tarali

অৰুণাচল প্ৰদেশৰ ইয়িংকিয়ঙত স্বচ্ছ ভাৰত অভিযানৰ অধীনত মেটেৰিয়েল ৰিকভাৰী ফেচিলিটি (MRF) উদ্বোধন কৰে মুখ্যমন্ত্ৰীৰ উপদেষ্টা আৰু বিধায়ক আলো লিবাঙে। এই অনুষ্ঠানত উপস্থিত থাকে উচ্চ ছিয়াং জিলাৰ উপায়ুক্ত তালো জেৰাং। এই কেন্দ্ৰই বৈজ্ঞানিক আৱৰ্জনা পৰিচালনা ব্যৱস্থা শক্তিশালী কৰাৰ লগতে আৱৰ্জনা পৃথকীকৰণ আৰু পুনঃব্যৱহাৰক উৎসাহিত কৰিব আৰু আমাৰ চহৰসমূহ পৰিষ্কাৰ আৰু বহনক্ষম ৰাখিবলৈ নাগৰিকৰ অংশগ্ৰহণ বৃদ্ধি কৰিব। একেদিনাই ইয়িংকিয়ঙৰ ভেণ্ডৰ মাৰ্কেটো উদ্বোধন কৰা হয়। অৰুণাচল প্ৰদেশ চৰকাৰ আৰু গৃহ আৰু নগৰীয়া পৰিক্ৰমা মন্ত্ৰালয়ৰ অধীনত স্থাপিত এই বজাৰে স্থানীয় ব্যৱসায়ী আৰু সৰু উদ্যোগীসকলক ব্যৱসায় কৰিবলৈ এটা সুসংগঠিত, সহজলভ্য আৰু সন্মানজনক স্থান প্ৰদান কৰিব। বিধায়কগৰাকীয়ে কয়, "আমাৰ ব্যৱসায়ীসকলক সহায় কৰাৰ অৰ্থ হৈছে আমাৰ পৰিয়ালসমূহৰ…

২০০৪ চনৰ ১৫ আগষ্টত ধেমাজিত স্বাধীনতা দিৱসৰ উদযাপনৰ সময়ত বিস্ফোৰণত প্ৰাণ হেৰুৱা সাধাৰণ নাগৰিকসকলক স্মৰণ কৰি দেওবাৰে অসম চৰকাৰে ‘শোক দিৱস’ পালন কৰে। দিছপুৰৰ জনতা ভৱনত অনুষ্ঠিত এই শোক অনুষ্ঠানত বলি হোৱাসকলৰ প্ৰতি শ্ৰদ্ধা জনাই জাতীয় পতাকা অৰ্ধনমিত কৰি ৰখা হয়। এই মৰ্মান্তিক ঘটনাত প্ৰাণ হেৰুৱা লোকসকলৰ স্মৃতিত আৰু উগ্ৰপন্থী হিংসাক ধিক্কাৰ জনাই এক মিনিট মৌন পালন কৰা হয়। ইয়াৰ পাছত অসম চৰকাৰ ৰূপান্তৰ আৰু উন্নয়ন বিভাগৰ অতিৰিক্ত মুখ্য সচিব অনুৰাগ গোৱেলে বিষয়া আৰু কৰ্মচাৰীসকলৰ পৰা সকলো প্ৰকাৰ সন্ত্ৰাসবাদ আৰু উগ্ৰপন্থী হিংসাৰ বিৰুদ্ধে শপত বাক্য পাঠ কৰায়। এই উপলক্ষে বিষয়া আৰু কৰ্মচাৰীসকলে বলি হোৱাসকলক শ্ৰদ্ধাঞ্জলি জ্ঞাপন কৰাৰ লগতে দেশৰ অহিংসা,…

শনিবাৰে দেশৰ ৮০ সংখ্যক স্বাধীনতা দিৱস দেশপ্ৰেমৰ উৎসাহ-উদ্দীপনাৰে উদযাপন কৰে উত্তৰ-পূব সীমান্ত ৰেলৱে (এনএফআৰ)-এ। মালিগাঁওস্থিত এনএফআৰএছএ কমপ্লেক্সত অনুষ্ঠিত কেন্দ্ৰীয় কাৰ্যসূচীত এনএফআৰৰ সাধাৰণ প্ৰবন্ধক চেতন কুমাৰ শ্ৰীবাস্তৱে জ্যেষ্ঠ ৰেল বিষয়া, কৰ্মচাৰী আৰু তেওঁলোকৰ পৰিয়ালৰ উপস্থিতিত জাতীয় পতাকা উত্তোলন কৰে আৰু গাৰ্ড অফ অনাৰ গ্ৰহণ কৰে। সম্বোধনত সাধাৰণ প্ৰবন্ধক গৰাকীয়ে দেশৰ স্বাধীনতা সংগ্ৰামী আৰু বীৰ জোৱানসকলক শ্ৰদ্ধাঞ্জলি জ্ঞাপন কৰাৰ লগতে দিনে-ৰাতি কৰ্তব্যত নিয়োজিত ৰেল কৰ্মচাৰীসকলৰ নিষ্ঠাকো প্ৰশংসা কৰে। এই উপলক্ষে আদৰ্শ সেৱা আৰু অৱদানৰ বাবে ২৫ গৰাকী ৰেল কৰ্মচাৰীক উদ্ধৃতি আৰু নগদ পুৰস্কাৰসহ ‘কৰ্মবীৰ পুৰস্কাৰ’ প্ৰদান কৰা হয়। ইয়াৰ পাছত এখন বৰ্ণাঢ্য সাংস্কৃতিক অনুষ্ঠানো পৰিৱেশন কৰা হয়। উদযাপনৰ অংশ হিচাপে জিএম গৰাকীয়ে…

স্বাধীনতা দিৱসৰ উছাহৰ মাজতে দেশপ্ৰেম আৰু ৰাষ্ট্ৰীয় ঐক্যৰ বাৰ্তা বহন কৰা এক বিশেষ বলুকাশিল্পই দৃষ্টি আকৰ্ষণ কৰিছে দেশবাসীৰ। শুকুৰবাৰে পুৰীৰ সাগৰ পাৰত পদ্মশ্ৰী সন্মানেৰে সন্মানিত বলুকাশিল্পী সুদৰ্শন পাটনায়কে ভাৰতৰ ৮০সংখ্যক স্বাধীনতা দিৱস উপলক্ষে এই বিশেষ শিল্পকৰ্মটো নিৰ্মাণ কৰে। ‘স্বাধীনতা দিৱসৰ শুভেচ্ছা, বৈচিত্ৰ্যৰ মাজত ঐক্য’ বাৰ্তা বহন কৰা ৭ ফুট উচ্চতাৰ বলুকাশিল্পটোৰ মাজত স্থান লাভ কৰিছে ভাৰতীয় ত্ৰিৰংগাই। দুয়োকাষে থকা দুটা ময়ূৰে দেশৰ সমৃদ্ধ সাংস্কৃতিক ঐতিহ্য, সৌন্দৰ্য আৰু ঐক্যৰ প্ৰতীক হিচাপে প্ৰতিফলিত কৰিছে বিষয়বস্তুটো। এই শিল্পকৰ্ম নিৰ্মাণত সুদৰ্শন ছেণ্ড আৰ্ট ইনষ্টিটিউটৰ শিক্ষাৰ্থীসকলেও সহযোগ কৰে। ত্ৰিৰংগাৰ গেৰুৱা ৰঙে সাহস আৰু ত্যাগ, বগাই শান্তি আৰু সত্য, সেউজীয়াই সমৃদ্ধি আৰু প্ৰগতিৰ বাৰ্তা বহন কৰাৰ…

অল ইণ্ডিয়া কংগ্ৰেছ কমিটিৰ (AICC) সভাপতি মল্লিকাৰ্জুন খাৰ্গে কেইদিনমান আগতে উত্তৰাখণ্ডৰ হলদৱানীত এখন ৰাজহুৱা সভাত অংশ লোৱাৰ পিছত সেই সভাস্থলত BJP য়ে কথিতভাৱে গংগাজল ছটিয়াই "শুদ্ধিকৰণ" কৰাৰ "বৈষম্যমূলক আৰু নিন্দনীয়" কাৰ্যৰ বিৰুদ্ধে আজি গুৱাহাটীত প্ৰতিবাদ সাব্যস্ত কৰে অসম প্ৰদেশ কংগ্ৰেছ কমিটি (APCC) য়ে। AICC সভাপতিৰ প্ৰতি একাত্মতা প্ৰকাশ কৰাৰ লগতে সাংবিধানিক মূল্যবোধ সুৰক্ষিত কৰাৰ দাবীত গুৱাহাটী চহৰ জিলা কংগ্ৰেছ কমিটিৰ উদ্যোগত দিছপুৰ মানবেন্দ্ৰ শৰ্মা কমপ্লেক্সৰ পৰা এটা প্ৰতিবাদী পদযাত্ৰা আৰু সত্যাগ্ৰহৰ আয়োজন কৰা হয়। প্ৰতিবাদ কাৰ্যসূচীত অসম প্ৰদেশ কংগ্ৰেছ কমিটিৰ সভাপতি গৌৰৱ গগৈ, প্ৰাক্তন বিধায়ক সত্যৱ্ৰত কলিতা, APCC ৰ প্ৰশাসনিক সাধাৰণ সম্পাদক বিপুল গগৈ, সাংগঠনিক সাধাৰণ সম্পাদক ৰামান্না বৰুৱা, অসম…

গুৱাহাটীত প্ৰায় ৩৯.৪ কোটি টকা মূল্যৰ ড্ৰাগছ জব্দ কৰা হৈছে আৰু দুজন সন্দেহযুক্ত ড্ৰাগছ সৰবৰাহকাৰীক গ্ৰেপ্তাৰ কৰা হৈছে বুলি বৃহস্পতিবাৰে অসমৰ মুখ্যমন্ত্ৰী ড০ হিমন্ত বিশ্ব শৰ্মাই জানিবলৈ দিয়ে। গোপন সূত্ৰৰ ভিত্তিত আৰক্ষীয়ে আন্তঃৰাজ্যিক বাছ আস্থান (ISBT) ৰ ওচৰত এখন ট্ৰাক আটক কৰি তালাচী চলায়। অভিযানত ১০ টা চাবোনৰ বাকচত ভৰোৱা হেৰ’ইন আৰু ১,৪০,০ টা YABA টেবলেট জব্দ কৰা হয়। অভিযানৰ বিৱৰণ সামাজিক মাধ্যমত শ্বেয়াৰ কৰি মুখ্যমন্ত্ৰী হিমন্ত বিশ্ব শৰ্মাই ট্ৰাকখন আটক কৰি বৃহৎ পৰিমাণৰ ড্ৰাগছ উদ্ধাৰ কৰাৰ বাবে গুৱাহাটী আৰক্ষীক প্ৰশংসা কৰে। মুখ্যমন্ত্ৰীগৰাকীয়ে কয় যে ড্ৰাগছ সৰবৰাহত জড়িত থকাৰ সন্দেহত আৰক্ষীয়ে দুজন লোককো আটক কৰিছে। শৰ্মাই কয় যে অসম চৰকাৰৰ…

ত্ৰিপুৰা উচ্চ ন্যায়ালয়ে প্ৰধানমন্ত্ৰী নৰেন্দ্ৰ মোডী, আগৰতলা পৌৰ নিগমৰ মেয়ৰ দীপক মজুমদাৰ আৰু মাতা ত্ৰিপুৰেশ্বৰীক লৈ অৱমাননাকাৰী আৰু মানহানিকৰ মন্তব্য কৰাৰ অভিযোগত এগৰাকী content creator ৰ বিৰুদ্ধে দাখিল কৰা FIR আৰু charge-sheet বাতিল কৰিবলৈ অস্বীকাৰ কৰিছে। ন্যায়াধীশ ড০ টি. অমৰনাথ গৌড় আৰু ন্যায়াধীশ এছ. ডাট্টা পুৰকায়স্থক লৈ গঠিত Division Bench য়ে পূব আগৰতলা আৰক্ষী থানা আৰু পশ্চিম আগৰতলা আৰক্ষী থানাত পঞ্জীয়ন কৰা দুটা গোচৰক প্ৰত্যাহ্বান জনাই দাখিল কৰা দুটা আবেদনৰ শুনানি লৈছিল। ভাৰতীয় ন্যায় সংহিতা (BNS), ২০২৩ ৰ ৩৫৬, ৩৫৬(২) আৰু ৩৫৬(৩) ধাৰাৰ লগতে তথ্য প্ৰযুক্তি আইন, ২০০ ৰ ৬৭ নং ধাৰাত গোচৰ দুটা ৰুজু কৰা হৈছিল। আবেদনকাৰীয়ে আৰক্ষীয়ে ২৯…

অৰুণাচল প্ৰদেশৰ মুখ্যমন্ত্ৰী পেমা খাণ্ডুৱে বুধবাৰে নতুনকৈ নিযুক্তি পোৱা ৭২ জন চিকিৎসা বিশেষজ্ঞক নিযুক্তি পত্ৰ প্ৰদান কৰে আৰু ৰাজ্যখনত শীঘ্ৰেই TRIHMS ত অংগ প্ৰতিস্থাপনৰ সুবিধা আৰম্ভ কৰা হ’ব বুলি ঘোষণা কৰে। "Medical Specialist Recruitment Examination–2026 ত সফল হোৱা প্ৰাৰ্থীসকলৰ অভিনন্দন-সহ-নিযুক্তি পত্ৰ প্ৰদান অনুষ্ঠানত আমি ৭২ জন নতুনকৈ নিযুক্তি পোৱা কনিষ্ঠ বিশেষজ্ঞক সেৱাত আদৰণি জনালোঁ," খাণ্ডুৱে কয়। "আমাৰ দৃষ্টিভংগী অতি স্পষ্ট আৰু সৰল: ইয়াত প্ৰদান কৰিব পৰা চিকিৎসাৰ বাবে আমাৰ ৰাজ্যৰ লোকসকলে অৰুণাচল প্ৰদেশ এৰি যাবলগীয়া নহ’ব। আমি বিশেষজ্ঞ স্বাস্থ্যসেৱা প্ৰতিটো জিলা আৰু শেষত শেষ মাইললৈকে পাই দিব বিচাৰোঁ," তেওঁ কয়। মুখ্যমন্ত্ৰীগৰাকীয়ে কয় যে চৰকাৰে ৰাজ্যৰ চিকিৎসালয়সমূহক আৰু শক্তিশালী কৰিব, চিকিৎসাৰ…

পশ্চিম বংগৰ মুখ্যমন্ত্ৰী শুভেন্দু অধিকাৰীয়ে বুধবাৰে বানপীড়িত অসমৰ বাবে ত্ৰাণ আৰু উদ্ধাৰ কাৰ্যৰ বাবে ১০ কোটি টকাৰ আৰ্থিক সাহায্য ঘোষণা কৰিছে। ৰাজ্য বিধানসভাৰ বিশেষ একদিনীয়া অধিৱেশনত ভাষণ প্ৰসংগত অধিকাৰীয়ে কয়, "পশ্চিম বংগ চৰকাৰ তৰফৰ পৰা মুখ্যমন্ত্ৰীৰ সাহায্য পুঁজিৰ পৰা অসম চৰকাৰক ১০ কোটি টকাৰ আৰ্থিক সাহায্য প্ৰদান কৰাৰ প্ৰস্তাৱ আগবঢ়াইছো, আৰু ইয়াক অসমৰ মুখ্যমন্ত্ৰীৰ হাতত তুলি দিয়াৰ ব্যৱস্থা কৰিম।" ছত্তীছগড় আৰু মণিপুৰকে ধৰি কেইবাখনো ৰাজ্যই অসমৰ বানপীড়িত লোকসকলৰ বাবে সাহায্য ঘোষণা কৰিছে। তেওঁ অসমৰ বিধ্বংসী বানপৰিস্থিতিৰ প্ৰতি উদ্বেগ প্ৰকাশ কৰে আৰু তাত আবদ্ধ হৈ থকা বঙালীসকলৰ দুৰৱস্থাৰ কথা উল্লেখ কৰে। অসমৰ বানত ইতিমধ্যে ১০০ ৰো অধিক লোকৰ মৃত্যু হৈছে বুলি…