Sonakshi Sarkar

অসম চৰকাৰে বহু বিবাহৰ বিৰুদ্ধে কঠোৰ পদক্ষেপ গ্ৰহণ কৰি ভাৰতীয় ন্যায় সংহিতাৰ অধীনত আইন বলবৎ কৰাৰ পাছতো এই আইনক ভ্ৰুক্ষেপ কৰা নাই একাংশ লোকে । আনকি দুই এঠাইত কোনো কোনোৱে এজনী , দুজনী নহয় তিনীজনীলৈকেও বিয়া কৰোৱা বুলি অভিযোগ উত্থাপিত হৈছে। এইবাৰ এনে এটা অভিযোগ উত্থাপিত হৈছে লখিমপুৰ জিলাৰ বঙালমাৰা থানাৰ অন্তৰ্গত ফটিপুৰ লাওগাওঁবস্তিৰ  পেছাত ব্যৱসায়ী হাবিজুল ইছলাম নামৰ এজন লোকৰ বিৰুদ্ধে প্ৰথম আৰু দ্বিতীয় পত্নী থকাৰ পাছতো তৃতীয়বাৰৰ বাবে পুনৰ বিবাহ পাশত আৱদ্ধ হোৱা বুলি অভিযোগ কৰিছে দ্বিতীয় পত্নী ফাৰহা বেগমে । ইতিমধ্যে দ্বিতীয় পত্নী ফাৰহা বেগমে ন্যায় বিচাৰি অসম ৰাজ্যিক মহিলা আয়োগত  হাবিজুল ইছলামৰ বিৰুদ্ধে লিখিত অভিযোগ দাখিল…

গুৱাহাটীৰ ঐতিহ্যমণ্ডিত শ্ৰী শ্ৰী লংকেশ্বৰ ধামৰ পৰম হিতৈষীসকলক ৰাজহুৱাভাবে সম্বৰ্ধনা জনোৱাৰ উদ্দেশ্যে  ধামৰ নামনিত থকা শ্ৰী শ্ৰী গণেশ মন্দিৰ প্ৰাংগনত থকা সভাগৃহত এখন বিশেষ সম্বৰ্ধনা অনুষ্ঠান  অনুষ্ঠিত হয়। শ্ৰী শ্ৰী লংকেশ্বৰ ধাম আঞ্চলিক পৰিচালনা কমিটিৰ সভাপতি কামিনী কান্ত কলিতাৰ সভাপতিত্বত অনুষ্ঠিত অনুষ্ঠানটোত অসম চৰকাৰৰ প্ৰাক্তন মন্ত্ৰী ৰমেন্দ্ৰ নাৰায়ণ কলিতা , প্ৰাক্তন সাংসদ ডাঃ অৰুণ কুমাৰ শৰ্মাকে ধৰি লংকেশ্বৰ ধামৰ উন্নয়নত সহযোগিতা আগবঢ়োৱা আৰু বাবে বিশেষ ভাবে সেৱা আগবঢ়াই অহা ব্যক্তি সকলক গামোছা আৰু শৰাইৰে বিশেষ ভাবে সম্বৰ্ধনা জনোৱা হয়। আনহাতে ধাম পৰিচালনা কমিটিৰ সাধাৰণ সম্পাদক যাদৱ চন্দ্ৰ কলিতাৰ আদৰণি ভাষণৰে শুভাৰম্ভ হোৱা অনুষ্ঠানটোত সম্বৰ্ধনা গ্ৰহণ কৰি প্ৰাক্তন মন্ত্ৰী ৰমেন্দ্ৰ নাৰায়ণ…

ৱাহাটীৰ পশ্চিম বৰাগাঁওস্থিত আসাম ইনষ্টিটিউট অৱ মেনেজমেণ্ট  কৰ্তৃপক্ষ, স্থানীয় ৰাইজ আৰু লাইফ কেয়াৰৰ  যৌথ উদ্যোগত এক বিনামূলীয়া চিকিৎসা শিবিৰ অনুষ্ঠিত হয়। শিবিৰত শিশু , মহিলা  পুৰুষকে ধৰি প্ৰায়  ৩০০ গৰাকী লোকে অংশগ্ৰহণ কৰে। বিশিষ্ট চিকিৎসক ডাঃ তানিশা বৰুৱাৰ তদাৰকাত অনুষ্ঠিত শিৱিৰত উপস্থিত লোকসকলক ৰোগ নিৰাময়, শৰীৰৰ যত্ন, ৰোগৰ লক্ষণ, নিৰোগী হৈ থকাৰ উপায় আদি সন্দৰ্ভত বিভিন্ন দিহা পৰামৰ্শ প্ৰদান কৰা হয়। শিৱিৰত  বিভিন্ন শাৰীৰিক সমস্যাৰ জটিলতা সম্পৰ্কে পৰীক্ষা কৰাৰ লগতে ৰোগ প্ৰতিৰোধ আৰু সময়মতে চিকিৎসা গ্ৰহণৰ ক্ষেত্ৰতো ৰাইজক সজাগ কৰা হয়।

উচ্চতম ন্যায়ালয়ত দাখিল কৰা এক শেহতীয়া প্ৰতিবেদন অনুসৰি দেশৰ ৰাজনীতিৰ অপৰাধীকৰণৰ এক উদ্বেগজনক ছবি পোহৰলৈ আহিছে। সোমবাৰে শীর্ষ আদালতত উত্থাপন কৰা তথ্য অনুসৰি, লোকসভাৰ ৫৪৩ জন সদস্যৰ ভিতৰত ২৫১ জন সদস্যৰ বিৰুদ্ধে অপৰাধমূলক গোচৰ পঞ্জীয়ন হৈ আছে। একেদৰে ৰাজ্যসভাৰ ২৩৩ জন সদস্যৰ ভিতৰত ৭৫ জন সাংসদৰ বিৰুদ্ধেও বিভিন্ন অপৰাধমূলক গোচৰ পঞ্জীয়ন হৈ আছে। জনস্বাৰ্থজড়িত আৱেদনৰ শুনানি গ্ৰহণ কৰি উচ্চতম ন্যায়ালয়ক সাহায্য কৰিবলৈ আমিকাছ কিউৰী (Amicus Curiae) হিচাপে নিযুক্ত জ্যেষ্ঠ অধিবক্তা বিজয় হংছাৰিয়াই এই শপতনামা দাখিল কৰে 'এছ’চিয়েচন ফৰ ডেম’ক্ৰেটিক ৰিফৰ্মছ' (ADR)-ৰ তথ্যৰ ভিত্তিত যুগুত কৰা এই প্ৰতিবেদনত উল্লেখ কৰা হৈছে যে লোকসভাৰ ২৫১ জন অপৰাধমূলক গোচৰ থকা সাংসদৰ ভিতৰত ১৭০…

উজনি অসমত জুলাই মাহত অহা ভয়াবহ বানপানীৰ পাছত বানপীড়িত পৰিয়ালসমূহৰ বাবে দ্বিতীয় পৰ্যায়ৰ অন্তৱৰ্তীকালীন বিত্তীয় সাহায্য বিতৰণ প্ৰক্ৰিয়া মুকলি কৰে ৰাজ্য চৰকাৰে। আজি এই কথা ঘোষণা কৰিছে ৰাজ্যৰ মুখ্যমন্ত্ৰী ড০ হিমন্ত বিশ্ব শৰ্মাই। আজি এখন সংবাদমেল সম্বোধন কৰি মুখ্যমন্ত্ৰীয়ে কয় যে শিৱসাগৰ, চৰাইদেউ, যোৰহাট আৰু গোলাঘাট জিলাৰ ৯৬,৮৪২ টা বানপীড়িত পৰিয়াললৈ ১৫,০০০ টকাকৈ হস্তান্তৰ কৰা হৈছে। এই কাৰ্যসূচীৰ অধীনত বৰ্তমানলৈকে মুঠ ১৪৬.২৬ কোটি টকা বিতৰণ কৰা হৈছে। বানত হোৱা ক্ষয় ক্ষতি সন্দৰ্ভত কয় যে চৰকাৰী জৰীপ অনুসৰি ২৬,৬৮১ টা ঘৰ আৰু ১৮,৮৮ৰ টা গোহালি ঘৰ আংশিক বা সম্পূৰ্ণৰূপে ক্ষতিগ্রস্ত হৈছে। ইয়াৰ উপৰি ৪১,০০০ টা তাঁতশালৰ সামগ্ৰী নষ্ট হৈছে, ৫,৯৮,৬৯১ টা…

লোকপিয়ল ২০২৭-ৰ প্ৰথম পৰ্যায়ৰ কাম দেশৰ ৩১খন ৰাজ্য আৰু কেন্দ্ৰীয় শাসিত অঞ্চলত সফলতাৰে সম্পূৰ্ণ হৈছে। এই কথা ভাৰত চৰকাৰৰ গৃহ ৰাজ্য মন্ত্ৰী নিত্যানন্দ ৰায়ে প্ৰকাশ কৰিছে। প্ৰথম পৰ্যায়ত মুখ্যতঃ গৃহ-তালিকাভুক্তি আৰু গৃহ-গণনা প্ৰক্ৰিয়া অন্তৰ্ভুক্ত কৰা হৈছে। বাকী থকা ৰাজ্য আৰু কেন্দ্ৰীয় শাসিত অঞ্চলসমূহত অহা ছেপ্টেম্বৰ ২০২৬-ৰ ভিতৰত এই কাম সমাপ্ত হ'ব বুলি আশা কৰা হৈছে। এই প্ৰক্ৰিয়াৰ বাবে কাৰিকৰী আন্তঃগাঁথনি আৰু পিয়ল কৰ্মীসকলৰ প্ৰশিক্ষণৰ উদ্দেশ্যেই ইতিমধ্যে ৪,১০২ কোটি টকা মুকলি কৰি দিয়া হৈছে। লোকপিয়ল ২০২৭-ত জাতিভিত্তিক গণনা কেনেদৰে কৰা হ'ব, তাক প্ৰদৰ্শন কৰা প্ৰথমটো অঞ্চল হ'ব লাডাখ। দ্বিতীয় পৰ্যায়ৰ 'জনসংখ্যা গণনা'ত প্ৰায় ৪০টা বিষয়ক সামৰি লোৱা হ'ব আৰু জাতি প্ৰসংগৰ…

কস্তুৰবা গান্ধী ৰাষ্ট্ৰীয় স্মাৰক ট্রাষ্ট, অসম শাখা, আৰু সর্বোদয় ট্রাষ্টৰ যৌথ উদ্যোগত ৯ আগষ্টত শিৱসাগৰ জিলাৰ নাজিৰা সমষ্টিৰ বানত অধিক ক্ষতিগ্ৰস্ত হোৱা  হাঁহচৰা চেতিয়া গাওঁ, নিমাইজান, দিলিহী গোঁহাইগাওঁ আৰু বানমূখ অঞ্চলৰ ভিতৰুৱা শিৱিৰত বান সাহায্য বিতৰণ কৰা  হয়। উল্লেখ্য যে অসম মহিলা অভিযন্তা সন্থা,  মুষ্টিভিক্ষা অসম , পানবজাৰৰ সর্বোদয় হেলথ কেয়াৰ আৰু চানমাৰীৰ সর্বোদয় নগৰ নামঘৰ মহিলা সমিতিয়ে বান সাহায্য আগবঢ়াইছিল । ইয়াৰ উপৰিও বিভিন্ন অনুষ্ঠান-প্রতিষ্ঠান আৰু বিশিষ্ট্য ব্যক্তিসকলৰ দান বৰঙণিৰে ৩০০  টা পৰিয়ালৰ মাজত আঠুৱা, বিচনা চাদৰ, গামোছা, মেখেলা চাদৰ, কাহী-গিলাছ, বাল্টি-মগ, ফেনাইল, ব্লিছিং-পাউডাৰ, চাবোন, ৰেড কিলাৰ, মমবাতি, টচ-লাইট, লাইটাৰ, স্কুল বেগ, বহী, কলম আদিৰ বাহিৰেও কিছু খাদ্য বস্তুৰ…

ডেমক্ৰেটিক ৰিপাব্লিক অৱ কংগো (ডি আৰ কংগো) দ্ৰুতগতিত বৃদ্ধি পোৱা ইবোলা ভাইৰাছৰ সংক্ৰমণক লৈ বিশ্ব স্বাস্থ্য সংস্থাই (WHO) গভীৰ উদ্বেগ প্ৰকাশ কৰিছে। স্বাস্থ্য বিষয়া আৰু স্বাস্থ্যকৰ্মীসকলে পৰিস্থিতি নিয়ন্ত্ৰণলৈ আনিবলৈ নিৰন্তৰ প্ৰচেষ্টা চলাইছে যদিও, ৰোগ বিধ্বংসী সংক্ৰমণৰ গতি তেওঁলোকৰ প্ৰচেষ্টাতকৈয়ো দ্ৰুততৰ হৈ পৰিছে। আফ্ৰিকাৰ বিশ্ব স্বাস্থ্য সংস্থাৰ আঞ্চলিক সঞ্চালক ড° মহম্মদ জনাবীয়ে পৰিস্থিতিৰ গম্ভীৰতা প্ৰকাশ কৰি কয়-আমি ভাইৰাছটোক অনুসৰণ কৰি লৈছোঁ, কিন্তু ভাইৰাছটো আমাতকৈ বহু আগবাঢ়ি আছে। ডি আৰ কংগোট চলিত বৰ্ষৰ ১৫ মে'ত আনুষ্ঠানিকভাৱে ইবোলা মহামাৰীৰ ঘোষণা কৰা হৈছিল। কিন্তু শেহতীয়া গৱেষণা আৰু অধ্যয়ন অনুসৰি, এই ভাইৰাছ প্ৰচলন ফেব্ৰুৱাৰী মাহৰ পৰাই আৰম্ভ হৈছিল— অৰ্থাৎ চৰকাৰী ঘোষণাৰ প্ৰায় তিনি মাহ আগৰ…

প্ৰধানমন্ত্ৰী নৰেন্দ্ৰ মোদীয়ে কালি নতুন দিল্লীস্থিত তেওঁৰ বাসগৃহত ২০২৬ চনৰ কমনৱেলথ গেমছৰ পদক বিজয়ী ক্ৰীড়াবিদসকলৰ সৈতে এক সৌহাৰ্দ্যপূৰ্ণ আলোচনাত মিলিত হয়। এই মতবিনিময় কাৰ্যসূচীত পদক বিজয়ীসকলে গেমছত অংশগ্ৰহণৰ নিজ নিজ অভিজ্ঞতা প্ৰধানমন্ত্ৰীৰ আগত ব্যক্ত কৰে। সামাজিক মাধ্যমৰ এটা পোষ্টত প্ৰধানমন্ত্ৰীয়ে উল্লেখ কৰে যে প্ৰত্যেকগৰাকী ক্ৰীড়াবিদে তেওঁলোকৰ ব্যতিক্ৰমী আৰু অসাধাৰণ ক্ৰীড়া শৈলীৰে দেশখনক গৌৰৱান্বিত কৰিছে। তেওঁলোকৰ এই অভূতপূৰ্ব সাফল্যই দেশৰ বহু উদীয়মান তথা যুৱ ক্ৰীড়াবিদক অনুপ্ৰাণিত কৰিব। প্ৰধানমন্ত্ৰী মোদীয়ে এটা ভিডিঅ’ বাৰ্তা শ্বেয়াৰ কৰি কয়, 'যি খেলিব, সি জিলিকিব' (জো খেলেগা, ৱহ খিলেগা), আৰু দেশবাসীক সদায় ভাৰতৰ হৈ জয়ধ্বনি কৰিবলৈ আহ্বান জনায়।এই বিশেষ অনুষ্ঠানত কেন্দ্ৰীয় ক্ৰীড়া আৰু যুৱ কল্যাণ মন্ত্ৰী মনসুখ…

পশ্চিম গুৱাহাটী মহাবিদ্যালয়ৰ ৰাষ্ট্ৰীয় সেৱা আঁচনি চমুকৈ এন এছ এছ কোষ ,  ৰাজনীতি বিজ্ঞান বিভাগৰ উদ্যোগত আৰু আজাৰা পাটগাওঁস্থিত প্ৰথম ৰাষ্ট্ৰীয় দুৰ্যোগ সঁহাৰি বাহিনী (এন ডি আৰ এফ) ৰ সহযোগত ৬ আগষ্টত  মহাবিদ্যালয় প্ৰাংগণত 'দুৰ্যোগ ব্যৱস্থাপনা  আৰু সজাগতা'  শীৰ্ষক এক প্ৰশিক্ষণ কাৰ্যসূচী অনুষ্ঠিত  কৰা হয়। এই উপলক্ষে অনুষ্ঠিত অনুষ্ঠানৰ আৰম্ভণিতে আদৰণি ভাষণ প্ৰদান কৰি ভাষণ প্ৰসংগত মহাবিদ্যালয়ৰ অধ্যক্ষা ডঃ মনীষা ভট্টাচাৰ্যই অসমৰ দৰে প্ৰাকৃতিক দুৰ্যোগত আক্ৰান্ত অঞ্চলত এনে ধৰণৰ প্ৰশিক্ষণৰ গুৰুত্ব আৰু সাম্প্ৰতিক সময়ত ইয়াৰ প্ৰাসংগিকতাৰ ওপৰত আলোকপাত কৰে। মহাবিদ্যালয়ৰ ৰাজনীতি বিজ্ঞান বিভাগৰ সহকাৰী অধ্যাপক জিয়াউৰ ৰহমান আৰু আয়ুষমান কলিতাই আঁত ধৰা কাৰ্যসূচীত মহাবিদ্যালয়ৰ  এন এছ এছ কোষৰ কাৰ্যসূচী বিষয়া…