Sonakshi Sarkar

অহা ফেব্ৰুৱাৰী মাহত অনুষ্ঠিত হ’বলগীয়া টি-২০ বিশ্বকাপৰ পূৰ্বে শেষবাৰৰ বাবে নিজৰ শক্তি পৰীক্ষা কৰাৰ লক্ষ্যৰে আজি নাগপুৰত আলহী দল নিউজিলেণ্ডৰ বিৰুদ্ধে অৱতীৰ্ণ হ’ব ভাৰতীয় ক্ৰিকেট দল। পাঁচখনীয়া টি-২০ মেচৰ এই শৃংখলাটোৰ প্ৰথমখন মেচত ঘৰুৱা দলটোৱে এক প্ৰত্যয়জনক আৰম্ভণি কৰি এদিনীয়া শৃংখলাৰ পৰাজয়ৰ পোতক তোলাৰ পৰিকল্পনা কৰিছে। বিশ্বকাপৰ পূৰ্বে এয়া টীম ইণ্ডিয়াৰ অন্তিমটো টি-২০ শৃংখলা হোৱাৰ বাবে দলৰ প্ৰতিগৰাকী খেলুৱৈৰ বাবে এই যুঁজখন অত্যন্ত গুৰুত্বপূৰ্ণ হিচাপে বিবেচিত হৈছে। বিশেষকৈ অধিনায়ক সূর্যকুমাৰ যাদৱৰ বাবে আজিৰ মেচখন এক ডাঙৰ প্ৰত্যাহ্বান হৈ পৰিব, কাৰণ বিগত কেইবাটাও শৃংখলাত তেওঁৰ বেটৰ পৰা আশানুৰূপ ৰাণ অহা নাই। বিশ্বকাপৰ চূড়ান্ত দলত নিজৰ স্থান আৰু নেতৃত্বৰ প্ৰমাণ দিবলৈ সূৰ্যই…

ভাৰতীয় ক্ৰীড়া জগতৰ এক গৌৰৱময় ইতিহাসৰ সাক্ষী হৈ ৰোৱা ছাইনা নেহৱালে অৱশেষত ক’ৰ্টৰ পৰা আনুষ্ঠানিকভাৱে বিদায় লোৱাৰ কথা ঘোষণা কৰিছে। দীর্ঘদিন ধৰি আঁঠুৰ আঘাতৰ সৈতে যুঁজি থকাৰ পিছত ৩৫ বছৰীয়া এই তাৰকা খেলুৱৈগৰাকীয়ে নিজৰ শৰীৰৰ বৰ্তমানৰ অৱস্থাৰ প্ৰতি লক্ষ্য ৰাখি এই গুৰুত্বপূৰ্ণ সিদ্ধান্ত গ্ৰহণ কৰে। শেহতীয়াকৈ এক পডকাষ্টত নিজৰ অৱসৰৰ ইংগিত দি ছাইনাই কয় যে তেওঁৰ শৰীৰে এতিয়া আৰু পূৰ্বৰ দৰে প্ৰশিক্ষণৰ বোজা ল’ব নোৱাৰে। বিশেষকৈ আঁঠুৰ গুৰুতৰ সমস্যাৰ বাবে উচ্চ পৰ্যায়ৰ খেলত অংশ লোৱাটো তেওঁৰ বাবে অসম্ভৱ হৈ পৰিছে। ক’ৰ্টৰ পৰা বিদায় লোৱাৰ মুহূৰ্তত আৱেগিক হৈ তেওঁ কয়, মই নিজৰ চৰ্তত খেলিবলৈ আৰম্ভ কৰিছিলোঁ আৰু এতিয়া নিজৰ চৰ্ততেই বিদায়…

বাথৰুমত ব্যৱহাৰ কৰা গেছ গীজাৰৰ পৰা নিৰ্গত ধোঁৱাই মৃত্যুৰ কাৰণ হৈ পৰিল এহাল দম্পতীৰ বাবে। উত্তৰ প্ৰদেশৰ পিলভিট চহৰৰ গুৰুকুল পুৰম কলনীত সংঘটিত এই মৰ্মান্তিক ঘটনাই এতিয়া সমগ্ৰ অঞ্চলটোতে শোকৰ ছাঁ পেলাইছে। প্ৰাপ্ত তথ্য অনুসৰি, মৃত দম্পতীহাল ডি আৰ ডি এৰ কৰ্মচাৰী হৰজিন্দৰ সিং (৪২) আৰু তেওঁৰ পত্নী ৰেণু সক্সেনা (৪০) বুলি চিনাক্ত কৰা হৈছে। মঙলবাৰে পুৱা চুবুৰীয়াই বহুসময় ধৰি ফোন কৰাৰ পাছতো কোনো সঁহাৰি নোপোৱাত আৰক্ষীক খবৰ দিয়ে। পৰৱৰ্তী সময়ত আৰক্ষী উপস্থিত হৈ বাথৰুমৰ দুৱাৰ ভাঙি ভিতৰত দুয়োৰে মৃতদেহ উদ্ধাৰ কৰে। প্ৰাৰম্ভিক তদন্ত আৰু মৰণোত্তৰ পৰীক্ষাৰ ৰিপৰ্টত প্ৰকাশ পাইছে যে পত্নী ৰেণুৱে গা ধুই থকা অৱস্থাত অক্সিজেনৰ অভাৱত উশাহ…

অনাগত নিৰ্বাচনৰ ৰণনীতি প্ৰস্তুত কৰাৰ লক্ষ্যৰে সংখ্যালঘু অধ্যূষিত অঞ্চলত ৰাইজৰ দলৰ তৰফৰ পৰা আৰম্ভ কৰা হৈছে এক ব্যাপক নিৰ্বাচনী তৎপৰতা। বুধবাৰে জুৰীয়া দ-গাঁৱত এক বিশাল জনসভাত অংশগ্ৰহণ কৰি শিৱসাগৰৰ বিধায়ক অখিল গগৈয়ে বিজেপি আৰু এআইইউডিএফক ক্ষুৰধাৰ সমালোচনা কৰাৰ লগতে আগন্তুক বিধানসভা নিৰ্বাচনৰ ৰণডংকা বজায়। বিধায়কগৰাকীয়ে মন্তব্য কৰে যে এইবাৰ নিৰ্বাচনত এআইইউডিএফৰ আমিনুল ইছলামক ভোট দিয়া মানে পৰোক্ষভাৱে বিজেপিকহে সহায় কৰা। তেওঁৰ মতে, বিজেপি আৰু এআইইউডিএফ দুয়োটা দলেই সাম্প্ৰদায়িক আৰু আমিনুল ইছলামৰ দৰে নেতাৰ বাবেই ড° হিমন্ত বিশ্ব শৰ্মা নেতৃত্বাধীন বিজেপি চৰকাৰ অধিক শক্তিশালী হৈছে। সংখ্যালঘু ভোটাৰৰ ভোট নষ্ট কৰি এআইইউডিএফে বিজেপিক লাভান্বিত কৰাৰ ষড়যন্ত্ৰত লিপ্ত থকা বুলিও তেওঁ অভিযোগ উত্থাপন…

দেশ সেৱাৰ সপোন বুকুৰ মাজত লৈ অৰুণাচলৰ সীমান্তৱৰ্তী অঞ্চলত সেনাই চলাই অহা বিশেষ প্ৰশিক্ষণে নিশ্চিত কৰিলে এজন স্থানীয় যুৱকৰ উজ্জ্বল ভৱিষ্যত। অৰুণাচল প্ৰদেশৰ পশ্চিম চিয়াং জিলাৰ এলঙত (আলো) ভাৰতীয় সেনাবাহিনীয়ে আগবঢ়োৱা শাৰীৰিক আৰু মানসিক নিৰ্দেশনাৰ ফলশ্ৰুতিতে শেহতীয়াকৈ সীমান্ত সুৰক্ষা বাহিনীত (BSF) নিৰ্বাচিত হ’বলৈ সক্ষম হয় অঞ্চলটোৰ চুম্বি লিগ’ নামৰ যুৱকজন। প্ৰাপ্ত তথ্য অনুসৰি, পশ্চিম চিয়াং জিলাৰ যুৱ প্ৰজন্মক সৱলীকৰণ কৰাৰ উদ্দেশ্যে স্থানীয় সামৰিক কৰ্তৃপক্ষই ধাৰাবাহিকভাৱে কোচিং আৰু শাৰীৰিক প্ৰশিক্ষণ কাৰ্যসূচী চলাই আহিছে। এই প্ৰশিক্ষণৰ জৰিয়তে যুৱকসকলৰ মাজত অনুশাসন, আত্মবিশ্বাস আৰু প্ৰতিযোগিতামূলক পৰীক্ষাৰ বাবে প্ৰয়োজনীয় অৰ্হতা গঢ়ি তোলা হয়। চুম্বি লিগ’ৰ এই সাফল্যই সেনাৰ এই প্ৰচেষ্টাক এক নতুন মাত্ৰা প্ৰদান কৰিছে।…

অসমৰ গৌৰৱ এশিঙিয়া গঁড় সংৰক্ষণৰ দিশত এক মাইলৰ খুঁটি স্থাপন কৰি সোমবাৰে চন্দ্ৰ আৰু কানাই নামৰ দুটাকৈ প্ৰাপ্তবয়স্ক গঁড়ক সফলতাৰে কাজিৰঙা ৰাষ্ট্ৰীয় উদ্যানত পুনৰ সংস্থাপন কৰা হয়। মানুহৰ হাতত ডাঙৰ-দীঘল হোৱা এই গঁড় দুটাক বিজ্ঞানসন্মত পদ্ধতিৰে নিজৰ প্ৰাকৃতিক আৱাসস্থলীলৈ ওভোতাই অনাৰ ঘটনাই উদ্যানখনৰ বন্যপ্ৰাণী পুনৰ সংস্থাপন আঁচনিক এক নতুন মাত্ৰা প্ৰদান কৰিছে। অসম বন বিভাগ, ৱাইল্ডলাইফ ট্ৰাষ্ট অফ ইণ্ডিয়া (WTI) আৰু ইণ্টাৰনেচনেল ফাণ্ড ফৰ এনিমেল ৱেলফেয়াৰ (IFAW) ৰ যুটীয়া উদ্যোগত স্থাপিত বন্যপ্ৰাণী পুনৰ সংস্থাপন আৰু সংৰক্ষণ কেন্দ্ৰই (CWRC) এই স্থানান্তৰ প্ৰক্ৰিয়াটো সম্পন্ন কৰে। প্ৰাপ্ত তথ্য অনুসৰি, চন্দ্ৰক ২০২০ চনৰ আগষ্ট মাহত কাজিৰঙা বনাঞ্চলৰ পৰা আৰু কানাইক ২০২১ চনৰ আগষ্টত নগাঁও…

ৰহস্যজনকভাৱে বাটৰ কুকুৰ নিৰুদ্দেশ হোৱা ঘটনাই আতংকৰ সৃষ্টি কৰি থকাৰ মাজতে মঙলবাৰে পুৱতি নিশা ডিব্ৰুগড় আৰক্ষীয়ে এক বৃহৎ কুকুৰ নিধন চক্ৰৰ বিৰুদ্ধে সফলতা লাভ কৰে। নিয়মীয়া নৈশ তহলৰ সময়ত সন্দেহজনকভাৱে ঘূৰি ফুৰা এখন বাহনৰ পিছা কৰি আৰক্ষীয়ে তিনিজন লোকক কৰায়ত্ত কৰাৰ লগতে কুকুৰ ধৰাৰ বাবে ব্যৱহৃত বহু আপত্তিজনক সামগ্ৰী জব্দ কৰিবলৈ সক্ষম হয়। আৰক্ষীৰ পৰা প্ৰাপ্ত তথ্য অনুসৰি, মঙলবাৰে নিশা প্ৰায় ২ বজাত এটা আৰক্ষী জোৱানৰ দলে এ এচ-০২জেড-৫৩৮৬ নম্বৰৰ এখন বাহনক সন্দেহজনক অৱস্থাত লক্ষ্য কৰে। বাহনখনক খেদি গৈ আটক কৰাৰ পাছত আৰক্ষীয়ে কাৰ্বি আংলং জিলাৰ নিবাসী চিয়ংকিৰি ৰংফাৰ (২৭), ৱাইচং ৰংপি (২৮) আৰু চেনচেন হামছে (২১) নামৰ তিনিজন যুৱকক…

সুদীৰ্ঘ ৩৬ বছৰীয়া নিৰ্বাসিত জীৱনৰ যন্ত্ৰণাৰ অন্তত কাশ্মীৰী পণ্ডিতসকলক নিজ গৃহলৈ ঘূৰাই অনাৰ বাবে এতিয়া উপত্যকাটোত এক আৱেগিক পৰিৱেশৰ সৃষ্টি হৈছে। পিপলছ ডেম’ক্ৰেটিক পাৰ্টিৰ প্ৰধান মেহবুবা মুফতীয়ে মঙলবাৰে স্পষ্টকৈ কয় যে কাশ্মীৰী পণ্ডিতসকলৰ অবিহনে কাশ্মীৰ সদায় আধৰুৱা আৰু তেওঁলোকৰ সন্মানেৰে প্ৰত্যাৱৰ্তনৰ বাবে উপত্যকাবাসীয়ে অধীৰ আগ্ৰহেৰে অপেক্ষা কৰিছে। গান্ধী নগৰস্থিত পি ডি পিৰ মুখ্য কাৰ্যালয়ত সংবাদ মাধ্যমৰ সৈতে হোৱা বাৰ্তালাপত প্ৰাক্তন মুখ্যমন্ত্ৰীগৰাকীয়ে কয় যে কাশ্মীৰী পণ্ডিতসকলে নিজৰ ভৱিষ্যতৰ সিদ্ধান্ত নিজে লোৱা উচিত। ১৯ জানুৱাৰীত নিৰ্বাসিত জীৱনৰ ৩৬ বছৰ সম্পূৰ্ণ হোৱাৰ পৰিপ্ৰেক্ষিতত কাশ্মীৰী পণ্ডিতসকলে চলোৱা প্ৰতিবাদৰ সন্দৰ্ভত সোধা এক প্ৰশ্নৰ উত্তৰত মেহবুবাই কয়, "তেওঁলোক আমাৰ ভাতৃ, আমি বিচাৰোঁ তেওঁলোক মৰ্যাদা সহকাৰে আমাৰ…

বন্ধ কোঠাৰ ভিতৰত পাঁচগৰাকী সদস্যৰ গুলীবিদ্ধ মৃতদেহ উদ্ধাৰৰ ঘটনাই উত্তৰ প্ৰদেশৰ ছাহৰনপুৰ জিলাত তীব্ৰ চাঞ্চল্যৰ সৃষ্টি কৰিছে। মৃতবোৰৰ ভিতৰত ভূমি জৰীপকাৰী অশোক ৰাঠী (৪০), তেওঁৰ পত্নী অজন্তা (৩৭), মাতৃ বিদ্যাবতী (৭০), আৰু দুই পুত্ৰ কাৰ্তিক (১৬) আৰু দেৱ (১৩) অন্তর্ভুক্ত। মৃতদেহৰ মূৰত গুলীৰ চিন আৰু অশোকৰ কাষতে তিনিটা লোড কৰা পিষ্টল উদ্ধাৰ হৈছে, যি ঘটনাটোৰ রহস্যত নতুন পৃষ্ঠাৰ সংযোজন কৰিছে। ছাহৰনপুৰৰ আৰক্ষী অধীক্ষক আশীষ তিৱাৰীয়ে উল্লেখ কৰা মতে, ফৰেনছিক দল আৰু বিশেষ অনুসন্ধানকাৰীসকলে ইতিমধ্যে ঘটনাস্থলীত তদন্ত আৰম্ভ কৰিছে। উদ্ধাৰ হোৱা পিষ্টল দেশীয় নিৰ্মিত বুলি চিহ্নিত হৈছে আৰু তাৰ অনুজ্ঞাপত্ৰৰ পৰীক্ষা চলিছে। অশোক ৰাঠীয়ে পিতৃৰ মৃত্যুৰ পিছত চাকৰি লাভ কৰি নাকুৰ…

এখন তীব্ৰবেগী স্কৰ্পিঅ’ বাহনে সৃষ্টি কৰা পথ দুৰ্ঘটনাক কেন্দ্ৰ কৰি সৃষ্টি হোৱা উত্তেজনাই সোমবাৰে সন্ধিয়া এক ভয়ংকৰ ৰূপ ধাৰণ কৰে কোকৰাঝাৰত। জিলাখনৰ কাৰিগাঁৱৰ গৌৰীনগৰত দুটা ফৈদৰ মাজত সংঘটিত এই ৰক্তক্ষয়ী সংঘৰ্ষত দুজন যুৱকে প্ৰাণ হেৰুওৱাৰ লগতে আন তিনিজন লোক গুৰুতৰভাৱে আহত হয়। প্ৰাপ্ত তথ্য অনুসৰি, সোমবাৰে সন্ধিয়া প্ৰায় ৭:৩০ বজাত সংঘটিত এই ঘটনাত ৰূপসীৰ বাগৰীবাৰী নিবাসী শিখনা জ্বলাও বিস্মিত নামৰ এজন যুৱকৰ মৃত্যু ঘটে। একাংশ প্ৰত্যক্ষদৰ্শীৰ মতে, এখন স্কৰ্পিঅ’ বাহনে দুজন পথচাৰীক খুন্দিওৱাৰ পিছতে পৰিৱেশ উত্তপ্ত হৈ পৰে আৰু দুটা ফৈদৰ মাজত প্ৰচণ্ড কাজিয়াৰ সূত্ৰপাত হয়। দুষ্কৃতিকাৰীয়ে এখন স্কৰ্পিঅ’ বাহনত অগ্নিসংযোগ কৰাৰ ফলত সমগ্ৰ অঞ্চলটোত আতংকময় পৰিৱেশৰ সৃষ্টি হয়। এই…