Paromita

পুনৰ বহিঃৰাজ্যত এক নৃশংস হত্যাকাণ্ডৰ বলি হ’ল অসমৰ এজন যুৱক। তামিলনাডুৰ চেন্নাই চহৰত যোৱা ৫ জুনত সংঘটিত হয় এই সমগ্ৰ লোমহৰ্ষক হত্যাকাণ্ড। এই জঘন্য অপৰাধৰ সৈতে জড়িত থকাৰ অভিযোগত আৰক্ষীয়ে ইতিমধ্যে গ্ৰেপ্তাৰ কৰিছে মৃত যুৱকজনৰ পত্নী আৰু তেওঁৰ এজন বন্ধুক। চেন্নাইৰ পেৰাম্বুৰ ৰেলৱে ষ্টেচনৰ ৪ নম্বৰ প্লেটফৰ্মৰ চিৰিৰ কাষত এটা পৰিত্যক্ত চুটকেচৰ ভিতৰত মৃতদেহৰ এটা অংশ উদ্ধাৰ হোৱাৰ পাছতে এই সমগ্ৰ ঘটনাৰ ৰহস্য ফাদিল হয়। চুটকেচটোৰ পৰা ওলোৱা তীব্ৰ দুৰ্গন্ধৰ বাবে যাত্ৰীসকলে ৰেলৱে আৰক্ষীক খবৰ দিছিল। চেন্নাই আৰক্ষীৰ তদন্তকাৰী দলে জানিবলৈ দিয়া অনুসৰি, তেয়নামপেটৰ এখন ব্যক্তিগত চিকিৎসালয়ৰ চিকিৎসা আৱৰ্জনা পেলোৱা বেগৰ এক সূত্ৰ ধৰি এই ঘটনাৰ অনুসন্ধান আৰম্ভ কৰা হৈছিল।…

খাৰুৱা তেল আৰু গেছৰ ক্ৰমবৰ্ধমান আন্তঃৰাষ্ট্ৰীয় মূল্যৰ দোহাই দি এতিয়া সাধাৰণ গ্ৰাহকৰ ওপৰত পুনৰ এক তীব্ৰ আৰ্থিক বোজা জাপি দিলে কেন্দ্ৰীয় চৰকাৰে। চৰকাৰৰ ফ্লেগশ্বিপ কাৰ্যসূচী ‘প্ৰধানমন্ত্ৰী উজ্জ্বলা যোজনা’ৰ হিতাধিকাৰীসকলে এতিয়াৰে পৰা বছৰেকত পূৰ্বৰ দৰে ১২টা বা ৯টা নহয়, কেৱল ৪টাহে ৰাজসাহায্যযুক্ত ৰন্ধন গেছৰ চিলিণ্ডাৰ লাভ কৰিব। পেট্ৰ’লিয়াম আৰু প্ৰাকৃতিক গেছ মন্ত্ৰালয়ৰ অতিৰিক্ত সচিব প্ৰবীণ মাল খানোজাই সোমবাৰে এখন সংবাদ মেলত এই নতুন কোটা নিৰ্ধাৰণৰ কথা সদৰী কৰে। উল্লেখ্য যে ২০১৬ চনৰ মে’ মাহত দৰিদ্ৰ পৰিয়ালৰ মহিলাসকলক বিনামূলীয়া গেছ সংযোগ দিয়াৰ বাবে এই আঁচনি আৰম্ভ কৰা হৈছিল। আৰম্ভণিতে হিতাধিকাৰীসকলক বছৰি ১২ টাকৈ ৰাজসাহায্যযুক্ত চিলিণ্ডাৰ আগবঢ়োৱা হৈছিল যদিও যোৱা বছৰ এই সংখ্যা…

মোমায়েকৰ ঘৰলৈ ফুৰিবলৈ আহি সমনীয়াৰ সৈতে ৰেস্তোৰাঁত খেলি থাকোতেই হঠাৎ ঢলি পৰি মৃত্যুক সাৱটিবলগীয়া হ’ল এগৰাকী ১৪ বৰ্ষীয় কিশোৰীয়ে। গুজৰাটৰ ৰাজকোটত সম্ভাৱ্য হৃদৰোগত আক্ৰান্ত হৈ কৰুণ মৃত্যু ঘটে আনন্দী মোদী নামৰ এই কিশোৰীগৰাকীৰ। জানিব পৰা মতে, গৰমৰ বন্ধ আৰু পবিত্ৰ পুৰুষোত্তম মাহ উপলক্ষে স্কুল বন্ধ থকাৰ বাবে জামনগৰৰ পৰা মোমায়েকৰ ঘৰলৈ ফুৰিবলৈ আহিছিল আনন্দী। দেওবাৰে সন্ধিয়া কিশোৰীগৰাকীয়ে পৰিয়ালৰ লোকৰ সৈতে এখন স্থানীয় ৰেস্তোৰাঁলৈ নৈশ আহাৰ গ্ৰহণ কৰিবলৈ গৈছিল। খোৱা-বোৱা শেষ কৰি আনন্দীয়ে ৰেস্তোৰাঁ প্ৰাংগণতে থকা আন আন শিশুসকলৰ সৈতে খেলিবলৈ আৰম্ভ কৰে। ল’ৰা-ছোৱালী জাকে এজনে আনজনক ধৰিবলৈ দৌৰা-দৌৰি কৰি থকাৰ সময়তে কিশোৰীগৰাকীৰ গতি হঠাৎ মন্থৰ হৈ পৰে আৰু তেওঁ মাটিত…

অহা ২১ জুনত অনুষ্ঠিত হ’বলগীয়া নিট-ইউজি পুনৰ পৰীক্ষাৰ প্ৰশ্নকাকত দেশৰ ১৮ টা স্থানলৈ সুৰক্ষিতভাৱে কঢ়িয়াই নিয়াৰ গুৰুত্বপূৰ্ণ দায়িত্ব গ্ৰহণ কৰিছে ভাৰতীয় বায়ু সেনাই। যোৱা ৩ মে’ৰ পৰীক্ষাটো প্ৰশ্নকাকত ফাদিলৰ অভিযোগত বাতিল হোৱাৰ পিছতে এই নতুন আৰু ব্যাপক সুৰক্ষা পৰিকল্পনা প্ৰস্তুত কৰিছে প্ৰতিৰক্ষা মন্ত্ৰালয়ে। সমগ্ৰ পৰীক্ষা প্ৰক্ৰিয়াটো যাতে সম্পূৰ্ণ নিকা আৰু স্বচ্ছ হয়, তাৰ বাবে কৰ্তৃপক্ষই এইবাৰ অভূতপূৰ্ব সতৰ্কতা অৱলম্বন কৰা দেখা গৈছে। কেন্দ্ৰীয় শিক্ষা মন্ত্ৰী ধৰ্মেন্দ্ৰ প্ৰধানে পূৰ্বেই বায়ু সেনাক এই প্ৰক্ৰিয়াত অন্তৰ্ভুক্ত কৰাৰ কথা সদৰী কৰিছিল। পৰীক্ষাৰ সামগ্ৰীসমূহৰ সুৰক্ষা নিশ্চিত কৰিবলৈ আৰু পৰিবহনৰ সময়ত কোনো ধৰণৰ বিসংগতি ৰোধ কৰাৰ বাবেই মুখ্যতঃ বায়ু সেনাৰ বিমান ব্যৱহাৰ কৰা হ’ব। ইফালে, পৰীক্ষাটো…

সন্ত্ৰাসবাদী বিৰোধী অভিযানত দেখুওৱা অসাধাৰণ বীৰত্বৰ বাবে দেশৰ অন্যতম সৰ্বোচ্চ শান্তিকালীন সামৰিক সন্মান ‘শৌৰ্য চক্ৰ’ৰে সন্মানিত কৰা হ’ল অসমৰ সুযোগ্য সন্তান মেজৰ ভাৰ্গৱ কলিতাক। কামৰূপ জিলাৰ পলাশবাৰীৰ এইগৰাকী সুযোগ্য সন্তান তথা ভাৰতীয় সেনাৰ কুমাওঁ ৰেজিমেণ্ট আৰু ৫০ সংখ্যক ৰাষ্ট্ৰীয় ৰাইফলছ বেটেলিয়নৰ জ্যেষ্ঠ বিষয়া মেজৰ ভাৰ্গৱ কলিতাক তেওঁৰ উৎকৃষ্ট অপাৰেচনেল সফলতাৰ বাবে আজি ৰাষ্ট্ৰপতি দ্ৰৌপদী মুৰ্মূৱে প্ৰদান কৰে এই বিৰল সন্মান। প্ৰণিধানযোগ্য যে, মেজৰ কলিতা নেশ্যনেল কেডেট কৰ্পছৰ উত্তৰ-পূব ক্ষেত্ৰৰ প্ৰাক্তন অতিৰিক্ত সঞ্চালক প্ৰধান তথা অৱসৰপ্ৰাপ্ত মেজৰ জেনেৰেল ভাস্কৰ কলিতাৰ পুত্ৰ। উল্লেখ্য যে ২০২২ চনৰ অক্টোবৰ মাহৰ পৰাই জম্মু-কাশ্মীৰৰ কেইবাটাও গুৰুত্বপূৰ্ণ অভিযানত সক্ৰিয়ভাৱে অংশগ্ৰহণ কৰি তিনিগৰাকী কুখ্যাত সন্ত্ৰাসবাদীক নিৰ্মূল কৰাৰ লগতে…

শেহতীয়া পশ্চিমবংগৰ বিধানসভা নিৰ্বাচনত শোচনীয় পৰাজয় বৰণ কৰাৰ পিছৰে পৰা তীব্ৰ খহনীয়াই জুৰুলা কৰিছে মমতা বেনাৰ্জীৰ দল তৃণমূল কংগ্ৰেছক। দলৰ পৰা বহিষ্কৃত নেতা ঋতব্ৰত বেনাৰ্জীয়ে ইতিমধ্যে বিধায়কসকলৰ মাজত বিভাজন ঘটোৱাৰ পিছত এইবাৰ দিল্লীত দলটোৰ ২১ গৰাকীকৈ লোকসভা সাংসদে এক গোপন বৈঠকত মিলিত হোৱা কাৰ্যই সৰ্বত্ৰে তীব্ৰ চাঞ্চল্যৰ সৃষ্টি কৰিছে। ৰাজ্যখনৰ মুঠ ৮০ গৰাকী তৃণমূল বিধায়কৰ ভিতৰত ৫৮ গৰাকীয়েই ইতিমধ্যে ঋতব্ৰত বেনাৰ্জীৰ গোটক সমৰ্থন কৰাৰ পাছত এতিয়া দিল্লীত বাহৰ পাতি থকা এই ২১ গৰাকী সাংসদেও দল ত্যাগ কৰাৰ সম্ভাৱনাই দেখা দিছে। তৃণমূল কংগ্ৰেছৰ মুৰব্বী মমতা বেনাৰ্জী আৰু জ্যেষ্ঠ নেতা অভিষেক বেনাৰ্জীয়ে দিল্লীত উপস্থিত থাকি বিৰোধী মিত্ৰজোঁট ‘ইণ্ডিয়া’ৰ গুৰুত্বপূৰ্ণ বৈঠকত অংশগ্ৰহণ কৰাৰ…

ৰাজ্যপালৰ অনুমোদন লাভ কৰাৰ পিছতে অসম চৰকাৰৰ নতুন মন্ত্ৰীসভাৰ সদস্যসকলৰ মাজত দপ্তৰসমূহ আনুষ্ঠানিকভাৱে ঘোষণা কৰিলে মুখ্যমন্ত্ৰী ড° হিমন্ত বিশ্ব শৰ্মাই। এক চৰকাৰী নিৰ্দেশনা তথা সামাজিক মাধ্যমযোগে মুখ্যমন্ত্ৰীয়ে এই গুৰুত্বপূৰ্ণ বিভাগসমূহ আবণ্টনৰ কথা সদৰী কৰে। নতুন তালিকা অনুসৰি, মুখ্যমন্ত্ৰী ড° হিমন্ত বিশ্ব শৰ্মাই নিজৰ হাতত গৃহ, ৰাজনৈতিক, শক্তি, তথ্য আৰু জনসংযোগ দপ্তৰৰ লগতে লোকনিৰ্মাণ বিভাগৰ পথ আৰু গৃহ দুয়োটা গুৰুত্বপূৰ্ণ দায়িত্ব ৰাখিছে। আনহাতে এইবাৰ মন্ত্ৰী জয়ন্ত মল্লবৰুৱাক বিত্ত বিভাগৰ দৰে আটাইতকৈ গুৰুত্বপূৰ্ণ দায়িত্ব প্ৰদান কৰা হৈছে। ইয়াৰ লগতে তেওঁ বন আৰু পৰিৱেশ তথা খনি আৰু খনিজ পদাৰ্থ বিভাগো লাভ কৰে। আনহাতে, জ্যেষ্ঠ মন্ত্ৰী পীয়ূষ হাজৰিকালৈ কৃষি, জলসিঞ্চন আৰু সংসদীয় পৰিক্ৰমা বিভাগ…

বিৰোধী মিত্ৰজোঁট ‘ইণ্ডিয়া’ৰ এক গুৰুত্বপূৰ্ণ বৈঠক অনুষ্ঠিত হোৱাৰ প্ৰাকমুহূৰ্তত দেশৰ ৰাজধানী চহৰখনত একাংশ বিতৰ্কিত পোষ্টাৰে এতিয়া এক তীব্ৰ ৰাজনৈতিক চাঞ্চল্যৰ সৃষ্টি কৰিছে। কংগ্ৰেছ নেতা ৰাহুল গান্ধীক লক্ষ্য কৰি দেওবাৰে নিশা দিল্লীৰ বিভিন্ন স্থানত এই পোষ্টাৰসমূহ লগোৱা পৰিলক্ষিত হয়। বিশেষভাৱে লক্ষণীয় যে এই পোষ্টাৰবোৰত ‘ইণ্ডিয়া’ মিত্ৰজোঁটৰে প্ৰধান দলসমূহৰ জ্যেষ্ঠ নেতাসকলে বিভিন্ন সময়ত ৰাহুল গান্ধী আৰু কংগ্ৰেছ দলৰ বিৰুদ্ধে কৰা পুৰণি সমালোচনা আৰু মন্তব্যসমূহহে প্ৰকাশ পায়। দিল্লীৰ ৰাজপথত দেখা পোৱা এই পোষ্টাৰসমূহত জাতীয়তাবাদী কংগ্ৰেছ দলৰ (শৰদচন্দ্ৰ পাৱাৰ) সভাপতি শৰদ পাৱাৰ আৰু তৃণমূল কংগ্ৰেছৰ মুৰব্বী মমতা বেনাৰ্জীৰ ছবি সানিৱিষ্ট থকা দেখা যায়। ৰাহুল গান্ধীৰ কাৰ্যশৈলী আৰু তেওঁৰ মাজত থকা ধাৰাবাহিকতাৰ অভাৱক লৈ এসময়ত…

গেছ চিলিণ্ডাৰৰ মূল্যবৃদ্ধিৰ বাবে কেন্দ্ৰীয় চৰকাৰো অতি দুঃখিত আৰু অনুতপ্ত। কিন্তু সমগ্ৰ বিশ্বৰ বৰ্তমান পৰিস্থিতিৰ বাবে এইয়া একেবাৰে অনিবাৰ্য। - ঘৰুৱা ব্যৱহাৰ্য চিলিণ্ডাৰৰ মূল্যবৃদ্ধিক লৈ সমগ্ৰ দেশজুৰি সৃষ্টি হোৱা তীব্ৰ প্ৰতিক্ৰিয়াৰ মাজতে দেওবাৰে সংবাদ মাধ্যমৰ আগত এই মন্তব্য কৰে কেন্দ্ৰীয় মন্ত্ৰী প্ৰহ্লাদ যোশীয়ে। কৰ্ণাটকৰ ধৰৱাড়ত সাংবাদিকৰ সৈতে হোৱা বাৰ্তালাপত কেন্দ্ৰীয় গ্ৰাহক পৰিক্ৰমা, খাদ্য আৰু ৰাজহুৱা বিতৰণ মন্ত্ৰীজনে বিৰোধীৰ সমালোচনাৰ প্ৰত্যুত্তৰ দি আটাইকে বিশ্বৰ বৰ্তমান সংকটজনক পৰিস্থিতি অনুধাৱন কৰিবলৈ আহ্বান জনায়। ৰাজ্যিক মালিকানাধীন ইন্ধন খুচুৰা বিক্ৰেতাসকলে ঘৰুৱা ৰন্ধন গেছৰ মূল্য প্ৰতি চিলিণ্ডাৰত পুনৰ ২৯ টকাকৈ বৃদ্ধি কৰিছে। বিশ্বব্যাপী শক্তিৰ বৰ্ধিত ব্যয়ৰ সৈতে মোকাবিলা কৰিবলগীয়া হোৱাৰ বাবেই এই পদক্ষেপ গ্ৰহণ কৰা বুলি…

পশ্চিমবংগত শেহতীয়া ৰাজনৈতিক পৰিৱৰ্তনৰ পাছতে এতিয়া সীমান্তৰ অনুপ্ৰৱেশক লৈ নতুন ৰণনীতি প্ৰস্তুত কৰিলে বাংলাদেশ চৰকাৰে। ৰাজ্যখনত বিজেপি চৰকাৰ গঠন হোৱাৰ পৰিপ্ৰেক্ষিতত ভাৰতৰ পৰা হ’বলগীয়া সম্ভাব্য ‘পুশ্ব বেক’ কঠোৰভাৱে ৰোধ কৰিবলৈ সীমান্তৱৰ্তী অঞ্চলসমূহত এতিয়া সক্ৰিয় হৈ পৰিছে বৰ্ডাৰ গাৰ্ড বাংলাদেশ। এই স্পৰ্শকাতৰ পৰিস্থিতিৰ মাজতে দ্বিপাক্ষিক নিৰাপত্তা ব্যৱস্থাৰ বুজ ল’বলৈ সীমান্ত সুৰক্ষা বাহিনী আৰু বি জি বিৰ মাজত ৫৭ সংখ্যক সঞ্চালক প্ৰধান পৰ্যায়ৰ এক চাৰিদিনীয়া সীমান্ত সন্মিলন আজিৰে পৰা নতুন দিল্লীত আয়োজন কৰা হৈছে। উল্লেখ্য যে, যোৱা ৯ মে’ত পশ্চিমবংগৰ নতুন মুখমন্ত্ৰী হিচাপে শুভেন্দু অধিকাৰীয়ে শপত গ্ৰহণ কৰাৰ পিছতে অবৈধ অনুপ্ৰৱেশকাৰীসকলক চিনাক্ত কৰি ওভতাই পঠোৱাৰ এক বিশেষ ঘোষণা কৰিছিল। এই ঘোষণাৰ পৰৱৰ্তী…