10
Jun
ৰাজ্যসভাৰ সদস্যপদৰ পৰা পদত্যাগ কৰাৰ এদিন পিছত তৃণমূল কংগ্ৰেছ ত্যাগ কৰাৰ কথা প্ৰকাশ্যে নিশ্চিত কৰিলে প্ৰাক্তন শিলচৰৰ সাংসদ সুস্মিতা দেৱে। তেওঁৰ এই ঘোষণাৰ পিছতে ৰাজনৈতিক ভৱিষ্যতক লৈ জল্পনা-কল্পনা অধিক তীব্ৰতৰ হৈ পৰিছে। মঙলবাৰে সাংবাদিকৰ সৈতে হোৱা বাৰ্তালাপত সুস্মিতা দেৱে কয়, "মই তৃণমূল কংগ্ৰেছ এৰিছোঁ। কিয় দল এৰিছোঁ, সেয়া এক দীঘলীয়া কাহিনী। মই একেলগে দুখন নাৱত ভৰি দি থাকিব নোখোজোঁ। মমতা দিদিক লৈ মই কোনো মন্তব্য নকৰোঁ।" তৃণমূল কংগ্ৰেছৰ পৰা নিজৰ প্ৰস্থানৰ কথা তেওঁ প্ৰথমবাৰৰ বাবে প্ৰকাশ্যে স্বীকাৰ কৰে। অৱশ্যে দল ত্যাগৰ নিৰ্দিষ্ট কাৰণ সম্পৰ্কে সুস্মিতা দেৱে কোনো ব্যাখ্যা দাঙি ধৰা নাই। ইয়াৰ সমান্তৰালভাৱে তৃণমূল নেত্ৰী মমতা বেনাৰ্জী সন্দৰ্ভতো কোনো মন্তব্য…
