Blog

ষ্টাফৰিপৰ্টাৰ, মণিপুৰত অসম ৰাইফলচৰ জোৱানৰ ওপৰত হোৱা আক্ৰমণত শ্বহীদ হ'ল অসমৰ এজন জোৱান।বজালীৰ ঘটবৰ সাদেৰীৰ জোৱানজনৰ নাম হ'ল প্ৰণয় কলিতা। ২০০২ চনত অসম ৰাইফলচত নিযুক্তি পাইছিল প্ৰণয় কলিতাই। মৃত্যুৰ সময়ত তেওঁ দুই কন্যা শিশু সহ পত্নীক ত এৰি যায়।উল্লেখযোগ্য ,মণিপুৰৰ চান্দেলত সংঘটিত হয় এই ঘটনা। মণিপুৰৰ চাণ্ডেল জিলাৰ ভাৰত-ম্যানমাৰ সীমান্তত উগ্ৰপন্থীৰ দ্বাৰা সংঘটিত কৰা কূটাঘাতমূলক বিস্ফোৰণত আছাম ৰাইফলছ্‌ৰ জোৱান প্ৰণয় কলিতাৰ মৃত্যুত মুখ্যমন্ত্ৰী সৰ্বানন্দ সোণোৱালৰ গভীৰ শোক প্ৰকাশ কৰে। ৰাজ্যিক মৰ্যাদাৰে আছাম ৰাইফলছ্‌ৰ জোৱান প্ৰণয় কলিতাৰ শেষকৃত্য সম্পন্ন কৰাৰ বাবে মুখ্য সচিবক মুখ্যমন্ত্ৰী সোণোৱালৰ নিৰ্দেশ দিয়ে।

ষ্টাফৰিপৰ্টাৰ, সোমবাৰৰ পৰা শ্বিলঙত পুনৰ সম্পূৰ্ণ লকডাউন ঘোষণা কৰা হৈছে।সোমবাৰে মাজনিশাৰ পৰা ২৯ জুলাই মাজনিশা পৰ্যন্ত চহৰখনত সম্পূৰ্ণ লকডাউন থাকিব। প্ৰতিদিনেই কৰ’ণা সংক্ৰমণ বৃদ্ধি পাই গৈ থকাত মেঘালয় চৰকাৰে এই সিদ্ধান্ত গ্ৰহণ কৰিছে। উল্লেখযোগ্য চুবুৰীয়া পাহাৰীয়া ৰাজ্য খনত বৰ্তমানলৈ মুঠ আক্ৰান্তৰ সংখ্যা ৪১৯লৈ বৃদ্ধি পাইছে।

কোৰোণাৰ সামান্য লক্ষণে দেখা দিয়াৰ বাবে দুয়োকে ভৰ্তি কৰোৱা হৈছে চিকিত্‍সালয়ত।অভিনেত্ৰী ঐশ্বৰ্য ৰায় আৰু কন্যা আৰাধ্যাক মুম্বাইৰ চিকিত্‍সালয়ত ভৰ্তি কৰোৱা হৈছে। কোৰোণাত আক্ৰান্ত হোৱাৰ পিছত দুয়ো নিজ ঘৰতেই কোৱাৰেণ্টাইনত আছিল। শুকুৰবাৰে হঠাত্‍ দুয়োৰে দেহত কোৰোণাৰ সামান্য লক্ষণে দেখা দিয়াত দুয়োকে মুম্বাইৰ নানাৱতী হাস্পতালত ভৰ্তি কৰোৱা হৈছে। জানিব পৰা মতে, দুয়ো শ্বাস-প্ৰশ্বাসত কিছু সমস্যাৰ সন্মুখীন হৈছে।ইফালে বৰ্তমান নানাৱতী হাস্পতালতে চিকিত্‍সাধীন হৈ আছে ঐশ্বৰ্য ৰায়ৰ স্বামী তথা অভিনেতা অভিষেক বচ্চন আৰু মেগাষ্টাৰ অমিতাভ বচ্চন

নাগালেণ্ড চৰকাৰে কুকুৰৰ বজাৰ আৰু কুকুৰৰ বাণিজ্যিক আমদানিৰ ব্যৱসায়ৰ ক্ষেত্ৰত নিষেধাজ্ঞা প্ৰদান কৰিছে। কুকুৰৰ মাংস বিক্ৰীৰ ক্ষেত্ৰতো নিষেধাজ্ঞা জাৰী কৰিছে। ৰাজ্যখনৰ মুখ্য সচিব তেমজেন টয়ে ইতিমধ্যে টুইটাৰযোগে এই কথা জনাইছে।

আজি কেন্দ্ৰীয় আয়ুস মন্ত্ৰণালয়ে পতঞ্জলি আয়ুৰ্বেদ লিমিটেডে মুকলি কৰা Covid-19ৰ ঔষধত এক প্ৰকাৰৰ নিষেধাজ্ঞা আৰোপ কৰিছে। Press Information Bureauই মুকলি কৰা এক প্ৰেছ বিজ্ঞপ্তি অনুসৰি, চৰকাৰক পতঞ্জলিয়ে তেনে গৱেষণাৰ বিষয়ে পূৰ্বতে অৱগত কৰা নাছিল।কেন্দ্ৰীয় চৰকাৰৰ অনুমতি অবিহনে গৱেষণা, পৰীক্ষণ আদি কৰি এতিয়া ঔষধটো বজাৰত মুকলি কৰাৰ পিছত চৰকাৰৰ ৰোষত পৰিছে ৰামদেৱ আৰু পতঞ্জলি। প্ৰেছ বিজ্ঞপ্তিত উল্লেখ কৰা মতে আয়ুৰ্বেদিক ঔষধৰ তেনে ধৰণৰ দাবী আৰু প্ৰচাৰ Drugs And Magic Remedies (Objectionable Advertisement) Act, 1954ৰ নীতি নিয়মৰে পৰিচালিত হয়। আনহাতে, যোৱা ২১ এপ্ৰিলত আয়ুস মন্ত্ৰণালয়ে Covid-19ৰ আয়ুৰ্বেদিক ঔষধৰ বেলিকা গৱেষণা আৰু অন্য বিধিসমূহ কেনেধৰণৰ হ’ব এই সকলোবোৰ ৰাজপত্ৰিত জাননীৰ যোগেদি অৱগত কৰিছিল।সম্প্ৰতি…