05
Aug
জীৱনৰ এক নতুন অধ্যায় আৰম্ভ কৰিবলৈ সাজু হৈছে নগাঁও জিলাৰ আয়ুক্ত দেৱাশিষ শৰ্মাই। আয়ুক্তগৰাকীয়ে চৰকাৰী চাকৰিৰ পৰা স্বেচ্ছামূলক অৱসৰ গ্ৰহণৰ সিদ্ধান্ত সদৰি কৰাৰ পিছতে তেওঁৰ সম্ভাৱ্য ৰাজনৈতিক পদাৰ্পণক লৈ ৰাজ্যজুৰি নতুন চর্চাৰ সূচনা হৈছে। বুধবাৰে দায়িত্বৰ পৰা আঁতৰি যোৱাৰ সিদ্ধান্তৰে প্ৰশাসনিক জীৱনৰ এক উল্লেখযোগ্য অধ্যায় সামৰে দেৱাশিষ শৰ্মাই। দেৱাশিষ শৰ্মাই নগাঁও জিলাৰ আয়ুক্ত পদৰ লগতে পূৰ্বে মৰিগাঁও জিলাৰ আয়ুক্ত হিচাপেও দায়িত্ব পালন কৰিছিল। জনমুখী প্ৰশাসন, ক্ষেত্ৰভিত্তিক পৰিদৰ্শন আৰু সাধাৰণ লোকৰ সৈতে প্ৰত্যক্ষ যোগাযোগৰ বাবে কাৰ্যকালজুৰি তেওঁ বিশেষ পৰিচিতি লাভ কৰিছিল। গাঁও অঞ্চললৈ নিয়মীয়াকৈ গৈ স্থানীয় লোকৰ সৈতে মত বিনিময় কৰাৰ লগতে তেওঁলোকৰ সমস্যা প্ৰত্যক্ষভাৱে শুনি সমাধানৰ ব্যৱস্থা গ্ৰহণ কৰাক অগ্ৰাধিকাৰ…
