Paromita

ৰাজ্যৰ জনজাতীয় সমাজৰ স্বাৰ্থত দশকজুৰি কাম কৰি অহা এজন নিষ্ঠাবান ৰাজনীতিকক হেৰুৱালে ৰাজ্যৰ ৰাজনৈতিক মহলে। মঙলবাৰে পুৱা গুৱাহাটীৰ এখন ব্যক্তিগত হাস্পতালত চিকিৎসাধীন অৱস্থাতে শেষ নিশ্বাস ত্যাগ কৰিলে প্ৰাক্তন কেন্দ্ৰীয় মন্ত্ৰী তথা জ্যেষ্ঠ সাংসদ বীৰেণ সিং ইংতিয়ে। কাৰ্বি আংলঙৰ দৰে পিছপৰা অঞ্চলৰ লোকসকলৰ অধিকাৰৰ হকে সংসদৰ মজিয়াত সবল নেতৃত্ব দিয়া এইগৰাকী নেতাৰ বিয়োগে ৰাজ্যৰ জনজাতীয় ৰাজনীতিত এক বিশেষ শূন্যতাৰ সৃষ্টি কৰিছে। প্ৰায় আঠটা দশকজোৰা জীৱন পৰিক্ৰমাত ইংতিয়ে লোকসভাত একাধিকবাৰ স্বায়ত্তশাসিত জিলা সমষ্টিক প্ৰতিনিধিত্ব কৰিছিল। কেন্দ্ৰীয় মন্ত্ৰী হিচাপেও দায়িত্ব পালন কৰা ইংতি কেৱল এজন নিৰ্বাচনী প্ৰাৰ্থীয়েই নাছিল, বৰঞ্চ পাহাৰীয়া জিলাৰ সামাজিক আৰু ৰাজনৈতিক উত্তৰণৰ অন্যতম পথপ্ৰদৰ্শক আছিল। ১৯৪৫ চনত জন্মগ্ৰহণ কৰা এইগৰাকী…

ৰাজ্যৰ হাজাৰ হাজাৰ শিক্ষকৰ বাবে এক সকাহৰ খবৰ কঢ়িয়াই আনিছে শিক্ষা বিভাগে। নতুনকৈ নিযুক্ত হোৱা শিক্ষকসকলক পাৰস্পৰিক বদলিৰ আবেদন জনোৱাৰ অনুমতি দিয়াৰ লগতে পূৰ্বৰ দুবছৰীয়া সময়সীমাৰ বাধ্যবাধকতাও এতিয়াৰ পৰা প্ৰত্যাহাৰ কৰা হৈছে। অৰ্থাৎ, এবাৰ বদলি হোৱাৰ পাছত পুনৰ আবেদন কৰিবলৈ এতিয়াৰ পৰা শিক্ষকসকলে দুবছৰ অপেক্ষা কৰাৰ প্ৰয়োজন নাই। শিক্ষা বিভাগৰ আয়ুক্ত সচিব নাৰায়ণ কোঁৱৰৰ স্বাক্ষৰিত এক জাননী যোগে এই গুৰুত্বপূৰ্ণ সংশোধনৰ কথা সদৰী কৰা হৈছে। জাননীখনত উল্লেখ কৰা অনুসৰি, এই বদলি প্ৰক্ৰিয়া কেৱল সম মৰ্যাদাৰ শিক্ষকসকলৰ মাজতহে হ'ব আৰু সমগ্ৰ প্ৰক্ৰিয়াটো বিভাগীয় অনলাইন প’ৰ্টেলৰ জৰিয়তে সম্পন্ন কৰিব লাগিব। পাৰস্পৰিক বদলিৰ ফলত স্কুলসমূহত ছাত্ৰ-শিক্ষকৰ অনুপাতত কোনো প্ৰভাৱ নপৰে বাবে শৈক্ষিক বাতাবৰণ…

গুৱাহাটী মহানগৰীৰ যান-জঁট সমস্যাৰ পৰা সকাহ দিবলৈ সাজু হৈ উঠিছে অসমৰ দীৰ্ঘতম উৰণীয়া সেতু। নুনমাটিৰ পৰা দীঘলীপুখুৰী সংযোগী প্ৰায় ৫.৫ কিলোমিটাৰ দৈৰ্ঘ্যৰ 'মহাৰাজ পৃথু উৰণীয়া সেতু' কাইলৈ অৰ্থাৎ ১০ মাৰ্চ, মঙলবাৰে আনুষ্ঠানিকভাৱে ৰাইজৰ বাবে মুকলি কৰা হ’ব। মহানগৰীৰ অন্যতম ব্যস্ত পথেৰে যাতায়াত কৰা হাজাৰ হাজাৰ লোকৰ বাবে এই উৰণীয়া সেতুখনে এক নতুন গতি প্ৰদান কৰিব বুলি আশা কৰা হৈছে। প্ৰায় ৮৫০ কোটি টকা ব্যয় সাপেক্ষে নিৰ্মাণ কৰা এই চাৰিলেনযুক্ত উৰণীয়া সেতুখনে চহৰৰ তলৰ পথসমূহৰ ওপৰত থকা অত্যধিক যান-জঁটৰ চাপ হ্ৰাস কৰিব। সেতুখন কাৰ্যক্ষম হোৱাৰ লগে লগে মহানগৰীৰ পূব অংশৰ পৰা মধ্য অংশলৈ অতি কম সময়ৰ ভিতৰতে যাতায়াত কৰাটো সম্ভৱ হৈ…

পশ্চিম এছিয়াৰ বৰ্তমানৰ উত্তেজনাপূৰ্ণ পৰিস্থিতিক লৈ সংসদত আলোচনা কৰিবলৈ চৰকাৰে সন্মতি নিদিয়াৰ গুৰুতৰ অভিযোগ উত্থাপন কৰিছে লোকসভাৰ বিৰোধী দলপতি ৰাহুল গান্ধীয়ে। সোমবাৰে সংসদ ভৱনৰ বাহিৰত সাংবাদিকৰ সৈতে হোৱা বাৰ্তালাপত গান্ধীয়ে দাবী কৰে যে এই আলোচনাই প্ৰধানমন্ত্ৰী নৰেন্দ্ৰ মোদীৰ একাংশ গোপন বিষয় ফাদিল কৰাৰ সম্ভাৱনা থকাৰ বাবেই চৰকাৰে ভয় খাইছে। বিৰোধী দলপতিগৰাকীয়ে অভিযোগ কৰা মতে, পশ্চিম এছিয়াৰ সংঘাতৰ ফলত দেশত ইন্ধনৰ মূল্য বৃদ্ধি আৰু অৰ্থনৈতিক বিপৰ্যয়ৰ দৰে জনসাধাৰণৰ সমস্যাবোৰ জড়িত হৈ আছে। তেওঁ কয়, "এইবোৰ ৰাইজৰ গুৰুত্বপূৰ্ণ সমস্যা আৰু সেইবাবেই আমি সংসদত আলোচনা বিচাৰিছোঁ। কিন্তু চৰকাৰে ইয়াত মান্তি হোৱা নাই। কাৰণ প্ৰধানমন্ত্ৰী মোদীয়ে আমেৰিকাৰ সৈতে যি চুক্তিত স্বাক্ষৰ কৰিছে, তাৰ ফলত…

বিজেপিৰ জন আশীৰ্বাদ যাত্ৰাত অংশ ল’বলৈ শিক্ষাৰ্থীক হেঁচা প্ৰদান কৰাৰ গুৰুতৰ অভিযোগক লৈ এতিয়া জাঙুৰ খাই উঠিছে সদৌ অসম ছাত্ৰ সন্থা। দলীয় কাৰ্যসূচীত শিক্ষাৰ্থীৰ অংশগ্ৰহণ বাধ্যতামূলক কৰাক লৈ আছুৱে তীব্ৰ প্ৰতিবাদ সাব্যস্ত কৰাৰ লগতে সমগ্ৰ বিষয়টোৰ ওপৰত এক উচ্চস্তৰীয় তদন্তৰ দাবী জনাইছে। শিক্ষা অনুষ্ঠানৰ মজিয়াক ৰাজনৈতিক পৰীক্ষাগাৰলৈ ৰূপান্তৰিত কৰা কাৰ্যক কেন্দ্ৰ কৰি ৰাজ্যজুৰি এতিয়া তীব্ৰ প্ৰতিক্ৰিয়াৰ সৃষ্টি হৈছে। গোলাঘাটৰ সতী সাধনী বিশ্ববিদ্যালয়ৰ ছাত্ৰ-ছাত্ৰীসকলক মুখ্যমন্ত্ৰী ড০ হিমন্ত বিশ্ব শৰ্মাৰ সমাৱেশলৈ জোৰকৈ নিয়াৰ অভিযোগ উত্থাপন কৰি আছুৰ সভাপতি উৎপল শৰ্মাই সামাজিক মাধ্যমত কয়, "জন আশীৰ্বাদ যাত্ৰা বিজেপিৰ এক দলীয় কাৰ্যসূচী। কোনো ৰাজনৈতিক দলৰ অনুষ্ঠানত উপস্থিত থাকিবলৈ কোনোৱে শিক্ষাৰ্থীক বাধ্য কৰিব নোৱাৰে।" শিক্ষকৰ…

বিশ্বনাথৰ চতিয়াত সোমবাৰে পুৱাই চলিল জিলা প্ৰশাসনৰ উচ্ছেদৰ বুলডজাৰ। গাঁও চৰণীয়া পথাৰৰ ভূমি বেদখলমুক্ত কৰাৰ লক্ষ্যৰে চলোৱা এই অভিযানত প্ৰায় ৬৫ টা পৰিয়ালৰ অবৈধ নিৰ্মাণ উচ্ছেদ কৰা হয়। চৰকাৰী ভূমিৰ পৰা বেদখলকাৰীক আঁতৰাবলৈ প্ৰশাসনে গ্ৰহণ কৰা এই আকস্মিক পদক্ষেপে সমগ্ৰ অঞ্চলটোত এক চেপা উত্তেজনাৰ সৃষ্টি কৰিছে। চতিয়াৰ মিলনপুৰ, চৰাইজনীয়া আৰু চহলা- এই তিনিটা স্থানত প্ৰশাসনে উচ্ছেদ চলায়। নদুৱাৰ ৰাজহ চক্ৰৰ চক্ৰ বিষয়াই জনোৱা মতে, প্ৰায় ৭০ ৰ পৰা ৭৫ বিঘা ভূমি বেদখলমুক্ত কৰিবলৈ আজিৰ এই অভিযান চলোৱা হৈছে। উল্লেখযোগ্য যে মিলনপুৰত ৩৪ টা, চৰাইজনীয়াত ১৬ টা আৰু চহলাত ১৫ টাকৈ পৰিয়ালক এই উচ্ছেদৰ লক্ষ্য কৰি লোৱা হয়। যিকোনো অপ্ৰীতিকৰ পৰিস্থিতি…

২০২০ চনৰ উত্তৰ-পূব দিল্লীৰ সংঘৰ্ষৰ গোচৰত তিহাৰ কাৰাগাৰত বন্দী হৈ থকা সক্ৰিয় কৰ্মী শ্বাৰ্জিল ইমামক সোমবাৰে ১০ দিনৰ বাবে অন্তৱৰ্তীকালীন জামিন মঞ্জুৰ কৰিছে দিল্লীৰ এখন আদালতে। ভাতৃৰ বিবাহ অনুষ্ঠানত অংশগ্ৰহণ কৰাৰ লগতে অসুস্থ মাতৃৰ যত্ন ল’বলৈ ইমামে আদালতৰ ওচৰত ছয় সপ্তাহৰ বাবে জামিন আবেদন কৰিছিল। অতিৰিক্ত সত্ৰ ন্যায়াধীশ সমীৰ বাজপেয়ীয়ে এই আবেদনৰ শুনানি গ্ৰহণ কৰি অহা ২০ মাৰ্চৰ পৰা ৩০ মাৰ্চলৈ তেওঁৰ জামিন মঞ্জুৰ কৰে। বেআইনী কাৰ্যকলাপ (প্ৰতিৰোধ) আইন চমুকৈ ইউএপিএৰ ১৫এ ধাৰাৰ অধীনত অভিযুক্ত শ্বাৰ্জিল ইমামক ২০২০ চনত দিল্লী সংঘৰ্ষত উচতনি যোগোৱাৰ অভিযোগত গ্ৰেপ্তাৰ কৰা হৈছিল। উল্লেখযোগ্য যে, চলিত বৰ্ষৰ আৰম্ভণিতে উচ্চতম ন্যায়ালয়ে ইমাম আৰু তেওঁৰ সহযোগী উমৰ খালিদৰ…

পশ্চিম এছিয়াৰ উত্তপ্ত পৰিস্থিতিৰ বাবে সোমবাৰে মাজ আকাশৰ পৰাই দিল্লীলৈ উভতিবলৈ বাধ্য হ’ল ইণ্ডিগোৰ এখন আন্তঃৰাষ্ট্ৰীয় বিমান। নতুন দিল্লীৰ পৰা ব্ৰিটেইনৰ মানচেষ্টাৰ অভিমুখী বিমানখনে আকাশত প্ৰায় ৭ ঘণ্টা উৰাৰ পাছত আকাশমাৰ্গৰ হঠাত সলনি হোৱা বাধা-নিষেধৰ বাবে এই সিদ্ধান্ত গ্ৰহণ কৰিবলগীয়া হয়। যোৱা ১০ দিন ধৰি আমেৰিকা আৰু ইজৰাইলৰ সৈতে ইৰানৰ চলি থকা সংঘাতৰ পৰিপ্ৰেক্ষিততে এই পৰিস্থিতিৰ সৃষ্টি হৈছে। ফ্লাইট ট্ৰেকিং পৰ্টেল 'ফ্লাইটৰাডাৰ-২৪'ৰ তথ্য অনুসৰি, নৰৱেজিয়ান কেৰিয়াৰ নৰ্ছৰ সহযোগত পৰিচালিত ইণ্ডিগোৰ এই বিমানখন ইথিঅ'পিয়া আৰু এৰিট্ৰিয়াৰ সীমান্তৰ ওচৰ পাইছিলগৈ। সেই সময়তে পশ্চিম এছিয়াৰ আকাশমাৰ্গত জৰুৰীকালীন নিষেধাজ্ঞা আৰোপ কৰাৰ পৰিপ্ৰেক্ষিতত বিমানখন পুনৰ দিল্লীলৈ ঘুৰাই অনা হয়। ইণ্ডিগোৰ এজন মুখপাত্ৰই এই সন্দৰ্ভত কয়,…

প্ৰেমৰ প্ৰতীক তাজমহলৰ অপৰূপ সৌন্দৰ্য উপভোগ কৰি দেশলৈ উভতি যোৱাৰ মাত্ৰ কেইটামান দিনৰ পাছতেই মাজ সাগৰত কৰুণ মৃত্যুক সাৱটি ল’লে ৮৭ গৰাকী ইৰানী নৌসেনাই। আন্তঃৰাষ্ট্ৰীয় জলসীমাত আমেৰিকান চাবমেৰিনৰ আক্ৰমণত ইৰানী যুদ্ধজাহাজ 'আইআৰআইএছ ডেনা'ৰ সলিল সমাধি হোৱাৰ পাছতেই এতিয়া তেওঁলোকৰ ভাৰত ভ্ৰমণৰ ফটো ছ’চিয়েল মিডিয়াত ভাইৰেল হৈ পৰিছে। বিশাখাপট্টনমত অনুষ্ঠিত নৌসেনাৰ অনুশীলনত অংশ লৈ যোৱা ১৯ ফেব্ৰুৱাৰীত এই নৌসেনাৰ দলটোৱে আগ্ৰালৈ আহি মমতাজ-শ্বাহজাহানৰ প্ৰেমৰ কাহিনী শুনি আপ্লুত হৈছিল। প্ৰায় ৩৫০ গৰাকী নৌসেনাৰ এটা দল দিল্লীৰ পৰা বিশেষ বিমানেৰে আগ্ৰাৰ বায়ুসেনা ঘাটিত অৱতৰণ কৰিছিল। তাৰ পৰাই তেওঁলোকে তাজমহল দৰ্শন কৰিবলৈ গৈছিল আৰু প্ৰায় দুই ঘণ্টা সময় ধৰি তাত ফটো তথা চেলফি তোলাৰ…

ভয়ংকৰ হেলিকপ্টাৰ দুৰ্ঘটনাৰ পৰা কথমপি ৰক্ষা পৰিল উত্তৰ প্ৰদেশৰ উপ-মুখ্যমন্ত্ৰী কেশৱ প্ৰসাদ মৌৰ্য। লক্ষ্ণৌৰ লা মাৰ্টিনিয়াৰ কলেজ হেলিপেডৰ পৰা উৰা মৰাৰ কিছু সময় পাছতেই হেলিকপ্টাৰখনত ধৰা পৰে গুৰুতৰ যান্ত্ৰিক বিজুতি। লগে লগে পাইলটে অত্যন্ত তৎপৰতাৰে লক্ষ্ণৌ বিমানবন্দৰত জৰুৰী অৱতৰণ কৰোৱাত এক ডাঙৰ বিপৰ্যয়ৰ পৰা ৰক্ষা পৰে উপ-মুখ্যমন্ত্ৰীগৰাকী। প্ৰত্যক্ষদৰ্শীৰ মতে, উৰণৰ পাছতেই হেলিকপ্টাৰখনৰ ভিতৰত হঠাৎ ধোঁৱা ওলোৱা দেখা গৈছিল। সেই সময়ত হেলিকপ্টাৰখনত মৌৰ্যৰ লগতে তেওঁৰ এজন সহযোগী আৰু দুজন পাইলটসহ মুঠ পাঁচজন লোক আছিল। লক্ষ্ণৌ বিমানবন্দৰত সুৰক্ষিতভাৱে অৱতৰণ কৰাৰ পাছত উপ-মুখ্যমন্ত্ৰীগৰাকী সুস্থ আছে বুলি জানিব পৰা গৈছে। তেওঁ পৰৱৰ্তী সময়ত আন এখন হেলিকপ্টাৰেৰে কৌম্বীৰ পূৰ্বনিৰ্ধাৰিত কাৰ্যসূচীলৈ ৰাওনা হয়। ইতিমধ্যে এক বিশেষজ্ঞৰ…