Blog

জীৱন বীমা খণ্ডত দাবী নিষ্পত্তিয়েই আস্থাৰ চৰম পৰীক্ষা হৈ পৰিছে, কাৰণ গ্ৰাহকসকলে ক্ৰমান্বয়ে প্ৰিমিয়াম আৰু পলিচীৰ সুবিধাসমূহৰ উৰ্ধ্বলৈ গৈ সবাতোকৈ প্ৰয়োজন হোৱা সময়ত কোনো এটা বীমা প্ৰতিষ্ঠানে প্ৰতিশ্ৰুতি পূৰণ কৰিবনে নাই, সেই দিশত মূল্যায়ন কৰিবলৈ লৈছে। ভাৰতৰ জীৱন বীমা উদ্যোগে ২০২৪-২৫ বিত্তীয় বৰ্ষত ৮.৮৬ লাখ কোটি টকাৰ প্ৰিমিয়াম সংগ্ৰহ কৰিছে, যি পূৰ্বৱৰ্তী বৰ্ষৰ তুলনাত ৬.৭৩% বৃদ্ধি হৈছে। অৱশ্যে, জীৱন বীমাৰ প্ৰসাৰতা ঘৰুৱা উৎপাদনৰ ২.৭%লৈ হ্ৰাস পাইছে, যিয়ে বীমা সুৰক্ষাৰ সম্প্ৰসাৰণ আৰু গ্ৰাহকৰ আস্থা শক্তিশালী কৰাৰ প্ৰত্যাহ্বানক প্ৰতিপন্ন কৰে। এক্সিছ মেক্স লাইফে জনোৱা অনুসৰি দাবীৰ প্ৰদৰ্শনক এটা বীমা কোম্পানীয়ে নিজৰ প্ৰতিশ্ৰুতি পূৰণ কৰাৰ সামৰ্থ্যৰ এক মুখ্য সূচক হিচাপে লক্ষ্য কৰিব লাগে।…

গুৱাহাটী: ভাৰতৰ যুৱ প্ৰজন্ম কেৱল ভ্ৰমণকাৰী হৈ থকাৰ পৰিৱৰ্তে এতিয়া লাহে লাহে আতিথ্য সেৱা আগবঢ়োৱা গৃহস্থলৈ ক্ৰমান্বয়ে ৰূপান্তৰিত হৈছে। এয়াৰবিএনবি-এ প্ৰকাশ কৰা শেহতীয়া তথ্য অনুসৰি, ২০২৬ বৰ্ষৰ প্ৰথমাৰ্ধত ১৮ৰ পৰা ২৯ বছৰ বয়সৰ এয়াৰবিএনবি গৃহস্থৰ সংখ্যা যোৱা বছৰৰ তুলনাত প্ৰায় ৪০ শতাংশ বৃদ্ধি পাইছে। বৰ্তমান ভাৰতত এয়াৰবিএনবিৰ প্ৰতি ৫জন নতুন গৃহস্থৰ ভিতৰত প্ৰায় দুজন জেন জি প্ৰজন্মৰ। ইয়াৰ সমান্তৰালভাৱে ২০২৫ চনৰ জানুৱাৰী-জুন মাহৰ তুলনাত ২০২৬ চনৰ একেই সময়ছোৱাত এই প্লেটফৰ্মৰ জৰিয়তে উপাৰ্জন ৬০ শতাংশতকৈও অধিক বৃদ্ধি পাইছে। এই অগ্ৰগতি কেৱল ডাঙৰ মহানগৰসমূহতে নহয়, বৰঞ্চ উদীয়মান পৰ্যটনস্থলীবোৰতো দেখা গৈছে। এই ক্ষেত্ৰত বেংগালুৰু, দিল্লী, গুৰুগ্ৰাম, ইন্দোৰ, মুম্বাই আৰু নয়ডাত যথেষ্ট জনপ্ৰিয়তা বাঢ়িছে।…

পিতৃশোকৰ চকুলো শুকাবলৈ নৌপাওঁতেই পৰিয়ালটোলৈ নামি আহিল আন এক চৰম দুৰ্বিপাক। সংসাৰৰ দায়িত্ব কান্ধত লৈ ঘৰৰ পৰা কৰ্মক্ষেত্ৰলৈ উভতি যোৱা সন্তানটিৰ কোনো শুংসূত্ৰ নোপোৱাত হাহাকাৰ লাগিছে এটি পৰিয়ালত। চুবুৰীয়া নেপালত ভয়ংকৰ বান পৰিস্থিতিৰ মাজত সন্ধানহীন হৈ পৰিছে ৰাহুল দৈমাৰী নামৰ এগৰাকী অসম সন্তান। মেৰাপানীৰ জয়পুখুৰী গাঁৱৰ এই যুৱকজন মধ্য নেপালৰ নুৱাকোট জিলাৰ ত্ৰিশূলী খোলা অঞ্চলত বিধ্বংসী বানে উটুৱাই নিয়াৰ আশংকা কৰা হৈছে। কৰ্মসূত্ৰে এণ্ড্ৰেক্স নামৰ এটা পাইপলাইন প্ৰতিষ্ঠানত নিয়োজিত হৈ আছিল ৰাহুল। ইয়াৰ পূৰ্বে ভূটানত কৰ্মৰত যুৱকজনক শেহতীয়াকৈ স্থানান্তৰ কৰা হৈছিল নেপাললৈ। দুৰ্ভাগ্যজনকভাৱে, কিছুদিন পূৰ্বে পিতৃৰ বিয়োগ ঘটিছিল আৰু সকলো ৰীতি-নীতি সম্পূৰ্ণ কৰি যোৱা ১৪ আগষ্টতহে তেওঁ কৰ্মথলীলৈ ৰাওনা হৈছিল।…

প্ৰকৃতিৰ সংহাৰী ৰূপে স্তব্ধ কৰি পেলাইছে পাহাৰীয়া ৰাষ্ট্ৰ নেপালৰ স্বাভাৱিক জীৱন-যাত্ৰা। দেশখনৰ ৰচুৱাকে ধৰি মধ্যভাগত বুধবাৰে সংঘটিত আকস্মিক বানত প্ৰাণহানিৰ সংখ্যা শনিবাৰে ৬১৬ জনলৈ বৃদ্ধি পায়। দেশখনৰ আৰক্ষীৰ তথ্য অনুসৰি এতিয়াও সন্ধানহীন হৈ আছে প্ৰায় ১,৯২৪ গৰাকী লোক। ৰাষ্ট্ৰীয় দুৰ্যোগ ব্যৱস্থাপনা প্ৰাধিকৰণে আঠখন জিলাৰ পৰা উদ্ধাৰ কৰে এই মৃতদেহসমূহ। চিতৱান জিলাতেই সৰ্বাধিক ২৩৩টা মৃতদেহ পোৱাৰ বিপৰীতে নাৱালপৰাসী ইষ্টৰ পৰা ১৫৮টা, নুৱাকোটৰ পৰা ৫১টা, গোৰ্খাৰ পৰা ৪৮টা, নাৱালপৰাসী ৱেষ্টৰ পৰা ৪৭টা, ধাডিঙৰ পৰা ৪৫টা, তানাহুৰ পৰা ৩১টা আৰু ৰচুৱাৰ পৰা ১৩টা মৃতদেহ উদ্ধাৰ হয়। বিধ্বংসী এই দুৰ্যোগৰ ফলত বাসস্থান, পথ, দলং তথা জলবিদ্যুৎ প্ৰকল্পৰ বিস্তৰ ক্ষতিসাধন হৈছে। ইফালে, এই পৰিস্থিতিৰ মাজত…

পবিত্ৰ ৰাখীবন্ধনৰ প্ৰাকক্ষণত দেখা গ’ল ভাতৃ-ভগ্নীৰ সম্পৰ্কৰ এক অনন্য তথা হৃদয়স্পৰ্শী নিদৰ্শন। ডায়েলাইচিছৰ যন্ত্ৰণাত ছটফটাই থকা ভাতৃৰ কষ্ট সহ্য কৰিব নোৱাৰি নিজৰ এটা বৃক্ক দান কৰি ভাতৃক দিলে এক নতুন জীৱন। গুৰুতৰ বৃক্কৰ ৰোগত আক্ৰান্ত হৈ চিকিৎসাধীন হৈ আছিল ৪০ বছৰীয়া জিতেন্দ্ৰ সিং নামৰ যুৱকজন। তেনে সময়তে তেওঁৰ ৪৫ বছৰীয়া ভগ্নী বীণা কুমাৰী গাংৱাৰে নিজৰ সোঁফালৰ বৃক্কটো দান কৰাৰ সিদ্ধান্ত গ্ৰহণ কৰে। শাৰদাকেয়াৰ-হেল্থচিটী হাস্পতালত বিশেষজ্ঞ চিকিৎসকৰ এটা দলে সম্পন্ন কৰে এই জটিল অস্ত্ৰোপচাৰ। চিকিৎসালয়খনৰ কিডনী ট্ৰান্সপ্লাণ্ট আৰু ইউৰ’লজী বিভাগৰ সঞ্চালক ডাঃ অনিল শৰ্মাৰ নেতৃত্বত এই এবিঅ’-কম্পেটিবল বৃক্ক সংৰোপণ সফলতাৰে সম্পন্ন হয়। বিগত দুবছৰ ধৰি সপ্তাহত তিনিবাৰকৈ ডায়েলাইচিছৰ ওপৰত নিৰ্ভৰশীল হৈ…

প্ৰশাসনীয় সেৱাৰ ইতিহাসত অসমৰ বাবে সংযোজন হ’ল আন এক গৌৰৱোজ্জ্বল অধ্যায়। কেন্দ্ৰীয় চৰকাৰৰ যুটীয়া সচিব পদৰ বাবে তালিকাভুক্ত হোৱা ৰাজ্যৰ প্ৰথমগৰাকী মহিলা আইএএছ বিষয়া হিচাপে পৰিগণিত হৈছে ড০ বৰ্ণালী ডেকা। বিগত বৰ্ষৰ আগষ্ট মাহত কেন্দ্ৰীয় ডেপুটেশ্যনলৈ যোৱাৰ পূৰ্বে তেওঁ অসম চৰকাৰৰ সাধাৰণ প্ৰশাসন বিভাগৰ আয়ুক্ত তথা সচিব হিচাপে কাৰ্যনিৰ্বাহ কৰি আছিল। অসম প্ৰশাসনীয় ব্যৱস্থাত সুদীৰ্ঘ দিন ধৰি সেৱা আগবঢ়াই অহা ড০ ডেকাই বৰপেটা, গোলাঘাট, গোৱালপাৰা, কোকৰাঝাৰ আৰু নলবাৰী- এই পাঁচখনকৈ জিলাত জিলা উপায়ুক্ত হিচাপে সফলভাৱে দায়িত্ব পালন কৰিছিল। ইয়াৰ উপৰিও গুৱাহাটী পৌৰ উন্নয়ন প্ৰাধিকৰণৰ উপাধ্যক্ষা তথা মুখ্য কাৰ্যবাহী বিষয়া, অসম দক্ষতা বিকাশ অভিযান, ৰাজ্যিক গ্ৰামীণ জীৱিকা অভিযানৰ পৰিচালন সঞ্চালক আৰু…

৫ দিনীয়া ভ্ৰমণসূচীৰে বিদেশলৈ ৰাওনা প্ৰধানমন্ত্ৰী নৰেন্দ্ৰ মোদী। উজবেকিস্তান আৰু কিৰ্গিজস্তানলৈ ৰাওনা প্ৰধানমন্ত্ৰী মোদী। ২৯ৰ পৰা ৩০ আগষ্টলৈ প্ৰধানমন্ত্ৰী থাকিব উজবেকিস্তানত। বাণিজ্য, স্বাস্থ্য, শিক্ষা আদি বিষয়ত হ’ব দ্বিপাক্ষিক বৈঠক। ইয়াৰ পাছতে ৩১ আগষ্ট আৰু ১ ছেপ্টেম্বৰত কিৰ্গিজস্তানত থাকিব মোদী। SCO সন্মিলনত অংশগ্ৰহণ কৰিব ভাৰতৰ প্ৰধানমন্ত্ৰীয়ে। এই বৈঠকতে ৰাছিয়াৰ ৰাষ্ট্ৰপতি ভ্লাডিমিৰ পুটিনৰ সৈতেও বৈঠকৰ সম্ভাৱনা। প্ৰধানমন্ত্ৰীৰ ভ্ৰমণে মধ্য এছিয়াৰ সৈতে ভাৰতৰ সম্পৰ্ক শক্তিশালী কৰাৰ সম্ভাৱনা।

শ্ৰীলংকাই মুকলি কৰি দিলে ভাৰতৰ ৭ মাছমৰীয়াক। চেন্নাই বিমান বন্দৰত উপস্থিত ভাৰতীয় মাছমৰীয়াসকল। শ্ৰীলংকাৰ নৌ সেনাই গ্ৰেপ্তাৰ কৰিছিল মাছমৰীয়াকেইজনক। সামুদ্ৰিক আন্তঃৰাষ্ট্ৰীয় সীমা অতিক্ৰম কৰাত গ্ৰেপ্তাৰ কৰিছিল আটাইকেইজনক। শ্ৰীলংকাৰ নৌ সেনাই গ্ৰেপ্তাৰ কৰি গতাই দিছিল ভাৰতীয় উচ্চায়ুক্ত কাৰ্যালয়ক। কলম্বোস্থিত ভাৰতীয় উচ্চায়ুক্ত কাৰ্যালয়ে ভাৰতীয় মাছমৰীয়াকেইজনক প্ৰেৰণ কৰিলে স্বদেশলৈ।

নেপালৰ বানত এইপৰ্যন্ত ৬০০ জনৰ মৃত্যু হোৱাৰ লগতে ২৫০০জন নিৰুদ্দেশ হৈ আছে । এই বানৰ পাছৰে পৰা অসমৰ ১২জন লোক সন্ধানহীন হৈ আছে ৷নেপালৰ বানত অসমৰ কাৰ্বি আংলং জিলাৰ ঋতুপৰ্ণ ব্ৰহ্ম আৰু মন্ত্ৰী বসুমতাৰীসহ ১২জন লোক সন্ধানহীন হৈ আছে ৷ তেওঁলোকৰ সৈতে বৰ্তমান পৰ্যন্ত কোনো ধৰণৰ যোগাযোগ স্থাপন কৰিব পৰা হোৱা নাই ৷ মুখ্যমন্ত্ৰী ডঃ হিমন্ত বিশ্ব শৰ্মাই শুকুৰবাৰৰ মাজনিশা সামাজিক মাধ্যম এক্সত এই তথ্য সদৰী কৰে ৷সামাজিক মাধ্যম এক্সৰ এটা পোষ্টত মুখ্যমন্ত্ৰী শৰ্মাই কয়, "এতিয়ালৈকে আমি অসমৰ পৰা নেপালত নিৰুদ্দেশ হোৱা ১২ জন লোকৰ তথ্য সংগ্ৰহ কৰিবলৈ সক্ষম হৈছো ৷ তেওঁলোকৰ সৈতে যোগাযোগ কৰি নিৰাপদে উদ্ধাৰৰ প্ৰচেষ্টা অব্যাহত আছে…