Dipshikha

জুবিনৰ কায়িক অনুপস্থিতিৰ এবছৰ, সামাজিক মাধ্যমত শোক প্ৰকাশ নেটিজেনৰ ৷ পিছে বুকুত এসাগৰ বেদনা লৈয়ে মনোৰঞ্জন জগতৰ তাৰকাসকল সাহস হৈ থিয় দিছে অসমীয়াৰ বাবে ৷নদ-নদী, হাবি-বননি, জীৱ-জন্তু, চৰাই-চিৰিকতি, প্ৰকৃতিসৃষ্ট যেনিয়েই অসমীয়াৰ চকু যায়, তাতেই সকলোৱে জুবিনক বিচাৰি পায় ৷মানুহজন আঁতৰি গ’ল যদিও সকলোৱে তেওঁৰ উপস্থিতি অনুভৱ কৰে ৷ অসমৰ আকাশে-বতাহে এটা নাম চিৰবিদ্যমান-জুবিন গাৰ্গ ৷আজিও অনুৰাগীয়ে ফেচবুক, ইনষ্টাগ্ৰামত লিখে, "ঘূৰি আহক না জুবিন দা ৷" জুবিন গাৰ্গৰ এবছৰীয়া অনুপস্থিতিত তেওঁৰ অতিকে ভাল বন্ধু তথা অসমীয়া ছবি জগতৰ আগশাৰীৰ জনপ্ৰিয় অভিনেতা ৰবি শৰ্মাই ক’লে এটি গুৰুত্বপূৰ্ণ কথা ৷ তেওঁ সামাজিক মাধ্যমত জুবিন সৈতে তেওঁৰ দুখন ফটো শ্বেয়াৰ কৰিছে ৷ শিৰোনামত লিখিছে,…

আজিৰ পৰা এবছৰ পূৰ্বে এই বিশেষ দিনটোতে ছিংগাপুৰৰ পৰা প্ৰাণৰ শিল্পী জুবিন গাৰ্গৰ ৰহস্যজনকভাৱে মৃত্যু হোৱাৰ খবৰটো আহিছিল । চাওঁতে চাওঁতে সংগীতৰ মহানায়কৰ মৃত্যুৰ এবছৰেই হ'ল ।জুবিন গাৰ্গৰ মৃত্যুৰ ন্যায়ৰ বাবে অপেক্ষা কৰি থাকোতেই সোণাপুৰত এই বিশেষ দিনটোত উপস্থিত হৈছে হাজাৰ হাজাৰ লোক । 'জুবিন দিৱস'ৰ তৃতীয় দিনটোত সমগ্ৰ ৰাজ্যজুৰি সৃষ্টি হৈছে এক অভূতপূৰ্ব আৱেগিক পৰিবেশ । পুৱাৰে পৰাই ৰাজ্যৰ বিভিন্ন প্ৰান্তৰ পৰা অহা অগনন গুণমুগ্ধই জুবিন ক্ষেত্ৰত উপস্থিত হৈ প্ৰাণৰ শিল্পী, ঈশ্বৰপুত্ৰ জুবিন গাৰ্গৰ শেষ শয়নস্থলীত গভীৰ শ্ৰদ্ধাঞ্জলি জ্ঞাপন কৰে ।

জম্মু-কাশ্মীৰৰ উধমপুৰ জিলাৰ বনাঞ্চলত নিৰাপত্তা বাহিনীৰ সৈতে চলি থকা সংঘৰ্ষত বৃহস্পতিবাৰে দুটা সন্ত্ৰাসবাদী নিহত হয় ৷ ভাৰতীয় সেনাৰ হোৱাইট নাইট কৰ্পছে বৃহস্পতিবাৰে পুৱা এক্সত এটা পোষ্টত এই তথ্য নিশ্চিত কৰে ৷সেনা বিষয়াই জনোৱা মতে, বুধবাৰে নিশা প্ৰায় ৯ বজাত মাজালতাৰ দুৰ্গম ব্ৰাটেল ছ’নে আৰু খুব্বান অঞ্চলত সন্দেহযুক্ত সন্ত্ৰাসবাদীৰ চলাচলৰ তথ্য লাভ কৰাৰ পিছতে সেনা, আৰক্ষী আৰু চি আৰ পি এফে যৌথভাৱে অনুসন্ধান অভিযান আৰম্ভ কৰে ।

প্ৰাণৰ শিল্পীবিহীন এটা বৰ্ষ । সোণাপুৰৰ জুবিন ক্ষেত্ৰত তিনিদিনীয়াকৈ 'জুবিন দিৱস'ৰ ব্যাপক প্ৰস্তুতি ।প্ৰিয় শিল্পীগৰাকীক শ্ৰদ্ধা আৰু অশ্ৰুসিক্ত নয়নেৰে সুঁৱৰিবলৈ এতিয়া সমগ্ৰ ৰাজ্যবাসী সাজু হৈছে ।১৭ ছেপ্টেম্বৰৰ পৰা সোণাপুৰৰ জুবিনক্ষেত্ৰত তিনিদিনীয়াকৈ অনুষ্ঠিত প্ৰাণৰ শিল্পীগৰাকীৰ পুণ্য তিথিৰ বিশেষ কাৰ্যসূচী । সমগ্ৰ অসমবাসীৰ আৱেগৰ প্ৰতীকস্বৰূপ এই দিনটোক 'জুবিন দিৱস' হিচাপে উদযাপন কৰাৰ বাবে জুবিনক্ষেত্ৰত এতিয়া ব্যাপক প্ৰস্তুতি চলিছে ।নতুনকৈ নিৰ্মাণ কৰা হৈছে বিশাল ৰভা আৰু আটকধুনীয়াকৈ সজাই তোলা হৈছে শ্ৰদ্ধাঞ্জলি তথা উপহাৰ থোৱাৰ বিশেষ স্থান ।পুৱা ৯ বজাৰ পৰা ১২ বজালৈ অনুষ্ঠিত হ'ব সৰ্বধৰ্ম প্ৰাৰ্থনা, য'ত সকলো ধৰ্মৰ লোকে একত্ৰিত হৈ শিল্পীগৰাকীৰ আত্মাৰ চিৰশান্তি কামনা কৰিব । ইয়াৰ পিছতে দিনৰ ১ বজাৰ…

হাতত উজনিৰ প্ৰলয়ৰ ফটোগ্ৰাফ লৈ অনশনত বহিল শিৱসাগৰৰ বিধায়ক অখিল গগৈ। উজনি অসমত হোৱা বান বিভীষিকাময় জলপ্ৰলয়ত ক্ষতিগ্ৰস্ত লোকসকলক উচিত সাহায্য প্ৰদানৰ ব্যৰ্থতা আৰু অনিয়মৰ বিৰুদ্ধে প্ৰথমে দিছপুৰৰ জনতা ভৱনৰ সমীপত দিনজোৰা অনশন কাৰ্যসূচীত বহিছিল যদিও আৰক্ষীৰ হেঁচাৰ ফলত স্থান সলনি কৰিবলগীয়া হয় বিধায়গৰাকীয়ে। বিধায়গৰাকীয়ে গণেশ মন্দিৰৰ সমীপত অনশন কাৰ্যসূচী অ্যাহত ৰাখিব বুলি জানিবলৈ দিয়ে। অখিল গগৈয়ে জানিবলৈ দিয়ে যে বানপীড়িত ৰাইজৰ সমস্যা সমাধান নোহোৱালৈকে চৰকাৰৰ বিৰুদ্ধে এই গণতান্ত্ৰিক সংগ্ৰাম অব্যাহত থাকিব। ইপিনে প্ৰতিবাদকাৰীৰ ৩টা মুখ্য দাবী যেনে- ১. উপযুক্ত ক্ষতিপূৰণ প্ৰদান,২. CBI তদন্তৰ দাবী৩. দায়িত্বজ্ঞানহীন মন্ত্ৰী-বিধায়কৰ বিৰুদ্ধে ব্যৱস্থা

আজি ১৭ ছেপ্তেম্বৰ, বৃহস্পতিবাৰ। প্ৰধানমন্ত্ৰী নৰেন্দ্ৰ মোডীৰ ওপজা দিন।প্ৰধানমন্ত্ৰী মোডীৰ পিতৃ দামোদৰ দাস মূলচান্দ মোডী আৰু মাতৃ হীৰাবেন মোডীৰ ছটা সন্তানৰ ভিতৰত তেওঁ আছিল তৃতীয় সন্তান। পৰিয়ালটো আৰ্থিকভাৱে স্বচ্ছল নাছিল। শৈশৱত বদনগৰ ৰে'লৱে ষ্টেচনত পিতৃৰ চাহৰ দোকানত কামত সহায় কৰাৰ লগতে তেওঁ স্থানীয় বিদ্যালয়ত পঢ়া-শুনা অব্যাহত ৰাখিছিল। অতি কম বয়সতে ৰাষ্ট্ৰীয় স্বয়ংসেৱক সংঘৰ (RSS) সৈতে সম্পৰ্কিত হোৱা শৈশৱৰে পৰাই দেশ সেৱা আৰু আধ্যাত্মিকতাৰ প্ৰতি গভীৰ অনুৰাগ আছিল।মোডীৰ ৰাজনৈতিক জীৱনৰ গুৰুত্বপূৰ্ণ পাক আহে ২০০১ চনত। ২০০১ চনৰ অক্টোবৰত তেওঁ প্ৰথমবাৰৰ বাবে গুজৰাটৰ মুখ্যমন্ত্ৰী হিচাপে শপত গ্ৰহণ কৰে। ২০১৪ চনলৈকে তেওঁ গুজৰাটৰ মুখ্যমন্ত্ৰী হিচাপে দায়িত্ব পালন কৰে। পিছত নৰেন্দ্ৰ মোডীয়ে ২৬ মে’…

অসমৰ ব্ৰডগজ ৰে’ল নেটৱৰ্ক এতিয়া ১০০% বৈদ্যুতিকৃত হৈ পৰিছে ৷ ১৬৯ কিলোমিটাৰ দৈৰ্ঘৰ দুৰ্গম পাহাৰীয়া লামডিং-বদৰপুৰ অংশৰ বৈদ্যুতিকৰণ সম্পূৰ্ণ হোৱাৰ লগে লগে অসমে এই ঐতিহাসিক মাইলৰ খুঁটি স্পৰ্শ কৰে ।কেন্দ্ৰীয় ৰে’লমন্ত্ৰী অশ্বিনী বৈষ্ণৱ আৰু মুখ্যমন্ত্ৰী ড৹ হিমন্ত বিশ্ব শৰ্মাই সোমবাৰে নিশা সামাজিক মাধ্যমত এই কথা ঘোষণা কৰে ।ৰে’লমন্ত্ৰী অশ্বিনী বৈষ্ণৱে সামাজিক মাধ্যম এক্সত এই কথা ঘোষণা কৰি কয়, "অসমৰ ৰে’ল নেটৱৰ্ক এতিয়া ১০০% বৈদ্যুতিকৃত । কঠিন বুলি বিবেচিত ১৬৯ কিলোমিটাৰ দৈৰ্ঘৰ লামডিং-বদৰপুৰ পাহাৰীয়া অংশৰ বৈদ্যুতিকৰণৰ লগে লগে ৰাজ্যখনে ৰে’ল বিদ্যুৎকৰণ যাত্ৰা সম্পূৰ্ণ কৰিছে ।"

গোলাঘাটত মুখ্যমন্ত্রী তদাৰকী কোষৰ অভিযান। ACS বিষয়া দেৱেশ্বৰ বৰাৰ ওলাইছে গোলাঘাট লিংক। গোলাঘাট নগৰৰ ১১নং ৱাৰ্ডৰ চন্দন নগৰত চলিছে অভিযান।এটা নিৰ্মীয়মাণ পাঁচ মহলীয়া অট্টালিকাত চলিছে অভিযান।দেবেশ্বৰ বৰাৰ পত্নীৰ নামত আছে এই অট্টালিকাটো।৭ ছেপ্টেম্বৰত গ্রেপ্তাৰ হৈছিল ধেমাজিৰ জিলা উন্নয়ন আয়ুক্ত দেবেশ্বৰ বৰা।

অৰুণাচল প্ৰদেশত এন এইচ পি চিয়ে নিৰ্মান কৰিব খোজা প্ৰস্তাৱিত ১১ হেজাৰ মেগাৱাটৰ বহুমুখী নদীবান্ধৰ বিৰুদ্ধে তীব্ৰ প্ৰতিবাদ সাৱস্ত কৰিছে অৰুণাচলী লোকসকলে ৷ প্ৰস্তাৱিত প্ৰকল্প থলীৰ সমীপৰ আপাৰ চিয়াং জিলাৰ কমকাৰ গাঁৱৰ উগেং ত বান্ধ নিৰ্মানৰ সুৰক্ষাৰ দায়িত্বত থকা চি আৰ পি এফ আৰু অৰুণাচল আৰক্ষীৰ বিৰুদ্ধে তীব্ৰ প্ৰতিবাদ কৰিছে। আৰক্ষী আৰু চি আৰ পি এফে প্ৰতিবাদকাৰী সকলক ছত্ৰভঙ্গ দিয়াবলৈ কন্দুৱা গেছও নিক্ষেপ কৰিছে ৷ফলত আৰক্ষী,চিআৰ পি এফ আৰু অৰুণাচলীসকলৰ লোকসকলৰ মাজত হতাহতি হৈছে ৷গাঁওবাসীয়ে সুৰক্ষাবাহিনী নিয়োগৰ তীব্ৰ বিৰোধিতা কৰি কয় যে প্ৰত্যক্ষভাৱে ক্ষতিগ্ৰস্ত হ’বলগীয়া সম্প্ৰদায়সমূহে প্ৰস্তাৱিত বান্ধ প্ৰকল্পটোৰ বাবে কোনো সন্মতি প্ৰদান কৰা নাই বুলিও তেওঁলোকে সকিয়াই দিয়ে ৷

যোৰহাটত দুদিনীয়া জিলা আয়ুক্তৰ সন্মিলনৰ সফল সামৰণি। ১৫টা বিভাগক লৈ ২৭ ঘণ্টাতকৈও অধিক সময় ধৰি বৈঠক মুখ্যমন্ত্ৰী ড০ হিমন্ত বিশ্ব শৰ্মাৰ। আলোচনাত ৮৫খনতকৈও অধিক ফাইলত স্বাক্ষৰেৰে জনালে অনুমোদন। লগতে বিশিষ্ট ব্যক্তিসকললৈ প্ৰেৰণ কৰিবলগীয়া ৩৪ টোকা আৰু পত্ৰৰ কামো সম্পন্ন মুখ্যমন্ত্ৰীৰ। প্ৰতিগৰাকী জিলা আয়ুক্তই নিজৰ জিলাৰ সংশ্লিষ্ট বিভাগসমূহৰ সৈতে বৈঠক কৰি সুনিশ্চিত কৰিব লাগিব যে, প্ৰতিটো নিৰ্দেশনা কোনো পলম নোহোৱাকৈ ক্ষেত্ৰ পৰ্যায়ৰ বিষয়াসকললৈ গৈ পায় আৰু কাৰ্যক্ষেত্ৰত বাস্তৱায়িত হয় সেই নিৰ্দেশনাসমূহ। সামাজিক মাধ্যমযোগে মুখ্যমন্ত্ৰীয়ে জনালে এই কথা।