Sonakshi Sarkar

কেন্দ্রীয় চৰকাৰে বন্দে মাতৰামক ৰাষ্ট্ৰীয় সংগীত "জন গণ মন"ৰ দৰে মৰ্যাদা প্ৰদান কৰাৰ সিদ্ধান্ত লৈছে। এই সিদ্ধান্ত পশ্চিম বংগ বিধানসভাৰ নিৰ্বাচনত বিজেপিৰ জয়ৰ পিছত প্ৰধানমন্ত্ৰী নৰেন্দ্ৰ মোডীৰ অধ্যক্ষতাত অনুষ্ঠিত প্ৰথমখন কেবিনেট বৈঠকত লোৱা হয়। সভাত ৰাষ্ট্ৰীয় সন্মানৰ অপমান প্ৰতিৰোধ আইন সংশোধনৰ প্ৰস্তাৱত অনুমোদন জনোৱা হয়।কেবিনেটৰ সিদ্ধান্ত অনুসৰি বংকিম চন্দ্ৰ চেটাৰ্জীৰ ৰচনা কৰা বন্দে মাতৰমৰ ক্ষেত্ৰতো বৰ্তমান ৰাষ্ট্ৰীয় সংগীতৰ ক্ষেত্ৰত প্ৰযোজ্য হোৱা একে নিয়ম আৰু নিষেধাজ্ঞা প্ৰযোজ্য হ’ব। অৰ্থাৎ ইয়াৰ গায়ন-বায়নত অপমান বা বাধা দিলে শাস্তি হ’ব। বৰ্তমান ৰাষ্ট্ৰীয় পতাকা, সংবিধান, জাতীয় সংগীতক অপমান কৰিলে কাৰাদণ্ড, জৰিমনা, ​​বা দুয়োটাৰে শাস্তি, এতিয়া বন্দে মাতৰমকো এই তালিকাত অন্তৰ্ভুক্ত কৰা হ’ব। বন্দে মাতৰমৰ ১৫০…

প্ৰৱৰ্তন সঞ্চালকালয় (ই ডি) এ ২০২৫-২৬ বৰ্ষত ইতিহাসত সৰ্বাধিক অভিযান চলায়। কেন্দ্ৰীয় সংস্থাটোৱে মুঠ ২৮৯২টা অভিযান চলাইছিল, যিটো পূৰ্বৰ বছৰত চলোৱা ১৪৯১টা অভিযানৰ প্ৰায় দুগুণ। ইডিৰ বাৰ্ষিক প্ৰতিবেদন ২০২৫-২৬ অনুসৰি ধন সৰবৰাহৰ অভিযোগত গ্ৰেপ্তাৰ হোৱা লোকৰ সংখ্যা হ্ৰাস পাইছে। একে সময়তে সম্পত্তিৰ সংলগ্নতা আৰু ভুক্তভোগীক ঘূৰাই দিয়াৰ ক্ষেত্ৰত অভিলেখ বৃদ্ধি পোৱা গৈছে। ইডিয়ে ৭১২টা অস্থায়ী এটেচমেণ্ট অৰ্ডাৰ জাৰি কৰি ৮১,৪২২ কোটি টকাৰ সম্পত্তি জব্দ কৰে। পূৰ্বৰ বছৰৰ ৩০,০৩৬ কোটি টকাৰ তুলনাত ১৭১% বৃদ্ধি। এই সংলগ্নতাসমূহ পিএমএলএৰ বিচাৰ কৰ্তৃপক্ষৰ পৰা নিশ্চিত হোৱাৰ পিছত স্থায়ী হৈ পৰে। ইডিৰ গ্ৰেপ্তাৰৰ সংখ্যা প্ৰায় ২৭% হ্ৰাস পাইছে। যোৱা বছৰ ২১৪ জন আৰু পূৰ্বৰ বছৰত ২৭২…

১৯৯৪ চনত ছাত্ৰ সন্থাৰ মজিয়াৰ পৰা গৈ প্ৰয়াত মুখ্যমন্ত্ৰী হিতেশ্বৰ শইকীয়াৰ আহ্বানত কংগ্ৰেছ দলত যোগদানেৰে সক্ৰিয় ৰাজনীতিত প্ৰবেশ কৰিছিল বৰ্তমানৰ মুখ্যমন্ত্ৰী ডঃ হিমন্ত বিশ্ব শৰ্মাই। তাৰ পাছত ১৯৯৬ চনত প্ৰথমবাৰৰ বাবে জালুকবাৰী বিধানসভা সমষ্টিত কংগ্ৰেছ দলৰ টিকটত প্ৰতিদ্বন্দিতা আগবঢ়াইছিল ডঃ হিমন্ত বিশ্ব শৰ্মাই। কিন্তু সেইবাৰ অগপ দলৰ নেতা, প্ৰাক্তন গৃহ মন্ত্ৰী ভৃগু কুমাৰ ফুকনৰ হাতত শোচনীয় ভাবে পৰাজিত হৈছিল ডঃ শৰ্মাই। অৱশ্যে তাৰ পাছত হাৰ নামানি  পুনৰ ২০০১ চনত দ্বিতীয়বাৰৰ জালুকবাৰীত কংগ্ৰেছ দলৰ পৰা প্ৰাৰ্থিত্ব লাভ কৰি তেতিয়াৰ পৰা নেতা, প্রাক্তন গৃহমন্ত্রী ভূগু কুমাৰ ফুকনক প্রায় ১২ হাজাৰ ভোটৰ ব্যবধানত পৰাজিত কৰি প্ৰথমবাৰৰ বাবে বিধায়ক হিচাপে নির্বাচিত হৈছিল মুখ্যমন্ত্রী ডঃ…

আখৰে আখৰে ফলিয়ালে মুখ্যমন্ত্ৰী হিমন্ত বিশ্ব শৰ্মাৰ ভৱিষ্যদ্বাণী। ৯ এপ্ৰিলত সম্পন্ন হোৱা ভোটগ্ৰহণৰ সময়ত কাগজত লিখি থোৱা ফলাফলেই অৱশেষত সত্য প্ৰমাণিত হ’ল ৪ মে'ৰ ফলাফলত। অসম বিধানসভা নিৰ্বাচনৰ ফলাফল ঘোষণাৰ পাছত এই কথা সামাজিক মাধ্যমযোগে সদৰী কৰে মুখ্যমন্ত্ৰী হিমন্ত বিশ্ব শৰ্মাই। যোৱা ৯ এপ্ৰিলত ভোটগ্ৰহণ শেষ হোৱাৰ লগে লগে প্ৰতিবাৰৰ দৰে এইবাৰো মুখ্যমন্ত্ৰী ড০ হিমন্ত বিশ্ব শৰ্মাই নিজৰ এক অনুমান এখন সৰু ডায়েৰীত লিখি থৈছিল। সামাজিক মাধ্যমত তেওঁ শ্বেয়াৰ কৰা ফটোখনত ‘Best-101’, ‘Better-90+’ আৰু ‘Worst-88+’ বুলি স্পষ্টকৈ উল্লেখ আছিল। সোমবাৰে ঘোষিত নিৰ্বাচনী ফলাফলত বিজেপি নেতৃত্বাধীন এন ডি এ মিত্ৰজোঁটে ১০২ খন আসন লাভ কৰি মুখ্যমন্ত্ৰীৰ শ্ৰেষ্ঠত্ব অৰ্থাৎ ১০১ খন আসনৰ…

মৰিয়নী বিধানসভা সমষ্টিত ধাৰাবাহিক বিজয়ৰ ধাৰা অব্যাহত ৰাখি বিজেপিৰ প্ৰাৰ্থী ৰূপজ্যোতি কুৰ্মীয়ে ২০২৯ চনৰ নিৰ্বাচনৰ বাবে বিৰোধীলৈ এক তীব্ৰ প্ৰত্যাহ্বান জনায়। সোমবাৰে নিৰ্বাচনী ফলাফল ঘোষণাৰ পাছত নিজৰ বিজয় নিশ্চিত কৰি উৎসাহিত হৈ পৰা কুৰ্মীয়ে মৰিয়নীৰ ৰাজনীতিত তেওঁৰ একছত্ৰী আধিপত্যৰ কথা দোহাৰে। মৰিয়নীৰ ভোটাৰে তেওঁৰ ওপৰত দেখুওৱা আস্থাৰ পাছত তেওঁ এতিয়াৰ পৰাই পৰৱৰ্তী নিৰ্বাচনৰ যুঁজখনৰ বাবে মানসিকভাৱে সাজু হোৱাৰ ইংগিত দিয়ে। বিজয় সাব্যস্ত কৰাৰ পাছত সাংবাদিকৰ মুখামুখি হৈ ৰূপজ্যোতি কুৰ্মীয়ে কয়, "সাহস আছে যদি ২০২৯ চনত মোক মৰিয়নীত হৰুৱাই দেখুৱাওক। মই নিৰ্বাচন নেখেলিলেও মোৰ পত্নীয়ে নিৰ্বাচন খেলিলেও জিকিব। কাৰণ মৰিয়নীৰ ৰাইজে মোক ভাল পায় আৰু মই ৰাইজৰ কাম কৰোঁ।" তেওঁ লগতে…

অসম বিধানসভা নিৰ্বাচনত গেৰুৱা বাহিনীৰ বিশাল বিজয়ৰ পাছতে বেদখলকাৰীৰ বিৰুদ্ধে পুনৰ সৰৱ হৈ পৰিছে মুখ্যমন্ত্ৰী ড০ হিমন্ত বিশ্ব শৰ্মা। নিৰ্বাচনী ফলাফল ঘোষণাৰ পাছত গুৱাহাটীস্থিত দলীয় কাৰ্যালয়ত সংবাদ মাধ্যমক সম্বোধন কৰি মুখ্যমন্ত্ৰীগৰাকীয়ে অনাগত দিনত চৰকাৰী আৰু বনভূমিৰ বেদখল মুক্ত কৰাৰ বাবে উচ্ছেদ অভিযান অব্যাহত ৰখাৰ হুংকাৰ দিয়ে। এই ঐতিহাসিক বিজয়ে তেওঁৰ চৰকাৰৰ উচ্ছেদ নীতিৰ প্ৰতি ৰাইজৰ সমৰ্থন থকাটোকে প্ৰমাণ কৰিছে বুলিও তেওঁ উল্লেখ কৰে। মুখ্যমন্ত্ৰীগৰাকীয়ে কয় যে তেওঁৰ প্ৰথম কাৰ্যকালত চৰকাৰে ১.৫ লাখ বিঘা চৰকাৰী আৰু বনভূমি উদ্ধাৰ কৰিছিল। অনাগত দ্বিতীয় কাৰ্যকালত বাকী থকা প্ৰায় ৫ লাখ বিঘা ভূমি বেদখলকাৰীৰ হাতৰ পৰা মুক্ত কৰাৰ লক্ষ্য নিৰ্ধাৰণ কৰিছে তেওঁৰ চৰকাৰে। "অসমত এতিয়াও…

পবিতৰা অভয়াৰণ্যত আজিৰে পৰা বন্ধ হ’ব হাতী ছাফাৰী। ২০২৫-২৬ পৰ্যটন বৰ্ষৰ বাবে আজিৰে পৰা অৰ্থাৎ ৫ মে'ৰ পৰা কাৰ্যকৰী হোৱাকৈ হাতী ছাফাৰী সাময়িকভাৱে বন্ধ ৰখাৰ সিদ্ধান্ত গ্ৰহণ কৰিছে বন বিভাগে। বৰ্তমানৰ প্ৰতিকূল বতৰৰ প্ৰতি লক্ষ্য ৰাখিয়েই এই বিশেষ ব্যৱস্থা গ্ৰহণ কৰা হৈছে। গুৱাহাটী বন্যপ্ৰাণী সংমণ্ডলৰ খণ্ড বন বিষয়াই এক চৰকাৰী জাননীৰ জৰিয়তে এই নিৰ্দেশনা জাৰি কৰে। প্ৰকৃতিপ্ৰেমী আৰু পৰ্যটকৰ সুৰক্ষা তথা বন্যপ্ৰাণীৰ সুবিধাৰ বাবে বিভাগে এই পদক্ষেপ গ্ৰহণ কৰিছে। উল্লেখ্য যে বৰষুণৰ ফলত অভয়াৰণ্যৰ ভিতৰৰ পথসমূহ দুৰ্গম হৈ পৰাৰ সম্ভাৱনা থকা বাবে আগতীয়াকৈ এই নিৰ্দেশ জাৰি কৰা হৈছে। পৰৱৰ্তী নিৰ্দেশ নিদিয়া পৰ্যন্ত অভয়াৰণ্যখনত হাতী ছাফাৰী সেৱা বন্ধ থাকিব। গুৱাহাটী বন্যপ্ৰাণী…

পুনৰ গেৰুৱা হ’ল অসম। এইবাৰ পূৰ্বতকৈও অধিক শক্তিশালীভাৱে নিজৰ আধিপত্য প্ৰদৰ্শন কৰি বিশাল বিজয় সাব্যস্ত কৰিবলৈ সক্ষম হ'ল বিজেপি মিত্ৰজোঁট। সোমবাৰে ঘোষিত হোৱা অসম বিধানসভা নিৰ্বাচনত শাসকপক্ষৰ বহু হেভিৱেট প্ৰাৰ্থীৰ বিশাল বিজয়ৰ বিপৰীতে ৰণত পৰিবলগীয়া হয় কংগ্ৰেছৰ প্ৰদেশ সভাপতি গৌৰৱ গগৈ আৰু লুৰীণজ্যোতি গগৈৰ দৰে হেভিৱেট বিৰোধী প্ৰাৰ্থীয়ে। ৰাজ্যৰ ১২৬ টা সমষ্টিৰ ভোট গণনাৰ অন্তত এন ডি এ মিত্ৰজোঁটে দিছপুৰত ধাৰাবাহিকভাৱে তৃতীয়বাৰৰ বাবে চৰকাৰ গঠনৰ পথ প্ৰশস্ত কৰে। মুখ্যমন্ত্ৰী ড৹ হিমন্ত বিশ্ব শৰ্মাই জালুকবাৰী সমষ্টিত ৮৯,৪৩৪ টা ভোটৰ ব্যৱধানত জয়লাভ কৰি ষষ্ঠবাৰৰ বাবে বিধানসভালৈ নিৰ্বাচিত হয়। তেওঁ ১,২৭,১৫১ টা ভোট লাভ কৰি কংগ্ৰেছৰ বিদিশা নেওগক পৰাস্ত কৰে। নিৰ্বাচনৰ ঠিক পূৰ্বে…

সদ্যঘোষিত অসম বিধানসভা নিৰ্বাচনত পুনৰ সীমিত হৈ থকা পৰিলক্ষিত হ’ল আঞ্চলিক দলৰ ফলাফল। বিজেপি নেতৃত্বাধীন মিত্ৰজোঁটৰ সহযোগী দল অসম গণ পৰিষদ আৰু বিপিএফে নিজৰ প্ৰভাৱ অক্ষুণ্ণ ৰখাৰ বিপৰীতে ৰাইজৰ দলে নিজৰ শক্তি সামান্য বৃদ্ধি কৰিবলৈ সক্ষম হয়। আনহাতে, অসম জাতীয় পৰিষদে এইবাৰো নিৰ্বাচনী যুঁজত বিশেষ কোনো সফলতা লাভ নকৰিলে। উল্লেখ্য যে, ফলাফল অনুসৰি, এন ডি এৰ অংশীদাৰ হিচাপে ২৬ খন আসনত প্ৰতিদ্বন্দ্বিতা কৰা অগপই এইবাৰ ১০ খন আসনত বিজয় সাব্যস্ত কৰে। দলৰ সভাপতি অতুল বৰাই বোকাখাতৰ পৰা নিজৰ জয় অক্ষুণ্ণ ৰখাৰ লগতে কেশৱ মহন্ত, পৃথ্বীৰাজ ৰাভা আৰু বিকাশ শইকীয়াই ক্ৰমান্বয়ে কলিয়াবৰ, তেজপুৰ আৰু টীয়কৰ পৰা জয়লাভ কৰে। লক্ষণীয় যে ধৰ্মীয়…

বিগত এপ্ৰিল মাহত দেশত ১৬ শতাংশলৈ হ্ৰাস পাইছে ৰন্ধন গেছৰ ব্যৱহাৰ। পশ্চিম এছিয়াৰ যুদ্ধসদৃশ পৰিৱেশৰ বাবে যোগান ব্যৱাহত হোৱাৰ ফলতে ঘৰুৱা আৰু বাণিজ্যিক- দুয়োটা খণ্ডতে ইয়াৰ প্ৰভাৱ পৰিছে। পেট্ৰ’লিয়াম মন্ত্ৰালয়ৰ শেহতীয়া চৰকাৰী তথ্যই দেশৰ ইন্ধন খণ্ডৰ এই সংকটৰ ছবিখন স্পষ্ট কৰিছে। প্ৰাপ্ত তথ্য অনুসৰি এপ্ৰিল মাহত এল পি জিৰ ব্যৱহাৰ আছিল ২.২ নিযুত টন। যোৱা বছৰৰ একে সময়ছোৱাত ২.৬২ নিযুত টন গেছ ব্যৱহাৰ হোৱাৰ বিপৰীতে এইবাৰ ব্যৱহাৰৰ হাৰ ১৬.১৬ শতাংশ নিম্নগামী হৈছে। আমেৰিকা আৰু ইজৰাইলৰ আক্ৰমণৰ পাছত গুৰুত্বপূৰ্ণ হৰমুজ প্ৰণালী বন্ধ হৈ পৰাৰ বাবে বিদেশৰ পৰা অহা যোগান ব্যৱস্থা বৰ্তমান স্তব্ধ হৈ পৰিছে। উল্লেখ্য যে ভাৰতে নিজৰ প্ৰয়োজনীয় এল পি…