Paromita

প্ৰচণ্ড ভূমিকম্পই বিধ্বস্ত কৰি যোৱা ভেনেজুৱেলাত বৰ্তমানো অব্যাহত আছে আতংক। এই পৰিস্থিতিত দেশখনৰ দুৰ্গতসকলৰ কাষত সহায়ৰ হাত হৈ থিয় দিছে ভাৰতীয় সেনাই। 'অপাৰেচন আমিস্তাদ'ৰ অধীনত ভাৰতীয় সেনাই চলোৱা উদ্ধাৰ আৰু চিকিৎসা সাহায্যৰ মাজতে এইবাৰ নতুন জীৱন লাভ কৰিলে এগৰাকী ৭৯ বছৰীয়া বৃদ্ধাই। ভূমিকম্পৰ ফলত ভাগি পৰা ভৱনৰ ধ্বংসস্তূপৰ মাজত আৱদ্ধ বৃদ্ধাগৰাকীক সুকলমে উদ্ধাৰ কৰি সম্পূৰ্ণ চিকিৎসা আৰু মানৱীয় সাহায্য প্ৰদান কৰে ভাৰতীয় সেনাৰ চিকিৎসকৰ দলে। ভাৰতীয় সেনাই জনোৱা অনুসৰি, বৃদ্ধাগৰাকী ভগ্নপ্ৰায় ভৱনৰ ধ্বংসস্তূপৰ তলত দীৰ্ঘ সময় আৱদ্ধ হৈ আছিল। তেওঁৰ এখন ভৰি ভাঙি যোৱাৰ উপৰি 'পেৰিফেৰেল আৰ্টেৰিয়েল ডিজিজ'ত ভুগি থকাৰ ফলত সময়মতে চিকিৎসা নোপোৱাত ভৰিত গুৰুতৰ ঘাঁৰ সৃষ্টি হৈছিল আৰু…

আন্তঃৰাষ্ট্ৰীয় বজাৰত খাৰুৱা তেলৰ মূল্য হ্ৰাস পোৱাৰ প্ৰভাৱ এইবাৰ পৰিল খুচুৰা ইন্ধনৰ বজাৰত। ব্যক্তিগত খণ্ডৰ তেল বিপণন প্ৰতিষ্ঠান নায়াৰা এনৰ্জিয়ে বুধবাৰৰ পৰা দেশজুৰি নিজৰ খুচুৰা বিক্ৰী কেন্দ্ৰসমূহত পেট্ৰ'লৰ মূল্য লিটাৰপ্ৰতি ৫ টকা আৰু ডিজেলৰ মূল্য লিটাৰপ্ৰতি ৩ টকা হ্ৰাস কৰিছে। কোম্পানীটোৰ তথ্য অনুসৰি, সংশোধিত মূল্য ১ জুলাইৰ পৰাই কাৰ্যকৰী হৈছে। এতিয়াৰে পৰা নায়াৰাৰ সকলো খুচুৰা বিক্ৰী কেন্দ্ৰত গ্ৰাহকে নতুন মূল্যতে পেট্ৰ'ল আৰু ডিজেল ক্ৰয় কৰিব পাৰিব। লক্ষ্ণৌস্থিত নায়াৰা পেট্ৰ'ল পাম্প এটাৰ গৰাকী পৰশ মণি যাদৱে জানিবলৈ দিয়া মতে, চৰকাৰী তেল বিপণন কোম্পানীসমূহৰ তুলনাত এতিয়ালৈ নায়াৰাৰ পেট্ৰ'ল প্ৰতিলিটাৰত ৫ টকা আৰু ডিজেল ৩ টকাকৈ অধিক মূল্যত বিক্ৰী হৈছিল। শেহতীয়া মূল্য সংশোধনৰ…

শিক্ষাৰ্থীৰ কোলাহলেৰে মুখৰ হৈ থকা এটা টিউচন কেন্দ্ৰ মুহূৰ্ততে পৰিণত হ'ল মৃত্যুৰ ফান্দত। পাকিস্তানৰ পূবাঞ্চলীয় চহৰ লাহোৰত ব্যক্তিগত টিউচন কেন্দ্ৰ এটাৰ ছাদ খহি পৰাৰ ফলত কমেও ১৪ জন শিশুৰ মৃত্যু ঘটে। আন কেইবাজনো শিশু গুৰুতৰভাৱে আহত হয় এই দুৰ্ঘটনাত। উদ্ধাৰকাৰী সংস্থা 'ৰেচকিউ ১১২২'-এ জানিবলৈ দিয়া মতে, মঙলবাৰে লাহোৰৰ কাহনা অঞ্চলত সংঘটিত হয় এই দুৰ্ঘটনা। সেই সময়ত টিউচন কেন্দ্ৰটোত বহু শিশু পাঠগ্ৰহণ কৰি আছিল। হঠাতে শ্ৰেণীকোঠাটোৰ ছাদ খহি পৰাত বহু শিক্ষাৰ্থী ধ্বংসস্তূপৰ তলত আৱদ্ধ হৈ পৰে। উদ্ধাৰকাৰী সংস্থাৰ মুখপাত্ৰ ফাৰুক আহমেদে জানিবলৈ দিয়া মতে, ঘটনাটোত ১৪ জন শিশুৰ মৃত্যু নিশ্চিত হৈছে। আন প্ৰায় ১০ জন শিশুৰ অৱস্থা সংকটজনক। সেয়েহে মৃতকৰ সংখ্যা…

ৰাজপথত সংঘটিত এক ভয়াবহ দুৰ্ঘটনাত থিতাতে প্ৰাণ হেৰুৱাবলগীয়া হ’ল ৭ গৰাকী বাছ যাত্ৰীয়ে। ৰাজস্থানৰ দৌছাৰ ওচৰত দিল্লী-মুম্বাই এক্সপ্ৰেছৱেত এখন যাত্ৰীবাহী শ্লিপাৰ বাছ ট্ৰেইলাৰৰ সৈতে খুন্দা মৰাৰ পিছতে জ্বলি উঠে। এই ভয়ংকৰ দুৰ্ঘটনাত কমেও ৭ জন লোকৰ মৃত্যু হোৱাৰ লগতে আহত হয় আন ২২ জন। আৰক্ষীয়ে জানিবলৈ দিয়া মতে, বুধবাৰে পুৱতি নিশা প্ৰায় ২.৩০ বজাত ঋষিকেশৰ পৰা ইন্দোৰ অভিমুখে গৈ থকা বাছখন দ্ৰুতগতিত আহি এখন ট্ৰেইলাৰৰ পিছফালে খুন্দা মাৰে। সংঘৰ্ষৰ লগে লগে দুয়োখন বাহনতে জুই লাগে আৰু মুহূৰ্তৰ ভিতৰতে অগ্নিশিখাই বাছখন আৱৰি ধৰে। প্ৰত্যক্ষদৰ্শীয়ে জানিবলৈ দিয়া মতে, দুৰ্ঘটনাৰ সময়ত অধিকাংশ যাত্ৰী গভীৰ নিদ্ৰাত আছিল। জুইৰ মাজতে সহায়ৰ বাবে আৰ্তনাদ কৰে বহু…

বিমানবন্দৰত অসাৱধানতাবশতঃ এৰি যোৱা ১০ লাখ টকাতকৈ অধিক মূল্যৰ টকাভৰ্তি বেগ অৱশেষত ঘূৰাই পালে গৰাকীজনে। চিআইএছএফ, লোকপ্ৰিয় গোপীনাথ বৰদলৈ আন্তঃৰাষ্ট্ৰীয় বিমানবন্দৰৰ 'লষ্ট এণ্ড ফাউণ্ড' শাখা আৰু হায়দৰাবাদ বিমানবন্দৰ কৰ্তৃপক্ষৰ সমন্বিত তৎপৰতাত যাত্ৰীগৰাকীৰ হাতত পুনৰ চমজাই দিয়া হয় বেগটো। বিমানবন্দৰ কৰ্তৃপক্ষই জানিবলৈ দিয়া মতে, ২৬ জুনত টাৰ্মিনেল–১ত নিয়মীয়া নিৰাপত্তা পৰীক্ষাৰ সময়ত অটোমেটেড ট্ৰে ৰিট্ৰিভেল চিষ্টেম (এটিআৰএছ)ৰ ওচৰত পৰিত্যক্ত অৱস্থাত বেগটো প্ৰত্যক্ষ কৰে চিআইএছএফৰ জোৱানসকলে। ইয়াৰ পিছতে নিৰাপত্তা বিধি অনুসৰি বেগটো জব্দ কৰি 'লষ্ট এণ্ড ফাউণ্ড' শাখাৰ হাতত চমজাই দিয়া হয়। পৰৱৰ্তী পৰীক্ষাত বেগটোৰ ভিতৰত ১০,৭২০ আমেৰিকান ডলাৰ, ১৭৫ চীনা ইউৱান, ঔষধ আৰু আন কেইবাটাও ব্যক্তিগত সামগ্ৰী উদ্ধাৰ হয়। ভাৰতীয় মুদ্ৰাত বৈদেশিক…

দেশৰ বিভিন্ন প্ৰান্তত কূটাঘাতমূলক কাৰ্য সংঘটিত কৰাৰ সম্ভাৱ্য ষড়যন্ত্ৰৰ সূত্ৰ বিচাৰি উলিয়াই বিশেষ অভিযান চলালে ত্ৰিপুৰা আৰক্ষীয়ে। সেই অভিযানতে আগৰতলা বিমানবন্দৰৰ সমীপৰ পৰা নিষিদ্ধ উগ্ৰপন্থী সংগঠন জেএমবি (জামাত-উল-মুজাহিদীন বাংলাদেশ)ৰ সৈতে সম্পৰ্ক থকাৰ অভিযোগত আঠজন বাংলাদেশী নাগৰিকক গ্ৰেপ্তাৰ কৰা হয়। আৰক্ষীয়ে জানিবলৈ দিয়া মতে, ২৬ আৰু ২৭ জুনত চলোৱা অভিযানত ধৃত আটাইকেইজনকে আটক কৰা হয়। প্ৰাথমিক তদন্তত পোহৰলৈ অহা তথ্য অনুসৰি, বাংলাদেশৰ নিষিদ্ধ উগ্ৰপন্থী সংগঠন জেএমবিৰ সৈতে তেওঁলোকৰ সম্পৰ্ক থকাৰ সূত্ৰ লাভ কৰিছে তদন্তকাৰীসকলে। তদন্তত পোহৰলৈ অহা তথ্য অনুসৰি, ধৃত লোককেইজনে প্ৰথমে গুৱাহাটীলৈ অহাৰ পৰিকল্পনা কৰিছিল। পিছত সেই সিদ্ধান্ত সলনি কৰি আগৰতলা বিমানবন্দৰৰ পৰা কলকাতালৈ যোৱাৰ প্ৰস্তুতি চলাইছিল। আৰক্ষীৰ দাবী অনুসৰি,…

দেশৰ বিভিন্ন প্ৰান্তত কূটাঘাতমূলক কাৰ্য সংঘটিত কৰাৰ সম্ভাৱ্য ষড়যন্ত্ৰৰ সূত্ৰ বিচাৰি উলিয়াই বিশেষ অভিযান চলালে ত্ৰিপুৰা আৰক্ষীয়ে। সেই অভিযানতে আগৰতলা বিমানবন্দৰৰ সমীপৰ পৰা নিষিদ্ধ উগ্ৰপন্থী সংগঠন জেএমবি (জামাত-উল-মুজাহিদীন বাংলাদেশ)ৰ সৈতে সম্পৰ্ক থকাৰ অভিযোগত আঠজন বাংলাদেশী নাগৰিকক গ্ৰেপ্তাৰ কৰা হয়। আৰক্ষীয়ে জানিবলৈ দিয়া মতে, ২৬ আৰু ২৭ জুনত চলোৱা অভিযানত ধৃত আটাইকেইজনকে আটক কৰা হয়। প্ৰাথমিক তদন্তত পোহৰলৈ অহা তথ্য অনুসৰি, বাংলাদেশৰ নিষিদ্ধ উগ্ৰপন্থী সংগঠন জেএমবিৰ সৈতে তেওঁলোকৰ সম্পৰ্ক থকাৰ সূত্ৰ লাভ কৰিছে তদন্তকাৰীসকলে। তদন্তত পোহৰলৈ অহা তথ্য অনুসৰি, ধৃত লোককেইজনে প্ৰথমে গুৱাহাটীলৈ অহাৰ পৰিকল্পনা কৰিছিল। পিছত সেই সিদ্ধান্ত সলনি কৰি আগৰতলা বিমানবন্দৰৰ পৰা কলকাতালৈ যোৱাৰ প্ৰস্তুতি চলাইছিল। আৰক্ষীৰ দাবী অনুসৰি,…

অসমৰ ৰাজনীতিত নতুন জল্পনাৰ সূচনা কৰি ৰাইজৰ দলৰ উপ-সভাপতি হৰিপ্ৰসাদ শইকীয়াই এইবাৰ দলটোৰ প্ৰাথমিক সদস্যপদসহ সকলো সাংগঠনিক দায়িত্বৰ পৰা পদত্যাগ কৰে। ভৱিষ্যতৰ ৰাজহুৱা আৰু ৰাজনৈতিক ভূমিকা নতুনকৈ মূল্যায়ন কৰাৰ সিদ্ধান্তৰ বাবেই এই পদক্ষেপ গ্ৰহণ কৰা বুলি তেওঁ জানিবলৈ দিয়ে। মঙলবাৰে দলৰ সভাপতিৰ উদ্দেশ্যে প্ৰেৰণ কৰা পদত্যাগপত্ৰত হৰিপ্ৰসাদ শইকীয়াই উল্লেখ কৰা অনুসৰি, গভীৰ চিন্তা-ভাৱনা আৰু আত্মসমীক্ষাৰ অন্তত তেওঁ এই সিদ্ধান্ত গ্ৰহণ কৰিছে। তাৎক্ষণিকভাৱে দলটোৰ সকলো সাংগঠনিক দায়িত্ব আৰু প্ৰাথমিক সদস্যপদৰ পৰা অব্যাহতি বিচাৰি তেওঁ পদত্যাগপত্ৰ দাখিল কৰে। ইফালে, পদত্যাগপত্ৰ গ্ৰহণ কৰি তেওঁক সকলো দায়িত্বৰ পৰা অব্যাহতি দিবলৈও দলীয় নেতৃত্বক অনুৰোধ জনায় শইকীয়াই। তদুপৰি, ৰাইজৰ দলত দায়িত্ব পালন কৰাৰ সুযোগ দিয়াৰ বাবে…

ৰামলালাৰ আশীৰ্বাদ ল'বলৈ কংগ্ৰেছৰ উচ্চ পৰ্যায়ৰ প্ৰতিনিধি দল অযোধ্যালৈ যোৱাৰ কথা আছিল। কিন্তু সেই কাৰ্যসূচীৰ পূৰ্বেই উত্তৰ প্ৰদেশ কংগ্ৰেছৰ সভাপতি অজয় ৰায়ক গৃহবন্দী কৰাৰ অভিযোগ উত্থাপন কৰিছে কংগ্ৰেছে। দলটোৰ দাবী অনুসৰি, অজয় ৰায়ৰ লগতে অযোধ্যা ভ্ৰমণসূচীত থকা চাৰি জন লোকসভা সাংসদকো বিভিন্ন স্থানত গৃহবন্দী কৰি ৰখা হৈছে। অজয় ৰায়ে জানিবলৈ দিয়া মতে, তেওঁক অযোধ্যাৰ আচার্য নৰেন্দ্ৰ দেৱ বিশ্ববিদ্যালয়ৰ অতিথিশালাত গৃহবন্দী কৰি ৰখা হৈছে। তেওঁৰ অভিযোগ, ৰাম মন্দিৰৰ দুৰ্নীতিৰ অভিযোগত প্ৰকৃত অভিযুক্তসকলক গ্ৰেপ্তাৰ নকৰাৰ ব্যৰ্থতা ঢাকিবলৈ প্ৰশাসনে এনে ব্যৱস্থা গ্ৰহণ কৰিছে। ৰায়ে কয় যে, চম্পত ৰায়, অনিল মিশ্ৰ আৰু আন অভিযুক্তসকলৰ বিৰুদ্ধে ব্যৱস্থা গ্ৰহণৰ দাবীত তেওঁলোক অটল। প্ৰশাসনৰ বাধাৰ মাজতো ৰামলালাৰ…

ভুৱা চিকিৎসকৰ বিৰুদ্ধে ৰাজ্যজুৰি চলি থকা অভিযানৰ মাজতে এইবাৰ পোহৰলৈ আহিল এক অপ্ৰত্যাশিত ঘটনা। ভুৱা চিকিৎসকৰূপে পৰিচয় দি চিকিৎসা সেৱা আগবঢ়োৱাৰ অভিযোগত গ্ৰেপ্তাৰ হৈ ন্যায়িক জিম্মাত থকা এজন অভিযুক্তৰ কোকৰাঝাৰ জে'লত অসুস্থ হৈ মৃত্যু ঘটে। মঙলবাৰে পুৱাই সংকটজনক অৱস্থাত চিকিৎসালয়লৈ নিয়া হৈছিল যদিও চিকিৎসাধীন অৱস্থাত শেষ নিশ্বাস ত্যাগ কৰে অভিযুক্তজনে। মৃত ব্যক্তি জনৰ পৰিচয় ৰবীন্দ্ৰ চন্দ্ৰ নাগ বুলি জানিব পৰা গৈছে। অসম চিকিৎসক পঞ্জীয়ন পৰিষদে দাখিল কৰা এজাহাৰৰ ভিত্তিত কাজলগাঁও আৰক্ষীয়ে ২৫ জুনত ধলিগাঁৱৰ পৰা তেওঁক গ্ৰেপ্তাৰ কৰিছিল। একে দিনাই আদালতত হাজিৰ কৰোৱাৰ পিছত ন্যায়িক জিম্মালৈ প্ৰেৰণ কৰা হয় আৰু কোকৰাঝাৰ জে'লত ৰখা হয়। কাৰাগাৰ কৰ্তৃপক্ষই জানিবলৈ দিয়া মতে, মঙলবাৰে…