Sonakshi Sarkar

শীতকালৰ নদীৰ তীব্ৰ সোঁত আৰু গভীৰতাই শেহতীয়াকৈ কালৰূপ ধাৰণ কৰিছে ধুবুৰী জিলাৰ তামৰহাটত। মঙলবাৰে বিয়লি তামৰহাটৰ বেলপাৰা চৰত গংগাধৰ নদী অতিক্ৰম কৰিবলৈ গৈ এখন যন্ত্ৰচালিত নাও দুৰ্ঘটনাত পতিত হোৱাৰ ফলত তিনিগৰাকী শিক্ষাৰ্থী নদীৰ বুকুত নিৰুদ্দেশ হয়। এজন আত্মীয়ৰ শ্ৰাদ্ধৰ অনুষ্ঠানত অংশগ্ৰহণ কৰি উভতি অহাৰ পথতে ২২ জনীয়া যাত্ৰীৰ দলটোক কঢ়িয়াই নিয়া নাওখনে ভাৰসাম্য হেৰুৱাই মৃত্যুক সাৱটি লোৱাৰ উপক্ৰম ঘটায়। ঘটনাৰ বিৱৰণ অনুসৰি, শগুনচাৰা গাঁৱৰ এটা দল গংগাধৰ নদীৰ মাজেৰে উভতি অহাৰ সময়তে মাজভাগত নাওখন হঠাতে ওলট খাই পৰে। নাৱত থকা বেছিভাগ যাত্ৰীয়েই সাতুৰি পাৰলৈ আহিবলৈ সক্ষম হয় যদিও নদীৰ প্ৰচণ্ড সোঁতে উটুৱাই লৈ যায় তিনিগৰাকী শিক্ষাৰ্থীক। নিৰুদ্দেশ হোৱা শিক্ষাৰ্থী কেইগৰাকীক…

গোষ্ঠীগত সংঘাতত জৰ্জৰিত উত্তৰ-পূবৰ সীমান্তৱৰ্তী ৰাজ্য মণিপুৰত ৰাষ্ট্ৰপতি শাসনৰ অন্ত পেলাই পুনৰ চৰকাৰ গঠনৰ পথ প্ৰশস্ত কৰিছে বিজেপি নেতৃত্বাধীন এন ডি এ মিত্ৰজোঁটে। মঙলবাৰে ইম্ফলত অনুষ্ঠিত এক গুৰুত্বপূৰ্ণ বৈঠকত প্ৰাক্তন মন্ত্ৰী ৱাই খেমচান্দ সিঙক এন ডি এ বিধায়িনী দলৰ নেতা হিচাপে সৰ্বসন্মতভাৱে নিৰ্বাচিত কৰা হয়। ইয়াৰ লগে লগে খেমচান্দ সিঙৰ মণিপুৰৰ পৰৱৰ্তী মুখ্যমন্ত্ৰী হোৱাটো নিশ্চিত হোৱাৰ লগতে ৰাজ্যখনত প্ৰায় এবছৰ ধৰি চলি থকা ৰাজনৈতিক অচলাৱস্থাৰ অন্ত পৰাৰ উপক্ৰম ঘটিছে। বিজেপিৰ কেন্দ্ৰীয় পৰ্যবেক্ষক তৰুণ চুগ আৰু উত্তৰ-পূবৰ দায়িত্বত থকা সম্বিত পাত্ৰৰ উপস্থিতিত অনুষ্ঠিত দলীয় বৈঠকত ৩৭ জন বিজেপি বিধায়কৰ ভিতৰত ৩৫ জনেই খেমচান্দ সিঙৰ নামত মোহৰ মাৰে। বিশেষভাৱে মন কৰিবলগীয়া যে,…

অসম অসামৰিক সেৱাৰ বিষয়া  সংগীতা শইকীয়াৰ ৰচিত গ্ৰন্থ  "As Life Moves On"  গুৱাহাটীৰ বিষ্ণু নিৰ্মলা শিশু পুথিভঁৰালত এক সাহিত্যিক অনুষ্ঠানত উন্মোচন কৰা হয় । এই উপলক্ষে অনুষ্ঠিত অনুষ্ঠানত মুখ্য অতিথি হিচাপে ভাগ লৈ গ্ৰন্থখন উন্মোচন কৰে অসম সাহিত্য সভাৰ প্ৰাক্তন সভাপতি আৰু অসম আৰক্ষীৰ অৱসৰপ্ৰাপ্ত সঞ্চালক প্ৰধান ডঃ কুলধৰ শইকীয়াই। অনুষ্ঠানত যুৱ সাহিত্যিক চেইখ আল আহমেদ, নীলোৎপল গোঁহাই আৰু ঋত্বিকা ফুকন উপস্থিত আছিল। অনুষ্ঠানটোত সাহিত্য, জীৱনৰ অভিজ্ঞতা, আৰু লেখাৰ মাধ্যমত আত্ম-অনুসন্ধান লাভৰ বিষয়ত গুৰুত্বপূৰ্ণ আলোচনা অনুষ্ঠিত হয়। উল্লেখ্য যে "As Life Moves On"  এখন মননশীল সাহিত্যকৰ্ম । য'ত জীৱনৰ পৰিবৰ্তন, মানসিক দৃঢ়তা, আৰু দৈনন্দিন জীৱনত লুকাই থকা নিঃশব্দ কাহিনী বৰ্ণনা…

ৰাজনীতিৰ পথাৰলৈ পুনৰ উভতিল জ্ঞানশ্ৰী বৰা। চৰকাৰী মহাবিদ্যালয়ৰ সহকাৰী অধ্যাপিকাৰ পদৰ পৰা অব্যাহতি লৈ পুনৰ ৰাজনৈতিক যাত্ৰা আৰম্ভ কৰাৰ প্ৰস্তুতি চলাইছে ড০ জ্ঞানশ্ৰীয়ে। গোৱালপাৰা মহাবিদ্যালয়ত কৰ্মৰত জ্ঞানশ্ৰীয়ে হঠাতে শিক্ষকতা এৰি সক্ৰিয় ৰাজনীতিত যোগদান কৰাৰ চৰ্চাই এতিয়া ৰাজ্যৰ সচেতন মহলত তীব্ৰ প্ৰতিক্ৰিয়াৰ সৃষ্টি কৰে। বিশেষকৈ 'কা' বিৰোধী আন্দোলনৰ সময়ত নিজৰ চোকা বক্তব্যৰে সামাজিক মাধ্যমত ব্যাপক জনপ্ৰিয়তা অৰ্জন কৰা জ্ঞানশ্ৰীৰ এই পদক্ষেপে এক বিশেষ ৰাজনৈতিক ইংগিত বহন কৰিছে। উল্লেখ্য যে ড০ জ্ঞানশ্ৰী বৰা কৃষক মুক্তি সংগ্ৰাম সমিতিৰ ভগ্নী সংগঠন 'জাতীয় নাৰী বাহিনী'ৰ প্ৰতিষ্ঠাপক সভানেত্ৰীৰ দায়িত্বত আছিল। ২০২৩ চনত তেওঁ অসম চৰকাৰৰ অধীনত গোৱালপাৰা মহাবিদ্যালয়ত সহকাৰী অধ্যাপিকা হিচাপে নিযুক্তি লাভ কৰিছিল। চাকৰি জীৱনৰ…

দুৰ্নীতিৰ বিৰুদ্ধে ৰাজ্য চৰকাৰে চলোৱা কঠোৰ অভিযানৰ মাজতে ভূমি কেলেংকাৰিৰ গুৰুতৰ অভিযোগত পুনৰ গ্ৰেপ্তাৰ কৰা হৈছে এ চি এছ বিষয়া নূপুৰ বৰাক। বৰপেটাৰ জিলা আয়ুক্ত আৰু সহকাৰী আয়ুক্তই দাখিল কৰা এজাহাৰৰ ভিত্তিত মুখ্যমন্ত্ৰীৰ বিশেষ তদাৰকী কোষে অভিযান চলাই অৱশেষত বিতৰ্কিত বিষয়াগৰাকীক জিম্মাত লয়। নূপুৰ বৰাৰ বিৰুদ্ধে উত্থাপিত এই অভিযোগৰ সন্দৰ্ভত তদাৰকী কোষত ৩২/২৫ নম্বৰত এক গোচৰ ৰুজু কৰা হৈছিল। তদন্তকাৰী সংস্থাটোৱে সদৰী কৰা মতে, বৰপেটাত কাৰ্যনিৰ্বাহ কৰি থকাৰ সময়ত বিষয়াগৰাকীয়ে প্ৰায় ২৮৪ গৰাকী লোকৰ নামত অবৈধ প্ৰক্ৰিয়াৰে ভূমি পঞ্জীয়ন কৰি দিছিল। ইয়াৰে অৰ্ধ শতাধিক লোকৰ ভূমি নথি কোনো ধৰণৰ চৰকাৰী পঞ্জীয়ন নকৰাকৈ কেৱল লাখ লাখ টকাৰ বিনিময়ত নামজাৰি কৰাৰ তথ্য…

ভাৰতৰ ওপৰত পূৰ্বৰ ২৫ শতাংশ শুল্ক এতিয়া ১৮ শতাংশলৈ হ্ৰাস কৰিছে আমেৰিকাই। সোমবাৰে আমেৰিকাৰ ৰাষ্ট্ৰপতি ডোনাল্ড ট্ৰাম্পে প্ৰধানমন্ত্ৰী নৰেন্দ্ৰ মোদীৰ সৈতে হোৱা এক টেলিফোনিক বাৰ্তালাপৰ পাছতে শুল্ক কৰ্তনৰ এই গুৰুত্বপূৰ্ণ ঘোষণা কৰে। ইয়াৰ লগে লগে বিশ্বৰ দুই বৃহৎ গণতান্ত্ৰিক দেশৰ বাণিজ্যিক সম্পৰ্কই এক নতুন আৰু শক্তিশালী মাত্ৰা লাভ কৰিছে। এই ঘোষণাত উৎফুল্লিত হৈ প্ৰধানমন্ত্ৰী মোদীয়ে ৰাষ্ট্ৰপতি ট্ৰাম্পক ধন্যবাদ জ্ঞাপন কৰে। প্ৰধানমন্ত্ৰীয়ে কয়, "মেড ইন ইণ্ডিয়া সামগ্ৰীৰ ওপৰত এতিয়াৰে পৰা ১৮ শতাংশ শুল্ক হ্ৰাস পাব বুলি জানি মই আনন্দিত হৈছোঁ।" তেওঁ লগতে কয়, "যেতিয়া দুখন বৃহৎ অৰ্থনীতি আৰু বিশ্বৰ বৃহত্তম গণতন্ত্ৰই একেলগে কাম কৰে, তেতিয়া ই আমাৰ জনসাধাৰণক উপকৃত কৰে।" ইফালে,…

দেশৰ বিভিন্ন নিৰ্বাচনত লাভ কৰা ধাৰাবাহিক সাফল্যৰ পাছত শাসকীয় জোঁটৰ সাংসদসকলক অধিক সক্ৰিয় আৰু দায়বদ্ধ হ’বলৈ এতিয়া বিশেষ আহ্বান জনাইছে প্ৰধানমন্ত্ৰী নৰেন্দ্ৰ মোদীয়ে। মঙলবাৰে নতুন দিল্লীত অনুষ্ঠিত ৰাষ্ট্ৰীয় গণতান্ত্ৰিক মিত্ৰজোঁট চমুকৈ এনডিএৰ সংসদীয় দলৰ গুৰুত্বপূৰ্ণ বৈঠকত অংশগ্ৰহণ কৰি প্ৰধানমন্ত্ৰীগৰাকীয়ে স্পষ্ট কৰি দিয়ে যে কেৱল নিৰ্বাচনী জয়েই শেষ কথা নহয়। তেওঁ সাংসদসকলক উদ্দেশ্যি কয় যে কোনো কাৰণতে নিৰ্বাচনী ফলাফলক লৈ আত্মসন্তুষ্ট হ’ব নালাগে, বৰঞ্চ জনহিতকৰ নীতি আৰু কঠোৰ পৰিশ্ৰমেৰে জনসাধাৰণৰ কাষ চাপিব লাগে। বৈঠকৰ সন্দৰ্ভত সংসদীয় পৰিক্ৰমা মন্ত্ৰী কিৰেণ ৰিজিজুৱে সংবাদ মাধ্যমক জনোৱা মতে, প্ৰধানমন্ত্ৰীয়ে সাংসদসকলক তৃণমূল পৰ্যায়ত কাম কৰি যাবলৈ নিৰ্দেশ দিছে। প্ৰধানমন্ত্ৰীয়ে কয়, "মাটিত থকা অবিহনে নিৰ্বাচন জিকিব নোৱাৰি।"…

বন্যপ্ৰাণী সুৰক্ষা আইন উলংঘা কৰি বনাঞ্চলত অবৈধ চিকাৰ চলোৱা অপৰাধত এতিয়া কাৰাগাৰৰ আলহী হ’বলগীয়া হ’ল দুজন উদণ্ড চিকাৰী। মিজোৰামৰ লংলেয় জিলাৰ অন্তৰ্গত তু্ইফাল বনাঞ্চলত যোৱা ৩১ জানুৱাৰীত নিয়মীয়া তহল দি থকাৰ সময়তে নেংপুই বন্যপ্ৰাণী ৰেঞ্জৰ বনকৰ্মীৰ দলে লালট্লানজুৱালা আৰু লালবিয়াকলিয়ানা নামৰ লোক দুজনৰ পৰা দুটা এয়াৰ ৰাইফলসহ বৃহৎ পৰিমাণৰ মৃত পক্ষী উদ্ধাৰ কৰে। ধৃত চিকাৰী দুজনৰ বিৰুদ্ধে বন বিভাগে এক ফৌজদাৰী গোচৰ ৰুজু কৰি সোমবাৰে আদালতত হাজিৰ কৰায়। বন বিষয়াসকলে জনোৱা মতে, জব্দ কৰা বন্যপ্ৰাণীসমূহৰ ভিতৰত বন্যপ্ৰাণী সুৰক্ষা আইনৰ প্ৰথম সূচীত অন্তৰ্ভুক্ত ৩ টা বিৰল পক্ষীৰ লগতে আন কেইবাটাও প্ৰজাতিৰ ৩৮ টা পক্ষী আৰু কেৰ্কেটুৱা আছে। ১ ফেব্ৰুৱাৰীত লংলেয়ৰ চিজেএম…