Dipshikha

মহানগৰীৰ ডিমৰীয়াত এগৰাকী যুৱতীক নিৰ্মমভাৱে হত্যা কৰা প্ৰেমিকক আত্মগোপন কৰি থকা অৱস্থাত শনিবাৰে গ্ৰেপ্তাৰ কৰে আৰক্ষীয়ে।জানিব পৰা মতে, ১৭বাৰকৈ ডেগাৰেৰে আঘাত কৰি হত্যা কৰিছিল যুৱতীগৰাকী।নিজ ডিমৰীয়াৰ নিবাসী বিপুল মল্লিক নামৰ প্ৰেমিকজনে ইতিমধ্যে যুৱতীগৰাকীক হত্যা কৰা কথা স্বীকাৰ কৰিছে আৰক্ষীৰ আগত।

মুখ্যমন্ত্ৰী ড০ হিমন্ত বিশ্ব শৰ্মা নেতৃত্বাধীন এই ১২ জনীয়া মন্ত্ৰীসভাই আজি দিনৰ ১২-৪৫ বজাত জ্যোতি- বিষ্ণু আন্তৰ্জাতিক কলা মন্দিৰত আয়োজন কৰা শপতগ্ৰহণ অনুষ্ঠানত লয় শপত। ৰাজ্যপাল লক্ষ্মণ প্ৰসাদ আচাৰ্যই আটাইকেইগৰাকী নৱ-নিযুক্ত মন্ত্ৰীক শপতবাক্য পাঠ কৰোৱায়। আজি শপত লোৱা অসম মন্ত্ৰীসভাৰ ১২ গৰাকী মন্ত্ৰী হৈছে- ডা০ ৰণোজ পেগু, অশ্বিনী ৰায় সৰকাৰ, বিশ্বজিৎ দৈমাৰী, পীযুষ হাজৰীকা, অশোক সিংহল, কৃষ্ণেন্দু পাল, নীলিমা দেৱী, জয়ন্তমল্ল বৰুৱা, কৌশিক ৰায়, বিমল বৰা, সুশান্ত বৰগোঁহাই আৰু কেশৱ মহন্ত ৷ ইয়াৰে কেশৱ মহন্ত একমাত্ৰ অসম গণ পৰিষদৰ বিধায়ক। বাকী আটাইকেইজন বিজেপিৰ বিধায়ক।

অহা ১০ জুনত এক নতুন অভিলেখ গঢ়িবলৈ সাজু হৈছে প্ৰধানমন্ত্ৰী নৰেন্দ্ৰ মোডী। এই বিশেষ দিনটোত তেওঁ ভাৰতৰ ইতিহাসত আটাইতকৈ দীঘলীয়া সময়ৰ বাবে নিৰ্বাচিত প্ৰধানমন্ত্ৰী হিচাপে পৰিগণিত হ’ব। এই মাইলৰখুঁটি স্পৰ্শ কৰাৰ লগে লগে প্ৰধানমন্ত্ৰী মোডীয়ে দেশৰ প্ৰথমগৰাকী প্ৰধানমন্ত্ৰী জৱাহৰলাল নেহৰুৰ নিৰ্বাচিত কাৰ্যকালৰ অভিলেখ ভংগ কৰিব। ২০১৪ চনৰ ২৬ মে’ত নৰেন্দ্ৰ মোডীয়ে প্ৰথমবাৰৰ বাবে প্ৰধানমন্ত্ৰী হিচাপে শপত গ্ৰহণ কৰিছিল। বৰ্তমান তেওঁ তৃতীয়টো কাৰ্যকাল চলাই আছে আৰু অহা ১০ জুনত তেওঁৰ ধাৰাবাহিক কাৰ্যকালৰ ৪,৩৯৯ দিন সম্পূৰ্ণ হ’ব।

বিগত আঠ ঘণ্টাৰ ভিতৰতে গুৱাহাটীত দুটাকৈ অগ্নিকাণ্ডৰ ঘটনা সংঘটিত হয় ৷ ফলত একেটা পৰিয়ালৰ ৪ জনকৈ লোক জীৱন্তে অগ্নিদগ্ধ হৈ মৃত্যু মুখত পৰে ৷বিগত আঠ ঘণ্টাৰ ভিতৰতে গুৱাহাটীত দুটাকৈ ভয়াৱহ অগ্নিকাণ্ডৰ ঘটনা সংঘটিত হয় । জালুকবাৰীৰ পাছত শুকুৰবাৰে পুৱা প্ৰায় ৯.১০ বজাত গুৱাহাটীৰ কাহিলীপাৰাত সংঘটিত হয় আন এক বিধ্বংসী অগ্নিকাণ্ড । ঘটনাৰ স্থান কাহিলিপাৰাৰ দশম অসম আৰক্ষী বাহিনীৰ সমীপত মূলপথ ৷ কাহিলিপাৰা পথৰ দাতিত থকা 'ক্লাৱ ব্লুচ' নামৰ বাৰত সংঘটিত হয় এই অগ্নিকাণ্ডৰ ঘটনা ।জানিব পৰা মতে, বৃহস্পতিবাৰে নিশা জালুকবাৰীৰ জয়মতী নগৰত এক বিধ্বংসী অগ্নিকাণ্ডৰ ঘটনা সংঘটিত হয় ৷ এই অগ্নিকাণ্ডত জীৱন্তে অগ্নিদগ্ধ হৈ একেটা পৰিয়ালৰ ৪ জনকৈ লোকৰ মৃত্যু…

শুকুৰবাৰে পুৱাৰে পৰা অচল হৈ পৰিছে তিনিচুকীয়া জিলা ৷ মৰাণ-মটক জনগোষ্ঠীৰ সংগঠনৰ আহ্বন মৰ্মে তিনিচুকীয়াত পুৱা ৫ বজাৰ পৰাই ৪৮ ঘণ্টীয়া এই বন্ধৰ প্ৰভাৱ পৰা দেখা গৈছে ৷ আনকি ঠায়ে ঠায়ে জিলাখনৰ ৰাজপথত টায়াৰ জ্বলাই, বিজেপি হায় হায়, প্ৰতিশ্ৰুতি পূৰণ নকৰা বিজেপি চৰকাৰ হায় হায়, আমাক জনজাতিকৰণ প্ৰদান কৰক, জনজাতিকৰণৰ নামত প্ৰতাৰণা নচলিব আদি বিভিন্ন শ্ল’গান দি প্ৰতিবাদকাৰীসকলে প্ৰতিবাদ কৰে ৷ এই সময়ছোৱাত ব্যৱসায়ীক প্ৰতিষ্ঠানৰ লগতে বাণিজ্যিক চহৰখনত যান-বাহনৰ চলাচলো বন্ধ হৈ পৰিছে ।পুৱা ৫ বজাৰ পৰা বন্ধ হৈ পৰিছে তিনিচুকীয়া জিলা ৷ ঠায়ে ঠায়ে ৰাজপথত প্ৰতিবাদত বহিছে প্ৰতিবাদকাৰীসকল ৷

বিহাৰৰ এখন চিকিৎসালয়ৰ আইচিইউ ৱাৰ্ডত ভয়ংকৰ অগ্নিকাণ্ড ৷ ২০ জনৰো অধিক ৰোগী গুৰুতৰভাৱে অগ্নিদগ্ধ, আন কেইবাজনো ৰোগীৰ মৃত্যু ।প্ৰত্যক্ষদৰ্শীৰ মতে জুইৰ লেলিহান শিখা আৰু ধোঁৱাই আগুৰি ধৰিছিল চিকিৎসালয়খন । চিকিৎসালয়ৰ কৰ্মচাৰী আৰু ওচৰৰ বাসিন্দাসকলে লগে লগে খিৰিকী ভাঙি আহত ৰোগীসকলক উলিয়াই আনে । তেওঁলোকৰ তৎপৰতাই বহুতৰে জীৱন ৰক্ষা কৰিলে । এই অগ্নিকাণ্ডৰ ফলত প্ৰায় ২০ গৰাকী ৰোগী অগ্নিদগ্ধ হোৱাৰ লগতে ৪ গৰাকী ৰোগীৰ মৃত্যু হোৱা বুলি জানিব পৰা গৈছে ।

কঠোৰ হৈছে চৰকাৰ। কৰ্মচাৰীসকলৰ কৰ্ম সংস্কৃতিৰ লগতে ইন্ধন ৰাহিৰ বাবে নিতৌ নতুন নতুন নিৰ্দেশনা জাৰি কৰিছে চৰকাৰে। শেহতীয়াকৈ চৰকাৰে কৰ্মচাৰীসকলৰ বাবে আগন্তুক ৬মাহলৈ বিদেশ ভ্ৰমণ বন্ধ কৰাৰ সমান্তৰালভাৱে দুপৰীয়াৰ আহাৰ খাবলৈ ঘৰলৈ যোৱাৰ ক্ষেত্ৰতো বাধা আৰোপ কৰিছে। এই ক্ষেত্ৰত সকলো বিভাগলৈ নিৰ্দেশনা জাৰি কৰিছে মুখ্য সচিবে।পুডুচেৰী চৰকাৰে এই সিদ্ধান্ত গ্ৰহণ কৰাৰ পাছতে এতিয়া হুৱাদুৱা লাগিছে চৰকাৰী কৰ্মচাৰীসকলৰ মাজত।

কঠালৰ উপকাৰিতা: স্বাস্থ্যৰ বাবে কিমান লাভজনক?ডেস্ক ৰিপ’ৰ্ট: গ্ৰীষ্মকালত সহজে পোৱা ফলসমূহৰ ভিতৰত কঠাল অন্যতম। সুস্বাদু হোৱাৰ উপৰিও কঠালত বহু পুষ্টিগুণ থাকে, যি শৰীৰ সুস্থ ৰখাত সহায় কৰে। বিশেষজ্ঞসকলৰ মতে, নিয়মিতভাৱে পৰিমাণমতে কঠাল খালে বিভিন্ন স্বাস্থ্যজনিত লাভ পোৱা যায়। কঠালৰ পুষ্টিগুণকঠালত ভিটামিন A, ভিটামিন C, পটাছিয়াম, মেগনেছিয়াম, আঁহ (ফাইবাৰ) আৰু এণ্টিঅক্সিডেণ্ট প্ৰচুৰ পৰিমাণে থাকে। এই উপাদানসমূহে শৰীৰৰ ৰোগ প্ৰতিৰোধ ক্ষমতা বৃদ্ধি কৰাত সহায় কৰে। কঠাল খোৱাৰ উপকাৰিতা✅ ৰোগ প্ৰতিৰোধ ক্ষমতা বৃদ্ধি কৰেভিটামিন C সমৃদ্ধ কঠালে শৰীৰক বিভিন্ন সংক্ৰমণৰ পৰা সুৰক্ষা দিয়ে। ✅ হজম শক্তি উন্নত কৰেকঠালত থকা আঁহে কোষ্ঠকাঠিন্য দূৰ কৰাত সহায় কৰে আৰু হজম প্ৰক্ৰিয়া সুস্থ ৰাখে। ✅ হৃদযন্ত্ৰৰ স্বাস্থ্যৰ…

পেট্ৰ’ল-ডিজেল, ৰন্ধন গেছৰ পাছত এইবাৰ বৃদ্ধি পালে বিদ্যুৎ মাচুল। ৰাজ্যত সংগোপনে APDCLয়ে বৃদ্ধি কৰিলে বিদ্যুতৰ মাচুল। প্ৰতি ইউনিটত ২১ পইছাৰ পৰা সৰ্বাধিক ২৮ পইছালৈ বৃদ্ধি কৰিলে মাচুল। জুন মাহৰ বাবে প্ৰতি ইউনিটত বৃদ্ধি ২১ পইছা। জুলাই মাহৰ ১৮ পইছা, আগষ্ট মাহৰ ১৬ পইছা, ছেপ্টেম্বৰ-অক্টোবৰৰ ১৭ পইছা, নৱেম্বৰ মাহৰ ১৯ পইছা আৰু ডিচেম্বৰ মাহৰ বাবে ২৪ পইছা বৃদ্ধি কৰা হৈছে।

‘‘আছু কৰা প্ৰতিজন সদস্যৰ দুখনকৈ ঘৰ থাকে । এখন নিজৰ পৰিয়াল থকা, আনখন আছুৰ পৰিয়াল । আছুৰ সকলো সদস্য একেখন ঘৰৰেই সদস্য । মাধুৰ্য বৰ্মন হেৰাই যোৱাটো আছুৰ পৰিয়ালৰ সদস্য হেৰাই যোৱা । এজন ছাত্রনেতাক নৃশংসভাৱে হত্যা কৰিছে । আৰক্ষীয়ে তাৎক্ষণিকভাৱে ২৪ ঘণ্টা নৌহওঁতেই হত্যাকাৰীক এনকাউণ্টাৰ কৰিছে । এয়া মাথোঁ এটি সামূহিক সকাহ ।’’ এই মন্তব্য আছুৰ মুখ্য উপদেষ্টা ডঃ সমুজ্জল ভট্টাচাৰ্যৰ ৷তেওঁ আৰু কয়, ‘‘আগন্তুক সময়ত পুনৰ যাতে কোনেও নিৰাপত্তাহীনতাত ভুগিব নালাগে, অসমৰ ৰাইজে অতৰ্কিতে সু-নিৰাপত্তা পায়, তেনে ব্যৱস্থা গঢ়ি তুলিব লাগিব । ৰাইজো সজাগ হ’ব লাগিব । ভায়েকে-ভনীয়েক একেলগে ফুৰিবলৈ যোৱাৰ ক্ষেত্ৰত অসমত নিৰাপত্তা নিশ্চিত কৰিব লাগিব আৰু…