16
Mar
চৰকাৰ আৰু প্ৰশাসনৰ চৰম অৱহেলাৰ বাবে এতিয়া এজাক বৰষুণতে আলৈ আথানি অৱস্থা হৈছে অসমীয়াৰ আবেগ জুবিন গাৰ্গৰ অন্তিম শয়নৰ স্থান জুবিনক্ষেত্ৰৰ। বিগত ৩-৪ দিন ধৰি চলি থকা নেৰানেপেৰা বৰষুণত সোণাপুৰৰ এই পবিত্ৰ স্থানখন বোকাময় হৈ পৰাৰ লগতে শিল্পীগৰাকীক অনুৰাগীয়ে দিয়া হাজাৰ হাজাৰ উপহাৰো বৰষুণত তিতি নষ্ট হোৱাৰ উপক্ৰম হৈছে। এনে সংকটপূৰ্ণ পৰিস্থিতিত চৰকাৰী পক্ষৰ কোনো সঁহাৰি লাভ নকৰি অৱশেষত শিল্পীগৰাকীৰ পত্নী গৰিমা শইকীয়া গাৰ্গে নিজেই হাতত তিৰ্পাল তুলি ল'বলৈ বাধ্য হয়। বিগত সময়ছোৱাত জুবিনক্ষেত্ৰৰ উন্নয়নৰ বাবে ডাঙৰ ডাঙৰ প্ৰতিশ্ৰুতি দিয়া হৈছিল যদিও বৰ্তমানৰ দৃশ্যই প্ৰশাসনৰ ফোঁপোলা স্বৰূপটোহে উদঙাই দিছে। বতাহ-বৰষুণৰ ফলত জুবিনক্ষেত্ৰৰ টেণ্টৰ কাপোৰ উঁৱলি গৈছে আৰু অনুৰাগীয়ে জ্বলাই থোৱা…
