Sonakshi Sarkar

ভাৰত চৰকাৰৰ বৈদেশিক পৰিক্ৰমা মন্ত্ৰালয়ে স্পষ্ট কৰি দিছে যে ভাৰতীয় পাছপ’ৰ্ট এখন দেশৰ নাগৰিকসকলৰ বিদেশ যাত্ৰা নিয়ন্ত্ৰণ আৰু সুচল কৰাৰ বাবেহে জাৰি কৰা হয়। মন্ত্ৰালয়ৰ মুখপাত্ৰ ৰণধীৰ জয়ছোৱালে সংবাদ মাধ্যমক জানিবলৈ দিয়ে যে বৰ্তমান সময়ত ভাৰতৰ মুঠ জনসংখ্যাৰ ৮ শতাংশতকৈও কম লোকৰ হাততহে পাছপ’ৰ্ট আছে। ১৯৬৭ চনৰ পাছপ’ৰ্ট আইন আৰু ১৯৮০ চনৰ পাছপ’ৰ্ট নিয়ম অনুসৰি নিৰ্ধাৰিত প্ৰক্ৰিয়াৰে পৰীক্ষা-নিৰীক্ষা কৰাৰ পিছতহে এই নথিপত্ৰ প্ৰদান কৰা হয়। বৈদেশিক পৰিক্ৰমা মন্ত্ৰালয়ৰ মতে, পাছপ’ৰ্ট হৈছে মূলতঃ বিদেশ ভ্ৰমণৰ বাবে ব্যৱহৃত এখন নথিপত্ৰ। ভাৰতত নাগৰিকত্ব প্ৰমাণ কৰাৰ বাবে কোনো এটা নিৰ্দিষ্ট একক নথিপত্ৰ নাই। উচ্চতম ন্যায়ালয় আৰু দেশৰ বিভিন্ন উচ্চ ন্যায়ালয়ৰ পূৰ্বৰ ৰায়দান অনুসৰি— ভোটাৰ…

গুৱাহাটীৰ প্ৰাগজ্যোতিষ নামঘৰত  প্ৰাক্তন মন্ত্ৰী  ৰমেন্দ্ৰ নাৰায়ণ কলিতাই বিগত কাৰ্যকালত তেওঁৰ বিধায়কৰ স্থানীয় এলেকা উন্নয়ন পুঁজিৰ পৰা আগবঢ়োৱা ৫ লাখ টকাৰ অনুদানেৰে নিৰ্মাণ কৰা নতুন সভাঘৰৰ শুভ উদ্ধোধন কৰা হয়।মাংগলিক কাৰ্যৰ মাজেৰে শতাধিক ৰাইজৰ উপস্থিতিত নতুন সভাঘৰটো উদ্ধোধন কৰে প্ৰাক্তন মন্ত্ৰী তথা পশ্চিম গুৱাহাটী বিধানসভা সমষ্টিৰ প্ৰাক্তন বিধায়ক ৰমেন্দ্ৰ নাৰায়ণ কলিতাই। এই উপলক্ষে অনুষ্ঠিত অনুষ্ঠানত  শ্ৰী শ্ৰী কুমৰপাৰা ৰাজহুৱা সত্ৰৰ সত্ৰাধিকাৰ সনাতন দাস বাপ , ডিব্ৰুগড় চিকিৎসা মহাবিদ্যালয়ৰ প্ৰাক্তন অধ্যক্ষ ডাঃ দেৱজিৎ হাজৰিকা,  যুৱ সমাজকৰ্মী তথা ভাৰতীয় জনতা পাৰ্টিৰ জ্যেষ্ঠ নেতা দেৱান ধ্ৰুৱজ্যোতি মৰলসহ  অঞ্চলটোৰ বহু গণ্যমান্য ব্যক্তি, ভকত-বৈষ্ণৱ আৰু শুভাকাংক্ষী উপস্থিত থাকে। অনুষ্ঠানত প্ৰাক্তন মন্ত্ৰী ৰমেন্দ্ৰ নাৰায়ণ কলিতাকে ধৰি…

অসম চৰকাৰৰ ভূমি সংৰক্ষণ বিভাগৰ অৱসৰপ্ৰাপ্ত বিষয়া তথা গুৱাহাটীৰ সাওকুছি অঞ্চলৰ  বিশিষ্ট সমাজকর্মী পবিন চন্দ্র গায়নৰ ৩ জুলাইত অসুখত ভুগি মৃত্যু হয়।  আনহাতে আজি তেওঁৰ  আদ্যশ্ৰাদ্ধ উপলক্ষে সাওকুছিৰ মিলিজুলি পথত থকা প্ৰয়াত পবিন চন্দ্ৰ গায়নৰ বাসগৃহত আহি উপস্থিত হয় কৃষ্ণগুৰু ধৰ্মৰ মহাপ্ৰভু হিচাপে পৰিচিত প্ৰেমানন্দ প্ৰভু। প্ৰেমানন্দ প্ৰভুৱে শোকসন্তপ্ত পৰিয়ালবৰ্গক সমবেদনা জ্ঞাপন কৰাৰ লগতে  পবিন চন্দ্ৰ গায়নৰ মৃত্যুত গভীৰ শোক প্রকাশ কৰে।  উল্লেখ্য যে কেন্দ্ৰীয় মন্ত্ৰী সৰ্বানন্দ সোণোৱালেও তেওঁৰ মৃত্যুত গভীৰ শোক প্ৰকাশ কৰি তেওঁৰ বিদেহ আত্মাৰ সদগতি কামনা কৰাৰ লগতে শোকসন্তপ্ত পৰিয়ালবৰ্গলৈ গভীৰ সমবেদনা জ্ঞাপন কৰিছে। উল্লেখ্য যে পবিন চন্দ্ৰ গায়নৰ বৰপুত্ৰ কুলদীপ গায়ন কেন্দ্ৰীয় মন্ত্ৰী সৰ্বানন্দ সোণোৱালৰ অতিৰিক্ত…

ভাৰতীয় মহিলা ক্ৰিকেট দলে ক্ৰিকেটৰ মক্কা স্বৰূপ লৰ্ডছত অনুষ্ঠিত প্ৰথমখন ঐতিহাসিক মহিলা টেষ্ট খেলত ঘৰুৱা দল ইংলেণ্ডক ২৭০ ৰানৰ বিশাল ব্যৱধানত পৰাস্ত কৰি এক নতুন ইতিহাস ৰচনা কৰিছে। ইংলেণ্ডৰ মাটিত এইখন ভাৰতীয় মহিলা দলৰ তৃতীয়টো টেষ্ট জয় আৰু সামগ্ৰিকভাৱে ইংলেণ্ডৰ বিৰুদ্ধে চতুৰ্থটো টেষ্ট জয়। খেলখনত জিকিবলৈ ৪৫৭ ৰানৰ এক কঠিন লক্ষ্য অনুসৰণ কৰি ইংলেণ্ডে খেলৰ চতুৰ্থ তথা অন্তিম দিনটোত ১৩০ ৰানত ৬ টা উইকেট হেৰুৱাই বেটিং আৰম্ভ কৰিছিল। কিন্তু ভাৰতীয় স্পীনাৰসকলৰ উৎকৃষ্ট প্ৰদৰ্শনৰ সন্মুখত ইংলেণ্ডৰ ইনিংছ বেছি সময় তিষ্ঠি থাকিব নোৱাৰিলে। ভাৰতৰ অফ-স্পীনাৰ স্নেহ ৰাণাই ছফী এক্লেষ্টনক আউট কৰি ভাৰতৰ এই ঐতিহাসিক জয় সুনিশ্চিত কৰে। খেলখনত দীপ্তি শৰ্মাইও দুটা গুৰুত্বপূৰ্ণ…

নিখিল ৰাভা মহিলা পৰিষদৰ ৩৩ সংখ্যক প্ৰতিষ্ঠা দিৱস অহা ৮ আগষ্টত গুৱাহাটীৰ পাৰ্শ্বৱৰ্তী ৰাণী প্ৰাথমিক বিদ্যালয় খেলপথাৰ প্ৰাংগনত অনুষ্ঠিত হ’ব। কামৰূপ জিলা ৰাভা মহিলা পৰিষদৰ উদ্যোগত আৰু ৰাণী আঞ্চলিক ৰাভা মহিলা পৰিষদ, ৰাণী আঞ্চলিক ৰাভা ছাত্ৰ সন্থা, ৰাণী আঞ্চলিক ষষ্ঠ অনুসূচী দাবী সমিতি আৰু অঞ্চলবাসী ৰাইজৰ সহযোগত উক্ত প্ৰতিষ্ঠা দিৱসৰ অনুষ্ঠানটি আয়োজন কৰা হৈছে। উক্ত প্ৰতিষ্ঠা দিৱসৰ ১০ জুলাইত  লাইখুঁটা স্থাপন কৰা হয়। এই উপলক্ষে  অনুষ্ঠিত মাংগলিক অনুষ্ঠানটিৰ আঁত ধৰে নিখিল ৰাভা মহিলা পৰিষদৰ সভানেত্ৰী ললিতা ৰাভাই। পুৱাৰ ভাগত ৰাভা জনগোষ্ঠী লোকসকলৰ পৰম্পৰা আৰু নীতি–নিয়ম অনুসৰি লাঙা দেৱতালৈ নৈবদ্য আগবঢ়োৱা হয়। পুজাৰীৰ মাংগলিক পৰ্ব সমাপ্ত হোৱাৰ পাছত আয়তীসকলৰ উৰুলি–ধ্বনিৰে প্ৰতিষ্ঠা…

গুৱাহাটীৰ জালুকবাৰী অঞ্চলৰ কৈলাসপুৰ শাখা লেখিকা সমাৰোহ সমিতিৰ জুলাই মাহৰ মাহিলী বৈঠকখন  কৈলাসপুৰ নামঘৰ প্ৰাংগণত অনুষ্ঠিত হয়। বৈঠকত ২০২৫ - ২০২৬ বৰ্ষৰ উচ্চ মাধ্যমিক আৰু উচ্চতৰ  মাধ্যমিকৰ চূড়ান্ত পৰীক্ষাত সুখ্যাতিৰে  উত্তীৰ্ণ হোৱা অঞ্চলটোৰ কৃতি শিক্ষাৰ্থীসকলক সম্বৰ্ধনা জনোৱা হয়।  চিৰ চেনেহী ভাষা জননী গীতেৰে শুভাৰম্ভ  হোৱা বৈঠকত  কৃতি  শিক্ষাৰ্থীসকলক  ফুলাম গামোচা ,  মানপত্ৰ ,  কিতাপৰ টোপোলা আৰু কলমেৰে সম্বৰ্ধনা জনোৱা হয় ৷ আনহাতে সমিতিৰ সম্পাদিকা  নিভা ৰাণী বৰাই আঁত ধৰা বৈঠকখন পৰিচালনা কৰে সমিতিৰ সভানেত্ৰী ৰীণা শৰ্মাই । বৈঠকত বিশিষ্ট অতিথি হিচাপে ভাগ লৈ শিক্ষাৰ্থীসকলক উদ্দেশ্যি অনুপ্ৰেৰণামূলক ভাষণ প্ৰদান কৰে পল্টন বজাৰ শাখা লেখিকা সমাৰোহ সমিতিৰ সম্পাদিকা ডঃ নৱনীতা বৰদলৈয়ে ।…

ইটালীৰ তাৰকা খেলুৱৈ জানিক চিনাৰে পুনৰবাৰ উইম্বলডন টেনিছ প্ৰতিযোগিতাৰ পুৰুষ একক শাখাৰ খিতাপ অৰ্জন কৰিছে। দেওবাৰে অনুষ্ঠিত হোৱা এখন ৰোমাঞ্চকৰ ফাইনেল খেলত চিনাৰে জাৰ্মানীৰ আলেকজেণ্ডাৰ জ্ৱেৰেভক পৰাস্ত কৰে।খেলখনৰ ফলাফল আছিল ৬-৭(৭), ৭-৬(২), ৬-৩, ৬-৪। এই জয়েৰে বিশ্বৰ নম্বৰ ৱান খেলুৱৈ জানিক চিনাৰে কেৰিয়াৰৰ দ্বিতীয়টো উইম্বলডন আৰু পঞ্চমটো গ্ৰেণ্ড শ্লেম খিতাপ দখল কৰে। চিনাৰে নিজৰ উইম্বলডন খিতাপ সফলতাৰে ৰক্ষা কৰিবলৈ সক্ষম হৈছে। প্ৰথম ছেটটোত হাৰিবলগীয়া হোৱা স্বত্ত্বেও, চিনাৰে দুৰ্দান্ত প্ৰদৰ্শন কৰি বাকী তিনিটা ছেটত জয়েৰে খেলখন নিজৰ নামত কৰে। এই বিজয়ৰ লগে লগে জ্ৱেৰেভৰ বিৰুদ্ধে চিনাৰে একেৰাহে ১০ খন খেলত জয়লাভ কৰাৰ অভিলেখ গঢ়িলে। ৰ’জাৰ ফেডাৰাৰ, নোভাক জ’কোভিচ আৰু কাৰ্লোচ আলকাৰাজৰ…

বিশ্বকাপ ২০২৬-ৰ কোৱাৰ্টাৰ ফাইনেলত বেলজিয়ামৰ বিৰুদ্ধে কোনো গ’ল কৰিব নোৱাৰা স্বত্বেও, স্পেইনৰ তৰুণ তাৰকা খেলুৱৈ লামিন ইয়ামাল খেলপথাৰত তেওঁৰ উৎকৃষ্ট প্ৰদৰ্শনৰ বাবে 'প্লেয়াৰ অফ দ্য মেচ' বিবেচিত হৈছে। আজি  অনুষ্ঠিত হোৱা কোৱাৰ্টাৰ ফাইনেল মেচখনত স্পেইনে বেলজিয়ামক ২-১ গ'লত পৰাস্ত কৰি ছেমিফাইনেলত প্ৰৱেশ কৰে। ১৮ বছৰীয়া বাৰ্চিলোনাৰ এই তাৰকাগৰাকীয়ে চলিত বিশ্বকাপত এতিয়ালৈকে মাত্ৰ এটা গ'ল (চৌদি আৰৱৰ বিৰুদ্ধে) হে কৰিবলৈ সক্ষম হৈছে। মেচৰ অন্তত সংবাদ মাধ্যমৰ সৈতে হোৱা বাৰ্তালাপত ইয়ামালে কয়-মই গ’ল কৰিব বিচাৰোঁ, কিন্তু মই কেৱল গ’ল কৰাৰ কথা ভাবি খেলপথাৰত নামি নপৰো। দলক জিকাত সহায় কৰাটোহে মোৰ আটাইতকৈ ডাঙৰ লক্ষ্য। যদি স্পেইনে বিশ্বকাপ জয় কৰে, তেন্তে মই কেইটা গ’ল…