Paromita

আগন্তুক বিধানসভা নিৰ্বাচনৰ ৰণকৌশল আৰু নিৰাপত্তা ব্যৱস্থাৰ বুজ ল’বলৈ তিনিদিনীয়া কাৰ্যসূচীৰে বৃহস্পতিবাৰে নিশা বৰাক উপত্যকাত উপস্থিত হ’ব কেন্দ্ৰীয় গৃহমন্ত্ৰী অমিত শ্বাহ। নিশা শিলচৰত উপস্থিত হৈ গৃহমন্ত্ৰীগৰাকীয়ে শুকুৰবাৰে ভাৰত-বাংলাদেশ সীমান্তৰ বি এছ এফৰ নতুনপুৰ সীমান্ত আউটপোষ্ট পৰিদৰ্শন কৰি নিৰাপত্তা ব্যৱস্থাৰ পৰ্যালোচনা কৰিব। নিৰ্বাচনৰ কেইসপ্তাহমান পূৰ্বে সীমান্তৱৰ্তী অঞ্চলত তেওঁৰ এই ভ্ৰমণ বিশেষভাৱে তাৎপৰ্যপূৰ্ণ হিচাপে বিবেচিত হৈছে। নতুনপুৰত উপস্থিত হৈ কেন্দ্ৰীয় গৃহমন্ত্ৰীগৰাকীয়ে চৰকাৰৰ অভিলাষী আঁচনি 'ভাইব্ৰেণ্ট ভিলেজ প্ৰগ্ৰেম'ৰ শুভাৰম্ভ কৰিব। সীমান্তৱৰ্তী গাঁওসমূহৰ আন্তঃগাঁথনি উন্নয়ন, যোগাযোগ ব্যৱস্থাৰ আধুনিকীকৰণ আৰু সংস্থাপনৰ সুযোগ সৃষ্টি কৰি জনসাধাৰণৰ প্ৰব্ৰজন ৰোধ কৰাই এই আঁচনিৰ মূল লক্ষ্য। ইয়াৰ পাছতেই শ্বাহে বৰাক উপত্যকাত এখন বিশাল নিৰ্বাচনী জনসভাত অংশ লৈ দলীয় প্ৰচাৰ…

কংগ্ৰেছ ত্যাগৰ পাছতেই দলটোৰ প্ৰাক্তন সভাপতি ভূপেন বৰাই শেহতীয়াকৈ ৰাহুল গান্ধীৰ সৈতে হোৱা এক কথোপকথনৰ চাঞ্চল্যৰ তথ্য সদৰী কৰে। ১৬ ফেব্ৰুৱাৰীত দলৰ পৰা পদত্যাগ কৰা বৰাই সংবাদ মাধ্যমৰ আগত কয় যে তেওঁ ৰাহুল গান্ধীক নিজৰ অপমানৰ কথা জনাইছিল যদিও তাৰ প্ৰত্যুত্তৰত গান্ধীয়েও তেওঁ নিজে অপমানিত হৈ থকা বুলিহে স্বীকাৰ কৰিছিল। বৰাৰ মতে, য’ত এজন শীৰ্ষ নেতাই নিজেই অপমানিত হৈ থকা বুলি কয়, তেনেস্থলত তেওঁৰ দৰে এজন নেতাৰ অপমানৰ কোনো মূল্য নাইকিয়া হৈ পৰে। ইফালে, বৰাৰ এই দলত্যাগক লৈ ৰাজ্যিক কংগ্ৰেছৰ সভাপতি গৌৰৱ গগৈয়ে তেওঁক কঠোৰ ভাষাৰে আক্ৰমণ কৰিছে। গগৈৰ অভিযোগ অনুসৰি, মুখ্যমন্ত্ৰী হিমন্ত বিশ্ব শৰ্মাৰ পৰা ৫০ কোটি টকা লৈহে…

ৰাজ্যত অব্যাহত থকা দল-বদলৰ ৰাজনীতিৰ মাজতে শাসকীয় বিজেপি দলক এক নতুন নামেৰে অভিহিত কৰি বৃহস্পতিবাৰে তীব্ৰ সমালোচনা কৰে বিৰোধী দলপতি দেৱব্ৰত শইকীয়াই। বৰ্তমানৰ মুখ্যমন্ত্ৰীকে ধৰি কংগ্ৰেছৰ অসংখ্য প্ৰাক্তন নেতাই গেৰুৱা দলত আশ্ৰয় লোৱা কাৰ্যক লক্ষ্য কৰি শইকীয়াই বিজেপিক 'কংগ্ৰেছ এলুমনি পাৰ্টি' বা চমুকৈ কেপ বুলি আখ্যা দিয়ে। তেওঁ সংবাদ মাধ্যমৰ আগত ধেমেলীয়াকৈ কয়, "মই 'কেপ' পিন্ধিব নিবিচাৰো, মই গান্ধী টুপীহে পিন্ধো। কিন্তু বিজেপিৰ বৰ্তমানৰ অৱস্থা দেখিলে ইয়াক কংগ্ৰেছৰ প্ৰাক্তন ছাত্ৰ সন্মিলন বা এলুমনি পাৰ্টি বুলিহে ক’ব পাৰি।" বিজেপিয়ে কেৱল পুৰণি কংগ্ৰেছী মুখবোৰক লৈ ৰং সলনি কৰি এক নতুন ব্ৰেণ্ডিং কৰিব বিচাৰিছে বুলিও শইকীয়াই গুৰুতৰ অভিযোগ উত্থাপন কৰে। তেওঁৰ মতে, বিজেপিৰ…

অসমত শান্তি আৰু স্থিৰতা ঘূৰাই অনাৰ লক্ষ্যৰে চৰকাৰে গ্ৰহণ কৰা বিশেষ উদ্যোগৰ ফলত ৰাজ্যত ২০২১ চনৰ পৰা বৰ্তমানলৈকে মুঠ ৯,০২২ গৰাকী উগ্ৰপন্থীয়ে মূল সুঁতিলৈ উভতি আহিছে। বিধানসভাৰ বাজেট অধিৱেশনৰ দ্বিতীয় দিনা মঙলবাৰে ২০২৬-২৭ বৰ্ষৰ অন্তৱৰ্তীকালীন বাজেট উত্থাপন কৰি বিত্তমন্ত্ৰী অজন্তা নেওগে সদনত এই গুৰুত্বপূৰ্ণ তথ্য সদৰী কৰে। চৰকাৰে গ্ৰহণ কৰা ধাৰাবাহিক শান্তি আলোচনা আৰু আত্মসমৰ্পণ নীতিৰ ফলতেই ১,০১২ টা অত্যাধুনিক মাৰণাস্ত্ৰও উদ্ধাৰ কৰা হৈছে বুলি তেওঁ উল্লেখ কৰে। বিত্তমন্ত্ৰীগৰাকীয়ে সদনত ভাষণ প্ৰদান কৰি কয় যে যোৱা পাঁচটা বছৰত চৰকাৰে আলফা, ডিএনএলএৰ লগতে কাৰ্বি আৰু আদিবাসী গোটসমূহৰ সৈতে মুঠ চাৰিখনকৈ শান্তি চুক্তি স্বাক্ষৰ কৰিবলৈ সক্ষম হৈছে। এই চুক্তিসমূহৰ জৰিয়তে বিভ্ৰান্ত যুৱকসকলক…

অহা বিধানসভা নিৰ্বাচনৰ প্ৰাকক্ষণত অসমৰ ভোটাৰ তালিকাৰ শুদ্ধিকৰণ আৰু নিৰ্বাচনী প্ৰস্তুতিৰ বুজ ল’বলৈ তিনিদিনীয়া ভ্ৰমণসূচীৰে ৰাজ্যত উপস্থিত থকা মুখ্য নিৰ্বাচন আয়ুক্ত জ্ঞানেশ কুমাৰে বুধবাৰে এক সংবাদমেল সম্বোধন কৰে। ৰাজ্যত চলি থকা ভোটাৰ তালিকাৰ বিশেষ সংশোধন প্ৰক্ৰিয়া সন্দৰ্ভত এক গুৰুত্বপূৰ্ণ মন্তব্য কৰি তেওঁ কয় যে এই পদক্ষেপৰ একমাত্ৰ উদ্দেশ্য হৈছে সকলো যোগ্য ভোটাৰক অন্তৰ্ভুক্ত কৰা আৰু অযোগ্য তথা সন্দেহজনক নামসমূহ তালিকাৰ পৰা আঁতৰোৱা। ৰাষ্ট্ৰীয় নিৰাপত্তাৰ স্বাৰ্থত ভোটাৰ তালিকাৰ পৰা বিদেশীৰ নাম কৰ্তনৰ বিষয়টোক লৈ সৃষ্টি হোৱা বিভিন্ন চৰ্চাৰ মাজতে আয়ুক্তগৰাকীয়ে এই স্পষ্টীকৰণ আগবঢ়ায়। মুখ্য নিৰ্বাচন আয়ুক্তগৰাকীয়ে উল্লেখ কৰে যে আইন অনুসৰি নিৰ্বাচনৰ পূৰ্বে ভোটাৰ তালিকাৰ সংশোধন কৰাটো বাধ্যতামূলক। দেশৰ আন ১২খন…

মৰিগাঁও জিলাৰ লাহৰীঘাট অঞ্চলৰ লালী বিলৰ ওপৰত নিৰ্মাণাধীন এখন দলং বুধবাৰে হঠাতে খহি পৰাত এক শোকাবহ ঘটনাৰ সৃষ্টি হয়। লাহৰীঘাট-মৰিগাঁও সংযোগী গড়কাপ্তানি বিভাগৰ পথত পুনৰ নিৰ্মাণ কৰি থকা অৱস্থাতে দলংখনৰ এটা অংশ ভাঙি পৰাত কৰ্মৰত চাৰিজন শ্ৰমিক গুৰুতৰভাৱে আহত হয়। ধ্বংসস্তূপৰ তলত আৱদ্ধ হৈ পৰা শ্ৰমিকসকলক স্থানীয় লোকৰ সহযোগত তাৎক্ষণিকভাৱে উদ্ধাৰ কৰা হয়। আহত শ্ৰমিক কেইগৰাকীক ক্ৰমে গোলজাৰ হুছেইন, মুস্তাফা আহমেদ, ইনামুল হক আৰু ফাৰুক আহমেদ বুলি চিনাক্ত কৰা হৈছে। তেওঁলোকক প্ৰথমে চিকিৎসাৰ বাবে লাহৰীঘাট আদৰ্শ চিকিৎসালয়লৈ লৈ যোৱা হয় যদিও আঘাতৰ গুৰুতৰ অৱস্থাৰ প্ৰতি লক্ষ্য ৰাখি উন্নত চিকিৎসাৰ বাবে নগাঁৱৰ এখন চিকিৎসালয়লৈ প্ৰেৰণ কৰা হৈছে। প্ৰত্যক্ষদৰ্শীৰ মতে, নিৰ্মাণ কাৰ্য…

দেশৰ সীমান্তৱৰ্তী ৰাজ্য পঞ্জাৱত শাসকীয় আম আদমি পাৰ্টিৰ নেতাৰ ওপৰত চলি থকা লক্ষ্যহীন আক্ৰমণে এতিয়া আইন-শৃংখলাৰ তীব্ৰ সংকট সৃষ্টি কৰিছে। বুধবাৰে টাৰ্ণ তৰণ জিলাৰ এক বিবাহ অনুষ্ঠানত থাথিয়ান মেহতা গাঁৱৰ গাঁওপ্ৰধান হৰপিন্দৰ সিঙক অচিনাক্ত দুৰ্বৃত্তই অতি ওচৰৰ পৰা গুলীয়াই হত্যা কৰে। প্ৰায় এমাহৰ পূৰ্বে অমৃতসৰতো একে ধৰণে আন এগৰাকী আপ নেতা তথা গাঁওপ্ৰধানক হত্যা কৰা হৈছিল, যাৰ বাবে এই নতুন ঘটনাই সমগ্ৰ ৰাজ্যখনতে শংকাৰ সৃষ্টি কৰিছে। ঘটনাৰ বিৱৰণি অনুসৰি, গাঁওপ্ৰধান হৰপিন্দৰ সিং এখন বিবাহ অনুষ্ঠানত অংশ ল’বলৈ গৈছিল। সেই সময়তে মটৰ চাইকেলত অহা তিনিজনীয়া এটা সশস্ত্ৰ দলে তেওঁক লক্ষ্য কৰি গুলীবৰ্ষণ কৰে। আৰক্ষীৰ সূত্ৰই জনোৱা মতে, এই আক্ৰমণত এ কে-৪৭…

চৰকাৰে দীৰ্ঘদিন ধৰি জনাই অহা প্ৰতিশ্ৰুতি পালনত ব্যৰ্থ হোৱাৰ অভিযোগ তুলি অৱশেষত শাসকীয় বিজেপি দলক তীব্ৰ ৰাজনৈতিক সকীয়নি প্ৰদান কৰে অসম চাহ জনজাতি ছাত্ৰ সন্থাই (আটছা)। ২০২৬ চনৰ বিধানসভা নিৰ্বাচনৰ পূৰ্বে চাহ জনগোষ্ঠীৰ জনজাতিকৰণ, ভূমিৰ অধিকাৰ আৰু মজুৰি বৃদ্ধিৰ দৰে মৌলিক সমস্যাসমূহ সমাধান নকৰিলে নিৰ্বাচনত বিজেপিয়ে ইয়াৰ ‘কঠোৰ পৰিণতি’ ভুগিবলৈ সাজু থাকিবলৈ সংগঠনটোৱে হুংকাৰ দিয়ে। বুধবাৰে জিলা সমিতিৰ উদ্যোগত আয়োজিত এক বিশাল প্ৰতিবাদী কাৰ্যসূচীৰ জৰিয়তে সংগঠনটোৱে চৰকাৰলৈ এক স্মাৰকপত্ৰ প্ৰেৰণ কৰে। আটছাৰ কেন্দ্ৰীয় উপ-সভাপতি লাজাৰ নন্দাই সংবাদ মাধ্যমৰ আগত ক্ষোভ প্ৰকাশ কৰি কয়, "চাহ জনগোষ্ঠীৰ লোকসকলে যোৱা পাঁচটা দশকতকৈও অধিক সময় ধৰি নিজৰ সাংবিধানিক অধিকাৰৰ বাবে গণতান্ত্ৰিকভাৱে যুঁজ দি আহিছে।…

প্ৰদেশ কংগ্ৰেছৰ প্ৰাক্তন সভাপতি ভূপেন কুমাৰ বৰাৰ বিজেপি গমনৰ দিন ধাৰ্য হোৱাৰ পাছতেই বুধবাৰে শাসকীয় পক্ষৰ বিৰুদ্ধে একপ্ৰকাৰ যুদ্ধংদেহী মনোভাৱ গ্ৰহণ কৰে সাংসদ তথা এপাচিচিৰ সভাপতি গৌৰৱ গগৈয়ে। এখন সংবাদমেল সম্বোধন কৰি গগৈয়ে দাবী কৰে যে এজন বিশেষ নেতাৰ বিদায়ে দলৰ সাংগঠনিক ভেটিত কোনো ধৰণৰ নেতিবাচক প্ৰভাৱ পেলাব নোৱাৰে। তেওঁ লগতে কটাক্ষ কৰি কয় যে যিসকল নেতাই ইতিপূৰ্বে কংগ্ৰেছ এৰি বিজেপিত যোগ দিছে, তেওঁলোকৰ ৰাজনৈতিক কেৰিয়াৰ এতিয়া অতি নগণ্য হৈ পৰিছে। মুখ্যমন্ত্ৰী ড০ হিমন্ত বিশ্ব শৰ্মাই ভূপেন বৰাক কংগ্ৰেছৰ 'শেষ হিন্দু নেতা' বুলি কৰা মন্তব্যৰ প্ৰত্যুত্তৰ দি গৌৰৱ গগৈয়ে এক গুৰুত্বপূৰ্ণ আৰোপ কৰে। মুখ্যমন্ত্ৰীক 'অসমৰ জিন্নাহ' বুলি অভিহিত কৰি তেওঁ…

নাগা আৰু কুকি সম্প্ৰদায়ৰ মাজত সৃষ্টি হোৱা তীব্ৰ সংঘাতৰ পৰিপ্ৰেক্ষিতত মণিপুৰৰ উখৰুল জিলাৰ জৱাহৰ নবোদয় বিদ্যালয়ৰ পৰা ৫১ গৰাকী কুকি ছাত্ৰ-ছাত্ৰীক নিৰাপদ স্থানলৈ স্থানান্তৰ কৰা হৈছে। উখৰুল জিলাৰ লিটান চাৰিখং অঞ্চলত দুয়োটা পক্ষৰ মাজত হোৱা সংঘৰ্ষত প্ৰায় ৩০ টা বাসগৃহ ভস্মীভূত হোৱাৰ পাছতে ছাত্ৰ-ছাত্ৰীসকলৰ নিৰাপত্তাক লৈ শংকাৰ সৃষ্টি হৈছিল। পৰিস্থিতি অধিক অৱনতি হোৱাৰ আশংকাত আৰক্ষীয়ে এই সতৰ্কতামূলক পদক্ষেপ গ্ৰহণ কৰে। উখৰুল জিলা আৰক্ষীয়ে এক বিবৃতিত জনাইছে যে ৫১ গৰাকী ছাত্ৰ-ছাত্ৰীক ৰামভাৰ জেএনভিৰ পৰা উদ্ধাৰ কৰি ক্ৰমে কাংপোকপি জিলাৰ চাইকুল আৰক্ষীক গতাই দিয়া হৈছে। আৰক্ষীয়ে কয়, "আমি ছাত্ৰ-ছাত্ৰীসকলক সুৰক্ষিতভাৱে কাংপোকপিৰ জেএনভিলৈ প্ৰেৰণৰ ব্যৱস্থা কৰিছোঁ। এই দলটোত ৩১ জন ছাত্ৰ আৰু ২০…