Sonakshi Sarkar

কাজিৰঙা ৰাষ্ট্ৰীয় উদ্যানৰ বুঢ়াপাহাৰ বনাঞ্চলত এক বিৰল আৰু ৰোমাঞ্চকৰ মুহূৰ্তৰ সাক্ষী হৈ ৰ’ল এদল পৰ্যটক। ৰাষ্ট্ৰীয় উদ্যানখনত ছাফাৰী কৰি থকাৰ সময়তে পৰ্যটকসকলে পোনপ্ৰথমবাৰৰ বাবে প্ৰত্যক্ষ কৰে বিলুপ্তপ্ৰায় প্ৰজাতিৰ এটা ঘঁৰিয়াল। বুঢ়াপাহাৰ বনাঞ্চলৰ ডিফলু কেম্পৰ সমীপত পৰ্যটকৰ দলটোৱে এই দৃশ্য প্ৰত্যক্ষ কৰাৰ লগতে কেমেৰাতো আৱদ্ধ কৰিবলৈ সক্ষম হয়। ট্যুৰিষ্ট গাইড শিশুকান্ত নাথে পৰ্যটক দিগন্ত কুমাৰ শৰ্মাৰ সৈতে পুৱাৰ ভাগত ভ্ৰমণ কৰি থকাৰ সময়তে এই বিৰল দৃশ্যটো দেখা পায়। প্ৰথমে ডিফলু নদীৰ পাৰত হাতীয়ে পানী খাই থকা দেখি তেওঁলোকে গাড়ীখন ৰখাইছিল। তাৰ কিছু সময়ৰ পাছতেই নদীখনত এটা ঘঁৰিয়াল উপঙি থকা প্ৰত্যক্ষ কৰে পৰ্যটকসকলে। কাজিৰঙাত সাধাৰণতে এনেদৰে ঘঁৰিয়াল দেখা পোৱাটো অতি বিৰল ঘটনা…

পশ্চিমবংগত বিজেপি চৰকাৰৰ শপত গ্ৰহণ সমাৰোহক সমগ্ৰ পূব আৰু উত্তৰ-পূব ভাৰতৰ বাবে এক ঐতিহাসিক 'বিজয় দিৱস' হিচাপে অভিহিত কৰে অসমৰ মুখ্যমন্ত্ৰী হিমন্ত বিশ্ব শৰ্মাই। শনিবাৰে কলকাতাত অনুষ্ঠিত হ’বলগীয়া এই অনুষ্ঠানত অংশগ্ৰহণ কৰিবলৈ ৰাওনা হোৱাৰ পূৰ্বে সংবাদ মাধ্যমৰ আগত এই গুৰুত্বপূৰ্ণ মন্তব্য কৰে মুখ্যমন্ত্ৰীগৰাকীয়ে। বংগত বিজেপি চৰকাৰ গঠন হোৱাৰ লগে লগে সমগ্ৰ অঞ্চলটোত এক নতুন ৰাজনৈতিক সুস্থিৰতা আহিব বুলি তেওঁ আশা প্ৰকাশ কৰে। কলকাতাৰ এই শপত গ্ৰহণ অনুষ্ঠানত প্ৰধানমন্ত্ৰী নৰেন্দ্ৰ মোদীৰ লগতে কেন্দ্ৰীয় মন্ত্ৰীসকল আৰু দেশৰ ২১ খন ৰাজ্যৰ মুখ্যমন্ত্ৰী উপস্থিত থকাৰ সম্ভাৱনা আছে। পশ্চিমবংগত বিজেপিৰ শাসন আৰম্ভ হোৱাৰ লগে লগে ঝাৰখণ্ডৰ বাহিৰে সমগ্ৰ পূৰ্বাঞ্চল আৰু উত্তৰ-পূৰ্বাঞ্চল এতিয়া বিজেপি অথবা এন…

পশ্চিমবংগত এক ঐতিহাসিক ৰাজনৈতিক পৰিৱৰ্তনৰ সূচনা কৰি ৰাজ্যখনৰ বিজেপি বিধায়িনী দলৰ নেতা হিচাপে নিৰ্বাচিত হ’ল শুভেন্দু অধিকাৰী। শুকুৰবাৰে কলকাতাত অনুষ্ঠিত দলৰ এক গুৰুত্বপূৰ্ণ বৈঠকত এই সিদ্ধান্ত গ্ৰহণ কৰা হয়। এই নিৰ্বাচনৰ জৰিয়তে শুভেন্দু অধিকাৰীয়ে পশ্চিমবংগৰ প্ৰথমগৰাকী বিজেপি মুখ্যমন্ত্রী হোৱাৰ পথ প্ৰশস্ত কৰে। বিধায়িনী দলৰ বৈঠকৰ অন্তত শুভেন্দু অধিকাৰীৰ নাম বিধায়িনী দলৰ নেতা হিচাপে ঘোষণা কৰে কেন্দ্ৰীয় গৃহমন্ত্ৰী অমিত শ্বাহে। নতুনকৈ নিৰ্বাচিত বিধায়কসকলৰ উপস্থিতিত অধিকাৰীৰ নাম প্ৰস্তাৱ কৰা হৈছিল। পশ্চিমবংগ বিধানসভা নিৰ্বাচনত বিজেপিৰ অভূতপূৰ্ব বিজয়ৰ পাছতেই দলটোৱে এই নেতৃত্বৰ সিদ্ধান্ত গ্ৰহণ কৰে। এই বিজয়ে ৰাজ্যখনত আঞ্চলিক দলৰ কেইবা দশকজোৰা আধিপত্যৰ অৱসান ঘটায়। বিজেপিৰ নিৰ্বাচনী প্ৰচাৰ আৰু সাংগঠনিক কৌশল নিৰ্মাণত শুভেন্দু অধিকাৰীয়ে…

দেশৰ সামৰিক বাহিনীৰ সৰ্বোচ্চ পদবী তথা চিফ অফ ডিফেন্স ষ্টাফ হিচাপে লেফটেনেণ্ট জেনেৰেল এন এছ ৰাজা সুব্ৰমণিক নিযুক্তি প্ৰদান কৰিছে কেন্দ্ৰীয় চৰকাৰে। শনিবাৰে প্ৰতিৰক্ষা মন্ত্ৰালয়ে এই গুৰুত্বপূৰ্ণ নিযুক্তিৰ কথা ঘোষণা কৰে। নতুন দায়িত্ব লাভ কৰা সুব্ৰমণিয়ে সামৰিক পৰিক্ৰমা বিভাগৰ সচিব হিচাপেও কাৰ্যনিৰ্বাহ কৰিব। প্ৰতিৰক্ষা খণ্ডৰ এই গুৰুত্বপূৰ্ণ পৰিৱৰ্তনৰ মাজতে ভাৰতীয় নৌসেনাৰ পৰৱৰ্তী মুৰব্বী হিচাপে নিযুক্তি লাভ কৰে ভাইচ এডমিৰেল কৃষ্ণ স্বামীনাথনে। বৰ্তমান নৌসেনাৰ পশ্চিমীয়া কমাণ্ডৰ মুৰব্বী হিচাপে দায়িত্ব পালন কৰি থকা স্বামীনাথনে ইয়াৰ পূৰ্বে নৌসেনাৰ উপ-মুৰব্বী হিচাপেও সেৱা আগবঢ়াইছিল। প্ৰতিৰক্ষা বাহিনীৰ তিনিটা শাখাৰ মাজত সমন্বয় অধিক শক্তিশালী কৰাৰ লক্ষ্যৰে এই নিযুক্তি প্ৰক্ৰিয়া সম্পন্ন কৰিছে চৰকাৰে। নতুন চি ডি এছগৰাকীৰ ওপৰত…

তামিলনাডুৰ সৰ্বাধিক আসন লাভ কৰা টিভিকে চৰকাৰ গঠনৰ বাবে কঠিন সমস্যাৰ সন্মুখীন হৈছে। ৰাজ্যপাল ৰাজেন্দ্ৰ বিশ্বনাথ আৰ্লেকাৰৰ সৈতে সাক্ষাৎ কৰিবলৈ বৃহস্পতিবাৰে একেৰাহে দ্বিতীয় দিনৰ বাবে লোকভৱনত উপস্থিত হয় পাৰ্টিৰ মুৰব্বী তথা অভিনেতা বিজয় বিজয়। প্ৰায় এঘণ্টামান পিছত তেওঁ উভতি আহে। সূত্ৰসমূহে এতিয়া প্ৰকাশ কৰিছে যে ৰাজ্যপালৰ ওচৰত ১১৮জন বিধায়কৰ সমৰ্থন প্ৰদৰ্শন কৰিলেহে বিজয়ে মুখ্যমন্ত্ৰীৰ শপত গ্ৰহণ কৰিব পাৰিব। ৰাজ্যপালগৰাকীয়ে ৰাজ্যত সুস্থিৰ চৰকাৰ বিচাৰে বুলি কৈছে। গতিকে চৰকাৰ গঠনৰ দাবী কৰাৰ আগতে ১১৮ জন বিধায়ক থকাটো প্ৰয়োজনীয়। বুধবাৰে বিজয়ে ১১৩ গৰাকী বিধায়কৰ সমৰ্থন পত্ৰ ৰাজ্যপাল আৰ্লেকাৰক দাখিল কৰে। ৰাজ্যপালগৰাকীয়ে ১১৮ গৰাকী বিধায়কৰ পৰা সমৰ্থন পত্ৰ দাবী কৰিছিল। বিজয়ে সংখ্যাগৰিষ্ঠতা প্ৰমাণ কৰিবলৈ…

অহা ১২ মে’ত অনুষ্ঠিত হ’ব অসমৰ নতুন চৰকাৰৰ শপত গ্ৰহণ অনুষ্ঠান। বুধবাৰে নিশা এই কথা সদৰি কৰে অসম চৰকাৰৰ মুখ্য সচিব ৰবি কোটাই। গুৱাহাটীৰ খানাপাৰাস্থিত পশু চিকিৎসা মহাবিদ্যালয়ৰ খেলপথাৰত আয়োজন কৰিবলগীয়া এই ভব্য অনুষ্ঠানত মুখ্য অতিথি হিচাপে অংশগ্ৰহণ কৰিব প্ৰধানমন্ত্ৰী নৰেন্দ্ৰ মোদীয়ে। তেওঁৰ লগতে কেন্দ্ৰীয় মন্ত্ৰী আৰু বিজেপি শাসিত ৰাজ্যৰ কেইবাজনো মুখ্যমন্ত্ৰী এই সমাৰোহত উপস্থিত থাকিব বুলি মুখ্য সচিবগৰাকীয়ে জানিবলৈ দিয়ে। শপত গ্ৰহণ সমাৰোহৰ নিৰাপত্তা আৰু পৰিচালনাৰ দিশটো সুনিশ্চিত কৰিবলৈ মুখ্য সচিবগৰাকীয়ে আজি আৰক্ষী সঞ্চালক প্ৰধানৰ সৈতে এক গুৰুত্বপূৰ্ণ বৈঠকত মিলিত হয়। প্ৰধানমন্ত্ৰীৰ ভ্ৰমণৰ প্ৰতি লক্ষ্য ৰাখি যান-বাহন নিয়ন্ত্ৰণ, ভি ভি আই পি প্ৰট’কল আৰু বিভিন্ন চৰকাৰী বিভাগৰ মাজত সমন্বয়…

তামিলনাডুৰ ৰাজনৈতিক যুঁজত আঠমহীয়া অন্তঃসত্ত্বা অৱস্থাতে বিজয় সাৱ্যস্ত কৰি এতিয়া চৰ্চাৰ কেন্দ্ৰবিন্দু হৈ পৰিছে এম আৰ পল্লৱী। অভিনেতা বিজয়ৰ নেতৃত্বাধীন টিভিকে দলৰ পৰা প্ৰতিদ্বন্দ্বিতা কৰি থিৰু ভি কা নগৰ সমষ্টিত এইগৰাকী মহিলাই এক অভূতপূৰ্ব জয় সাব্যস্ত কৰে। নিৰ্বাচনী ফলাফল অনুসৰি পল্লৱীয়ে ডি এম কেৰ শক্তিশালী প্ৰাৰ্থী কে এছ ৰবিচন্দ্ৰনক ২২,৩৩৩ টা ভোটৰ বৃহৎ ব্যৱধানত পৰাজিত কৰি বিধানসভালৈ নিৰ্বাচিত হয়। প্ৰচণ্ড শাৰীৰিক প্ৰত্যাহ্বান নেওচি পল্লৱীয়ে সমষ্টিটোৰ প্ৰতিটো ঘৰে ঘৰে গৈ চলোৱা নিৰ্বাচনী প্ৰচাৰে সকলোৰে দৃষ্টি আকৰ্ষণ কৰিছিল। আঠমহীয়া অন্তঃসত্ত্বা অৱস্থাতে প্ৰচাৰ চলাই থকাৰ সময়ত তেওঁ এবাৰ সংজ্ঞাহীন হৈ পৰিছিল। কিন্তু তাৰ পাছতো বিৰতি নোলোৱাকৈ জনসম্পৰ্ক অব্যাহত ৰাখিছিল পল্লৱীয়ে। বৰ্তমান চিকিৎসকে পল্লৱীক…

পশ্চিমবংগত বিজেপিৰ বিজয়ৰ পাছতেই অহা শুকুৰবাৰে মুক্তি লাভ কৰিব বিবেক অগ্নিহোত্ৰীৰ বহু চৰ্চিত বোলছবি ‘দ্য বেংগল ফাইলছ’। যোৱা বৰ্ষৰ ছেপ্টেম্বৰ মাহত ছবিখন দেশজুৰি মুক্তি পাইছিল যদিও ৰাজ্যখনত ই তীব্ৰ ৰাজনৈতিক বাধাৰ সন্মুখীন হৈছিল। ৰাজ্যখনৰ শেহতীয়া শাসনকালৰ পৰিৱৰ্তনৰ পাছতে পৰিচালকগৰাকীয়ে এতিয়া পশ্চিমবংগৰ ছবিগৃহত এই ছবিখন প্ৰদৰ্শিত হোৱাৰ কথা ঘোষণা কৰিছে। সামাজিক মাধ্যমযোগে বিবেক অগ্নিহোত্ৰীয়ে ছবিখনৰ মুক্তিৰ বাধা সন্দৰ্ভত মমতা বেনাৰ্জীৰ চৰকাৰক কঠোৰ সমালোচনা কৰে। তেওঁ অভিযোগ কৰে যে ছবিখনৰ ট্ৰেইলাৰ মুকলি কৰাৰ পৰা আৰম্ভ কৰি বিতৰণলৈকে প্ৰতিটো পৰ্যায়ত তেওঁক বাধা হৈছিল আৰু তেওঁ আনকি শাৰীৰিক আক্ৰমণৰো সন্মুখীন হ’বলগীয়া হৈছিল। অগ্নিহোত্ৰীয়ে কয়, "মোৰ বিৰুদ্ধে ডজনৰো অধিক এজাহাৰ দাখিল কৰি মোক বেংগলত বাতিল…

অসমত শেহতীয়া নিৰ্বাচনী বিপৰ্যয়ৰ পাছত এতিয়া দলীয় সংগঠনক পুনৰ সজীৱ কৰাৰ বাবে কঁকালত টঙালি বান্ধিছে কংগ্ৰেছ দলে। দলটোৰ জ্যেষ্ঠ নেতা তথা সাংসদ গৌৰৱ গগৈয়ে আজি ৰাজ্যত কংগ্ৰেছৰ এক ডাঙৰ সাংগঠনিক পৰিৱৰ্তনৰ কথা ঘোষণা কৰে। ৰাজ্যত বিজেপিৰ ক্ৰমবৰ্ধমান আধিপত্যৰ মাজতে গৌৰৱ গগৈয়ে শাসকীয় দলটোৱে অসমক নিজৰ ৰাজনৈতিক স্বাৰ্থৰ বাবে ব্যৱহাৰ কৰাৰ গুৰুতৰ অভিযোগ উত্থাপন কৰে। বিজেপিক লক্ষ্য কৰি সাংসদগৰাকীয়ে কয় যে শাসকীয় দলটোৱে অসমক সমগ্ৰ দেশৰ বাবে এক ৰাজনৈতিক কৌশল পৰীক্ষা কৰা ‘পৰীক্ষাগাৰ’ হিচাপে ব্যৱহাৰ কৰিব বিচাৰে। তেওঁৰ মতে বিজেপিৰ লক্ষ্য হৈছে ‘এখন দেশ, এটা দল আৰু এক জনতা’ৰ নীতি প্ৰতিষ্ঠা কৰা। গৌৰৱ গগৈয়ে লগতে অভিযোগ কৰে যে আইনৰ অপব্যৱহাৰ আৰু…

পশ্চিমবংগত বিধানসভা নিৰ্বাচনৰ ফলাফল ঘোষণাৰ পাছতেই পুনৰ আৰম্ভ হৈছে ভয়ংকৰ ৰাজনৈতিক হিংসা। উত্তৰ ২৪ পৰগণা জিলাত যোৱা নিশা বিজেপিৰ জ্যেষ্ঠ নেতা শুভেন্দু অধিকাৰীৰ অতি ঘনিষ্ঠ সহযোগী চন্দ্ৰনাথ ৰথক অচিনাক্ত দুৰ্বৃত্তই গুলীয়াই হত্যা কৰে। নিৰ্বাচনী ফলাফলক কেন্দ্ৰ কৰি বিজেপি আৰু তৃণমূল কংগ্ৰেছৰ মাজত চলি থকা সংঘাতৰ চৰম পৰিণতি হিচাপে গেৰুৱা দলে এই ঘটনাক এক পৰিকল্পিত ৰাজনৈতিক হত্যাকাণ্ড বুলি অভিহিত কৰিছে। আৰক্ষীৰ প্ৰাথমিক অনুসন্ধান অনুসৰি কালি নিশা প্ৰায় ১০:৩০ বজাত ঘৰলৈ উভতি অহাৰ সময়তে মধ্যমগ্ৰামৰ দহৰিয়াত চন্দ্ৰনাথ ৰথৰ ওপৰত এই আক্ৰমণ চলে। মটৰ চাইকেলত অহা এটা দুৰ্বৃত্তৰ দলে তেওঁৰ বাহনখন আগভেটি ধৰি অতি ওচৰৰ পৰা গুলীচালনা কৰি পলায়ন কৰে। এই ঘটনাত গুৰুতৰভাৱে…