Sonakshi Sarkar

অসমীয়াৰ হিয়াৰ আমঠু জুবিন গাৰ্গৰ ৰহস্যজনক মৃত্যুৰ গোচৰত কাৰাৰুদ্ধ হৈ থকা সাংস্কৃতিক উদ্যোক্তা শ্যামকানু মহন্তৰ জামিন আৱেদনৰ শুনানি গ্ৰহণ কৰিব গুৱাহাটী উচ্চ ন্যায়ালয়ে। অহা ১৩ মে’ত ন্যায়াধীশ পাৰ্থিৱজ্যোতি শইকীয়াৰ বিচাৰপীঠত এই গুৰুত্বপূৰ্ণ আইনী প্ৰক্ৰিয়া আৰম্ভ হ’ব। উল্লেখযোগ্য যে যোৱা ৩০ এপ্ৰিলত গুৱাহাটীৰ এক ফাষ্টট্ৰেক আদালতে মহন্তৰ জামিন আৱেদন নাকচ কৰাৰ পাছতেই তেওঁ উচ্চ ন্যায়ালয়ৰ দ্বাৰস্থ হৈছিল। যোৱা বছৰৰ ১৯ ছেপ্টেম্বৰত ছিংগাপুৰত অনুষ্ঠিত 'নৰ্থ ইষ্ট ইণ্ডিয়া ফেষ্টিভেল'ৰ সময়তে সাগৰত সাঁতুৰি থকা অৱস্থাত জুবিন গাৰ্গৰ মৃত্যু হৈছিল। এই ঘটনাৰ তদন্ত কৰি থকা বিশেষ তদন্তকাৰী দলে শ্যামকানু মহন্তক মূল অভিযুক্ত হিচাপে চিহ্নিত কৰি ভাৰতীয় ন্যায় সংহিতাৰ অধীনত হত্যাৰ গোচৰ ৰুজু কৰিছে। মহন্তৰ বিৰুদ্ধে…

অসমত নতুন চৰকাৰ গঠনৰ প্ৰক্ৰিয়া ক্ষিপ্ৰতৰ কৰি তুলিছে বিজেপি নেতৃত্বাধীন মিত্ৰজোঁটে। আজি অৰ্থাৎ ১২ মে’ত প্ৰধানমন্ত্ৰী নৰেন্দ্ৰ মোদীৰ উপস্থিতিত অনুষ্ঠিত হ’বলগীয়া ভব্য শপত গ্ৰহণ অনুষ্ঠানত ড° হিমন্ত বিশ্ব শৰ্মাৰ সৈতে আন চাৰিজন জ্যেষ্ঠ নেতাই মন্ত্ৰী হিচাপে শপত গ্ৰহণ কৰিব। সোমবাৰে নিশা মুখ্যমন্ত্ৰী হিচাপে মনোনীত শৰ্মাই এই কথা ঘোষণা কৰে। ৰাজ্যখনৰ উন্নয়নৰ যাত্ৰাক অধিক গতিশীল কৰাৰ লক্ষ্যৰে এই নতুন দলটোৱে কাম কৰিব বুলিও তেওঁ আশাপ্ৰকাশ কৰে। অসম মন্ত্ৰীপৰিষদত অন্তৰ্ভুক্ত হ’বলগীয়া এই চাৰিজন নেতা হ’ল ক্ৰমে ৰামেশ্বৰ তেলী, অতুল বৰা, চৰণ বড়ো আৰু অজন্তা নেওগ। ইয়াৰ উপৰিও শৰ্মাই ঘোষণা কৰে যে বিজেপি বিধায়ক ৰঞ্জিত দাস হ’ব শাসকীয় মিত্ৰজোঁটৰ বিধানসভাৰ অধ্যক্ষ পদৰ প্ৰাৰ্থী।…

অসমত বিজেপি নেতৃত্বাধীন এন ডি এ চৰকাৰৰ শপত গ্ৰহণ অনুষ্ঠানত অংশ ল’বলৈ সোমবাৰে নিশা গুৱাহাটীত উপস্থিত হয় প্ৰধানমন্ত্ৰী নৰেন্দ্ৰ মোদী। বৰঝাৰস্থিত লোকপ্ৰিয় গোপীনাথ বৰদলৈ আন্তঃৰাষ্ট্ৰীয় বিমানবন্দৰত প্ৰধানমন্ত্ৰীগৰাকীক উষ্ম আদৰণি জনায় মুখ্যমন্ত্ৰী ড° হিমন্ত বিশ্ব শৰ্মাসহ বিজেপিৰ জ্যেষ্ঠ নেতৃত্বই। আজি গুৱাহাটীৰ খানাপাৰাত অনুষ্ঠিত হ’বলগীয়া এক ভব্য সমাৰোহত প্ৰধানমন্ত্ৰীগৰাকীয়ে মুখ্য অতিথি হিচাপে অংশগ্ৰহণ কৰিব। প্ৰধানমন্ত্ৰীৰ আগমনক অসমৰ ইতিহাসৰ এক গুৰুত্বপূৰ্ণ ক্ষণ বুলি অভিহিত কৰি সামাজিক মাধ্যম এক্সত এক পোষ্ট কৰে ড° হিমন্ত বিশ্ব শৰ্মাই। তেওঁ কয়, "আদৰণীয়া প্ৰধানমন্ত্ৰী নৰেন্দ্ৰ মোদী জীক অসমলৈ স্বাগতম জনাইছোঁ। তেওঁৰ এই ভ্ৰমণে ৰাজ্যখনত ধাৰাবাহিকভাৱে তৃতীয়বাৰৰ বাবে বিজেপি-এন ডি এ চৰকাৰৰ এক ঐতিহাসিক যাত্ৰাৰ সূচনা কৰিব।" আজিৰ এই…

অসম প্ৰদেশ বিজেপিৰ মুখ্য কার্যালয় অটল বিহাৰী বাজপেয়ী ভৱনত  আয়োজিত এনডিএ মিত্ৰজোটৰ বিধায়কৰ বৈঠকত কেন্দ্রীয় পর্যবেক্ষকদ্বয় ক্রমে-কেন্দ্রীয় স্বাস্থ্য মন্ত্রী জে পি  নাড্ডা আৰু হাৰিয়ানাৰ মুখ্যমন্ত্রী নায়েব সিং চাইনীয়ে অসমৰ পৰৱৰ্তী মুখ্যমন্ত্ৰী হিচাপে দ্বিতীয়বাৰৰ বাবে ডঃ হিমন্ত বিশ্ব শৰ্মাৰ নাম ঘোষণা কৰে । সেই ঘোষণাৰ পাছতে মুখ্যমন্ত্ৰীগৰাকীয়ে প্ৰতিনিধিত্ব কৰি অহা জালুকবাৰী সমষ্টিৰ বিজেপি দলৰ কর্মী-সমর্থকৰ মাজত আনন্দৰ ঢল বোৱা পৰিলক্ষিত হয়। উল্লেখ্য যে ২০০১ চনৰ পৰা ২০২১  চনলৈ  পাঁচবাৰ পূৰ্বৰ জালুকবাৰী বিধানসভা সমষ্টিত আৰু এইবেলি নৱগঠিত জালুকবাৰী বিধানসভা সমষ্টিত প্রতিদ্বন্দ্বিতা কৰা ডঃ শৰ্মাই একেৰাহে ছয়বাৰ বিজয়ী হৈছে। যত ডঃ শর্মাই ২০১১ চনলৈ তিনিবাৰ কংগ্ৰেছৰ টিকটত আৰু ২০১৬ চনৰ পৰা ২০২৬ চনলৈ…

কানাডাৰ টৰন্টোৰ বিএমঅ’ ফিল্ডত অনুষ্ঠিত হ’বলগীয়া ফিফা বিশ্বকাপ ২০২৬ৰ উদ্বোধনী অনুষ্ঠানত বলীউডৰ অভিনেত্ৰী নোৰা ফাতেহীক কণ্ঠদান কৰা দেখা যাব। উল্লেখযোগ্য যে এই গ্ৰেণ্ড ইভেণ্টত নোৰাই কেৱল নৃত্য পৰিবেশন কৰাই নহয়, গীতো গাব। ফিফাই জাৰি কৰা এক বিবৃতি অনুসৰি এই অনুষ্ঠানত নোৰা ফাতেহীৰ সৈতে কেইবাগৰাকীও আন্তঃৰাষ্ট্ৰীয় শিল্পীয়ে অংশগ্ৰহণ কৰিব। ইয়াৰ ভিতৰত আলানিছ মৰিছেট, এলেছিয়া কাৰা, ইলিয়ানা, জেছি ৰেইজ, মাইকেল বুবলে, চেঞ্জয়, ভেজিড্ৰিম, উইলিয়াম প্ৰিন্সৰ দৰে নাম অন্যতম। আমেৰিকাত অনুষ্ঠিত হ’বলগীয়া মুকলি অনুষ্ঠানত অনিটা, ফিউচাৰ, কেটি পেৰী, লিজা, ৰেমা, টাইলাৰ দৰে গ্ল’বেল মিউজিক তাৰকাই অনুষ্ঠান পৰিৱেশন কৰিব। ইয়াৰ ফলত ফিফা বিশ্বকাপ ২০২৬ ক্ৰীড়া, সংগীত, আৰু মনোৰঞ্জনৰ এক বৃহৎ সংগমস্থলী হৈ পৰিছে। এই…

শৈক্ষিক দিশৰ লগতে ক্ৰীড়াক্ষেত্ৰতো উৎকৰ্ষ সাধনৰ লক্ষ্যৰে গুৱাহাটী বিশ্ববিদ্যালয়ৰ উদ্যোগত তথা অসম চৰকাৰৰ ক্ৰীড়া আৰু যুৱ কল্যাণ বিভাগৰ সহযোগত  আজিৰে  পৰা   দুদিনীয়াকৈ অসম ভিত্তিত আন্তঃবিশ্ববিদ্যালয় বেডমিণ্টন প্ৰতিযোগিতা আৰম্ভ হৈছে ।  ৰাজ্যৰ বিভিন্ন প্ৰান্তৰ ১৮ খন বিশ্ববিদ্যালয়ৰ ২০০ জন খেলুৱৈয়ে অংশগ্ৰহণ কৰা  প্ৰতিযোগিতাখন উদ্বোধন কৰি গুৱাহাটী বিশ্ববিদ্যালয়ৰ  উপাচাৰ্য অধ্যাপক ননী গোপাল মহন্তই ভাষণ প্ৰসংগত বৰ্তমান সময়ত শৈক্ষিক পাঠ্যক্ৰমত ক্ৰীড়াৰ গুৰুত্বৰ বিষয়ে উল্লেখ কৰি কয় যে, "বৰ্তমান সময়ত শিক্ষাৰ সমান্তৰালভাৱে ক্ৰীড়াৰ ভূমিকাও অত্যন্ত গুৰুত্বপূৰ্ণ । সেই উদ্দেশ্যে আগত ৰাখিয়েই গুৱাহাটী বিশ্ববিদ্যালয়ৰ পাঠ্যক্ৰমতো ক্ৰীড়াক বিশেষ গুৰুত্ব প্ৰদান কৰা হৈছে। অনুষ্ঠানত উপস্থিত থাকি  অসম চৰকাৰৰ ক্ৰীড়া আৰু যুৱ কল্যাণ বিভাগৰ সঞ্চালক অংকুৰ ভৰালীয়ে  গুৱাহাটী…

আই পি এল ২০২৬ত দিল্লী কেপিটেলছ (ডি চি) দলে নিজৰ নিৰাশাজনক দৌৰ অব্যাহত ৰাখিছে।শুকুৰবাৰে নিজৰ ঘৰুৱা খেলপথাৰ অৰুণ জেটলী ক্ৰিকেট ষ্টেডিয়ামত কলকাতা নাইট ৰাইডাৰ্ছৰ হাতত ৮ উইকেটত পৰাস্ত হয়। ছিজনৰ ১১ সংখ্যক মেচত দিল্লী কেপিটেলছৰ এয়া আছিল সপ্তমটো পৰাজয়। এই পৰাজয়ৰ লগে লগে দলটোৰ প্লে অফলৈ যোৱাৰ আশা প্ৰায় শেষ হৈ গৈছে। আনকি পৰৱৰ্তী ছিজনৰ কথাও ক’বলৈ আৰম্ভ কৰিছে অধিনায়ক অক্ষৰ পেটেলে। খেলৰ অন্তত অক্ষৰ পেটেলে কয়-দলটোৱে আশা কৰা ধৰণে ৰান কৰিব নোৱাৰিলে, আৰু স্পিন বলাৰসকলে কেইবাটাও ভুল কৰিলে। পিটচৰ আচৰণৰ প্ৰতি লক্ষ্য ৰাখি স্পিনাৰসকলে অধিক সঠিকভাৱে বলিং কৰিব লাগিছিল। অৱশ্যে মেচখনৰ আটাইতকৈ ডাঙৰ টাৰ্নিং পইণ্টটো আছিল দলটোৱে দুটা বা…

পশ্চিমবংগৰ ৰাজনৈতিক ইতিহাসত এক নতুন অধ্যায়ৰ সূচনা কৰি শনিবাৰে ৰাজ্যখনৰ প্ৰথমগৰাকী বিজেপি মুখ্যমন্ত্রী হিচাপে শপত গ্ৰহণ কৰে শুভেন্দু অধিকাৰীয়ে। কলকাতাৰ ঐতিহাসিক ব্ৰিগেড পেৰেড গ্ৰাউণ্ডত অনুষ্ঠিত এক বিশাল সমাৰোহত ৰাজ্যপাল আৰ এন ৰবিয়ে তেওঁক পদ আৰু গোপনীয়তাৰ শপত বাক্য পাঠ কৰায়। বামপন্থী আৰু তৃণমূল কংগ্ৰেছৰ ১৫ বছৰীয়া শাসনৰ অন্ত পেলাই বিজেপিৰ এই উত্থানক সমগ্ৰ পূব ভাৰতৰ বাবে এক গুৰুত্বপূৰ্ণ সন্ধিক্ষণ হিচাপে গণ্য কৰা হৈছে। মুখ্যমন্ত্ৰী শুভেন্দু অধিকাৰীৰ সৈতে আন ৫ গৰাকী বিধায়কেও মন্ত্ৰী হিচাপে শপত গ্ৰহণ কৰে। এই নতুন কেবিনেটত স্থান পোৱা নেতাসকলৰ ভিতৰত আছে ৰাজ্যিক বিজেপিৰ জ্যেষ্ঠ নেতা দিলীপ ঘোষ, অগ্ৰণী নেত্ৰী অগ্নিমিত্ৰা পল আৰু উত্তৰ বংগৰ প্ৰভাৱশালী নেতা নিশিথ…

ঘনাই সলনি হৈছে তামিলনাডুৰ ৰাজনৈতিক দৃশ্যপট। ৰাজ্যখনত ডিএমকে আৰু এআইএডিএমকেৰ আধিপত্যৰ অৱসান ঘটাই অভিনেতাৰ পৰা ৰাজনীতিক হোৱা বিজয়ে আজি মুখ্যমন্ত্ৰী হিচাপে শপত লোৱাৰ কথা আছিল। কিন্তু এএমএমকে দলৰ সমৰ্থনক লৈ সৃষ্টি হোৱা বিভ্ৰান্তিৰ বাবে এতিয়াও নিশ্চিত হোৱা নাই কোনে পিন্ধিব ৰাজমুকুট। ২৩৪ জনীয়া তামিলনাডু বিধানসভাত চৰকাৰ গঠনৰ বাবে প্ৰয়োজন ১১৮ খন আসনৰ। কিন্তু বিজয়ৰ দল 'তামিলাগা ভেট্ৰি কাঝাগামে' প্ৰয়োজনীয় সংখ্যাগৰিষ্ঠতা লাভ কৰিবলৈ সক্ষম হোৱা নাই। নিজৰ ১০৮ গৰাকী আৰু কংগ্ৰেছৰ ৫ গৰাকী বিধায়কৰ সমৰ্থনত বৰ্তমান মিত্ৰজোঁটৰ হাতত আছে ১১৩ জন বিধায়ক। সংখ্যাগৰিষ্ঠতা লাভৰ বাবে এতিয়াও দলটোক ৫ খন আসনৰ প্ৰয়োজন হৈ আছে। ইয়াৰ মাজতেই এএমএমকে-ৰ সাধাৰণ সম্পাদক টিটিভি দীনকৰণে বিজয়ক…

কাজিৰঙা ৰাষ্ট্ৰীয় উদ্যানৰ বুঢ়াপাহাৰ বনাঞ্চলত এক বিৰল আৰু ৰোমাঞ্চকৰ মুহূৰ্তৰ সাক্ষী হৈ ৰ’ল এদল পৰ্যটক। ৰাষ্ট্ৰীয় উদ্যানখনত ছাফাৰী কৰি থকাৰ সময়তে পৰ্যটকসকলে পোনপ্ৰথমবাৰৰ বাবে প্ৰত্যক্ষ কৰে বিলুপ্তপ্ৰায় প্ৰজাতিৰ এটা ঘঁৰিয়াল। বুঢ়াপাহাৰ বনাঞ্চলৰ ডিফলু কেম্পৰ সমীপত পৰ্যটকৰ দলটোৱে এই দৃশ্য প্ৰত্যক্ষ কৰাৰ লগতে কেমেৰাতো আৱদ্ধ কৰিবলৈ সক্ষম হয়। ট্যুৰিষ্ট গাইড শিশুকান্ত নাথে পৰ্যটক দিগন্ত কুমাৰ শৰ্মাৰ সৈতে পুৱাৰ ভাগত ভ্ৰমণ কৰি থকাৰ সময়তে এই বিৰল দৃশ্যটো দেখা পায়। প্ৰথমে ডিফলু নদীৰ পাৰত হাতীয়ে পানী খাই থকা দেখি তেওঁলোকে গাড়ীখন ৰখাইছিল। তাৰ কিছু সময়ৰ পাছতেই নদীখনত এটা ঘঁৰিয়াল উপঙি থকা প্ৰত্যক্ষ কৰে পৰ্যটকসকলে। কাজিৰঙাত সাধাৰণতে এনেদৰে ঘঁৰিয়াল দেখা পোৱাটো অতি বিৰল ঘটনা…