - অৰাজনৈতিক আদি দিশৰ বাবে উপেক্ষিত হৈ থকা তথা ৰাজধানী দিছপুৰৰ পৰা প্ৰায় ৪৫  কিলোমিটাৰ নিলগত থকা গাঁও কেইখনৰ বাসিন্দা সকল মূলতঃ কাৰ্বি আৰু তিৱা সম্প্ৰদায়ৰ যদিও তাত তেওঁলোেক জাতিগত পৰিচয় মৰঙালী হিচাপে পৰিচিত হৈ আহিছে। বৃহত্তৰ মাৰঙা অঞ্চলৰ দহখনকৈ গাঁও হল ক্রমে - বৰগাওঁ , আঠগাওঁ, নালাপাৰা, নোৱাগাঁও, পুৰাণগাঁও, লালুংপাম, জয়গাঁও, দেহেনগাওঁ , বৰঘাটচাৰি আৰু জাৰিকুছি । এই সন্দৰ্ভত অঞ্চলটোৰ বাসিন্দা সকলৰ উন্নয়নৰ হকে…

প্ৰিমিয়াৰ লীগৰ খিতাপ দখল কৰিলে আৰ্চেনাল এফ চিয়ে। দলটোৱে ২২ বছৰৰ পিছত এই খিতাপটো দখল কৰিছে, যাৰ ফলত এই কৃতিত্ব অত্যন্ত বিশেষ হৈ পৰিছে। দলটোৱে শেষবাৰৰ বাবে ২০০৪ চনত এই ট্ৰফী উত্তোলন কৰিছিল।ইংলেণ্ডৰ বৰ্ণমাউথৰ ভিটালিটি ষ্টেডিয়ামত মঙলবাৰে নিশা ডিফেণ্ডিং চেম্পিয়ন মানচেষ্টাৰ চিটি এফ চিৰ বিৰুদ্ধে এ এফ চি বৰ্ণমাউথৰ বিৰুদ্ধে ১-১ গ’লত ড্র’ হয়। পেপ গুৱাৰ্ডিঅ’লাৰ দলটোক খিতাপৰ দৌৰত থাকিবলৈ যিকোনো মূল্যতে জয়ৰ প্ৰয়োজন আছিল যদিও বৰ্ণমাউথৰ আকৰ্ষণীয় প্ৰদৰ্শনে তেওঁলোকৰ আশাক ম্লান কৰি পেলালে। খেলখনৰ গুৰুত্বপূৰ্ণ মুহূৰ্তটো ৩৯ মিনিটত ১৯ বছৰীয়া ফ্ৰান্সৰ এলি জুনিয়ৰ ক্ৰুপিয়ে বৰ্ণমাউথক এক সুন্দৰ গ’ল দি অগ্ৰগতি প্ৰদান কৰে। আৰ্লিং হালেণ্ডৰ সমতা স্থাপনৰ ফলত চিটিৰ প্ৰত্যাৱৰ্তনৰ…

ইণ্ডিয়ান প্ৰিমিয়াৰ লীগ (আই পি এল) ২০২৬ৰ ৬৩ সংখ্যক মেচত সোমবাৰে ছানৰাইজাৰ্ছ হায়দৰাবাদে চেন্নাই ছুপাৰ কিংছ (চি এছ কে)ক ৫ উইকেটত পৰাস্ত কৰে।এই জয়েৰে এছ আৰ এইচে প্লে অফৰ বাবে যোগ্যতা অৰ্জন কৰে। এই দলৰ লগতে গুজৰাট টাইটানছ (জিটি)য়েও পৰৱৰ্তী ৰাউণ্ডত স্থান নিশ্চিত কৰে। ইতিমধ্যে ৰয়েল চেলেঞ্জাৰছ বেংগালুৰুৱে ১৩খন খেলৰ পৰা ৯ খন জয়ৰে প্লে অফৰ বাবে যোগ্যতা অৰ্জন কৰিছিল, তাৰ পিছত ছানৰাইজাৰ্ছ হায়দৰাবাদ আৰু গুজৰাট টাইটানছেও শীৰ্ষ চাৰিত স্থান দখল কৰিছে। টছত জয়ী হৈ এম এ চিদাম্বৰম ষ্টেডিয়ামত বেটিং কৰাৰ পথ বাছি লৈ চেন্নাই ছুপাৰ কিংছে ৭ উইকেটত ১৮০ ৰান সংগ্ৰহ কৰে। দলটোৱে ৪৮ ৰান সংগ্ৰহ কৰি দুটা উইকেট…

টুৰ্ণামেণ্টৰ আৰম্ভণি বেয়া হোৱাৰ পাছত কঠিন সময়ৰ সন্মুখীন হোৱা কলকাতা নাইট ৰাইডাৰ্ছে প্লে অফৰ আশা সজীৱ ৰাখিবলৈ বিচাৰিলে কাইলৈ মুম্বাই ইণ্ডিয়ানছৰ বিৰুদ্ধে ভাল প্ৰদৰ্শন কৰিব লাগিব। ইতিমধ্যে প্লে অফৰ দৌৰৰ পৰা বাহিৰ হৈছে মুম্বাই ইণ্ডিয়ানছ যদিও কেকেআৰৰ সুযোগ বিচলিত কৰিবলৈ দৃঢ়প্ৰতিজ্ঞ। যদিহে কেকেআৰে এই মেচত পৰাস্ত হয়, তেন্তে অজিংক্য ৰাহানেৰ নেতৃত্বত একেৰাহে দ্বিতীয়টো ছিজন হ’ব যে তেওঁলোকৰ দলটোৱে প্লে অফত প্ৰৱেশ কৰিবলৈ ব্যৰ্থ হৈছে। শ্ৰেয়াছ আয়াৰৰ নেতৃত্বত খিতাপ জয় কৰাৰ এবছৰৰ পাছত ২০২৫ চনত কেকেআৰে অষ্টম স্থান দখল কৰে। আনকি মুম্বাইৰ বিৰুদ্ধে জয়লাভ কৰিলেও কেকেআৰৰ আশা সম্পূৰ্ণ নহ’ব। তেওঁলোকৰ ভাগ্য এতিয়াও নিৰ্ভৰ কৰিব শনিবাৰে লক্ষ্ণৌ ছুপাৰ জায়েন্টছ আৰু পঞ্জাব কিংছৰ…

গুৱাহাটীৰ গোপাল বড়ো উচ্চতৰ মাধ্যমিক বিদ্যালয়ত  অসম মহিলা অভিযন্তা সংস্থাৰ উদ্যোগত 'কাৰিকৰী আৰু ব্যৱহাৰিক  শিক্ষাৰ প্ৰয়োজনীয়তা'  শীৰ্ষক   এখন সজাগতা সভা অনুষ্ঠিত  হয় ৷ আনহাতে  অসম মহিলা অভিযন্তা সংস্থাৰ সভানেত্ৰী মৃদুলা দাস ,  সম্পাদিকা অন্তৰা বৰুৱা , জ্যেষ্ঠ  সদস্যা নয়ন ভাণ্ডাৰী শৰ্মা , সুৰেয়া জাহান , লাৱণ্য পদ্মপতি বৰুৱা প্ৰমুখ্যে সংস্থাৰ বিষয়ববীয়া, সদস্যাসকলৰ উপৰিও  গোপাল বড়ো উচ্চতৰ  মাধ্যমিক বিদ্যালয়ৰ ভাৰপ্ৰাপ্ত   অধ্যক্ষা গুণলতা চহৰীয়াকে ধৰি শিক্ষক - শিক্ষয়িত্ৰী  আৰু  ছাত্ৰ- ছাত্ৰীসকলৰ উপস্থিতিত   অনুস্থিত হোৱা সভাখন  ৰাষ্ট্ৰীয় সংঙ্গীতৰে শুভাৰম্ভ কৰা হয়। এই উপলক্ষে সংস্থাৰ সভানেত্ৰী মৃদুলা দাসৰ  আদৰণি ভাষণেৰে শুভাৰম্ভ হোৱা সভাখনত নিৰ্দিষ্ট বক্তা  হিচাপে ভাগ লৈ অসম অভিযান্ত্ৰিক মহাবিদ্যিলয়ৰ অৱসৰপ্ৰাপ্ত অধ্যক্ষা তথা…

পশ্চিম এচিয়াত অব্যাহত থকা তীব্ৰ উত্তেজনাৰ মাজতে ইৰানৰ ওপৰত মঙলবাৰে চলাবলগীয়া সামৰিক আক্ৰমণ সাময়িকভাৱে স্থগিত ৰাখিছে আমেৰিকা যুক্তৰাষ্ট্ৰই। কাটাৰ, চৌদি আৰৱ আৰু সংযুক্ত আৰৱ আমিৰশ্বাহীৰ শীৰ্ষ নেতৃবৃন্দৰ বিশেষ অনুৰোধৰ পাছতে মাৰ্কিন ৰাষ্ট্ৰপতি ড’নাল্ড ট্ৰাম্পে এই গুৰুত্বপূৰ্ণ সিদ্ধান্ত গ্ৰহণ কৰে। অৱশ্যে আমেৰিকা আৰু ইৰানৰ মাজত চলি থকা এই যুদ্ধসদৃশ পৰিস্থিতিত মধ্যস্থতাকাৰীৰ ভূমিকা পালন কৰা পাকিস্তানৰ সন্দৰ্ভত মাৰ্কিন ৰাষ্ট্ৰপতিগৰাকীয়ে কোনো মন্তব্য কৰা নাই। এক বিশেষ বিবৃতিৰ জৰিয়তে ড’নাল্ড ট্ৰাম্পে কয়, "কাটাৰৰ আমিৰ, চৌদি আৰৱৰ যুৱৰাজ আৰু সংযুক্ত আৰৱ আমিৰশ্বাহীৰ ৰাষ্ট্ৰপতিৰ অনুৰোধ মৰ্মে মই ইৰানৰ ওপৰত হ’বলগীয়া পূৰ্বপৰিকল্পিত আক্ৰমণ স্থগিত ৰাখিবলৈ নিৰ্দেশ দিছোঁ।" বৰ্তমান এই বিষয়ত উচ্চস্তৰীয় আলোচনা চলি থকা বুলি উল্লেখ কৰি…

উত্তৰাখণ্ডত ইতিহাসপ্ৰসিদ্ধ তীৰ্থনগৰী ঋষিকেশৰ সমীপত সোমবাৰে নিশা ৰে’লপথৰ পৰা চিটিকি পৰিল উজ্জ্বয়িনী এক্সপ্ৰেছৰ ৩টাকৈ ডবা। খাণ্ড গাঁও অঞ্চলৰ যোগ নগৰী ৰে’ল ষ্টেচনৰ ওচৰত নিশা প্ৰায় ৯:৪০ বজাত ৰে’লখন ইয়াৰ ইয়াৰ্ডলৈ লৈ যোৱাৰ সময়তে এই ভয়ংকৰ দুৰ্ঘটনাটো সংঘটিত হয়। সৌভাগ্যবশতঃ সেই সময়ত ৰে’লখনৰ ভিতৰত কোনো যাত্ৰী থকা নাছিল, যাৰ বাবে এক ডাঙৰ বিপদৰ পৰা কথমপি ৰক্ষা পৰে। ৰে’ল বিভাগৰ সূত্ৰই প্ৰকাশ কৰা অনুসৰি, ইন্দোৰৰ লক্ষ্মীবাই নগৰ আৰু যোগ নগৰী ঋষিকেশৰ মাজত চলাচল কৰা ৰে’লখন ছণ্টিং লাইনৰ শেষ প্ৰান্তত থকা বাফাৰৰ সৈতে পোনপটীয়াকৈ সংঘৰ্ষত লিপ্ত হয়। এই তীব্ৰ খুন্দাৰ ফলত ডবাসমূহৰ ওপৰত অতিৰিক্ত চাপৰ সৃষ্টি হোৱাত এটা ডবা সম্পূৰ্ণৰূপে চিটিকি পৰে আৰু…

অসমত হাতী-মানুহৰ সংঘাত তীব্ৰতৰ হোৱাৰ মাজতে মঙলবাৰে পুৱা কলিয়াবৰৰ লেংটেং ২ নম্বৰ বস্তি এলেকাত উদ্ধাৰ হয় এটা বন্যহস্তীৰ মৃতদেহ। গাঁৱৰ একাংশ বাসিন্দাই পুৱা পথাৰলৈ যোৱাৰ সময়তে প্ৰথমবাৰৰ বাবে হাতীটোৰ মৃতদেহ প্ৰত্যক্ষ কৰে আৰু লগে লগে সমগ্ৰ বিষয়টো স্থানীয় গাঁওবুঢ়াক অৱগত কৰে। ইয়াৰ পাছতে গাঁৱৰ ৰাইজে ঘটনা সন্দৰ্ভত শালনা বন সংমণ্ডলক খবৰ দিয়ে। ঘটনাৰ খবৰ পোৱাৰ লগে লগে বন বিভাগৰ ৱেষ্টাৰ্ণ ৰেঞ্জৰ এটা দল যুদ্ধকালীন তৎপৰতাৰে ঘটনাস্থলীত উপস্থিত হয়। স্থানীয় একাংশ বাসিন্দাৰ গুৰুতৰ অভিযোগ অনুসৰি কোনো অচিনাকি দুষ্কৃতিকাৰীয়ে অবৈধভাৱে বিদ্যুতৰ সংযোগ ব্যৱহাৰ কৰি হাতীটোক বিদ্যুৎস্পৃষ্ট কৰাইছিল, যাৰ ফলত প্ৰাণীটোৰ কৰুণ মৃত্যু ঘটে। অৱশ্যে এতিয়ালৈকে চৰকাৰীভাৱে মৃত্যুৰ প্ৰকৃত কাৰণ সন্দৰ্ভত কোনো স্পষ্ট…