অসম

16 Jul

ছাত্ৰীৰ যৌন নিৰ্যাতনৰ অভিযোগৰ পিছত ছীল ব্যক্তিগত মাদ্ৰাছা; ১৪৮ ছাত্ৰীক স্বগৃহলৈ প্ৰেৰণ

Paromita0 Commentsঅসম

যৌন নিৰ্যাতনৰ অভিযোগক কেন্দ্ৰ কৰি উত্তাল হৈ উঠা বঙাইগাঁৱৰ ব্যক্তিগত এখন মাদ্ৰাছাৰ বিৰুদ্ধে এইবাৰ কঠোৰ পদক্ষেপ গ্ৰহণ কৰিলে জিলা প্ৰশাসনে। এগৰাকী নাবালিকা ছাত্ৰীক যৌন নিৰ্যাতনৰ অভিযোগ উত্থাপিত হোৱাৰ পিছত প্ৰতিবাদ আৰু উত্তেজনাৰ সৃষ্টি হোৱা মাদ্ৰাছাখন ছীল কৰি দিয়াৰ লগতে অধ্যয়নৰত ১৪৮ গৰাকী নাবালিকা ছাত্ৰীক নিজ নিজ পৰিয়ালৰ জিম্মাত প্ৰেৰণ কৰে প্ৰশাসনে। বঙাইগাঁও জিলাৰ যোগীঘোপাৰ মালেৰ্গাঁৱৰ ইশ্বাতুল উলুম মাদ্ৰাছাতুল বানাতত সংঘটিত হয় এই ঘটনা। মাদ্ৰাছাখনৰ শিক্ষক আমিনুল ইছলামে এগৰাকী নাবালিকা ছাত্ৰীক যৌন নিৰ্যাতন চলোৱাৰ অভিযোগ উত্থাপিত হোৱাৰ পিছতে ক্ষুব্ধ স্থানীয় লোকে মাদ্ৰাছাখনৰ সামগ্ৰীৰ ক্ষতিসাধন কৰে। ঘটনাৰ পিছত আৰক্ষী অধীক্ষক নুমল মহত্তৰ নেতৃত্বত আৰক্ষীৰ এটা দলে কাৰ্যবাহী দণ্ডাধীশক লগত লৈ মাদ্ৰাছাখনত উপস্থিত…

Read More

16 Jul

পাছপ’ৰ্ট নাগৰিকত্বৰ একমাত্ৰ প্ৰমাণ নহয়, ই কেৱল ভ্ৰমণৰ নথিহে: বৈদেশিক পৰিক্ৰমা মন্ত্ৰালয়

Sonakshi Sarkar0 Commentsঅসম

ভাৰত চৰকাৰৰ বৈদেশিক পৰিক্ৰমা মন্ত্ৰালয়ে স্পষ্ট কৰি দিছে যে ভাৰতীয় পাছপ’ৰ্ট এখন দেশৰ নাগৰিকসকলৰ বিদেশ যাত্ৰা নিয়ন্ত্ৰণ আৰু সুচল কৰাৰ বাবেহে জাৰি কৰা হয়। মন্ত্ৰালয়ৰ মুখপাত্ৰ ৰণধীৰ জয়ছোৱালে সংবাদ মাধ্যমক জানিবলৈ দিয়ে যে বৰ্তমান সময়ত ভাৰতৰ মুঠ জনসংখ্যাৰ ৮ শতাংশতকৈও কম লোকৰ হাততহে পাছপ’ৰ্ট আছে। ১৯৬৭ চনৰ পাছপ’ৰ্ট আইন আৰু ১৯৮০ চনৰ পাছপ’ৰ্ট নিয়ম অনুসৰি নিৰ্ধাৰিত প্ৰক্ৰিয়াৰে পৰীক্ষা-নিৰীক্ষা কৰাৰ পিছতহে এই নথিপত্ৰ প্ৰদান কৰা হয়। বৈদেশিক পৰিক্ৰমা মন্ত্ৰালয়ৰ মতে, পাছপ’ৰ্ট হৈছে মূলতঃ বিদেশ ভ্ৰমণৰ বাবে ব্যৱহৃত এখন নথিপত্ৰ। ভাৰতত নাগৰিকত্ব প্ৰমাণ কৰাৰ বাবে কোনো এটা নিৰ্দিষ্ট একক নথিপত্ৰ নাই। উচ্চতম ন্যায়ালয় আৰু দেশৰ বিভিন্ন উচ্চ ন্যায়ালয়ৰ পূৰ্বৰ ৰায়দান অনুসৰি— ভোটাৰ…

Read More

16 Jul

অনশন ভংগ কৰিবলৈ সোণম ৱাংচুকলৈ আহ্বান এবছুৰ; কেন্দ্ৰক আলোচনাত বহিবলৈ দাবী

Paromita0 Commentsঅসম

কেন্দ্ৰীয় শিক্ষামন্ত্ৰী ধৰ্মেন্দ্ৰ প্ৰধানৰ পদত্যাগৰ দাবীৰে বিগত ১৯ দিন ধৰি অনশন অব্যাহত ৰাখিছে বিশিষ্ট পৰিৱেশকৰ্মী আৰু শিক্ষাবিদ সোণম ৱাংচুকে। সময় বাগৰাৰ লগে লগে তেওঁৰ স্বাস্থ্যক লৈও বৃদ্ধি পাইছে উদ্বেগ। এনে পৰিপ্ৰেক্ষিততে এইবাৰ সোণম ৱাংচুকৰ আন্দোলনৰ প্ৰতি সমৰ্থন ব্যক্ত কৰিও অনশন ভংগ কৰিবলৈ আহ্বান জনালে অসমৰ অন্যতম প্ৰভাৱশালী ছাত্ৰ সংগঠন সদৌ বড়ো ছাত্ৰ সন্থাই (এবছু)। লগতে আন্দোলনৰ সমাধানৰ বাবে শীঘ্ৰেই আলোচনাত বহিবলৈ কেন্দ্ৰীয় চৰকাৰকো দাবী জনায় সংগঠনটোৱে। কোকৰাঝাৰত সংবাদমেল সম্বোধন কৰি এবছুৰ সভাপতি খোৰামদাও ৱাৰীয়ে কয় যে, ১৮ দিন ধৰি অনশন পালন কৰি থকা সোণম ৱাংচুকৰ স্বাস্থ্য আৰু অধিক বিপদাপন্ন হোৱাটো কোনেও কামনা নকৰে। ছাত্ৰ-ছাত্ৰীৰ অধিকাৰৰ আন্দোলন চলি থাকক যদিও তেওঁৰ…

Read More

16 Jul

প্ৰাগজ্যোতিষ নামঘৰত নতুন সভাঘৰৰ উদ্ধোধন

Sonakshi Sarkar0 Commentsঅসম

গুৱাহাটীৰ প্ৰাগজ্যোতিষ নামঘৰত  প্ৰাক্তন মন্ত্ৰী  ৰমেন্দ্ৰ নাৰায়ণ কলিতাই বিগত কাৰ্যকালত তেওঁৰ বিধায়কৰ স্থানীয় এলেকা উন্নয়ন পুঁজিৰ পৰা আগবঢ়োৱা ৫ লাখ টকাৰ অনুদানেৰে নিৰ্মাণ কৰা নতুন সভাঘৰৰ শুভ উদ্ধোধন কৰা হয়।মাংগলিক কাৰ্যৰ মাজেৰে শতাধিক ৰাইজৰ উপস্থিতিত নতুন সভাঘৰটো উদ্ধোধন কৰে প্ৰাক্তন মন্ত্ৰী তথা পশ্চিম গুৱাহাটী বিধানসভা সমষ্টিৰ প্ৰাক্তন বিধায়ক ৰমেন্দ্ৰ নাৰায়ণ কলিতাই। এই উপলক্ষে অনুষ্ঠিত অনুষ্ঠানত  শ্ৰী শ্ৰী কুমৰপাৰা ৰাজহুৱা সত্ৰৰ সত্ৰাধিকাৰ সনাতন দাস বাপ , ডিব্ৰুগড় চিকিৎসা মহাবিদ্যালয়ৰ প্ৰাক্তন অধ্যক্ষ ডাঃ দেৱজিৎ হাজৰিকা,  যুৱ সমাজকৰ্মী তথা ভাৰতীয় জনতা পাৰ্টিৰ জ্যেষ্ঠ নেতা দেৱান ধ্ৰুৱজ্যোতি মৰলসহ  অঞ্চলটোৰ বহু গণ্যমান্য ব্যক্তি, ভকত-বৈষ্ণৱ আৰু শুভাকাংক্ষী উপস্থিত থাকে। অনুষ্ঠানত প্ৰাক্তন মন্ত্ৰী ৰমেন্দ্ৰ নাৰায়ণ কলিতাকে ধৰি…

Read More

16 Jul

বিশ্বকাপৰ ছেমিফাইনেল-ফাইনেলৰ নিশা ৩.৩০ বজালৈ খোলা থাকিব গুৱাহাটীৰ ৰেষ্টুৰেণ্ট; বিশেষ অনুমতি অসম চৰকাৰৰ

Paromita0 Commentsঅসম

ফুটবল বিশ্বকাপৰ জ্বৰত আক্ৰান্ত সমগ্ৰ বিশ্ব। ইখনৰ পিছত সিখন ৰোমাঞ্চকৰ মেচে উত্তেজনা বঢ়াই তোলাৰ পাছত এতিয়া আহি পৰিছে বহুল প্ৰতীক্ষিত ছেমিফাইনেল আৰু ফাইনেলৰ সময়। এনে পৰিপ্ৰেক্ষিতত গুৱাহাটীৰ ফুটবল অনুৰাগীসকলৰ বাবে বিশেষ ঘোষণা কৰিলে অসম চৰকাৰে। বিশ্বকাপৰ ছেমিফাইনেল আৰু ফাইনেল উপভোগ কৰিবলৈ সুবিধা কৰি দি নিৰ্দিষ্ট কেইটামান দিন গুৱাহাটীৰ ৰেষ্টুৰেণ্টসমূহ নিশা ৩.৩০ বজালৈ খোলা ৰখাৰ অনুমতি প্ৰদান কৰিছে ৰাজ্য চৰকাৰে। মুখ্যমন্ত্ৰী হিমন্ত বিশ্ব শৰ্মাই এই কথা সদৰি কৰি কয় যে, ফুটবলে বিশ্বজুৰি কোটি কোটি মানুহক এক সূত্ৰত বান্ধে। সেইবাবে গুৱাহাটীৰ ফুটবল অনুৰাগীসকলে যাতে কোনো অসুবিধা নোহোৱাকৈ ছেমিফাইনেল আৰু ফাইনেল উপভোগ কৰিব পাৰে, তাৰ প্ৰতি লক্ষ্য ৰাখিয়েই এই সিদ্ধান্ত গ্ৰহণ কৰা হৈছে।…

Read More

16 Jul

ৰথ যাত্ৰাৰ পূৰ্বে জগন্নাথ মহাপ্ৰভুৰ স্বাস্থ্য পৰীক্ষা সম্পন্ন চিকিৎসকৰ; ১৫ দিনীয়া ‘অনৱসৰ’ৰ অন্তত সুস্থ ঘোষণা

Paromita0 Commentsঅসম

শতাব্দীপ্ৰাচীন এক ধৰ্মীয় পৰম্পৰাই এইবাৰো দৃষ্টি আকৰ্ষণ কৰিছে দেশজুৰি। উত্তৰ প্ৰদেশৰ জৌনপুৰস্থিত ৰাস মণ্ডল জগন্নাথ মন্দিৰত ১৫ দিনীয়া 'অনৱসৰ' পৰ্ব সামৰি ভগৱান জগন্নাথৰ স্বাস্থ্য পৰীক্ষা সম্পন্ন কৰিলে এদল জ্যেষ্ঠ চিকিৎসকে। পৰীক্ষাৰ অন্তত চিকিৎসকসকলে জনায় যে, ভগৱান জগন্নাথ সম্পূৰ্ণ সুস্থ হৈ উঠিছে। ইয়াৰ পিছতেই আৰম্ভ হৈছে ৰথযাত্ৰাৰ চূড়ান্ত প্ৰস্তুতি। হিন্দু ধৰ্মীয় বিশ্বাস অনুসৰি, স্নান পূৰ্ণিমাৰ দিনা মহাস্নানৰ পিছত ভগৱান জগন্নাথ, বলভদ্ৰ আৰু সুভদ্ৰা জ্বৰত আক্ৰান্ত হয়। ইয়াৰ পিছত ১৫ দিনলৈ দেৱ-দেৱীক জনসাধাৰণৰ দৰ্শনৰ পৰা আঁতৰাই ৰখা হয়। এই সময়ছোৱাক 'অনৱসৰ' বুলি কোৱা হয়। অনৱসৰৰ সময়ত দেৱ-দেৱীক প্ৰতীকীভাৱে চিকিৎসা আগবঢ়োৱা হয়। পৰম্পৰা অনুসৰি, আয়ুৰ্বেদিক ঔষধ আৰু বিশেষ খাদ্য নিবেদন কৰা হয়। ভক্তসকলৰ…

Read More

16 Jul

ক্ৰমাৎ জটিল হৈ পৰিছে সোণম ৱাংচুকৰ স্বাস্থ্য; জৰুৰী চিকিৎসাৰ দাবীৰে উচ্চ ন্যায়ালয়ত দাখিল আবেদন

Paromita0 Commentsঅসম

ক্ৰমাৎ অধিক জটিল হৈ পৰিছে দেশৰ বিশিষ্ট পৰিৱেশকৰ্মী, উদ্ভাৱক আৰু শিক্ষাবিদ সোণম ৱাংচুকৰ স্বাস্থ্য। শিক্ষামন্ত্ৰী ধৰ্মেন্দ্ৰ প্ৰধানৰ পদত্যাগৰ দাবীৰে দিল্লীৰ যন্তৰ মন্তৰত বিগত ১৮ দিন ধৰি অনশন ধৰ্মঘট পালন কৰি আছে ৱাংচুকে। এনে পৰিপ্ৰেক্ষিতত ধীৰে ধীৰে তেওঁৰ স্বাস্থ্যৰ অধিক অৱনতি ঘটাত জীৱনক লৈ গুৰুতৰ আশংকা প্ৰকাশ কৰি দিল্লী উচ্চ ন্যায়ালয়ত এখন আবেদন দাখিল কৰিছে এজন আবেদনকাৰীয়ে। আবেদনখনত উল্লেখ কৰা অনুসৰি, অনশন আৰম্ভ কৰাৰ পিছৰে পৰা সোণম ৱাংচুকৰ ওজন প্ৰায় ৮.৫ কিলোগ্ৰাম হ্ৰাস পাইছে। চিকিৎসকৰ মতামত অনুসৰি অনশন অব্যাহত থাকিলে তেওঁৰ শৰীৰত জীৱনসংকটজনক জটিলতা দেখা দিব পাৰে। এই পৰিস্থিতিত সোণম ৱাংচুকক তৎকালে এখন চৰকাৰী চিকিৎসালয়লৈ স্থানান্তৰ কৰি জৰুৰী চিকিৎসাৰ ব্যৱস্থা নিশ্চিত…

Read More

15 Jul

ধুবুৰী-দক্ষিণ শালমাৰাত নদী অঞ্চলৰ 34.6 কিঃমিঃত বেৰা দিয়া সম্ভৱ নহয়: অসম চৰকাৰ

tarali0 Commentsঅসম

অসম চৰকাৰে বিধানসভাত জনায় যে মুঠ 267.5 কিঃমিঃ অসম-বাংলাদেশ আন্তঃৰাষ্ট্ৰীয় সীমান্তৰ ভিতৰত 228.541 কিঃমিঃ কাঁইটীয়া তাঁৰৰ বেৰেৰে সুৰক্ষিত কৰা হৈছে। ভৌগোলিক কাৰণ আৰু বাংলাদেশৰ আপত্তিৰ বাবে 38.959 কিঃমিঃ সীমান্ত এতিয়াও বেৰাবিহীন হৈ আছে। বিধানসভাত এখন প্ৰশ্নৰ উত্তৰত চৰকাৰে কয় যে অসম-বাংলাদেশ সীমান্ত ধুবুৰী, দক্ষিণ শালমাৰা-মানকাচৰ, কাছাৰ আৰু শ্ৰীভূমি জিলাৰ মাজেৰে বিস্তৃত। Survey of India ৰ তথ্য অনুসৰি ইয়াৰ মুঠ দৈৰ্ঘ্য 267.5 কিঃমিঃ। চৰকাৰ মতে, বেৰাবিহীন 38.959 কিঃমিঃৰ ভিতৰত 34.609 কিঃমিঃ ধুবুৰী আৰু দক্ষিণ শালমাৰা-মানকাচৰ নদী অঞ্চলত পৰিছে। ভূ-প্ৰকৃতিৰ কাৰণে এই অঞ্চলত কাঁইটীয়া তাঁৰৰ বেৰা নিৰ্মাণ সম্ভৱ নহয়। আনহাতে শ্ৰীভূমি জিলাৰ কুশিয়াৰা নদীৰ পাৰৰ 4.35 কিঃমিঃ অঞ্চলত ভাৰতীয় বসতি নদীপাৰত থকাৰ…

Read More

15 Jul

প্ৰায় আধা ঘণ্টা পূৰ্বে পাতিছিল পৰিয়ালৰ সৈতে কথা! তাৰ পিছতে সূদুৰ সমুদ্ৰৰ বুকুত মৃত্যু ভাৰতীয় নাৱিকৰ

Paromita0 Commentsঅসম

পৰিয়ালৰ সৈতে অন্তিমবাৰৰ বাবে কথা পতাৰ কেইটামান মুহূৰ্তৰ পিছতে সুদুৰ সমুদ্ৰৰ বুকুত মৃত্যুৰ কোলাত শুই পৰিল এজন ভাৰতীয় নাৱিক। ওমান উপকূলৰ সমীপৰ কৌশলগত হৰমুজ প্ৰণালীত এখন বাণিজ্যিক জাহাজত সংঘটিত আকাশী আক্ৰমণত প্ৰাণ হেৰুৱালে মহাৰাষ্ট্ৰৰ পুণেৰ মাৰ্চেণ্ট নেভীৰ অভিযন্তা হেৰম্ভ কৰমৰকাৰে। ইৰান-আমেৰিকা সংঘাতৰ মাজতে সংঘটিত এই ঘটনাত আন কেইবাজনো ভাৰতীয় নাগৰিকো আহত হয়। ইয়াৰে দুজনৰ অৱস্থা সংকটজনক বুলি জানিব পৰা গৈছে। জানিব পৰা মতে, হেৰম্ভ কৰমৰকাৰ 'এমভি জিএফএছ গেলেক্সি' নামৰ বাণিজ্যিক জাহাজখনত অভিযন্তা হিচাপে কৰ্মৰত আছিল। দেওবাৰে নিশা ২:৪৯ বজাত তেওঁ পুণেস্থিত পৰিয়ালৰ সৈতে অন্তিমবাৰৰ বাবে ফোনত কথা পাতে। তাৰ মাত্ৰ ৪১ মিনিটৰ পিছতে, পুৱতি নিশা প্ৰায় ৩:৩০ বজাত ওমানৰ সামুদ্ৰিক…

Read More

15 Jul

ৰাজ্যত অব্যাহত বানৰ প্ৰকোপ! মৃতকৰ সংখ্যা ৪ জনলৈ বৃদ্ধি, বানাক্ৰান্ত ৩৭ হাজাৰ

Paromita0 Commentsঅসম

এফালে অব্যাহত আছে বৰষুণ, আনফালে দ্ৰুতগতিত বাঢ়িছে অসমত বানৰ প্ৰকোপ। ৰাজ্যৰ বিভিন্ন প্ৰান্তত বানপানীয়ে পুনৰ ভয়াবহ ৰূপ ধাৰণ কৰাৰ মাজতে এইবাৰ মৃতকৰ সংখ্যা ৪ জনলৈ বৃদ্ধি পোৱাৰ লগতে বানাক্ৰান্তৰ সংখ্যাও ৩৭ হাজাৰ অতিক্ৰম কৰিছে। বুধবাৰে এই তথ্য প্ৰকাশ কৰে অসম ৰাজ্যিক দুৰ্যোগ ব্যৱস্থাপনা প্ৰাধিকৰণে (এএছডিএমএ)। এএছডিএমএই জনায় যে, শোণিতপুৰ জিলাৰ চাৰিদুৱাৰ ৰাজহ চক্ৰত বান-সম্পৰ্কীয় আন এক মৃত্যুৰ ঘটনা সংঘটিত হৈছে। নিহত ব্যক্তিজন ১৩ জুলাইৰ নিশাৰ পৰা নিৰুদ্দেশ হৈ আছিল। পিছদিনা, অৰ্থাৎ ১৪ জুলাইত তেওঁৰ মৃতদেহ উদ্ধাৰ কৰা হয়। প্ৰাধিকৰণৰ শেহতীয়া প্ৰতিবেদন অনুসৰি, বিগত ২৪ ঘণ্টাত বানপানীৰ প্ৰকোপ উল্লেখযোগ্যভাৱে বৃদ্ধি পাইছে। ইয়াৰ ফলত বানৰ কবলত পৰা লোকৰ সংখ্যাও প্ৰায় চাৰিগুণ বৃদ্ধি…

Read More