Paromita

অসমত মহিলা সৱলীকৰণ আৰু বিত্তীয় অন্তৰ্ভুক্তিকৰণৰ ক্ষেত্ৰত এক ঐতিহাসিক সফলতা অৰ্জন কৰিবলৈ সক্ষম হৈছে ৰাজ্য চৰকাৰ। বৰ্তমান ৰাজ্যখনৰ প্ৰায় ৯১.৭ শতাংশ মহিলাই আনুষ্ঠানিক বেংকিং ব্যৱস্থাৰ সৈতে পোনপটীয়াকৈ জড়িত হৈ পৰিছে। মঙলবাৰে সামাজিক মাধ্যম এক্সৰ জৰিয়তে এই গুৰুত্বপূৰ্ণ তথ্য ৰাজহুৱা কৰে মুখ্যমন্ত্ৰী ড° হিমন্ত বিশ্ব শৰ্মাই। বেংকিং সেৱাৰ এই বিস্তাৰে সৰ্বসাধাৰণ পৰিয়ালসমূহক আৰ্থিকভাৱে শক্তিশালী কৰাৰ লগতে সামগ্ৰিক উন্নয়নৰ গতি ত্বৰান্বিত কৰাত মুখ্য ভূমিকা গ্ৰহণ কৰিছে বুলি মুখ্যমন্ত্ৰীগৰাকীয়ে উল্লেখ কৰে। নাৰী শক্তিৰ সৱলীকৰণৰ প্ৰতি চৰকাৰৰ সংকল্পৰ কথা দোহাৰি তেওঁ কয়, "যেতিয়া এগৰাকী মহিলাই বেংকিং সেৱাৰ সুবিধা লাভ কৰে, তেতিয়া এটা সমগ্ৰ পৰিয়াল আগুৱাই যায়। আজি অসমৰ ৯১.৭% মহিলাই আনুষ্ঠানিক বেংকিং ব্যৱস্থাৰ অংশীদাৰ…

সমাজত নৈতিক স্খলন আৰু কিশোৰীৰ সুৰক্ষাক লৈ তীব্ৰ উদ্বেগ সৃষ্টি হোৱাৰ মাজতে মাজুলীত পোহৰলৈ আহিছে এক চৰম লজ্জাজনক ঘটনা। জিলাখনত এগৰাকী ১২ বছৰীয়া কিশোৰীক দীৰ্ঘদিন ধৰি ধাৰাবাহিকভাৱে ধৰ্ষণ কৰাৰ অভিযোগত আৰক্ষীয়ে সোমবাৰে দুই নাবালকসহ মুঠ ৬ জন অভিযুক্তক গ্ৰেপ্তাৰ কৰে। ধৰ্ষণৰ ফলত বৰ্তমান ৬ মাহৰো অধিক সময়ৰ অন্তঃসত্ত্বা হৈ পৰিছে ভুক্তভোগী কিশোৰীগৰাকী। ভুক্তভোগী পৰিয়ালৰ লোকে ১ জুনত গড়মূৰ থানাত দাখিল কৰা এক এজাহাৰৰ ভিত্তিত আৰক্ষীয়ে এই ক্ষিপ্ৰ কাৰ্যপন্থা গ্ৰহণ কৰে। আৰক্ষীৰ অনুসন্ধানত প্ৰকাশ পোৱা অনুসৰি, কিশোৰীগৰাকীৰ ঘৰত কোনো নথকাৰ সুযোগ লৈ অভিযুক্তসকলে বিভিন্ন সময়ত তেওঁৰ ওপৰত এই পাশৱিক অত্যাচাৰ চলাইছিল। এই জঘন্য কাণ্ডৰ বিষয়ে কাৰোবাৰ আগত মুখ খোলিলে কিশোৰীগৰাকীক প্ৰাণে…

দেশত নিত্য-ব্যৱহাৰ্য সামগ্ৰীৰ আকাশলংঘী মূল্যবৃদ্ধিয়ে সৰ্বসাধাৰণ ৰাইজক জুৰুলা কৰাৰ সময়তে কেন্দ্ৰীয় চৰকাৰৰ নীতিসমূহক তীব্ৰ সমালোচনা কৰে অসম প্ৰদেশ কংগ্ৰেছ কমিটীৰ সভাপতি গৌৰৱ গগৈয়ে। সোমবাৰে যোৰহাটৰ ঐতিহাসিক ঢেকীয়াখোৱা বৰনামঘৰত মহাপুৰুষ মাধৱদেৱৰ তিথি উপলক্ষে উপস্থিত হৈ সংবাদ মাধ্যমৰ সন্মুখত তেওঁ মধ্যবিত্ত আৰু দৰিদ্ৰ শ্ৰেণীক অগ্ৰাধিকাৰ দিয়া এক নতুন অৰ্থনৈতিক নীতি প্ৰণয়নৰ দাবী উত্থাপন কৰে। বৰ্তমানৰ পৰিস্থিতিক এক ‘অৰ্থনৈতিক সংকট’ বুলি অভিহিত কৰি গগৈয়ে কয় যে যেতিয়া মধ্যবিত্ত আৰু দৰিদ্ৰ শ্ৰেণীয়ে চৰকাৰৰ পৰা সকাহ পাব লাগিছিল, তেনে সময়ত একাংশ পুঁজিপতি আৰু ঠিকাদাৰ গোষ্ঠী অধিক চহকী হৈ পৰিছে। কেৱল খাদ্য-সামগ্ৰী বা ইন্ধনৰ মূল্যবৃদ্ধিয়েই নহয়, বৰ্তমান উচ্চ শিক্ষাৰ ক্ষেত্ৰতো নামভৰ্তি আৰু হোষ্টেলৰ মাচুল অস্বাভাৱিকভাৱে বৃদ্ধি…

ইতিহাস, ভাষা, সংস্কৃতি আৰু পাৰস্পৰিক ভাতৃত্ববোধেৰে গঢ়ি উঠা অসম আৰু পশ্চিম বংগৰ ঐতিহাসিক সম্পৰ্কক আগন্তুক দিনত অধিক শক্তিশালী কৰা হ’ব। সোমবাৰে এই গুৰুত্বপূৰ্ণ মন্তব্য কৰে পশ্চিম বংগৰ নৱনিযুক্ত ৰাজ্যিক মন্ত্ৰী আনন্দময় বৰ্মনে। শিলচৰস্থিত অসম বিশ্ববিদ্যালয়ৰ প্ৰাক্তন ছাত্ৰ তথা শুভেন্দু অধিকাৰী নেতৃত্বাধীন নতুন চৰকাৰখনৰ মন্ত্ৰী হিচাপে শপত লোৱাৰ পিছতে বৰ্মনে দুই ৰাজ্যৰ গভীৰ সামাজিক আৰু ভাষিক সম্পৰ্কৰ কথা দোহাৰে। সংবাদ মাধ্যমৰ সৈতে হোৱা এক বিশেষ বাৰ্তালাপত তেওঁ কয় যে অসম আৰু বংগৰ মাজত সদায় এক সুমধুৰ সম্পৰ্ক আছিল। ইয়াৰ লগতে এই বান্ধোন সদায় অটুট থাকিব বুলিও তেওঁ আশা প্ৰকাশ কৰে। অসমত বহু বঙালীভাষী লোক থকাৰ বিপৰীতে ৰাজবংশীসহ কেইবাটাও সম্পৰ্কীয় জনগোষ্ঠীৰ অসম…

কাছা ৰাজ্যত নিষিদ্ধ ড্ৰাগছৰ অবাধ সৰবৰাহ অব্যাহত থকাৰ সময়তে এক বৃহৎ সফলতা লাভ কৰিবলৈ সক্ষম হ’ল কাছাৰ আৰক্ষী। সোমবাৰে কাছাৰৰ কালাইনত এক গোপন অভিযান চলাই প্ৰায় ১.৫ কোটি টকা মূল্যৰ বৃহৎ পৰিমাণৰ নিষিদ্ধ হেৰ’ইন জব্দ কৰে আৰক্ষীয়ে। ইফালে এই নিষিদ্ধ ড্ৰাগছ সৰবৰাহৰ অভিযোগত দুজন অভিযুক্তকো গ্ৰেপ্তাৰ কৰা হৈছে। অভিযানকাৰী দলটোৱে কালাইনৰ পৰা চুবুৰীয়া ৰাজ্য মেঘালয় অভিমুখে গৈ থকা সন্দেহযুক্ত বাহনখনক মাজপথতে ভেটি ধৰে। পৰৱৰ্তী সময়ত সেই বাহনখনত তন্ন তন্নকৈ তালাচী চলাই ভিতৰত অতি চতুৰতাৰে লুকুৱাই থোৱা ২২ টা চাবোনৰ বাকচ ভৰ্তি হেৰ’ইন উদ্ধাৰ কৰে। ধৃত ড্ৰাগছ সৰবৰাহকাৰী দুজনক ক্ৰমে আছিকুৰ ৰহমান আৰু মুক্তাৰ হুছেইন বুলি চিনাক্ত কৰা হৈছে। বাহনখনত ড্ৰাগছৰ…

যোৱা শনিবাৰৰ পৰা যোৰহাটৰ পৰা সন্ধানহীন হৈ থকা চাৰিগৰাকীকৈ স্কুলীয়া ছাত্ৰ-ছাত্ৰীক অৱশেষত মেঘালয়ৰ ৰাজধানী শ্বিলঙত সুস্থ শৰীৰে উদ্ধাৰ কৰা হয়। সোমবাৰে মেঘালয় আৰক্ষীৰ সহযোগত চলোৱা এক যুটীয়া অভিযানৰ অন্তত এই বৃহৎ সফলতা লাভ কৰাৰ কথা নিশ্চিত কৰে যোৰহাট আৰক্ষীয়ে। প্ৰাপ্ত তথ্য অনুসৰি, দেওবাৰে ছাত্ৰ-ছাত্ৰী কেইগৰাকী স্কুলীয়া পোছাক পিন্ধি থকা অৱস্থাতে হঠাত্‍ সন্ধানহীন হৈ পৰিছিল। এই অন্তৰ্ধানৰ পিছতে চিন্তিত পৰিয়ালৰ লোকে স্থানীয় থানাত এক এজাহাৰ দাখিল কৰে। ঘটনাৰ গুৰুত্ব অনুধাৱন কৰি আৰক্ষীয়ে তত্কালীনভাৱে এক বিশেষ তালাচী অভিযান আৰম্ভ কৰে। অনুসন্ধানৰ অন্তত আটাইকেইগৰাকী ছাত্ৰ-ছাত্ৰী শ্বিলঙত থকাৰ সম্ভেদ লাভ কৰি আৰক্ষীৰ দল তাত উপস্থিত হয় আৰু তেওঁলোকক সুৰক্ষিতভাৱে উদ্ধাৰ কৰে। তেওঁলোকে কেনে পৰিস্থিতিত…

পথাৰত শ্ৰমিকৰ কাম কৰি কোনোমতে পৰিয়াল পোহপাল দি আহিছে পিতৃয়ে। কিন্তু সেই পিতৃৰ সুযোগ্য কন্যাই এতিয়া আন্তঃৰাষ্ট্ৰীয় প্ৰেক্ষাপটত উজ্বলালে ভাৰতৰ মান। হংকঙত অনুষ্ঠিত ২২ সংখ্যক এছিয়ান অনুৰ্ধ-২০ এথলেটিক্স চেম্পিয়নশ্বিপৰ মহিলাৰ ৪×১০০ মিটাৰ ৰিলে দৌৰত ৰূপৰ পদক লাভ কৰি পৰিয়াল তথা দেশলৈ গৌৰৱ কঢ়িয়াই আনিবলৈ সক্ষম হ’ল উদীয়মান স্প্ৰিণ্টাৰ কাজল বাজা। দেওবাৰে অনুষ্ঠিত এই প্ৰতিযোগিতাত দেশৰ হৈ চমকপ্ৰদ প্ৰদৰ্শন দাঙি ধৰি এক নতুন ৰাষ্ট্ৰীয় অভিলেখো গঢ়ে এইগৰাকী খেলুৱৈয়ে। প্ৰতিযোগিতাখনত তামিলনাডুৰ ভাৱনা, হাৰিয়ানাৰ আৰতি আৰু উত্তৰ প্ৰদেশৰ নিপমৰ সৈতে দলবদ্ধ হৈ কাজলে ৪৫.০৫ ছেকেণ্ডত এই দৌৰ সম্পূৰ্ণ কৰে। ইয়াৰ পূৰ্বে ভাৰতৰ অনুৰ্ধ-২০ দলৰ নামত থকা ৪৫.০৮ ছেকেণ্ডৰ ৰাষ্ট্ৰীয় অভিলেখ ভংগ কৰি এই…

পশ্চিম বংগৰ দক্ষিণ ২৪ পৰগণা জিলাত নিজৰ ওপৰত হোৱা ভয়ংকৰ আক্ৰমণৰ সমগ্ৰ ঘটনা লোকসভাৰ অধ্যক্ষ ওম বিৰলাক আনুষ্ঠানিকভাৱে অৱগত কৰিব তৃণমূল কংগ্ৰেছৰ সাংসদ অভিষেক বেনাৰ্জীয়ে। দলীয় সূত্ৰৰ উদ্ধৃতি দি সংবাদ প্ৰতিষ্ঠান এএনআই-এ প্ৰকাশ কৰা অনুসৰি, এই আক্ৰমণৰ ঘটনাক লৈ সাংসদগৰাকীয়ে অতি সোনকালে আদালতৰো দ্বাৰস্থ হ’ব। উল্লেখ্য যে, নিৰ্বাচন পৰৱৰ্তী হিংসাত্মক কাৰ্যকলাপৰ বলি হোৱা পৰিয়ালসমূহক সাক্ষাৎ কৰিবলৈ সোণাপুৰলৈ যোৱাৰ সময়তে একাংশ দুৰ্বৃত্তই অভিষেক বেনাৰ্জীক লক্ষ্য কৰি ইটা, শিল আৰু কণীৰে তীব্ৰ আক্ৰমণ চলায়। এই ঘটনাত তৃণমূল কংগ্ৰেছৰ ৰাষ্ট্ৰীয় সাধাৰণ সম্পাদকগৰাকীৰ চকুৰ কাষত গুৰুতৰ আঘাত লাগে। এই আক্ৰমণৰ আঁৰত ভাৰতীয় জনতা পাৰ্টী জড়িত থকাৰ অভিযোগ উত্থাপন কৰি বেনাৰ্জীয়ে কয় যে এয়া তেওঁক…

কেন্দ্ৰীয় শিক্ষা মন্ত্ৰী ধৰ্মেন্দ্ৰ প্ৰধানৰ পদত্যাগৰ দাবীৰে দিল্লীৰ যন্তৰ মন্তৰত প্ৰতিবাদ সাব্যস্ত কৰিব নৱগঠিত ব্যাংগাত্মক ৰাজনৈতিক দল ককৰোচ জনতা পাৰ্টিয়ে। সোমবাৰে চিজেপিৰ প্ৰতিষ্ঠাপক অভিজিৎ দিপকেয়ে এই প্ৰতিবাদৰ কথা ঘোষণা কৰি কয় যে দেশৰ পৰীক্ষা ব্যৱস্থাত দেখা দিয়া ধাৰাবাহিক খেলিমেলিৰ বাবেই এই সিদ্ধান্ত গ্ৰহণ কৰা হৈছে। বৰ্তমান বিদেশত থকা যুৱনেতাগৰাকী অহা ৬ জুনত ভাৰতলৈ ঘূৰি আহি নতুন দিল্লীত এই আন্দোলনৰ সূচনা কৰিব। সামাজিক মাধ্যমৰ এটা ভিডিঅ’ৰ জৰিয়তে দিপকেয়ে সমগ্ৰ দেশৰ ছাত্ৰ-ছাত্ৰী আৰু সমৰ্থকসকলক এই প্ৰতিবাদত অংশ ল’বলৈ আহ্বান জনায়। ভিডিঅ’টোত তেওঁ কয়, "ভাৰতীয় সংবিধানৰ পথ অনুসৰণ কৰি সকলোৱে একেলগে শান্তিপূৰ্ণভাৱে শিক্ষা মন্ত্ৰীৰ পদত্যাগ দাবী কৰাৰ সময় এয়া। আমি সকলোৱে ঐক্যবদ্ধভাৱে মাত…

এক দীৰ্ঘদিনীয়া ৰাজনৈতিক প্ৰত্যাহ্বানৰ অন্তত অৱশেষত পূৰ্ণাংগ ৰূপ পালে চুবুৰীয়া ৰাজ্য পশ্চিম বংগৰ নতুন বিজেপি চৰকাৰে। ৰাজ্যখনৰ ৰাজ্যপাল আৰ এন ৰবিয়ে সোমবাৰে লোকভৱনত পুৱা ১১ বজাত আয়োজিত এক ভব্য অনুষ্ঠানত বিজেপিৰ ৩৫ গৰাকী বিধায়কক মন্ত্ৰী হিচাপে কাৰ্যভাৰ আৰু গোপনীয়তাৰ শপতগ্ৰহণ কৰোৱায়। যোৱা ৯ মে’ত শুভেন্দু অধিকাৰীয়ে মুখ্যমন্ত্ৰী হিচাপে শপতগ্ৰহণ কৰাৰ ঠিক তিনি সপ্তাহৰ পাছতে এই বহুল চৰ্চিত মন্ত্ৰীসভাৰ সম্প্ৰসাৰণ প্ৰক্ৰিয়া সম্পন্ন হয়। মুখ্যমন্ত্ৰী কাৰ্যালয়ৰ সূত্ৰই প্ৰকাশ কৰা অনুসৰি, সোমবাৰৰ এই সম্প্ৰসাৰণৰ পিছতে বংগৰ মন্ত্ৰী পৰিষদৰ মুঠ সদস্যৰ সংখ্যা ৪১ জনলৈ বৃদ্ধি পাইছে। নতুন চৰকাৰখনত অভিজ্ঞ আৰু যুৱ নেতাৰ এক সুন্দৰ মিশ্ৰণ ঘটোৱা হৈছে। এই সন্দৰ্ভত এক চৰকাৰী বিবৃতিত উল্লেখ কৰা…