Blog

ৰহাৰ টোলগে’টত এতিয়া আৰু স্থানীয় বাসিন্দাই দিব নালাগে টোল কৰ। স্থানীয় ৰাইজৰ ধাৰাবাহিক দাবীৰ প্ৰতি লক্ষ্য ৰাখি এই গুৰুত্বপূৰ্ণ সিদ্ধান্ত গ্ৰহণ কৰিছে নগাঁও জিলা প্ৰশাসনে। কামৰূপ মহানগৰ জিলাৰ সোণাপুৰৰ আৰ্হিতেই ৰহাৰ ৰণথলী টোলগে’টৰ চৌপাশৰ বাসিন্দাসকলক সকাহ দিয়াৰ উদ্দেশ্যে এই পদক্ষেপ গ্ৰহণ কৰিছে জিলা প্ৰশাসনে। জিলা প্ৰশাসনে সদৰি কৰা মতে, এতিয়াৰে পৰা টোলগে’টৰ ৭ কিলোমিটাৰ ব্যাসাৰ্ধৰ ভিতৰত বসবাস কৰা স্থায়ী লোকসকলৰ ব্যক্তিগত বাহনে সম্পূৰ্ণ কৰ ৰেহাই লাভ কৰিব। নগাঁও জিলাৰ আয়ুক্ত দেৱাশিস শৰ্মাই জাৰি কৰা আনুষ্ঠানিক জাননী অনুসৰি, এই সুবিধা পাবলৈ বাসিন্দাসকলে বিশেষ টোলপাছ সংগ্ৰহ কৰাটো বাধ্যতামূলক। ইয়াৰ বাবে আৱেদনকাৰীয়ে আধাৰ কাৰ্ড, ভোটাৰ পৰিচয় পত্ৰ আৰু বাহনৰ বৈধ পঞ্জীয়ন পত্ৰৰ প্ৰতিলিপি…

অসম ক্ৰিকেট সন্থা (এচিএ)য়ে বুধবাৰে ঘোষণা কৰে যে ৩০ ছেপ্টেম্বৰত এচিএ ষ্টেডিয়াম, গুৱাহাটীত অনুষ্ঠিত হ’বলগীয়া ভাৰত আৰু ৱেষ্ট ইণ্ডিজৰ মাজৰ দ্বিতীয়খন এদিনীয়া মেচৰ টিকট বিক্ৰী ৪ ছেপ্টেম্বৰৰ পৰা আৰম্ভ হ’ব। টিকটসমূহ পুৱা ১১ বজাৰ পৰা কেৱল BookMyShow (BMS)ৰ জৰিয়তেহে উপলব্ধ হ’ব।এচিএয়ে জাৰি কৰা এক বিবৃতিত কোৱা হৈছে, “সফল বুকিংৰ পিছত দৰ্শকে এম-টিকট লাভ কৰিব, যিয়ে ষ্টেডিয়ামত সুবিধাজনক আৰু নিৰৱচ্ছিন্ন প্ৰৱেশ প্ৰক্ৰিয়া নিশ্চিত কৰিব।” অসম আৰু ইয়াৰ বাহিৰৰ ক্ৰিকেট অনুৰাগীসকলৰ সৰ্বাধিক অংশগ্ৰহণক উৎসাহিত কৰিবলৈ টিকটৰ মূল্য সুলভ কৰি ৰখা হৈছে বুলি সন্থাটোৱে জানিবলৈ দিছে। ছাত্ৰ-ছাত্ৰীৰ বাবে টিকটৰ মূল্য ৫০০ টকা নিৰ্ধাৰণ কৰা হৈছে, আনহাতে অন্যান্য শ্ৰেণীৰ বাবে মূল্য ১,৫০০ টকাৰ পৰা…

গুৱাহাটীৰ লোকপ্ৰিয় গোপীনাথ বৰদলৈ আন্তঃৰাষ্ট্ৰীয় (এলজিবিআই) বিমানবন্দৰে নতুন ৫৭০ মিটাৰ প্ৰিচিচন এপ্ৰ’চ লাইটিং চিষ্টেম (পিএএলএছ) কাৰ্যক্ষম কৰিছে, যিয়ে ইয়াৰ এপ্ৰ’চ আৰু অৱতৰণ আন্তঃগাঁথনিত উল্লেখযোগ্য উন্নতি সাধন কৰিছে। উন্নত ব্যৱস্থাটোৱে ৰাণৱেৰ কাষ চাপি অহাৰ সময়ত পাইলটসকলক উন্নত দৃশ্যগত ৰেফাৰেন্স প্ৰদান কৰি কম দৃশ্যমানতাৰ পৰিস্থিতিত বিমান পৰিচালনা শক্তিশালী কৰে। গুৱাহাটীত বতৰজনিত প্ৰত্যাহ্বান আছে, য’ত আছে ধাৰাসাৰ বাৰিষাৰ বৰষুণ আৰু দৃশ্যমানতা হ্ৰাসৰ সময়ছোৱা, যিয়ে বিমান পৰিচালনাত প্ৰভাৱ পেলাব পাৰে। নতুনকৈ কাৰ্যক্ষম হোৱা পিএএলএছে বিমানবন্দৰৰ এপ্ৰ’চ লাইটিং আগৰ ১৮০ মিটাৰৰ পৰা ৫৭০ মিটাৰলৈ বৃদ্ধি কৰিছে, যাৰ ফলত অৱতৰণকাৰী বিমানৰ বাবে ৰাণৱে অধিগ্ৰহণ আৰু এপ্ৰ’চ সমৰ্থন বৃদ্ধি পাইছে। নতুন প্ৰিচিচন এপ্ৰ’চ লাইটিং চিষ্টেমে কেইবাটাও পৰিচালনাগত…

আইনী ইতিহাসত এক বিৰল দৃষ্টান্ত স্থাপন কৰি ডিব্ৰুগড়ৰ অতিৰিক্ত জিলা আৰু সত্ৰ ন্যায়াধীশৰ আদালতে পৃথকে পৃথকে পাঁচজন অভিযুক্তক যাৱজ্জীৱন কাৰাদণ্ডৰ শাস্তি বিহে। জিলাখনত একেদিনাই একেলগে পাঁচজন ব্যক্তিক যাৱজ্জীৱন কাৰাদণ্ড বিহাৰ এয়া প্ৰথম ঘটনা বুলি স্পষ্ট কৰে চৰকাৰী পক্ষই। ইয়াৰ উপৰি আন এটা হত্যাৰ চেষ্টা চলোৱাৰ গোচৰত এজন অভিযুক্তক আদালতে চাৰি বছৰৰ সশ্ৰম কাৰাদণ্ড প্ৰদান কৰে। দণ্ডাদেশপ্ৰাপ্তসকলৰ ভিতৰত আছে ডিব্ৰুগড় সদৰ আৰক্ষী থানা চৌহদতে নিজৰ কাৰ্বাইন বন্দুকৰে গৰ্ভৱতী পত্নীক গুলীয়াই হত্যা কৰা আৰক্ষী কনিষ্টবল বিকি চেতিয়া। আৰক্ষীৰ তদন্ত আৰু অভিযোগনামাৰ ভিত্তিত আদালতে বিকি চেতিয়াক দোষী সাব্যস্ত কৰি যাৱজ্জীৱন কাৰাদণ্ড বিহে। একেদৰে বৈৰাগীমঠৰ এটা ভাড়াঘৰৰ গৰাকী আৰু তেওঁৰ পত্নীক হত্যা কৰাৰ অভিযোগত…

চৰম আৰ্থিক অনাটনে নমাই আনিলে এক ভয়ংকৰ আৰু হৃদয়বিদাৰক বিপৰ্যয়। ধেমাজি জিলাৰ জোনাইৰ তেলেমত সংঘটিত হৈছে এক নৃশংস হত্যাকাণ্ড। নিজ বাসগৃহৰ ভিতৰতে কুঠাৰেৰে ঘপিয়াই পত্নীসহ তিনিটি নিষ্পাপ সন্তানক হত্যা কৰে ফিৰোজ আলী নামৰ এজন শিক্ষকে। ফিৰোজ আলীৰ কুঠাৰৰ ঘাপত থিতাতে প্ৰাণ হেৰুৱায় পত্নী চিনোৱাৰা বেগম, ১৩ বছৰীয়া কন্যা নেইনা আখতাৰ, ৮ বছৰীয়া পুত্ৰ ছাকিল আলী আৰু ৫ বছৰীয়া কণমানি ৰিজিকা বেগমে। তেলেম গামচুক প্ৰাথমিক বিদ্যালয়ৰ শিক্ষক হিচাপে কৰ্মৰত ফিৰোজ আলীক ইতিমধ্যে জিম্মাত লৈছে আৰক্ষীয়ে। মাহেকীয়া মাত্ৰ ১০ হাজাৰ টকাৰ দৰমহাৰে বৃহৎ পৰিয়ালটো পোহপাল দিয়াত জুৰুলা হৈ পৰা বাবেই এনে চৰম পদক্ষেপ গ্ৰহণ কৰিবলৈ বাধ্য হোৱা বুলি আৰক্ষীৰ জেৰাত স্বীকাৰোক্তি দিছে…

বিৰিয়ানী খোৱাৰ বাবে বিদ্যালয় কৰ্তৃপক্ষই বিহা শাস্তিত মানসিকভাৱে ভাগি পৰি চৰম সিদ্ধান্ত গ্ৰহণ কৰিলে এগৰাকী ছাত্ৰীয়ে। বিদ্যালয়ৰে অট্টালিকাৰ ছাদৰ পৰা তললৈ জঁপিয়াই আত্মহনন কৰে একাদশ শ্ৰেণীৰ ছাত্ৰীগৰাকীয়ে। হাৰিয়ানাৰ ফৰিদাবাদৰ ডাবুৱা কলনীস্থিত গাজীপুৰ ৰোডৰ এখন ব্যক্তিগত খণ্ডৰ বিদ্যালয়ত মঙলবাৰে দিনৰ প্ৰায় ১ বজাত এই ঘটনা সংঘটিত হয়। গুৰুতৰভাৱে আহত ছাত্ৰীগৰাকীক বিদ্যালয় কৰ্তৃপক্ষই ওচৰৰ চিকিৎসালয়লৈ লৈ যায় যদিও চিকিৎসকে মৃত ঘোষণা কৰে। ঘটনাৰ আঁৰৰ কাৰণ সন্দৰ্ভত আৰক্ষীয়ে প্ৰকাশ কৰা অনুসৰি, বিদ্যালয় কৰ্তৃপক্ষক নজনোৱাকৈ ছাত্ৰীগৰাকীয়ে বাহিৰলৈ গৈ বিৰিয়ানী খাইছিল আৰু দুপৰীয়াৰ আহাৰক লৈ আন সহপাঠীৰ সৈতেও বিবাদত লিপ্ত হৈছিল। এই কথাত ক্ষুব্ধ হৈ শিক্ষকজনে ছাত্ৰীগৰাকীক কঠোৰ শাস্তি বিহে আৰু শ্ৰেণীকোঠাৰ বাহিৰত থিয় কৰাই…

মাদ্ৰাছা নিৰ্মাণৰ বাবে ভাগি পেলোৱা হ’ল শতিকা পুৰণি হিন্দু মন্দিৰ! পাকিস্তানত সংখ্যালঘুৰ ধৰ্মীয় স্থান সুৰক্ষাৰ দাবীৰ মাজতে পুনৰ পোহৰলৈ আহিছে এই চাঞ্চল্যকৰ ঘটনা। পঞ্জাৱ প্ৰদেশৰ নৰোৱাল জিলাৰ চিৰাজ গাঁৱত অৱস্থিত প্ৰায় ১২৫ বছৰ পুৰণি এক ঐতিহাসিক হিন্দু মন্দিৰ ভাঙি পেলোৱাৰ অভিযোগ উত্থাপন কৰিছে সংখ্যালঘু অধিকাৰ ৰক্ষা সংগঠন ‘পাকিস্তান মসিহা মিল্লাত পাৰ্টী’য়ে। কাষৰীয়া মাদ্ৰাছা এখনৰ সম্প্ৰসাৰণৰ বাবে যোৱা ২১ আগষ্টত পৰিকল্পিতভাৱে এই মন্দিৰটো উচ্ছেদ কৰা বুলি দাবী কৰে সংগঠনটোৱে। সংগঠনটোৰ সভাপতি আছলাম পাৰভেজ ছাহোত্ৰাই অভিযোগ কৰি জনোৱা মতে, একাংশ লোকে মন্দিৰটো ভাঙি ইটা আৰু গম্বুজৰ ধাতুৰ সঁজুলিসমূহ লৈ যায়। এই সন্দৰ্ভত স্থানীয় ৰাইজ আৰু সংগঠনে পঞ্জাৱৰ অতিৰিক্ত গৃহ সচিবক সাক্ষাৎ কৰি…