Sonakshi Sarkar

ভাৰতীয় ক্ৰিকেট নিয়ন্ত্ৰণ ব’ৰ্ডয়ে পূৰ্বৰ তাৰকা ক্ৰিকেটাৰ তথা ৰাষ্ট্ৰীয় ক্ৰিকেট একাদেমীৰ মুৰব্বী ভি ভি এছ লক্ষ্মণক এক ডাঙৰ দায়িত্ব অৰ্পণ কৰিছে। আগন্তুক এছিয়ান গেমছৰ বাবে ভাৰতীয় পুৰুষ ক্ৰিকেট দলৰ মুখ্য প্ৰশিক্ষক হিচাপে লক্ষ্মণক নিযুক্তি দিয়া হৈছে। বিশ্বকাপ ক্ৰিকেটৰ প্ৰস্তুতিৰ বাবে মূল দলৰ খেলুৱৈসকল ব্যস্ত থকাৰ বাবে এছিয়ান গেমছত দ্বিতীয় শাৰীৰ ভাৰতীয় দল প্ৰেৰণ কৰাৰ সিদ্ধান্ত লৈছে বিচিচিআইয়ে। এই যুৱ আৰু প্ৰতিভাৱান দলটোক নেতৃত্ব দিব ক্ৰিকেটাৰ ঋতুৰাজ গায়কোৱাৰে। এই নতুন দলটোক সঠিক পথ প্ৰদৰ্শন আৰু প্ৰশিক্ষণ দিয়াৰ বাবে ভি ভি এছ লক্ষ্মণৰ অভিজ্ঞতা অতি গুৰুত্বপূৰ্ণ প্ৰমাণিত হ’ব বুলি ধাৰণা কৰা হৈছে। এই দায়িত্ব লাভ কৰাৰ পাছত লক্ষ্মণে জনায় যে এছিয়ান গেমছৰ…

পৰিৱেশ অনুকূল আৰু এক প্ৰদূষণমুক্ত বাতাবৰণ সৃষ্টি কৰাৰ লক্ষ্যৰে ভাৰতীয় বিমানবন্দৰ প্ৰাধিকৰণৰ গুৱাহাটীৰ বৰঝাৰস্থিত উত্তৰ পূব মণ্ডলৰ ক্ষেত্ৰীয় কাৰ্যবাহী সঞ্চালকৰ কাৰ্যালয়ত পহিলা ছেপ্টেম্বৰত  চাৰিখন চাৰিচকীয়া ইলেকট্ৰিক বাহন মুকলি কৰা হয়। এই উপলক্ষে কাৰ্যালয় চৌহদত আয়োজিত এক অনুষ্ঠানত পতাকা জোকাৰি বাহন চাৰিখন মুকলি কৰে ক্ষেত্ৰীয় কাৰ্যবাহী সঞ্চালক মনোজ কুমাৰ শৰ্মা বৰদলৈয়ে। অনুষ্ঠানত চমু ভাষণত মনোজ কুমাৰ শৰ্মা বৰদলৈয়ে কয় যে ডিজেল আৰু পেট্ৰলচালিত বাহনে বায়ু আৰু শব্দ প্ৰদূষণৰ সৃষ্টি কৰি আহিছে। ইয়াৰ ফলত মানুহ বিভিন্ন ধৰণৰ ৰোগত আক্ৰান্ত হবলগীয়া হৈছে।  গতিকে শব্দ আৰু বায়ু প্ৰদূষণৰ পৰা হাত সাৰিবলৈ হলে পৰিবৰ্তিত পৰিস্থিতিত ইলেকট্ৰিক বাহনৰ কোনো বিকল্প নাই। এয়া সময়ৰ আহ্বান আৰু আমি…

উত্তৰ পূবৰ প্ৰথমটো আন্তৰ্জাতিক বিমানবন্দৰ হিচাপে পৰিচিত গুৱাহাটীৰ লোকপ্ৰিয় গোপীনাথ বৰদলৈ আন্তৰ্জাতিক বিমানবন্দৰত ৫৭০ মিটাৰ দৈৰ্ঘ্যৰ এক নতুন নিখুঁত বিমান অৱতৰণ আলোক ব্যৱস্থা কাৰ্যক্ষম কৰি তোলা হৈছে।  এই আধুনিক ব্যৱস্থাৰ সহায়ত ৰানৱে অভিমুখী পাইলটসকলে স্পষ্টভাৱে দূৰলৈ দেখা পোৱাৰ ফলত প্ৰতিকূল বতৰতো বিমান চলাচল প্ৰক্ৰিয়া সম্পূৰ্ণভাৱে অব্যাহত থাকিব। গুৱাহাটীত প্ৰায়েই ধাৰাষাৰ বৰষুণ আৰু ঘন কুঁৱলীৰ প্ৰত্যাহ্বানে বিমান চলাচলক প্ৰভাৱিত কৰে। নতুনকৈ কাৰ্যক্ষম কৰা এই নিখুঁত বিমান অৱতৰণ আলোক ব্যৱস্থাই  বিমানবন্দৰৰ অৱতৰণমুখী আলোক সজ্জাৰ পৰিসৰ পূৰ্বৰ ১৮০ মিটাৰৰ পৰা ৫৭০ মিটাৰলৈ বৃদ্ধি কৰিছে  হৈছে। এই ব্যৱস্থাই বিমান অৱতৰণৰ সময়ত পাইলটসকলক বহু আগতীয়াকৈ ৰানৱে আৰু ইয়াৰ চৌপাশৰ পৰিৱেশ স্পষ্টকৈ চিনাক্ত কৰাত সহায় কৰে।…

​নতুন মাহ ছেপ্টেম্বৰৰ আৰম্ভণিৰ লগে লগে দেশজুৰি কেইবাটাও গুৰুত্বপূৰ্ণ আৰ্থিক আৰু ব্যৱহাৰিক নিয়ম সলনি হৈছে। পেট্ৰ’লিয়াম প্ৰতিষ্ঠানসমূহৰ নতুন মূল্য নিৰ্ধাৰণৰ ফলত ব্যৱসায়ীসকলৰ লগতে সাধাৰণ জনসাধাৰণৰ ওপৰত অতিৰিক্ত বিত্তীয় বোজা পৰিছে। ১ ছেপ্টেম্বৰৰ পৰা কাৰ্যকৰী হোৱা ৭টা প্ৰধান পৰিৱৰ্তন হৈছে- ​কমাৰ্চিয়েল এলপিজি চিলিণ্ডাৰৰ মূল্য বৃদ্ধি: ১৯ কেজি ওজনৰ ব্যৱসায়িক (কমাৰ্চিয়েল) এলপিজি চিলিণ্ডাৰৰ মূল্য প্ৰতি চিলিণ্ডাৰত ৯.৫০ টকাৰ পৰা ১১.৫০ টকালৈ বৃদ্ধি কৰা হৈছে। ইয়াৰ ফলত হোটেল, ৰেষ্টুৰেণ্ট আৰু কেটাৰিং ব্যৱসায়ত খৰচ বৃদ্ধি পাব। ​বিমানৰ ইন্ধনৰ মূল্য বৃদ্ধি: বিমানৰ ইন্ধন বা এভিয়েশ্যন টাৰ্বাইন ফুৱেলৰ মূল্য ৫.৪৬% লৈ বৃদ্ধি পাইছে। ইয়াৰ ফলত অনাগত দিনত বিমানৰ টিকটৰ দাম বৃদ্ধি পোৱাৰ পূৰ্ণ সম্ভাৱনা আছে। ​চিএনজি…

এক উত্তেজনাপূৰ্ণ চূড়ান্ত মেচত স্পেইনক ১-০ গ’লৰ ন্যূনতম ব্যৱধানত পৰাজিত কৰি জাৰ্মানীয়ে চতুৰ্থবাৰৰ বাবে বিশ্বকাপ খিতাপ দখল কৰিবলৈ সক্ষম হৈছে।সমগ্ৰ মেচখনত দুয়োটা দলেই তীব্ৰ সংগ্ৰাম চলাইছিল যদিও জাৰ্মানীয়ে সুন্দৰ ৰণনীতি আৰু ডিফেন্স ব্যৱস্থাৰে মেচখন নিজৰ হাতলৈ আনে। এই ঐতিহাসিক বিজয়েৰে জাৰ্মানীয়ে বিশ্ব ফুটবলত পুনৰ নিজৰ আধিপত্য প্ৰমাণ কৰিলে। এই খিতাপ জয়ৰ লগে লগে জাৰ্মানী পুৰুষ হাকী বিশ্বকাপৰ ইতিহাসত পাকিস্তানৰ সৈতে যৌথভাৱে আটাইতকৈ সফল দল হিচাপে পৰিগণিত হৈছে। ১৯৯৮ চনৰ পিছত প্ৰথমবাৰৰ বাবে আৰু ইতিহাসত তৃতীয়বাৰৰ বাবে ফাইনেলত প্ৰৱেশ কৰা স্পেইনৰ খিতাপ জয়ৰ সপোন পুনৰ আধৰুৱা হৈ ৰ'ল। প্ৰথম অৰ্ধ গ'লশূন্য হৈ থকাৰ পিছত ৪৪ সংখ্যক মিনিটত জাৰ্মানীৰ মাইকেল ষ্টৰটফে ‘ৰান…

গুৱাহাটীৰ পশ্চিম প্ৰান্তৰ আৰু সমষ্টি পুনৰ গঠনৰ পাছত মুখ্যমন্ত্ৰী ডঃ হিমন্ত বিশ্ব শৰ্মাই প্ৰতিনিধিত্ব কৰা জালুকবাৰী সমষ্টিত অন্তৰ্ভুক্ত হোৱা  আজাৰা ৰাজহ চক্ৰ এলেকাৰ বৰঝাৰ বিমানবন্দৰৰ কাষৰীয়া কাঁহিকুছি অৰ্দ্ধ সাপ্তাহিক  বজাৰখন সম্প্ৰতি পৰিচালনাৰ অভাৱত জনস্বাস্থ্যৰ প্ৰতি ভাবুকিৰ এক কেন্দ্ৰস্থল  হৈ পৰিছে। এজাক সাধাৰণ বৰষুণতে  বজাৰখনত পুতি গন্ধময় পৰিবেশৰ সৃষ্টি হয়। ফলত চৰম নৰক যাতনা ভুগিব লগা হয়  গ্ৰাহক আৰু বিক্ৰেতাসকলে। একেদৰে  গুৱাহাটী মহানগৰ জিলা পৰিষদৰ অধীনত পৰিচালিত আৰু শতবৰ্ষ গৰকা বজাৰখন চৰকাৰী নিয়ম নীতি নিয়ম ভংগ কৰি নিবিদা তথা নিলাম নোহোৱাকৈ একেজন ব্যক্তিকে অবৈধভাবে তিনি বছৰ পৰিচালনাৰ দায়িত্ব দিয়া বুলিও গুৰুতৰ অভিযোগ উত্থাপিত হৈছে।  যাৰ বাবে বজাৰখনৰ দুৰ্গন্ধময় পৰিবেশৰ অৱসান ঘটাই…

ৰাষ্ট্ৰীয় ক্ৰীড়া দিৱস লগত সংগতি ৰাখি  দেশজুৰি অনুষ্ঠিত কাৰ্যসূচীৰ অংশ হিচাপে আজি গুৱাহাটীৰ পশ্চিম প্ৰান্তৰ আজাৰাস্থিত  অসম ডন বস্ক’ বিশ্ববিদ্যালয় প্ৰাংগণত  ‘বিকশিত ভাৰত যুৱ সংযোগ – ক্ৰীড়া সংস্কৰণ’  অনুষ্ঠিত হয় । উল্লেখ্য যে কিংবদন্তি  হকী খেলুৱৈ তথা মেজৰ ধ্যানচান্দৰ জন্মজয়ন্তী উপলক্ষে প্ৰতি বছৰে এই অনুষ্ঠানৰ আয়োজন কৰা হয়। এইবেলি  দেশজুৰি অনুষ্ঠিত এই কাৰ্যসূচীৰ অন্যতম  আকৰ্ষণ আছিল  প্ৰধানমন্ত্ৰী  নৰেন্দ্ৰ মোদীৰ অনুষ্ঠান  নতুন দিল্লীৰ পৰা ভি ডি অ' যোগে কৰা পোনপটীয়া সম্প্ৰচাৰ। অনুষ্ঠানত  প্ৰধানমন্ত্ৰীয়ে দেশৰ ১,৬০০টা স্থানত উপস্থিত ৮ লাখৰো অধিক যুৱ অংশগ্ৰহণকাৰীক সম্বোধন কৰে।  প্ৰধানমন্ত্ৰী নৰেন্দ্ৰ মোদীয়ে ভাষণ প্ৰসংগত আন্তঃৰাষ্ট্ৰীয় প্ৰতিযোগিতা, যেনে অলিম্পিক, কমনৱেলথ গেমছ আদিত ভাৰতক প্ৰতিনিধিত্ব কৰাৰ ক্ষেত্ৰত ভাৰতীয়…

ইণ্ডাছ টাৱাৰ্ছ লিমিটেডে ভাৰতী এয়াৰটেল ফাউণ্ডেশ্যনৰ সহযোগত অসমৰ গুৱাহাটীৰ ৯ মাইলস্থিত চিআৰপিএফ কেম্পাছৰ ভিতৰত থকা জিচি চিআৰপিএফ গুৱাহাটী মণ্টেছৰী স্কুলত দুটা কে-ৱাইএএন (K-YAN) ডিজিটেল শিক্ষণ ডিভাইচ স্থাপনৰ ব্যৱস্থা কৰিছে। উদ্বোধনী অনুষ্ঠানত আঞ্চলিক চিআৰপিএফ পৰিয়াল কল্যাণ সংস্থা (Family Welfare Association)-ৰ মুৰব্বী শ্ৰীমতী নীলম ধ্যানী মুখ্য অতিথি হিচাপে উপস্থিত থাকে। অনুষ্ঠানত ইণ্ডাছ টাৱাৰ্ছ লিমিটেডৰ চাৰ্কলৰ মুখ্য কাৰ্যবাহী বিষয়া (NESA) শ্ৰী ৰাজেন্দৰ গুৰুঙৰ লগতে ভাৰতী এয়াৰটেল ফাউণ্ডেশ্যনৰ প্ৰতিনিধি শ্ৰী দিব্যেন্দু দেৱ ৰয় আৰু শ্ৰী সিমৰনদীপ সিং, চিআৰপিএফৰ বিষয়ববীয়া, বিদ্যালয়ৰ প্ৰতিনিধি, শিক্ষক-শিক্ষয়িত্ৰী আৰু ছাত্ৰ-ছাত্ৰীসকল উপস্থিত থাকে। এই পদক্ষেপৰ লক্ষ্য হৈছে আধুনিক ডিজিটেল শিক্ষণ সঁজুলিৰে শ্ৰেণীকোঠাসমূহ সজ্জিত কৰি অধিক আকৰ্ষণীয়, আন্তঃক্ৰিয়াশীল আৰু ভৱিষ্যৎ-উপযোগী শিক্ষণ পৰিৱেশ…

অসম চৰকাৰৰ বন বিভাগত ১৯৯৩ চনৰ পহিলা এপ্ৰিলৰ পূৰ্বে কেজুৱেল বা মাষ্টাৰ ৰোল শ্ৰমিক হিচাপে নিযুক্ত কিন্তু নিৰ্দ্ধাৰিত হাৰৰ দৰমহা লাভৰ পৰা এতিয়াও বঞ্চিত হৈ থকা শ্ৰমিকসকলৰ দৰমহা লাভকে ধৰি তেওঁলোকে ভোগ কৰি অহা সমস্যাসমুহ শীঘ্ৰেই সমাধান কৰিব বুলি আশ্বাস প্ৰদান কৰিছে অসম চৰকাৰৰ বন বিভাগৰ মন্ত্ৰী জয়ন্ত মল্ল বৰুৱাই। ২৩ আগষ্টত বছৰ বছৰ ধৰি নিৰ্ধাৰিত হাৰত দৰমহা লাভৰ পৰা বঞ্চিত বন বিভাগৰ কেজুৱেল বন শ্ৰমিকৰ এটা সঁজাতি দলে বন মন্ত্ৰী জয়ন্ত মল্ল বৰুৱাক দিছপুৰত থকা চৰকাৰী বাসভৱনত কৰা সাক্ষাৎ কালত সঁজাতি দলটোৱে তেওঁলোকৰ সমস্যা সমাধান কৰাৰ বাবে প্ৰদান কৰা স্মাৰক পত্ৰ গ্ৰহণ কৰি এই আশ্বাস প্ৰদান কৰে মন্ত্ৰী জয়ন্ত…

প্ৰথম টেষ্ট মেচত এক বৃহৎ বিজয়েৰে উৎসাহিত ভাৰতীয় দলটোৱে দেওবাৰৰ পৰা ইয়াত শ্ৰীলংকাৰ বিৰুদ্ধে আৰম্ভ হ’বলগীয়া দ্বিতীয় তথা চূড়ান্ত টেষ্ট ক্ৰিকেট মেচত নিজৰ বিজয় যাত্ৰা অব্যাহত ৰাখি বিদেশী মাটিত তিনি বছৰৰ পাছত প্ৰথমটো টেষ্ট শৃংখলা দখল কৰাৰ লক্ষ্যৰে খেলপথাৰত নামিব। আনহাতে, অধিনায়ক শুভমন গিল আৰু অ’পেনাৰ বেটছমেন যশস্বী জয়ছৱালৰ দৃষ্টি থাকিব এক বৃহৎ স্ক’ৰ সংগ্ৰহ কৰাৰ ওপৰত। ভাৰতে বিদেশৰ মাটিত শেষবাৰৰ বাবে টেষ্ট শৃংখলা জয় কৰিছিল ২০২৩ চনৰ জুলাই মাহত, যিটো ৱেষ্ট ইণ্ডিজৰ বিৰুদ্ধে আছিল। তাৰ পাছৰে পৰা ভাৰতে অষ্ট্ৰেলিয়াৰ বিৰুদ্ধে পৰাজয়ৰ মুখ দেখিবলগীয়া হোৱাৰ বিপৰীতে দক্ষিণ আফ্ৰিকা আৰু ইংলেণ্ডৰ সৈতে তেওঁলোকৰ ঘৰুৱা মাটিত শৃংখলা ড্ৰ’ কৰিছিল। ইয়াৰ মাজতে নিজৰ…