Sonakshi Sarkar

গুৱাহাটী মহানগৰীৰ পাৰ্শ্বৱৰ্তী  বৃহত্তৰ ৰাণী অঞ্চলত অব্যাহত আছে বনৰীয়া হাতীৰ তাণ্ডৱ।  আনকি বৰঝাৰ বিমানবন্দৰৰ পৰা কিছু নিলগৰ  ৰাণীৰ পাটগাওঁ , সজ্জনপাৰা  আদি  অঞ্চলৰ খেতিপথাৰ সমূহত বছৰ বছৰ ধৰি চলি আহিছে বনৰীয়া হাতীৰ তাণ্ডৱ। বিশেষকৈ বৃহত্তৰ অঞ্চলটোৰ জৱে, পাটগাঁও, সজ্জনপাৰা, ৰাজাপানীচান্দা, আন্ধেৰিজুলি,  মাণিকপুৰ, পুৰাণ শুকুৰবৰীয়া, মাজপাৰা, মাহেন্দ্ৰী, বেলগুৰি, উদয়পুৰ, নালাপাৰা, পুখুৰীপাৰ, চেচা, টাঙ্গনপাৰা, চল্লি, জয়পুৰ, গাৰোপাৰা আদি গাঁৱৰ খেতিপথাৰত অধিক ৰূপত বনৰীয়া হাতীৰ তাণ্ডৱ চলে প্ৰত্যেক বছৰে। অঞ্চলটোৰ এটি সূলভ দৃশ্য বনৰীয়া হাতী ওলাই আহি খাদ্যৰ সন্ধান কৰা । ২৬ মে'ৰ দিনা নিশাও কেবাগৰাকী কৃষকৰ ঘৰ-দুৱাৰ, তামোল গছ, কঁঠালগছ ভাঙি তহিলং কৰে এটা বন্যহস্তীয়ে। জানিব পৰা মতে যোৱা নিশা প্ৰায় চাৰে…

অন্ত পৰাৰ দিশে আগবাঢ়িছে আইপিএল ২০২৬। কাইলৈ আহমেদাবাদত ফাইনেল। য'ত বিগত চেম্পিয়ন ৰয়েল চেলেঞ্জাৰছ বেংগালুৰুৱে গুজৰাট টাইটানছৰ বিৰুদ্ধে অৱতীৰ্ণ হ'ব। ৰয়েল চেলেঞ্জাৰছ বেংগালুৰুৱৰ লক্ষ্য একেৰাহে দ্বিতীয়বাৰলৈ চেম্পিয়ন খিতাপ অৰ্জন কৰা। কিন্তু তেওঁলোকৰ বাবে এইটো সহজ নহ'ব। কিয়নো গুজৰাট টাইটানছ সুন্দৰ ফৰ্মত আছে। সেয়ে এই খেলখন ৰোমাঞ্চকৰ হোৱাৰ পূৰ্বে সম্ভাৱনা আছে। এই খেলখন সন্ধিয়া ৭.৩০ বজাৰ পৰা আৰম্ভ হ'ব।আৰ চি বিয়ে আক্ৰমণাত্মক আৰু নিৰ্ভীক দৃষ্টিভংগীৰে প্ৰতিযোগিতাখনত আধিপত্য বিস্তাৰ কৰাৰ বিপৰীতে টাইটানছৰ ধৈৰ্য্য খেলেৰে আপ্লুত কৰি পাঁচ বছৰৰ ভিতৰত তৃতীয়বাৰৰ বাবে ফাইনেলত স্থান নিশ্চিত কৰিছে। ডিফেণ্ডিং চেম্পিয়ন আৰচিবিক টাইটানছৰ বিৰুদ্ধে শক্তিশালী প্ৰতিদ্বন্দ্বী হিচাপে গণ্য কৰা হয়, কিয়নো তেওঁলোকৰ নিৰ্ভীক আৰু ৰিস্ক লোৱা…

দুজন উদীয়মান চিকিৎসা বিজ্ঞানৰ ছাত্ৰক আগবঢ়াই থবলৈ অহা এক যাত্ৰাৰ পৰিণতি অৱশেষত এক অবৰ্ণনীয় ট্ৰেজেডীৰে সামৰণি পৰিল। মহানগৰীৰ সমীপৱৰ্তী ক্ষেত্ৰী থানাৰ অন্তৰ্গত ২৭ নম্বৰ ৰাষ্ট্ৰীয় ঘাইপথত শুকুৰবাৰে সংঘটিত এক ভয়ংকৰ পথ দুৰ্ঘটনাত অৰুণাচল প্ৰদেশৰ এটা পৰিয়ালৰ জ্যেষ্ঠ চিকিৎসা বিষয়া, পত্নী আৰু পুত্ৰসহ মৃত্যুক সাৱটে ৪জনকৈ লোকে। আৰক্ষী আৰু ট্ৰেফিক শাখাৰ সূত্ৰই প্ৰকাশ কৰা মতে, শুকুৰবাৰে দিনৰ প্ৰায় ১১:৩০ বজাত এই মৰ্মান্তিক দুৰ্ঘটনাটো সংঘটিত হয়। নিহতসকলক ক্ৰমে অৰুণাচল চৰকাৰৰ পশুপালন বিভাগৰ জ্যেষ্ঠ পশু চিকিৎসা বিষয়া তথা ‘বাছাৰ আও ৱেলফেয়াৰ এছ’চিয়েশ্যন’ৰ সভাপতি ডাঃ লিগে বাছাৰ, তেওঁৰ পত্নী কুংগা ডইমা, তেওঁলোকৰ পুত্ৰ তথা চিকিৎসা বিজ্ঞানৰ ছাত্ৰ গেমাৰ বাছাৰ আৰু গেমাৰৰ সহপাঠী তথা বন্ধু…

চৰম একাকীত্ব তথা নিসংগতাৰ মানসিক অৱসাদত অৱশেষত একেলগে আত্মহননৰ পথ বাচি ল’লে দুই অশীতিপৰ বৃদ্ধাই। ৰাজধানী দিল্লীৰ অভিজাত নতুন ৰাজিন্দৰ নগৰ অঞ্চলত বৃহস্পতিবাৰে পুৱা এক বন্ধ কোঠাৰ ভিতৰৰ পৰা এই দুই আশী বছৰীয়া বৃদ্ধাৰ গলিত মৃতদেহ উদ্ধাৰ হোৱাৰ ঘটনাই এতিয়া সমগ্ৰ অঞ্চলটোতে এক তীব্ৰ চাঞ্চল্যৰ সৃষ্টি কৰিছে। সৰোজ বালা আৰু চন্দ্ৰ কান্তা নামৰ এই জা-ননদ দুগৰাকী দীৰ্ঘদিন ধৰি সমাজৰ পৰা আঁতৰি আছিল বুলি আৰক্ষীয়ে প্ৰকাশ কৰিছে। তদন্তকাৰী বিষয়াৰ তথ্য অনুসৰি, প্ৰথম মহলাৰ এই বিশাল আৱাসটোৰ আটাইবোৰ প্ৰৱেশ দ্বাৰেই ভিতৰৰ পৰা সম্পূৰ্ণ তলাবন্ধ অৱস্থাত আছিল। ঘৰটোত কোনো ধৰণৰ জোৰ-জুলুম কৰি প্ৰৱেশ কৰা, লুটপাত চলোৱা বা হতাহতি হোৱাৰ কোনো চিন পৰিদৰ্শনকালত পোৱা…

ভাৰতত বসবাস কৰা প্ৰতিগৰাকী অবৈধ বিদেশী নাগৰিকৰ বিৰুদ্ধে কেন্দ্ৰীয় চৰকাৰে গ্ৰহণ কৰিলে এক অতি কঠোৰ আইনী পদক্ষেপ। বৈদেশিক পৰিক্ৰমা মন্ত্ৰালয়ৰ মুখপাত্ৰ ৰণধীৰ জয়ছোৱালে শুকুৰবাৰে নতুন দিল্লীত অনুষ্ঠিত এক সংবাদ মেলত চৰকাৰৰ এই স্থিতি স্পষ্ট কৰে। ইয়াৰ সমান্তৰালভাৱে, অবৈধ অনুপ্ৰৱেশকাৰীক নিজ দেশলৈ ওভতাই পঠোৱাৰ প্ৰক্ৰিয়াত চুবুৰীয়া ৰাষ্ট্ৰ বাংলাদেশৰ তৰফৰ পৰা নাগৰিকত্ব পৰীক্ষণৰ হাজাৰ হাজাৰ আবেদন বৰ্তমানো ওলমি থকাৰ বিষয়টোও তেওঁ সদৰী কৰিছে। অনুপ্ৰৱেশকাৰীৰ বিৰুদ্ধে লোৱা পদক্ষেপ আৰু বাংলাদেশ চৰকাৰৰ লেহেমীয়া প্ৰক্ৰিয়াক লৈ মুখপাত্ৰ ৰণধীৰ জয়ছোৱালে কয়, “ভাৰতত থকা সকলো অবৈধ বিদেশী নাগৰিকৰ বিৰুদ্ধে আইন অনুসৰি ব্যৱস্থা লোৱা হ’ব। বাংলাদেশৰ ক্ষেত্ৰত আমি ইতিমধ্যে ২,৬৮০ তকৈও অধিক গোচৰ নাগৰিকত্ব পৰীক্ষণৰ বাবে বাংলাদেশ চৰকাৰলৈ…

মণিপুৰত শান্তি চুক্তিৰ আওতাত থকা কুকি উগ্ৰপন্থী সংগঠনৰ দ্বাৰা অপহৃত হোৱা ৬ গৰাকী লিয়াংমাই নগা বন্দীক অতি সোনকালে সুৰক্ষিতভাৱে মুকলি কৰাৰ দাবীত এতিয়া জাঙুৰ খাই উঠিছে অল নগা ষ্টুডেন্টছ এছ’চিয়েশ্যন, মণিপুৰ। অপহৃত লোকসকলৰ সন্ধান উলিওৱাৰ বাবে নগা ছাত্ৰ সংগঠনটোৱে মণিপুৰ চৰকাৰক এক কঠোৰ চাৰিদিনীয়া চৰম সময়সীমা বান্ধি দিছে। যোৱা ২৪ মে’ত অনুষ্ঠিত সংগঠনটোৰ এক জৰুৰী কাৰ্যবাহী বৈঠকত ৰাজ্যখনৰ সাম্প্ৰতিক নিৰাপত্তা ব্যৱস্থা আৰু যোৱা ১৩ মে’ত লেইমাখং সেনা ছাউনীৰ সমীপৰ পৰা ১৮ গৰাকী নগা লোকক দিন-দুপৰতে অপহৰণ কৰা ঘটনাৰ পৰ্যালোচনা কৰি এই সিদ্ধান্ত গ্ৰহণ কৰা হয়। ছাত্ৰ সংগঠনটোৰ সভাপতি আংটেশাং মাৰিঙে সংবাদ মাধ্যমৰ আগত প্ৰকাশ কৰা মতে, অপহৃত ১৮ জনৰ ভিতৰত…

তিনিচুকীয়া জিলাৰ মাকুম সমষ্টিৰ অন্তৰ্গত শিলিখা চাহ বাগিচাৰ সমীপৰ শিলিখা ঘাটৰ নদীত বৃহস্পতিবাৰে সন্ধিয়া এক শোকাৱহ অঘটন সংঘটিত হয়। ঘৰুৱা কন্দলৰ পৰিণতিত নৈৰ বুকুত জাঁপ দিয়া স্বামীক উদ্ধাৰ কৰিবলৈ গৈ পত্নী আৰু জ্যেষ্ঠ ভগ্নীও বৰ্তমান নিখোঁজ হৈ পৰিছে। এই ঘটনাই সমগ্ৰ জিলাখনতে এক তীব্ৰ চাঞ্চল্যৰ সৃষ্টি কৰাৰ লগতে অঞ্চলটোত শোকৰ ছাঁ পেলাইছে। স্থানীয় ৰাইজে জানিবলৈ দিয়া অনুসৰি, শিলিখা চাহ বাগিচাৰ নিবাসী শংকৰ কালান্দী নামৰ ৩৩ বছৰীয়া লোকজনে কোনো ঘৰুৱা বিষয় লৈ সৃষ্টি হোৱা বাক-বিতণ্ডাৰ অন্তত সুৰাৰ ৰাগীত মতলীয়া হৈ হঠাতে শিলিখা ঘাটৰ নদীত জাঁপ দিয়ে। নিজ চকুৰ সন্মুখতে লোকজনে নদীত জাঁপ দিয়া দেখি তেওঁক বচাবলৈ পত্নী অনিতা কালান্দী আৰু তেওঁৰ…

১১ জুনৰ পৰা আৰম্ভ হ’ব ফিফা বিশ্বকাপ।২০১৮ চনৰ বিজয়ী আৰু ২০২২ চনত আৰ্জেণ্টিনাৰ হাতত পৰাজিত হোৱা ফ্ৰান্স পুনৰবাৰ ফেভাৰিট হৈ আছে। ইয়াৰ কাৰণ হৈছে তাৰকা ষ্ট্ৰাইকাৰ কাইলিয়ান এমবাপে, যিয়ে বিগত দুটা বিশ্বকাপত স্মৰণীয় প্ৰদৰ্শন আগবঢ়াইছে আৰু বৰ্তমান কেৰিয়াৰৰ শিখৰত আছে। ২৭ বছৰীয়া কাইলিয়ান এমবাপেক আজি বিশ্বৰ শ্ৰেষ্ঠ ষ্ট্ৰাইকাৰ হিচাপে বিবেচিত হৈছে। মেছি আৰু ৰোনাল্ডোৰ পিছতো তেওঁক ফুটবলৰ পৰৱৰ্তী ডাঙৰ ছুপাৰষ্টাৰ হিচাপে গণ্য কৰা হয়। ইয়াৰ কাৰণ হৈছে তেওঁৰ কাৰিজমাটিক খেল, যিয়ে তেওঁক আন্তঃৰাষ্ট্ৰীয় আৰু ক্লাব ফুটবলত এক ডাঙৰ নাম কৰি তুলিছে। এমবাপে নিজৰ গতি, ড্ৰিবলিং আৰু নিখুঁত ফিনিছিঙৰ বাবে পৰিচিত। বলটো পূৰ্ণ গতিৰে আগুৱাই নিব পৰা, বিপক্ষৰ মাজেৰে বল লক্ষ্যস্থান…

দেশৰ সৰ্ববৃহৎ উদ্যোগ প্ৰতিষ্ঠান ৰিলায়েঞ্চ ইণ্ডাষ্ট্ৰীজৰ সৰ্বোচ্চ আসনখনত বহিও বিগত পাঁচ বছৰৰ দৰে এইবেলিও নিজৰ বাবে কোনো পাৰিতোষিক গ্ৰহণ নকৰাৰ সিদ্ধান্ত লৈছে কোটিপতি ব্যৱসায়ী মুকেশ আম্বানীয়ে। তেল, দূৰসংযোগ আৰু খুচুৰা ব্যৱসায়ৰ এক বিশাল সাম্ৰাজ্য চম্ভালি অহা উদ্যোগপতি মুকেশ আম্বানীয়ে অলপতে সমাপ্ত হোৱা ২০২৬ বিত্তীয় বৰ্ষতো কোম্পানীৰ পৰা এটকাও দৰমহা নোলোৱাকৈয়ে কাম কৰাৰ এক বিৰল উদাহৰণ দাঙি ধৰে। বিশ্বজুৰি কৰ্প’ৰেট খণ্ডৰ শীৰ্ষ মুৰব্বীসকলৰ আকাশলংঘী দৰমহা আৰু ভাট্টাক লৈ চৰ্চা চলি থকাৰ সময়তে এছিয়াৰ দ্বিতীয় ধনী ব্যক্তিগৰাকীৰ এই স্বেচ্ছামূলক ত্যাগে ব্যৱসায়িক জগতত এক বিশেষ স্থান লাভ কৰিছে। ৰিলায়েঞ্চ ইণ্ডাষ্ট্ৰীজৰ শেহতীয়া বাৰ্ষিক প্ৰতিবেদন অনুসৰি, অধ্যক্ষ তথা পৰিচালন সঞ্চালক মুকেশ আম্বানীয়ে বিগত বিত্তীয় বৰ্ষত…

নিজৰ চৰকাৰী বাসগৃহতে ৪০ মিলিয়ন ডলাৰ মূল্যৰ কেইবাশ সোণৰ বাৰ লুকুৱাই ৰখাৰ এক গুৰুতৰ অভিযোগত অৱশেষত আইনৰ জালত পৰিছে আমেৰিকাৰ চোৰাংচোৱা সংস্থাৰ এজন প্ৰাক্তন প্ৰধান বিষয়া। আমেৰিকা যুক্তৰাষ্ট্ৰৰ কেন্দ্ৰীয় তদন্তকাৰী সংস্থা এফ বি আইয়ে ভাৰ্জিনিয়া ৰাজ্যত থকা ডেনিছ ৰাছ নামৰ এই প্ৰাক্তন শীৰ্ষ বিষয়াগৰাকীৰ ঘৰত চলোৱা এক তালাচীত এই বিপুল পৰিমাণৰ সম্পত্তি জব্দ কৰিবলৈ সক্ষম হয়। আদালতৰ নথি-পত্ৰৰ উদ্ধৃতি দি সংবাদ মাধ্যমে প্ৰকাশ কৰা মতে, সোণৰ বাৰসমূহৰ উপৰিও বিষয়াগৰাকীৰ ঘৰৰ পৰা নগদ ২ মিলিয়ন ডলাৰ আৰু প্ৰায় ৩৫ টা বহুমূলীয়া বিলাসী ঘড়ীও আৰক্ষীয়ে উদ্ধাৰ কৰিছে। নিউয়ৰ্ক টাইমছত প্ৰকাশিত এক প্ৰতিবেদন অনুসৰি, ডেনিছ ৰাছ নামৰ এই বিষয়াগৰাকী আমেৰিকাৰ কেন্দ্ৰীয় চোৰাংচোৱা সংস্থা…