Paromita

অসম বিধানসভাৰ চলিত বিশেষ অধিৱেশনত বহু চৰ্চিত অভিন্ন দেৱানী বিধি চমুকৈ ইউচিচি বিধেয়ক উত্থাপন কৰাৰ পিছতেই ৰাজ্যৰ ৰাজনৈতিক মহলত সৃষ্টি হৈছে তীব্ৰ প্ৰতিক্ৰিয়াৰ। সোমবাৰে সংসদীয় পৰিক্ৰমা মন্ত্ৰী অতুল বৰাই মুখ্যমন্ত্ৰী ড° হিমন্ত বিশ্ব শৰ্মাৰ হৈ ‘অসম অভিন্ন দেৱানী বিধি বিধেয়ক, ২০২৬’ সদনৰ মজিয়াত দাখিল কৰাৰ পিছৰে পৰা শাসক আৰু বিৰোধী পক্ষৰ মাজত এক উত্তপ্ত বিতৰ্কৰ সূচনা হয়। বহুবিবাহ নিষিদ্ধকৰণ, বিবাহৰ নূন্যতম বয়স স্থিৰ কৰা, লিভ-ইন সম্পৰ্ক নিয়ন্ত্ৰণ আৰু মহিলাক সম্পত্তিৰ সমান অধিকাৰ প্ৰদানৰ লক্ষ্যৰে অনা এই বিধেয়কখনৰ পৰা ৰাজ্যৰ পাহাৰীয়া আৰু ভৈয়ামৰ সকলো থলুৱা জনজাতীয় লোককে আওতাৰ বাহিৰত ৰখা হৈছে। চৰকাৰৰ এই পদক্ষেপক তীব্ৰ সমালোচনা কৰি প্ৰদেশ কংগ্ৰেছৰ কাৰ্যকৰী সভাপতি…

লোকসভাৰ বিৰোধী দলপতি ৰাহুল গান্ধীয়ে প্ৰধানমন্ত্ৰী নৰেন্দ্ৰ মোদীৰ বিৰুদ্ধে কৰা শেহতীয়া মন্তব্যক লৈ এতিয়া সৃষ্টি হৈছে তীব্ৰ ৰাজনৈতিক প্ৰতিক্ৰিয়াৰ। এই প্ৰসংগত শুকুৰবাৰে গুৱাহাটীত সংবাদ মাধ্যমৰ সন্মুখত কংগ্ৰেছ নেতাজনক কঠোৰ ভাষাৰে সমালোচনা কৰে বিজেপি নেতা তথা বিহপুৰীয়াৰ বিধায়ক ভূপেন কুমাৰ বৰাই। দেশৰ জনসাধাৰণৰ আস্থা অৰ্জন কৰাত ৰাহুল গান্ধী সম্পূৰ্ণৰূপে ব্যৰ্থ হোৱা বুলি তেওঁ দাবী কৰে। সংবাদমেলত বিজেপি বিধায়কগৰাকীয়ে কয়, "ৰাহুল গান্ধীয়ে দেশৰ প্ৰধানমন্ত্ৰী হ’বলৈ আশা কৰিছিল। কিন্তু দেশৰ জনসাধাৰণে তেওঁক গ্ৰহণ নকৰাৰ বাবেই তেওঁ আজি প্ৰধানমন্ত্ৰী হ’ব পৰা নাই।" কেৱল ৰাইজৰ সঁহাৰি আৰু সৰ্বাত্মক সমৰ্থনৰ বাবেই নৰেন্দ্ৰ মোদীয়ে ধাৰাবাহিকভাৱে তিনিবাৰকৈ দেশৰ প্ৰধানমন্ত্ৰী পদ অলংকৃত কৰিবলৈ সক্ষম হৈছে বুলি তেওঁ মত প্ৰকাশ…

২০২০ চনৰ দিল্লীৰ সাম্প্ৰদায়িক সংঘৰ্ষ গোচৰত অভিযুক্ত উমৰ খালিদ আৰু ছাৰ্জিল ইমামৰ জামিন আবেদন শুকুৰবাৰে এক বৃহৎ বিচাৰপীঠলৈ প্ৰেৰণ কৰে উচ্চতম ন্যায়ালয়ে। সন্ত্ৰাসবাদ বিৰোধী আইন ‘ইউএপিএ’ৰ অধীনত গ্ৰেপ্তাৰ হোৱা জে এন ইউৰ প্ৰাক্তন ছাত্ৰ নেতা দুজনৰ জামিন প্ৰক্ৰিয়াক লৈ সৃষ্টি হোৱা আইনী জটিলতাৰ পৰিপ্ৰেক্ষিততে শীর্ষ আদালতে এই গুৰুত্বপূৰ্ণ সিদ্ধান্ত গ্ৰহণ কৰে। একে সময়তে, যোৱা ৫ জানুৱাৰীত এই দুজন অভিযুক্তৰ জামিন নাকচ কৰা পূৰ্বৰ ৰায়টোক লৈ শেহতীয়াকৈ আন এখন বিচাৰপীঠে কৰা তীক্ষ্ণ মন্তব্যৰ ওপৰত কোনো ধৰণৰ প্ৰতিক্ৰিয়া প্ৰকাশ কৰাৰ পৰা বিৰত থাকে ন্যায়ালয়ৰ বৰ্তমানৰ বিচাৰপীঠখন। দিল্লী সংঘৰ্ষ গোচৰৰ আন দুজন অভিযুক্ত আব্দুল খালিদ ছাইফী আৰু তাছলিম আহমদৰ জামিন আবেদনৰ শুনানিও চলিছিল…

মাটি ক্ৰয়ৰ  আপত্তিবিহীন  প্ৰমাণপত্ৰৰ নামত উৎকোচ লৈ  গ্ৰেপ্তাৰ উচ্চ পদস্থ চৰকাৰী বিষয়া লাচিত কুমাৰ দাস। গুৱাহাটীৰ ৰূপনগৰস্থিত ভূমিলেখ্য সঞ্চালকালয়ৰ অতিৰিক্ত ভূমিলেখ্য অধিকর্তা হিচাপে কৰ্মৰত এইগৰাকী দুর্নীতিপৰায়ণ বিষয়াই এগৰাকী আবেদনকাৰীৰ পৰা মাটি ক্ৰয়ৰ আপত্তিবিহীন প্রমাণপত্ৰৰ নামত ৪৫ হেজাৰ টকা উৎকোচ লওতে দুর্নীতি নিবাৰক শাখাৰ জালত পৰে । অভিযোগ কাৰী তথা মাটি ক্ৰেটাৰ পৰা লাচিত কুমাৰ দাসে ধন দাবী কৰিছিল। সেইসূত্রে বৃহস্পতিবাৰে তেওঁ ৪৫ হেজাৰ টকা উৎকোচ লোৱাৰ সময়তে তেওঁক তদাৰকী আৰু দুর্নীতি নিবাৰক শাখাই গ্ৰেপ্তাৰ কৰে। তেওঁক গ্ৰেপ্তাৰ কৰাৰ পিছতেই বেলতলাৰ ঘৰত প্ৰায় ১২ ঘন্টা অভিযান চলাইছিল । নগদ ৪৮,৩৮,১৫০ টকা, ৪৮৩ গ্ৰাম সোণৰ অলংকাৰ উপৰিও সম্পত্তি নথি পত্ৰ , জীৱন…

অত্যাৱশ্যকীয় সামগ্ৰীৰ মূল্যবৃদ্ধিৰ বিৰুদ্ধে  সদৌ অসম ছাত্র সন্থা (আছু)ৰ ৰাজ্যজুৰি প্ৰতিবাদ । আছুৰ আহ্বান মৰ্মে  ৰাজ্যৰ বিভিন্ন প্ৰান্তৰ লগতে গুৱাহাটী মহানগৰীতো মূল্যবৃদ্ধি বিৰুদ্ধে প্ৰতিবাদ সাব্যস্ত আহে । এই প্ৰতিবাদত প্ৰায় পাচ শতাধিক লোকে অংশগ্ৰহণ কৰি মূল্যবৃদ্ধি নিয়ন্ত্ৰণত চৰকাৰৰ ব্যৰ্থতাক তীব্ৰ ভাষাৰে গৰিহণা দিয়ে । প্ৰতিবাদকাৰীসকলে শ্লোগান দি জনসাধাৰণক প্ৰভাৱিত কৰা অবিৰত মূল্যবৃদ্ধিৰ পৰা তাৎক্ষণিক ৰেহাই দাবী কৰে। প্ৰতিবাদী কাৰ্যসূচী আছুৰ মুখ্য উপদেষ্টা ড° সমুজ্জ্বল কুমাৰ ভট্টাচাৰ্য্য, সভাপতি উৎপল শৰ্মা , সাধাৰণ সম্পাদক সমীৰণ ফুকনকে ধৰি কেন্দ্ৰীয় সমিতিৰ বিষয়ববীয়া সকল উপস্থিত থাকে।

গৰু কোৰবানী দিয়া হ’বই আৰু এই ক্ষেত্ৰত কোনো ধৰণৰ আপত্তি গ্ৰহণ কৰা নহ’ব। - আগন্তুক ঈদৰ পূৰ্বে পশ্চিমবংগ চৰকাৰে জাৰি কৰা পশুবধ সম্পৰ্কীয় নতুন নীতি-নিৰ্দেশনাক পোনপটীয়াভাৱে প্ৰত্যাহ্বান জনাই বৃহস্পতিবাৰে এই চাঞ্চল্যকৰ মন্তব্য কৰে আম জনতা উন্নয়ন পাৰ্টীৰ মুৰব্বী তথা বিধায়ক হুমায়ুন কবিৰে। ১৯৫০ চনৰ ‘পশ্চিমবংগ পশু নিধন নিয়ন্ত্ৰণ আইন’ৰ অধীনত জাৰি কৰা চৰকাৰী জাননীক মুকলি প্ৰত্যাহ্বান জনাই সমগ্ৰ ৰাজ্যখনতে এক তীব্ৰ ৰাজনৈতিক বিতৰ্কৰ সূচনা কৰে শাসকীয় মিত্ৰজোঁটৰ সহযোগী দলটোৰ নেতাজনে। ধৰ্মীয় পৰম্পৰাৰ প্ৰসংগ উল্লেখ কৰি আম জনতা উন্নয়ন পাৰ্টীৰ মুৰব্বী হুমায়ুন কবিৰে কয়, "আমি আইনক সদায় সন্মান কৰোঁ। কিন্তু কোৰবানী নিশ্চিতভাৱে অনুষ্ঠিত হ’ব আৰু কোৰাণত যি লিখা আছে সেইয়া পালন…

অৰণ্যৰ মাজত কেন্দু পাত সংগ্ৰহ কৰিবলৈ গৈ বাঘৰ আক্ৰমণত একেলগে প্ৰাণ হেৰুৱাবলগীয়া হ’ল চাৰিগৰাকী মহিলাই। মহাৰাষ্ট্ৰৰ চন্দ্ৰপুৰ জিলাৰ চিন্দেৱাহী তহচিলৰ অন্তৰ্গত গুঞ্জেবাহী বন এলেকাত শুকুৰবাৰে পুৱাই সংঘটিত এই ঘটনাই এতিয়া সমগ্ৰ অঞ্চলটোতে সৃষ্টি কৰিছে তীব্ৰ আতংকৰ। জানিব পৰা মতে, স্থানীয় এখন গাঁৱৰ চাৰি মহিলাই ঘৰৰ নাতিদূৰৰ অৰণ্যলৈ তেনেকৈ কামৰ বাবে যাওতেই জোপোহাৰ আঁৰত খাপ পিটি থকা এটা হিংস্ৰ বাঘে তেওঁলোকৰ ওপৰত আকস্মিক আক্ৰমণ চলায়। এই মৰ্মন্তুদ ঘটনাটোৰ পিছতেই বন বিভাগ আৰু আৰক্ষীৰ এক যুটীয়া দল ঘটনাস্থলীত উপস্থিত হৈ মৃতদেহকেইটা উদ্ধাৰ কৰে। বন বিভাগৰ সূত্ৰই প্ৰকাশ কৰা তথ্য অনুসৰি, নিহত মহিলাকেইগৰাকী ক্ৰমে ববিতা চালেকাৰ, সৰস্বতী চালেকাৰ, ৰাধিকা চালেকাৰ আৰু প্ৰমীলা কুদভে…

আন্তৰ্জাতিক সীমান্তত চোৰাংচোৱাগিৰি, অনুপ্ৰৱেশ আৰু চোৰাং কাৰবাৰ ৰোধ কৰাৰ উদ্দেশ্যে এক ডাঙৰ পদক্ষেপ গ্ৰহণ কৰিছে পশ্চিমবংগ চৰকাৰে। ৰাষ্ট্ৰীয় নিৰাপত্তা ব্যৱস্থা অধিক শক্তিশালী কৰাৰ লক্ষ্যৰে ৰাজ্য চৰকাৰে ভাৰত-বাংলাদেশ সীমান্তৰ ২৭ কিলোমিটাৰ দৈৰ্ঘ্যৰ ভূমি সীমান্ত সুৰক্ষা বাহিনীক কাঁটাতঁৰৰ বেৰা আৰু সুৰক্ষা আন্তঃগাঁথনি নিৰ্মাণৰ বাবে আনুষ্ঠানিকভাৱে হস্তান্তৰ কৰে। নতুনকৈ কাৰ্যভাৰ গ্ৰহণ কৰা মুখ্যমন্ত্ৰী শুভেন্দু অধিকাৰীৰ অধ্যক্ষতাত অনুষ্ঠিত কেবিনেট বৈঠকত এই গুৰুত্বপূৰ্ণ সিদ্ধান্তত মোহৰ মৰা হয়। মুখ্যমন্ত্ৰী অধিকাৰীয়ে এক বৈঠকত অংশগ্ৰহণ কৰি স্পষ্ট কৰি দিয়ে যে এয়া কেৱল এক বৃহৎ প্ৰক্ৰিয়াৰ আৰম্ভণিহে। অহা দুসপ্তাহৰ ভিতৰত এই ২৭ কিলোমিটাৰ ভূমি সম্পূৰ্ণৰূপে বি এছ এফক চমজাই দিয়া হ’ব। চৰকাৰী সূত্ৰই প্ৰকাশ কৰা অনুসৰি, এই ২৭ কিলোমিটাৰ…

যাত্ৰীবাহী বাছৰ ভিতৰত স্কুলীয়া নাবালিকা ছাত্ৰীক কু-অভিপ্ৰায়েৰে অসদাচৰণ কৰাৰ এক জঘন্য ঘটনাই তীব্ৰ প্ৰতিক্ৰিয়াৰ সৃষ্টি কৰিছে সমগ্ৰ ধুবুৰী জিলাতে। চলন্ত বাছৰ ভিতৰত কনডাক্টৰে নাবালিকাক নিৰ্যাতন চলোৱাৰ এই অভিযোগ উত্থাপন হোৱাৰ পিছতেই আৰক্ষীয়ে ততাতৈয়াকৈ অভিযান চলাই গ্ৰেপ্তাৰ কৰে ৫৫ বছৰীয়া লম্পট বাছ পৰিচালকাজনক। ধৃত অভিযুক্ত কনডাক্টৰজনক গোৱালপাৰা জিলাৰ লক্ষীপুৰ থানাৰ অন্তৰ্গত ফালিমাৰী নিবাসী সাহাদাত আলী বুলি চিনাক্ত কৰা হৈছে। জিলাখনৰ এক স্পৰ্শকাতৰ আইন-শৃংখলাজনিত প্ৰেক্ষাপটৰ মাজতে নৈশভাগত এই জঘন্য কাণ্ড সংঘটিত হয়। জানিব পৰা অনুসৰি, ঝগৰাৰপাৰৰ পৰা ধুবুৰী চহৰলৈ টিউচন পঢ়িবলৈ বুলি এখন যাত্ৰীবাহী বাছত উঠিছিল তিনিগৰাকী নাবালিকা ছাত্ৰী। সেই সময়ত বাছখন প্ৰায় যাত্ৰীহীন থকাৰ পূৰ্ণ সুযোগ গ্ৰহণ কৰে চালকৰ সহযোগী লম্পট…

ৰাজ্যৰ সংসদীয় ইতিহাসত এক নতুন কাৰ্যকালৰ সূচনা কৰি বৃহস্পতিবাৰৰ পৰা আনুষ্ঠানিকভাৱে আৰম্ভ হ’ল ১৬ সংখ্যক অসম বিধানসভাৰ প্ৰথমখন গুৰুত্বপূৰ্ণ অধিৱেশন। নতুন চৰকাৰ গঠনৰ পিছত অনুষ্ঠিত এই প্ৰথমখন সদনৰ প্ৰথমটো দিনাই স্থায়ী অধ্যক্ষ হিচাপে বিনাপ্ৰতিদ্বন্দিতাৰে নিৰ্বাচিত হয় জ্যেষ্ঠ বিধায়ক তথা প্ৰাক্তন মন্ত্ৰী ৰণজিৎ কুমাৰ দাস। ২১ মে’ৰ পৰা ২৬ মে’লৈ চলিবলগীয়া এই অধিৱেশনৰ প্ৰাৰম্ভিক দিনটোৰ কাৰ্যসূচী অত্যন্ত গাম্ভীৰ্যপূৰ্ণ পৰিৱেশত সম্পন্ন হয়। এই আনুষ্ঠানিক ঘোষণাৰ পিছতেই প্ৰ’টেম অধ্যক্ষ চন্দ্ৰ মোহন পাটোৱাৰীয়ে নিজৰ সাময়িক দায়িত্বৰ পৰা অব্যাহতি লৈ সদন পৰিচালনাৰ সমগ্ৰ কাৰ্যভাৰ নৱ-নিৰ্বাচিত অধ্যক্ষগৰাকীৰ হাতত অৰ্পণ কৰে। ইয়াৰ পূৰ্বে ২০১৬ চনৰ পৰা ২০২১ চনলৈ সৰ্বানন্দ সোণোৱাল নেতৃত্বাধীন চৰকাৰৰ কাৰ্যকালতো সফলতাৰে অধ্যক্ষৰ আসন অলংকৃত…