Paromita

ৰাজধানী দিল্লীৰ কেইবাটাও গুৰুত্বপূৰ্ণ স্থানত বিৰূপ পোষ্টাৰ লগোৱা আৰু কূটাঘাতমূলক কাৰ্যৰ পৰিকল্পনা কৰাৰ অভিযোগত আৰক্ষীয়ে গ্ৰেপ্তাৰ কৰে ৮ জন দুৰ্বৃত্তক। দিল্লী আৰক্ষীৰ স্পেচিয়েল চেলৰ এক অভিযানে পাকিস্তান আৰু বাংলাদেশ ভিত্তিক উগ্ৰপন্থী সংগঠনৰ সৈতে জড়িত এই গেংটোৰ পৰিকল্পনা নস্যাৎ কৰে। গ্ৰেপ্তাৰ হোৱা আঠজনৰ ভিতৰত এজন পশ্চিমবংগৰ মালদাৰ নিবাসী আৰু বাকী সাতজন বাংলাদেশৰ নাগৰিক বুলি আৰক্ষীয়ে চিনাক্ত কৰিছে। বিগত ৭ ফেব্ৰুৱাৰীত দিল্লীৰ বিভিন্ন মেট্ৰ’ ষ্টেচনত আপত্তিজনক পোষ্টাৰ লগোৱাৰ পাছতে আৰক্ষীয়ে তদন্ত আৰম্ভ কৰিছিল। চিচিটিভি ফুটেজৰ সহায়ত অনুসন্ধান চলাই দিল্লী আৰক্ষীৰ এটা দলে পশ্চিমবংগৰ কলকাতাৰ পৰা উমৰ ফাৰুখ আৰু ৰবিউল ইছলাম নামৰ দুই মূল অভিযুক্তক কৰায়ত্ত কৰে। তেওঁলোকৰ ভাষ্যৰ ভিত্তিত পৰৱৰ্তী সময়ত তামিলনাডুৰ…

ৰাজহুৱা স্থানত সুৰাপান কৰি যাতায়ত ব্যাহত কৰাৰ লগতে আৰক্ষীক আক্ৰমণ কৰাৰ অভিযোগত ৩ যুৱকক আটক কৰিছে সোণাপুৰ আৰক্ষীয়ে। দেওবাৰে বিয়লি প্ৰায় ৪:৩০ বজাত সোণাপুৰৰ জুবিনক্ষেত্ৰত সংঘটিত এই ঘটনাই সমগ্ৰ অঞ্চলটোত তীব্ৰ চাঞ্চল্যৰ সৃষ্টি কৰে। অভিযুক্ত যুৱককেইজনে কৰ্তব্যৰত আৰক্ষী জোৱানৰ লগতে এগৰাকী মহিলা আৰক্ষী কৰ্মীকো শাৰীৰিকভাৱে অপদস্থ কৰাৰ গুৰুতৰ অভিযোগ উত্থাপন হৈছে। জানিব পৰা মতে, দক্ষিণ শালমৰাৰ আলম আলী আৰু শুৱালকুছিৰ মুকুট দাস তথা ৰঞ্জন দাস নামৰ যুৱককেইজনে সুৰাপান কৰি জুবিনক্ষেত্ৰৰ সমীপত যান-বাহন আবদ্ধ কৰি উদ্ভণ্ডালি আৰম্ভ কৰিছিল। সৰ্বসাধাৰণ যাত্ৰীৰ সমস্যা হোৱা দেখি কৰ্তব্যৰত আৰক্ষীৰ দলে তেওঁলোকক বাধা দিবলৈ চেষ্টা কৰোঁতেই পৰিস্থিতি অধিক উত্তপ্ত হৈ পৰে। সুৰামত্ত যুৱকৰ দলটোৱে আৰক্ষীৰ ওপৰত…

আগন্তুক ১৬ মাৰ্চত অনুষ্ঠিত হ’বলগীয়া অসমৰ ৰাজ্যসভাৰ তিনিখন আসনৰ নিৰ্বাচনক লৈ এতিয়া ৰাজ্যত তীব্ৰ তৎপৰতা আৰম্ভ হৈছে। ইয়াৰে দুখন আসনৰ বাবে বিজেপিৰ নিৰ্বাচনী সমিতিয়ে ইতিমধ্যে দুজন প্ৰাৰ্থীৰ নাম চূড়ান্ত কৰি কেন্দ্ৰীয় নেতৃত্বৰ অনুমোদৰ বাবে দিল্লীলৈ প্ৰেৰণ কৰিছে। দেওবাৰে গুৱাহাটীত সাংবাদিকৰ সৈতে হোৱা বাৰ্তালাপত মুখ্যমন্ত্ৰী ড° হিমন্ত বিশ্ব শৰ্মাই এই গুৰুত্বপূৰ্ণ তথ্য সদৰী কৰে। তৃতীয়খন আসনৰ প্ৰাৰ্থিত্বক লৈ এতিয়াও ৰহস্য অব্যাহত ৰাখি মুখ্যমন্ত্ৰীগৰাকীয়ে কয় যে বিৰোধী পক্ষৰ ৰণনীতি পৰ্যবেক্ষণ কৰিহে এই সন্দৰ্ভত সিদ্ধান্ত লোৱা হ’ব। তেওঁ স্পষ্ট কৰি দিয়ে যে তৃতীয়খন আসনৰ বাবে এজন যোগ্য ব্যক্তিক প্ৰাৰ্থিত্ব প্ৰদান কৰা হ’ব, কিন্তু সেই সিদ্ধান্ত ল’বলৈ বিজেপি দলে কিছু সময় ল’ব। ইফালে ইউ…

মুচি নদীৰ পাৰত জাতিৰ পিতা মহাত্মা গান্ধীৰ দেশৰ সৰ্বোচ্চ প্ৰতিমূৰ্তি নিৰ্মাণৰ বাবে তেলেংগানা চৰকাৰে গ্ৰহণ কৰা এক অভিলাষী প্ৰকল্পই এতিয়া তীব্ৰ ৰাজনৈতিক বিতৰ্কৰ সৃষ্টি কৰাৰ লগতে জনসাধাৰণৰ মাজতো উদ্বেগ বৃদ্ধি কৰিছে। প্ৰায় ৫,০০০ কোটি টকা ব্যয় সাপেক্ষ এই মূৰ্তিটো মুচি নদীৰ সৌন্দৰ্যবৰ্ধন প্ৰকল্পৰ অংশ হিচাপে নিৰ্মাণ কৰাৰ পৰিকল্পনা কৰা হৈছে। ইচি আৰু মুচি নদীৰ সংগমস্থলত নিৰ্মাণ হ’বলগীয়া এই প্ৰকল্পটোক লৈ বৰ্তমান পৰিৱেশ কৰ্মী আৰু বিৰোধী দলসমূহে চৰকাৰৰ বিৰুদ্ধে সৰৱ হৈ পৰিছে। প্ৰায় ১০ একৰ মাটিত নিৰ্মাণ হ’বলগীয়া এই বিশাল প্ৰকল্পটোৰ বাবে চৰকাৰে ইতিমধ্যে ভূমি অধিগ্ৰহণৰ জাননী জাৰি কৰিছে। সমগ্ৰ মুচি নদীৰ উন্নয়ন পৰিকল্পনাৰ বাবে প্ৰায় ৩,২৭৯ একৰ ভূমিৰ প্ৰয়োজন হ’ব,…

ইণ্ডিয়ান প্ৰিমিয়াৰ লীগ (আই পি এল) ২০২৬ ছিজনৰ প্ৰস্তুতিৰ মাজতে মহেন্দ্ৰ সিং ধোনীৰ ভৱিষ্যতক লৈ চৰ্চা পুনৰ আৰম্ভ হৈছে যে কিংবদন্তি প্ৰাক্তন অধিনায়কগৰাকীয়ে এইবাৰ চেন্নাই ছুপাৰ কিংছৰ হৈ সকলো মেচ খেলা দেখা যাব নে নাই? ফ্ৰেঞ্চাইজিৰ ভিতৰৰ এক শীৰ্ষ সূত্ৰই নিশ্চিত কৰিছে যে ৪৫ বছৰ সম্পূৰ্ণ কৰিবলৈ ওলোৱা ধোনী চেন্নাই ছুপাৰ কিংছ (চি এছ কে)ৰ সৈতে আগন্তুক আই পি এল ছিজনৰ বাবে উপলব্ধ হ’ব। কিন্তু এইবাৰ সঞ্জু চেমছনক বৃহৎ ধনৰ জৰিয়তে দলত সংযোজন কৰাৰ লগে লগে ভাৰতীয় প্রাক্তন অধিনায়কগৰাকীয়ে লীগ পৰ্যায়ৰ সকলো মেচ খেলাৰ সম্ভাৱনা কম বুলি বিবেচিত হৈছে৷ চি এছ কেৰ এক জ্যেষ্ঠ সূত্ৰই কয় যে আমি নিশ্চিত কৰিব…

ভাৰতীয় বেগী বলাৰ যশপ্ৰীত বুমৰাহ ভাৰতৰ হৈ টি-২০ বিশ্বকাপৰ ইতিহাসত সৰ্বাধিক উইকেট দখলকাৰী হিচাপে পৰিগণিত হৈছে। টি-২০ বিশ্বকাপৰ ছুপাৰ ৮ মেচত দক্ষিণ আফ্ৰিকাৰ বিৰুদ্ধে চমৎকাৰ প্ৰদৰ্শনেৰে তেওঁ এই কৃতিত্ব অৰ্জন কৰে। আহমেদাবাদৰ নৰেন্দ্ৰ মোদী ষ্টেডিয়ামত খেলখন অনুষ্ঠিত হয়। এই খেলখনৰ পূৰ্বে ভাৰতীয় প্ৰাক্তন অফ স্পিনাৰ ৰবিচন্দ্ৰন অশ্বিনৰ ৩২টা উইকেটৰ অভিলেখ সমান কৰিবলৈ বুমৰাহক তিনিটা উইকেটৰ প্ৰয়োজন হৈছিল। তেওঁ অশ্বিনক অতিক্ৰম কৰি চাৰি অভাৰত মাত্ৰ ১৫ ৰানত তিনিটা গুৰুত্বপূৰ্ণ উইকেট দখল কৰে। দক্ষিণ আফ্ৰিকাৰ বেটছমেন কুইণ্টন ডি কক, ৰিয়ান ৰিকেলটন, আৰু কৰ্বিন বছক আউট কৰি বুমৰাহ দলটোক শক্তিশালী আৰম্ভণি কৰে। এই প্ৰদৰ্শনেৰে টি-২০ বিশ্বকাপত বুমৰাহৰ মুঠ উইকেট ৩৩টা হৈছেগৈ। কিন্তু এই…

বিধানসভা নিৰ্বাচনৰ সমীকৰণ আসন ভাগ-বাটোৱাৰাক লৈ বিপৰ্যস্ত হোৱাৰ পৰিপ্ৰেক্ষিতত বিপদত পৰিছে বিজেপি বিৰোধী মিত্ৰজোঁটৰ ভৱিষ্যত। ৰাজ্যত নিৰ্বাচনলৈ মাত্ৰ ডেৰমাহ বাকী থকা অৱস্থাত কংগ্ৰেছৰ একপক্ষীয় নীতিয়ে মিত্ৰজোঁটটোৰ ভিতৰচৰাত এক তীব্ৰ বিদ্ৰোহৰ সূচনা কৰিছে। বিশেষকৈ কংগ্ৰেছৰ স্থিতিত অতিষ্ঠ হৈ এতিয়া ৰাইজৰ দল আৰু অজাপে মিত্ৰতা ভংগ কৰি ‘একলা চল’ নীতি গ্ৰহণৰ চৰম হুংকাৰ দিছে। শনিবাৰে মহানগৰীৰ মঠঘৰীয়াস্থিত ৰাইজৰ দলৰ মুখ্য কাৰ্যালয়ত অনুষ্ঠিত এক জৰুৰী নিৰ্বাচনী বৈঠকত কংগ্ৰেছৰ সৈতে চলি থকা মিত্ৰতাৰ বিষয়টোৱে চৰ্চা লাভ কৰে। সদ্যহতে দলটোত যোগদান কৰা দুই বিধায়ক শ্বেৰমান আলী আৰু আব্দুল ৰছিদ মণ্ডলৰ উপস্থিতিত অনুষ্ঠিত এই বৈঠকত আসন কেন্দ্ৰিক সংঘাতক লৈ তীব্ৰ অসন্তুষ্টি প্ৰকাশ কৰা হয়। বৈঠকৰ অন্তত…

চিকিৎসকৰ বৈধ প্ৰেছক্ৰিপচন অবিহনে চিৰিঞ্জ বিক্ৰীৰ ওপৰত জাৰি কৰা এক মৌখিক নিৰ্দেশনাই বিপাকত পেলাইছে হোজাই জিলাৰ সাধাৰণ গ্ৰাহক তথা ৰোগীসকলক। জিলাখনৰ ঔষধ পৰিদৰ্শকে ফাৰ্মাচীসমূহক দিয়া এই আকস্মিক নিৰ্দেশৰ পাছতে এতিয়া জৰুৰীকালীন চিকিৎসা সেৱাৰ ক্ষেত্ৰত এক জটিল সমস্যাই বিৰাজ কৰিছে। বিশেষকৈ নিয়মীয়াকৈ ইনচুলিন ল’বলগীয়া হোৱা মধুমেহ ৰোগীসকল এতিয়া চৰম সংকটৰ মুখত পৰিছে। স্থানীয় ফাৰ্মাচী পৰিচালকসকলে জনোৱা মতে, ড্ৰাগছ ইন্সপেক্টৰৰ পৰা লাভ কৰা মৌখিক নিৰ্দেশনা মানি চলাটো তেওঁলোকৰ বাবে বাধ্যতামূলক। সেই অনুসৰি, বৰ্তমান ঔষধৰ দোকানে বৈধ প্ৰেছক্ৰিপচন নথকা গ্ৰাহকক চিৰিঞ্জ যোগান ধৰিবলৈ অমান্তি হৈছে। এই বাধ্যবাধকতাই দৰিদ্ৰ আৰু গ্ৰামাঞ্চলৰ ৰোগীসকলক চিন্তিত কৰি তুলিছে, কাৰণ তেওঁলোকৰ বাবে বাৰে বাৰে চিকিৎসকৰ কাষ চাপি নতুন…

গোপন তথ্যৰ ভিত্তিত চলোৱা এক তলাচীত জব্দ হোৱা মাৰণাস্ত্ৰৰ ঘটনাই তীব্ৰ চাঞ্চল্যৰ সৃষ্টি কৰিছে তেজপুৰৰ পাঁচমাইল অঞ্চলত। চামধৰা পাঁচমাইলৰ এটা ভাড়াঘৰত লুকুৱাই ৰখা মাৰণাস্ত্ৰৰ সন্ধানত শনিবাৰে তেজপুৰ আৰক্ষীয়ে চলোৱা এই অতৰ্কিত অভিযানত ইব্ৰাহিম আলী নামৰ এজন যুৱক জালত পৰে। আৰক্ষীৰ এই সফলতাই এতিয়া অঞ্চলটোত এক গোপন অপৰাধমূলক চক্ৰ সক্ৰিয় হৈ থকাৰ ইংগিত বহন কৰিছে। অভিযানকাৰী দলটোৱে যুৱকজনৰ কোঠাৰ পৰা এটা পইণ্ট ২২ পিষ্টল আৰু সক্ৰিয় গুলী জব্দ কৰাৰ লগতে এখন তৰোৱাল আৰু খুকুৰিও উদ্ধাৰ কৰে। মাৰণাস্ত্ৰসমূহ কি কূটাঘাতমূলক উদ্দেশ্যৰে ভাড়াতীয়া যুৱকজনে মজুত কৰি ৰাখিছিল, সেই সন্দৰ্ভত এতিয়া আৰক্ষীয়ে জেৰা অব্যাহত ৰাখিছে। তেজপুৰ আৰক্ষীৰ এই ক্ষিপ্ৰ পদক্ষেপে চহৰখনত হ’ব পৰা এক…

গ্ৰুপ পৰ্যায়ৰ চাৰিখন মেচতে জয়লাভ কৰি খিতাপ ৰক্ষাৰ দাবী মজবুত কৰা ভাৰতীয় দলটোৱে দেওবাৰে টি-২০ বিশ্বকাপৰ ছুপাৰ এইটত দক্ষিণ আফ্ৰিকাৰ পৰা কঠিন প্ৰত্যাহ্বানৰ সন্মুখীন হোৱাৰ সম্ভাৱনা আছে। সেয়ে অধিনায়ক সূৰ্যকুমাৰ যাদৱ আৰু তিলক ভাৰ্মাই ডাঙৰ শ্বট খেলাৰ পৰিৱৰ্তে অবিৰতভাৱে বেটিং কৰাৰ পৰিৱৰ্তিত কৌশলত গুৰুত্ব দিব লাগিব।দক্ষিণ আফ্ৰিকাই কাগিছ’ ৰাবাডা, লুংগি ঙিডি, মাৰ্কো জান্সেন, কেশৱ মহাৰাজ, আৰু আইডেন মাৰ্কৰামক লৈ শক্তিশালী বলিং আক্ৰমণৰ গৌৰৱ কৰিছে, যিয়ে ডিফেণ্ডিং চেম্পিয়ন ভাৰতক কঠিন যুঁজ দিবলৈ সাজু হৈছে। যোৱা দুমাহত দুয়োটা দলে ষষ্ঠবাৰৰ বাবে ইজনে আনজনৰ বিৰুদ্ধে খেলিব, আৰু দেওবাৰে কোনটো দলে চৰ্তসমূহৰ অধিক মূলধন ল’ব সেয়া হ’ব লক্ষ্যণীয়। গ্ৰুপ পৰ্যায়ত ভাৰতীয় দলটোৱে বিশেষ প্ৰত্যাহ্বানৰ…