19
May
অসমত হাতী-মানুহৰ সংঘাত তীব্ৰতৰ হোৱাৰ মাজতে মঙলবাৰে পুৱা কলিয়াবৰৰ লেংটেং ২ নম্বৰ বস্তি এলেকাত উদ্ধাৰ হয় এটা বন্যহস্তীৰ মৃতদেহ। গাঁৱৰ একাংশ বাসিন্দাই পুৱা পথাৰলৈ যোৱাৰ সময়তে প্ৰথমবাৰৰ বাবে হাতীটোৰ মৃতদেহ প্ৰত্যক্ষ কৰে আৰু লগে লগে সমগ্ৰ বিষয়টো স্থানীয় গাঁওবুঢ়াক অৱগত কৰে। ইয়াৰ পাছতে গাঁৱৰ ৰাইজে ঘটনা সন্দৰ্ভত শালনা বন সংমণ্ডলক খবৰ দিয়ে। ঘটনাৰ খবৰ পোৱাৰ লগে লগে বন বিভাগৰ ৱেষ্টাৰ্ণ ৰেঞ্জৰ এটা দল যুদ্ধকালীন তৎপৰতাৰে ঘটনাস্থলীত উপস্থিত হয়। স্থানীয় একাংশ বাসিন্দাৰ গুৰুতৰ অভিযোগ অনুসৰি কোনো অচিনাকি দুষ্কৃতিকাৰীয়ে অবৈধভাৱে বিদ্যুতৰ সংযোগ ব্যৱহাৰ কৰি হাতীটোক বিদ্যুৎস্পৃষ্ট কৰাইছিল, যাৰ ফলত প্ৰাণীটোৰ কৰুণ মৃত্যু ঘটে। অৱশ্যে এতিয়ালৈকে চৰকাৰীভাৱে মৃত্যুৰ প্ৰকৃত কাৰণ সন্দৰ্ভত কোনো স্পষ্ট…
