Paromita

অনাধিকাৰভাৱে এলোপেথিক চিকিৎসা সেৱা আগবঢ়াই অহা এজন ভুৱা চিকিৎসকক অৱশেষত গ্ৰেপ্তাৰ কৰিলে আৰক্ষীয়ে। বঙাইগাঁও জিলাৰ যোগীঘোপাত বুধবাৰে আৰক্ষীৰ জালত পৰে ভুৱা চিকিৎসকজন। ধৃত ভুৱা চিকিৎসকজনক যোগীঘোপাৰ ছোট বৰজানা গাঁৱৰ বাসিন্দা নজৰুল ইছলাম বুলি চিনাক্ত কৰা হৈছে। এই সন্দৰ্ভত যোগীঘোপা আৰক্ষী থানাত ১০০/২৬ নম্বৰৰ এটা গোচৰ পঞ্জীয়ন কৰা হৈছে। গ্ৰেপ্তাৰৰ পিছত আৰক্ষীয়ে অভিযুক্তক উত্তৰ শালমাৰা মহকুমা ন্যায়িক দণ্ডাধীশৰ আদালতত হাজিৰ কৰোৱাত আদালতে জে’ল হাজোতলৈ প্ৰেৰণ কৰে। জানিব পৰা মতে, নজৰুল ইছলামে 'বেচেলৰ অব নেচাৰোপেথি এণ্ড যোগিক ছায়েন্সেছ' ডিগ্ৰী লাভ কৰি দীৰ্ঘদিন ধৰি ভুৱাকৈ এলোপেথিক চিকিৎসা প্ৰদান কৰি আহিছিল। বৰপেটা জিলাৰ টাবাকান্দিত থকা 'ফেমিলী কেয়াৰ ডায়েগ্নোষ্টিক চেণ্টাৰ'ত তেওঁ বিভিন্ন ৰোগীক অবৈধভাৱে এই…

চিকিৎসকৰ ভুল চিকিৎসাৰ বাবে এগৰাকী মহিলাৰ অকাল মৃত্যু হোৱাৰ গুৰুতৰ অভিযোগেৰে আজি উত্তপ্ত হৈ পৰিল ৰঙিয়া। চহৰখনৰ আগশাৰীৰ ব্যক্তিগত খণ্ডৰ চিকিৎসালয় ‘স্বস্তি হাস্পতাল’ত এই ঘটনা সংঘটিত হয়। মৃত মহিলাগৰাকী ৰঙিয়াৰ ২ নং নকুলগাঁও নিবাসী সুভান কলিতাৰ পত্নী ভৱানী কলিতা (৪৮) বুলি চিনাক্ত কৰা হৈছে। এই মৃত্যুক কেন্দ্ৰ কৰি ক্ষুব্ধ স্থানীয় ৰাইজে চিকিৎসালয়খনৰ মুখ্যদ্বাৰত তলা লগাই অভিযুক্ত চিকিৎসকজনক বিচাৰি হুলস্থুলীয়া পৰিৱেশৰ সৃষ্টি কৰে। ঘটনাৰ বিৱৰণী অনুসৰি, যোৱা ২৬ জুনত ভৱানী কলিতাৰ জৰায়ুৰ এক জটিল অস্ত্ৰোপচাৰ সম্পন্ন হৈছিল। তিনি দিনৰ চিকিৎসাৰ অন্তত তেওঁ কিছু সুস্থ হোৱাত ঘৰলৈ যাবলে দিয়া হয়। কিন্তু যোৱা ৪ জুলাইত মহিলাগৰাকী পুনৰ অসুস্থ হোৱাত তেওঁক দ্বিতীয়বাৰৰ বাবে স্বস্তি…

যৌন নিৰ্যাতনৰ এক গোচৰত দোষী সাব্যস্ত হোৱা ড’নাল্ড ট্ৰাম্পক লৈ আন এক গুৰুত্বপূৰ্ণ নিৰ্দেশ প্ৰদান কৰিলে আদালতে। লেখিকা তথা প্ৰাক্তন সাংবাদিক ই জিন কেৰ’লে ট্ৰাম্পৰ বিৰুদ্ধে দাখিল কৰিছিল এই অসামৰিক গোচৰ। ১৯৯৬ চনত তেওঁৰ ওপৰত যৌন নিৰ্যাতন চলোৱাৰ গুৰুতৰ অভিযোগ উত্থাপন কৰিছিল লেখিকাগৰাকীয়ে। নিউয়ৰ্কৰ এখন জুৰীয়ে সুদীৰ্ঘ শুনানিৰ অন্তত ২০২৩ চনত দোষী সাব্যস্ত কৰে ড’নাল্ড ট্ৰাম্পক। এই কাণ্ডৰ বাবে ক্ষতিপূৰণ বাবদ ভুক্তভোগী মহিলাগৰাকীক ৫ মিলিয়ন ডলাৰ আদায় দিবলৈ নিৰ্দেশ দিয়ে আদালতে। শেহতীয়াকৈ আমেৰিকাৰ উচ্চতম ন্যায়ালয়ে ট্ৰাম্পৰ আপীল শুনানিৰ বাবে গ্ৰহণ কৰিবলৈ অস্বীকাৰ কৰাৰ পিছত এতিয়া সেই ৰায় চূড়ান্তভাৱে বলৱৎ হৈছে। বুধবাৰে আমেৰিকাৰ ন্যায়াধীশ লুইছ কেপলানে আদালতত জমা থকা ৫০ লাখ…

স্বামীৰ সৈতে নদীৰ পাৰত বহি কথা পাতি থকাৰ মাজতে হঠাতে ব্ৰহ্মপুত্ৰৰ বুকুত জাপ দিলে এগৰাকী মহিলাই। যোৰহাটৰ নিমাতিঘাটত সংঘটিত হয় এই শোকাবহ তথা ৰহস্যজনক ঘটনা। নিখোজ মহিলাগৰাকী নাওবৈচা পটীয়াগাঁৱৰ দিহিঙীয়াকুৰিৰ বাসিন্দা মুনু দত্ত (৬৯) বুলি জানিব পৰা গৈছে। এই চাঞ্চল্য্যকৰ কাণ্ডৰ পিছৰে পৰা এছ ডি আৰ এফৰ দলে নদীত ব্যাপক উদ্ধাৰ অভিযান চলায়। পৰিয়ালৰ লোকে জনোৱা মতে, বুধবাৰে পুৱা চিকিৎসকৰ ওচৰলৈ বুলি ঘৰৰ পৰা ওলাই আহিছিল মুনু দত্ত আৰু তেওঁৰ স্বামী অকন দত্ত। কিন্তু দুপৰীয়া সময়ত দম্পতীহাল ফুৰিবলৈ যায় নিমাতিঘাটলৈ। তাত এখন হোটেলত দুয়ো একেলগে চাহ খোৱাৰ পিছত ব্ৰহ্মপুত্ৰৰ পাৰে পাৰে খোজ কাঢ়ি গৈছিল। নিমাতিঘাটৰ ২ নং বুলহেডৰ দিশে গৈছিল…

শিলচৰৰ পাছত এইবাৰ চুৰি সামগ্ৰীৰ‌ বিৰুদ্ধে কালাইন আৰক্ষীৰ বৃহৎ সফলতা। ড্ৰাগছ আসক্ত অপৰাধীৰ বিৰুদ্ধে অভিযান চলাই কালাইন থানাৰ আৰক্ষীয়ে বুজন পৰিমাণৰ চুৰি সামগ্ৰী উদ্ধাৰ কৰিবলৈ সক্ষম হয়। কালাইন থানাৰ এগৰাকী উপ পৰিদৰ্শকৰ কোৱাৰ্টাৰত সংঘটিত চুৰিকাণ্ডৰ তদন্ত কৰি আৰক্ষীয়ে এই সফলতা লাভ কৰে। এই চুৰিকাণ্ডৰে জড়িত আলিম উদ্দিন আৰু চেলিম উদ্দিন নামৰ দুজন ড্ৰাগছ আসক্ত যুৱককো গ্ৰেপ্তাৰ কৰে আৰক্ষীয়ে। দুয়োজনৰ স্বীকাৰোক্তিৰ ভিত্তিত তদন্ত কৰি আৰক্ষীয়ে নাতানপুৰৰ মুহিম উদ্দিন নামৰ এজন ভঙা-চিঙা ব্যৱসায়ীৰ ঘৰত অভিযান চলায়। অভিযানকালত আৰক্ষীয়ে ব্যৱসায়ীজনৰ ঘৰৰ পৰা ৩০টা বেটাৰী, ৬টা বৈদ্যুতিক মটৰ, এখন ইলেক্ট্ৰনিক ওজন পাল্লা, বিভিন্ন ধৰণৰ বাচন-বৰ্তন, বৈদ্যুতিক তাঁৰ, মন্দিৰ-মছজিদৰ সামগ্ৰী, বিভিন্ন বাহনৰ যন্ত্ৰাংশ আৰু দুখন…

অবৈধভাৱে ভাৰতত প্ৰৱেশ কৰাৰ সন্দেহত ১১ জন বাংলাদেশী নাগৰিকক আটক কৰে ৰে'ল সুৰক্ষা বাহিনীয়ে। গুৱাহাটী ৰে'ল ষ্টেচনত চেন্নাইৰ টাম্বৰাম অভিমুখী যাত্ৰাৰ পূৰ্বে চলোৱা অভিযানত আটক কৰা হয় আটাইকেইজনকে। ৰে'ল সুৰক্ষা বাহিনীৰ সূত্ৰ অনুসৰি, আটাইকেইজনেই পুৰুষ। প্ৰাথমিক তদন্তত মেঘালয়ৰ তুৰা সীমান্তেৰে তেওঁলোকে ভাৰতত প্ৰৱেশ কৰাৰ সন্দেহ প্ৰকাশ পাইছে। বাংলাদেশৰ এজন দালালৰ সহায়ত সীমান্ত অতিক্ৰম কৰি ভাৰতত প্ৰৱেশ কৰিছিল বুলিও তদন্তকাৰী দলটোৱে সন্দেহ প্ৰকাশ কৰিছে। আটক ব্যক্তিসকলৰ পৰিচয়, যাত্ৰাপথ আৰু ভাৰতত প্ৰৱেশৰ সম্পূৰ্ণ তথ্য এতিয়াও পৰীক্ষা কৰি আছে তদন্তকাৰীসকলে। তেওঁলোকৰ নথি-পত্ৰৰ সত্যাসত্যও খতিয়ান কৰি চোৱা হৈছে। অবৈধ অনুপ্ৰৱেশৰ সৈতে জড়িত দালাল চক্ৰৰ সন্ধানত আটক ব্যক্তিসকলক জেৰা অব্যাহত ৰাখিছে ৰে'ল সুৰক্ষা বাহিনীয়ে। এই…

মধ্য আকাশৰ পৰাই সন্ধানহীন হৈ পৰিল এখন মালবাহী বিমান। সংযুক্ত আৰব আমিৰশ্বাহীৰ ছাৰজাহৰ পৰা পাকিস্তানৰ কৰাচীলৈ আহি থকা কে–টু এয়াৰৱেজৰ ব'য়িং ৭৩৭ বিমানখনৰ সৈতে মঙলবাৰে নিশা হঠাতে বিচ্ছিন্ন হয় বিমান নিয়ন্ত্ৰণ কক্ষৰ যোগাযোগ। পাকিস্তান বিমানবন্দৰ কৰ্তৃপক্ষই জনোৱা মতে, পাঁচজন কৰ্মীদলৰ সদস্যক লৈ কৰাচীৰ দিশে আহি থকা বিমানখনত নিশা ৯ বাজি ১৮ মিনিটত নেভিগেচন ব্যৱস্থাৰ ত্ৰুটি ধৰা পৰে। এই তথ্য পোৱাৰ পিছতে বিমান নিয়ন্ত্ৰণ কক্ষই বিমানখনক দিশ নিৰ্দেশনা দিয়াৰ চেষ্টা কৰে। কিন্তু মাত্ৰ তিনি মিনিটৰ ভিতৰতে ৰাডাৰত বিমানখন দ্ৰুতগতিত তললৈ নামি থকা দেখা যায় আৰু তাৰ পিছতে সকলো যোগাযোগ বিচ্ছিন্ন হয়। ঘটনাৰ সময়ত কৰাচীৰ প্ৰায় ২৮৭ কিলোমিটাৰ পশ্চিমে অৱস্থান কৰিছিল বিমানখন।…

পোষ্টেল চেভিংছ একাউণ্টত জমা থকা ১.৩ কোটি টকা আত্মসাৎ কৰাৰ অভিযোগত চিবিআইৰ জালত পৰিল ডাক বিভাগৰ দুজন কৰ্মচাৰী। মহীশূৰৰ ৪৪ জন গ্ৰাহকৰ পোষ্টেল চেভিংছ একাউণ্টৰ পৰা টকা নিজৰ আৰু আত্মীয়ৰ একাউণ্টলৈ অবৈধভাৱে স্থানান্তৰ কৰাৰ অভিযোগত দুয়োজনক গ্ৰেপ্তাৰ কৰিছে তদন্তকাৰী সংস্থাটোৱে। চিবিআইয়ে জনোৱা মতে, অভিযুক্ত দুজনৰ ভিতৰত এজন ডাক সহায়ক আৰু আনজন ডাকবাহক। দুয়ো কৰ্ণাটকৰ মহীশূৰৰ সাৰাগুৰ ডাকঘৰত কৰ্মৰত আছিল। ডাক বিভাগে দাখিল কৰা লিখিত অভিযোগৰ ভিত্তিত চলিত বৰ্ষৰ মাৰ্চ মাহত গোচৰ ৰুজু কৰে চিবিআইয়ে। অপৰাধমূলক ষড়যন্ত্ৰ, প্ৰৱঞ্চনা, বিশ্বাসভংগ, জালিয়াতি আৰু দুৰ্নীতি প্ৰতিৰোধ আইনৰ বিভিন্ন ধাৰাত গোচৰ ৰুজু কৰি তদন্ত চলায় তদন্তকাৰী সংস্থাটোৱে। তদন্তত পোহৰলৈ অহা অনুসৰি, ২০২২ চনৰ পৰা ২০২৫…

মোৰ দেহত ভাৰতৰ ডিএনএ আছে। - এই মন্তব্য কৰি ভাৰতৰ সৈতে নিজৰ আত্মীয়তাৰ অনুভূতি প্ৰকাশ কৰে ইণ্ডোনেছিয়াৰ ৰাষ্ট্ৰপতি প্ৰাবোৱ' ছুবিয়ান্তোৱে। একে সময়তে প্ৰধানমন্ত্ৰী নৰেন্দ্ৰ মোদীৰ একাধিক চৰকাৰী আঁচনি অনুসৰণ কৰি ইণ্ডোনেছিয়াই সুফল লাভ কৰা বুলিও তেওঁ মুকলিকৈ স্বীকাৰ কৰে। প্ৰধানমন্ত্ৰী নৰেন্দ্ৰ মোদীৰ ইণ্ডোনেছিয়া ভ্ৰমণ উপলক্ষে ভাৰতীয় প্ৰবাসীসকলৰ সৈতে মত বিনিময়ৰ সময়ত এই মন্তব্য কৰে ৰাষ্ট্ৰপতিগৰাকীয়ে। তেওঁ কয় যে তেওঁ জিনগত পৰীক্ষা কৰাইছিল আৰু সেই পৰীক্ষাত নিজৰ শৰীৰত ভাৰতীয় ডিএনএৰ উপস্থিতি ধৰা পৰিছে। ইয়াৰ লগতে ছুবিয়ান্তোৱে কয় যে ভাৰতীয় সংগীত শুনিলেই তেওঁৰ শৰীৰ নিজে নিজেই নাচিবলৈ আৰম্ভ কৰে। তেওঁৰ বহু মন্ত্ৰী আৰু সেনা বিষয়াইও ভাৰতীয় গীত ভালদৰে গাব পাৰে বুলিও তেওঁ…

আৰক্ষীৰ সৈতে সংঘটিত সংঘৰ্ষত নিহত হ'ল এগৰাকী ১১ বছৰীয়া কিশোৰীক ধৰ্ষণ আৰু হত্যাৰ গোচৰৰ অন্যতম অভিযুক্ত প্ৰভাষ মণ্ডল। অপৰাধস্থলীত ঘটনাৰ পুনৰ্নিৰ্মাণ চলি থকাৰ সময়তে আৰক্ষীৰ অস্ত্ৰ কাঢ়ি পলায়নৰ চেষ্টা কৰাৰ পিছতে এই ঘটনা সংঘটিত হয়। আৰক্ষীয়ে জনোৱা মতে, বুধবাৰে মাজনিশা প্ৰভাষ মণ্ডলক ঘটনাস্থলীলৈ নিয়া হৈছিল। তদন্তৰ অংশ হিচাপে অপৰাধ সংঘটিত হোৱাৰ সম্পূৰ্ণ ক্ৰম পুনৰ্নিৰ্মাণ কৰি থকা অৱস্থাত অভিযুক্তজনে এজন আৰক্ষী সদস্যৰ অস্ত্ৰ কাঢ়ি পলায়নৰ চেষ্টা কৰে। ইয়াৰ পিছতে আৰক্ষীৰ সৈতে সংঘটিত সংঘৰ্ষত গুলীবিদ্ধ হয়। পিছত আহত অভিযুক্তজনক চিকিৎসালয়লৈ নিয়া হয় যদিও চিকিৎসকে মৃত ঘোষণা কৰে। এই ঘটনাৰ সন্দৰ্ভত আৰক্ষীয়ে পৃথক তদন্ত আৰম্ভ কৰিছে। উল্লেখ্য যে, এগৰাকী ১২ বছৰীয়া কণমানিৰ সৈতে…