Sonakshi Sarkar

পশ্চিমবংগত নিৰ্বাচনী যুঁজ তীব্ৰতৰ হৈ পৰাৰ মাজতে বিজেপিৰ হৈ প্ৰচাৰ চলাই মমতা বেনাৰ্জীক লক্ষ্য কৰি লোৱা দেখা গ’ল হিমন্ত বিশ্ব শৰ্মাক। বৃহস্পতিবাৰে কোচবিহাৰ দক্ষিণত আয়োজিত এক বিশাল জনসভাত অংশ লৈ মুখ্যমন্ত্ৰীগৰাকীয়ে তৃণমূল কংগ্ৰেছৰ শাসনকালৰ তীব্ৰ সমালোচনা কৰে। ধৰ্মীয় অনুষ্ঠানক লৈ পশ্চিমবংগত বিৰ্তকিত মন্তব্য কৰাটো এক সহজলভ্য বিষয় হৈ পৰা বুলি অভিযোগ কৰি এনে আচৰণ অসম বা উত্তৰ প্ৰদেশত সহ্য কৰা নহয় বুলিও তেওঁ হুংকাৰ দিয়ে। তৃণমূল কংগ্ৰেছৰ নেতৃত্বই ৰাজ্যখনত যিকোনো মন্তব্য কৰিব পৰা এক মুকলি পৰিৱেশ গঢ়ি তুলিছে বুলিও তেওঁ তীব্ৰ কটাক্ষ কৰে। সীমান্ত সুৰক্ষাৰ প্ৰসংগতো তৃণমূল চৰকাৰৰ বিৰুদ্ধে সোচ্চাৰ হৈ পৰে অসমৰ মুখ্যমন্ত্ৰীগৰাকী। অসম আৰু ত্ৰিপুৰাত সীমান্তত কাঁটাতাঁৰৰ বেৰ…

অৱশেষত অন্ত পৰিল যমুনাৰ বুকুত বিগত এটা সপ্তাহে চলি থকা উদ্ধাৰ অভিযানৰ। নাও দুৰ্ঘটনাত নিখোজ হৈ থকা অন্তিমজন ব্যক্তিৰ মৃতদেহ উদ্ধাৰ হোৱাৰ পাছতে অন্ত পেলোৱা হয় এই উদ্ধাৰ অভিযানৰ। উল্লেখ্য যে উদ্ধাৰকাৰী দলে বিগত এটা সপ্তাহধৰি চলাই থকা উদ্ধাৰ অভিযানৰ পৰিপ্ৰেক্ষিতত বৃহস্পতিবাৰে উদ্ধাৰ কৰে সন্ধানহীন পংকজ মালহোত্ৰা নামৰ ব্যক্তিজনৰ মৃতদেহ। ইফালে এই অন্তিমটো মৃতদেহ উদ্ধাৰ হোৱাৰ পাছতে দুৰ্ঘটনাত মুঠ নিহতৰ সংখ্যা এতিয়া ১৬ জনলৈ বৃদ্ধি পাইছে। উল্লেখযোগ্য যে যোৱা ১০ এপ্ৰিলত ৩৮ গৰাকী ভক্তসহ এখন নাও ডুব যোৱাৰ ফলত এই শোকাবহ ঘটনাটো সংঘটিত হৈছিল। মথুৰাৰ জিলা দণ্ডাধীশ চন্দ্ৰ প্ৰকাশ সিঙে এই সমগ্ৰ ঘটনাৰ দণ্ডাধীশ পৰ্যায়ৰ তদন্তৰ নিৰ্দেশ দিয়ে। আৰক্ষীৰ প্ৰাথমিক…

অন্ধ্ৰপ্ৰদেশৰ কুৰ্নুল জিলাত বৃহস্পতিবাৰে পুৱতি নিশা সংঘটিত এক শোকাবহ পথ দুৰ্ঘটনাত প্ৰাণ হেৰুৱায় কৰ্ণাটকৰ আঠগৰাকী তীৰ্থযাত্ৰীয়ে। এখন যাত্ৰীবাহী পিক-আপ ভান আৰু ট্ৰাকৰ মাজত হোৱা মুখামুখি সংঘৰ্ষৰ ফলত এই শোকাৱহ ঘটনাটো সংঘটিত হয়। মৃতসকলৰ ভিতৰত পাঁচগৰাকী মহিলা আৰু এটি তিনি বছৰীয়া শিশুও আছে। আৰক্ষীৰ সূত্ৰই জনোৱা মতে, দুৰ্ঘটনাটোত আন নজন লোক গুৰুতৰভাৱে আহত হয়। তেওঁলোকক উদ্ধাৰ কৰি স্থানীয় হাস্পতালত ভৰ্তি কৰা হৈছে। মৃত তীৰ্থযাত্ৰীসকল কৰ্ণাটকৰ চিকমাগালুৰু জিলাৰ উদায়ী গাঁৱৰ বাসিন্দা বুলি চিনাক্ত কৰা হৈছে। মন্ত্ৰালয়ৰ শ্ৰী ৰাঘৱেন্দ্ৰ স্বামী মন্দিৰ অভিমুখে গৈ থকা পিক-আপ ভানখনে ১৬৭ নম্বৰ ৰাষ্ট্ৰীয় ঘাইপথৰ চিলাকালডোনা গাঁৱৰ সমীপত এখন কংক্ৰিট মিক্সাৰ ট্ৰাকক খুন্দা মাৰে। দুৰ্ঘটনাটোৰ সময়ত বাহনখনত মুঠ…

বাংলাদেশৰ জ্যেষ্ঠ বেগী বলাৰ ৰুবেল হোছেইনে অলপতে সকলো ধৰণৰ আন্তঃৰাষ্ট্ৰীয় ক্ৰিকেটৰ পৰা অৱসৰ লোৱাৰ কথা ঘোষণা কৰে। ৩৬ বছৰীয়া বলাৰগৰাকীয়ে ছ’চিয়েল মিডিয়াৰ জৰিয়তে এই সিদ্ধান্তৰ কথা ঘোষণা কৰে। ৰুবেলে বাংলাদেশক কেৰিয়াৰত কেইবাটাও ঐতিহাসিক জয়ৰ নেতৃত্ব দিছিল, য’ত আটাইতকৈ স্মৰণীয় জয় আছিল ২০১৫ চনৰ বিশ্বকাপত ইংলেণ্ডৰ বিৰুদ্ধে জয়লাভ। অৱশ্যে তেওঁ ঘৰুৱা ক্ৰিকেট খেলি থাকিব বুলি স্পষ্ট কৰি দিয়ে। ৰুবেলে নিজৰ পোষ্টত লিখিছে-মই বেগী বলাৰ ৰুবেল হোছেইন। মই বাংলাদেশৰ হৈ ২৭ খন টেষ্ট, ১০৪ খন এদিনীয়া, আৰু ২৮ খন টি-২০ খেলিছো। ৰাষ্ট্ৰীয় দলটো মোৰ আবেগ, কিন্তু এটা সময়ত আন্তঃৰাষ্ট্ৰীয় ক্ৰিকেট পৰিত্যাগ কৰিবলগীয়া হৈছে। সেই কথা মনত ৰাখি মই আন্তঃৰাষ্ট্ৰীয় ক্ৰিকেটক বিদায় দিছো।…

ইৰানে আমেৰিকা আৰু ইজৰাইলৰ আক্ৰমণৰ বাবে প্ৰায় ২৭০ বিলিয়ন ডলাৰৰ লোকচানৰ সন্মুখীন হোৱা বুলি উল্লেখ কৰিছে। এই ঘোষণা ইৰানৰ শাসন ব্যৱস্থাৰ মুখপাত্ৰ ফাতিমা মোহাজেৰানীয়ে কৰিছে। তেওঁ কয় যে এই সংখ্যা প্ৰত্যক্ষ আৰু পৰোক্ষ দুয়োটা লোকচানৰ সংমিশ্ৰণেৰে উলিওৱা হৈছে। ৰাছিয়াৰ সংবাদ সংস্থা আৰ আই এ নভোষ্টিৰ সৈতে হোৱা এক সাক্ষাৎকাৰত মোহাজেৰাণীয়ে কয় যে আমাৰ আলোচনাপন্থী দলটোৰ এটা মূল দাবীৰ ভিতৰত আছিল যুদ্ধৰ ক্ষতিপূৰণ পৰিশোধ কৰা।  ইছলামবাদত আমেৰিকাৰ সৈতে হোৱা আলোচনাত ইৰানৰ দহটা চৰ্তৰ ভিতৰত এটা আছিল যুদ্ধৰ ক্ষতিপূৰণৰ দাবী। ইয়াৰ উপৰিও ইৰানে চুবুৰীয়া ৰাষ্ট্ৰ ছৌদি আৰব, ইউ এ ই, কাটাৰ, বাহৰেইন, কুৱেইটৰ পৰা যুদ্ধৰ ক্ষতিপূৰণৰ ক্ষতিপূৰণৰ দাবী জনাইছে। ৰাষ্ট্ৰসংঘত ইৰানৰ ৰাষ্ট্ৰদূত…

অসমীয়া ভাষা-সাহিত্য আৰু সমাজ জীৱনলৈ অৱদান আগবঢ়োৱা জ্যেষ্ঠ নাগৰিকক সন্মান জনোৱাৰ লক্ষ্যৰে ‘নিজৰ দিন’ পালন কৰিব অসম সাহিত্য সভাই। ব’হাগ বিহুৰ প্ৰথম দিনটোত আয়োজন কৰা এই বিশেষ কাৰ্যসূচীৰ জৰিয়তে সমগ্ৰ ৰাজ্যৰ ৫ হাজাৰগৰাকী জ্যেষ্ঠ ব্যক্তিক সম্বৰ্ধনা জনাব সাহিত্য সভাৰ বিভিন্ন শাখাৰ প্ৰতিনিধিয়ে। অহা ১৫ এপ্ৰিলৰ পুৱা ৯ বজাৰ পৰা সন্ধিয়া ৭ বজাৰ ভিতৰত এই সম্বৰ্ধনা প্ৰক্ৰিয়া সম্পন্ন কৰিবলৈ ইতিমধ্যে প্ৰতিটো শাখাকে নিৰ্দেশ দিছে সভাৰ কেন্দ্ৰীয় সমিতিয়ে। ৰাজ্যৰ বৌদ্ধিক আৰু সাংস্কৃতিক জগতৰ প্ৰতিষ্ঠিত ৬৫ বছৰৰ উৰ্ধৰ ব্যক্তিসকলক তেওঁলোকৰ বাসগৃহলৈ গৈ জনোৱা হ’ব এই বিশেষ সন্মান। পৰম্পৰা অনুসৰি শৰাইত থুৰীয়া তামোল-পাণ, থলুৱা শিপিনীয়ে বোৱা গামোচা আৰু গ্ৰন্থৰ টোপোলাৰে প্ৰতিগৰাকী জ্যেষ্ঠ নাগৰিকক আদৰণি…

মুখ্যমন্ত্ৰী হিমন্ত বিশ্ব শৰ্মাৰ পত্নীৰ বিৰুদ্ধে উত্থাপিত পাছপ’ৰ্ট কেলেংকাৰীৰ অভিযোগে এতিয়া ৰাষ্ট্ৰীয় ৰাজনীতিৰ কেন্দ্ৰবিন্দুত লাভ কৰিছে বিশেষ স্থান। যোৱা এসপ্তাহ ধৰি চলা এই বিতৰ্কত সোমবাৰে পোনপটীয়াকৈ জঁপিয়াই পৰে কংগ্ৰেছ নেতা ৰাহুল গান্ধী। মুখ্যমন্ত্ৰীক দুৰ্নীতি আৰু চৰকাৰী শক্তিৰ অপব্যৱহাৰৰ অভিযোগত অভিযুক্ত কৰি গান্ধীয়ে চলোৱা এই আক্ৰমণে এতিয়া বিজেপিৰ শীৰ্ষ নেতৃত্বক অস্বস্তিত পেলাইছে। পৱন খেৰাই মুখ্যমন্ত্ৰীৰ পত্নী ৰিণিকি ভূঞা শৰ্মাৰ একাধিক পাছপ’ৰ্ট আৰু বিদেশত থকা অঘোষিত সম্পত্তিৰ তথ্য ফাদিল কৰাৰ পাছতেই এই যুদ্ধৰ আৰম্ভণি হয়। নিৰ্বাচনী শপতনামাত এই তথ্য লুকুওৱাৰ অভিযোগৰ ওপৰত ভিত্তি কৰি ৰাহুল গান্ধীয়ে আজি কয় যে কোনো ব্যক্তিয়ে আইনৰ উৰ্ধত হ’ব নোৱাৰে। তেওঁৰ মতে বিৰোধীৰ কণ্ঠ ৰোধ কৰিবলৈ অসম…

চ'ত আৰু ব’হাগ মাহৰ সংক্ৰান্তিৰ দিনা পালন কৰা হয় অসমীয়া চহা জীৱনৰ অন্যতম উৎসৱ গৰু বিহু। ৰাজ্যৰ বিভিন্ন প্ৰান্তৰ কৃষকসকলে সাতমপুৰুষীয়া ৰীতি-নীতি মানি মঙলবাৰে উদযাপন কৰিছে বিহুৰ এই প্ৰথমটো দিন। কৃষিজীৱী ৰাইজে পুৱাতেই ওচৰৰ নৈ, বিল বা পুখুৰীলৈ গৰু লৈ গৈ ধুৱাইছে গা। পৰম্পৰা অনুসৰি লাও, বেঙেনা আৰু হালধি গৰুৰ গাত দি প্ৰতিজন কৃষকে গাইছে— 'লাও খা বেঙেনা খা, বছৰে বছৰে বাঢ়ি যা'। লোক বিশ্বাস অনুসৰি গৰু বিহুৰ দিনা সন্ধিয়া গোহালিৰ গৰুকেইটাক নতুন পঘাৰে বন্ধা হয়। মাহ, হালধি আৰু তেল সানি এই নতুন পঘাৰে গৰুক বান্ধিলে বহু ৰোগৰ পৰা পৰিত্ৰাণ পোৱা যায় বুলি বিশ্বাস কৰে গ্ৰাম্য সমাজে। একেদৰে গৃহস্থই খেৰ…

মুখ্যমন্ত্ৰীৰ পত্নীৰ বিৰুদ্ধে কৰা বিতৰ্কিত মন্তব্যক লৈ এতিয়া দিল্লীৰ পৰা গুৱাহাটীলৈ তীব্ৰতৰ হৈছে আইনী যুঁজ। তেলেংগানা উচ্চ ন্যায়ালয়ে কংগ্ৰেছ নেতা পৱন খেৰাক প্ৰদান কৰা এসপ্তাহৰ ট্ৰেনজিট অগ্ৰিম জামিনৰ নিৰ্দেশক প্ৰত্যাহ্বান জনাই দেওবাৰে সৰ্বোচ্চ আদালতৰ দ্বাৰস্থ হয় অসম চৰকাৰ। অধিবক্তা শুভদীপ ৰয়ৰ জৰিয়তে দাখিল কৰা এই আবেদনখন চলিত সপ্তাহতে শুনানি হোৱাৰ সম্ভাৱনা আছে। যোৱা ৫ এপ্ৰিলত এক সংবাদমেলত পৱন খেৰাই মুখ্যমন্ত্ৰী হিমন্ত বিশ্ব শৰ্মাৰ পত্নী ৰিণিকি ভূঞা শৰ্মাৰ বিৰুদ্ধে একাধিক পাছপ’ৰ্ট আৰু বিদেশত অঘোষিত সম্পত্তি থকাৰ গুৰুতৰ অভিযোগ উত্থাপন কৰিছিল। নিৰ্বাচনী শপতনামাত এই তথ্য লুকুওৱাৰ অভিযোগ তুলি খেৰাই কৰা মন্তব্যৰ পাছতেই গুৱাহাটী ক্ৰাইম ব্ৰাঞ্চত তেওঁৰ বিৰুদ্ধে প্ৰতাৰণা আৰু মিছা তথ্য বিয়পোৱাৰ…

অসমৰ মিনি ইণ্ডিয়া হিচাপে পৰিগণিত হৈ অহা তথা বিভিন্ন জাতি-জনজাতি, ভাষা-ভাষী লোকৰ  মিলনভূমি মালিগাঁৱত বাস কৰা বিভিন্ন ধর্মালম্বী লোকসকলে মিলি ৬৪ টা বছৰে বিহু উদযাপন কৰি আহিছে। পাণ্ডু বিহু সম্মিলনী , মালিগাঁৱে  বিভিন্ন ঘাট-প্রতিঘাটৰ মাজেৰে আহি ৬৫ বছৰত ভৰি দিলে। কিছু বছৰৰ পৰা মালিগাঁৱ ৰেলৱে ষ্টেডিয়ামত উদযাপন কৰি অহা  বিহুখনৰ বাবে অলপ জটিলতা আহি পৰিছিল। বিহু উদযাপনৰ বাবে কমেও এমাহৰ বাবে বিভিন্ন খেলৰ অনুশীলন বন্ধ হৈ পৰিছিল ৰেলৱে ষ্টেডিয়ামখনত। ইয়াৰ পৰিপ্ৰেক্ষিতত বিষয়টোৰ এটা স্থায়ী সমাধান সূত্ৰ আৰু সন্মিলনীৰ এটা স্থায়ী ঠিকনা বিচাৰি উত্তৰ পূব সীমান্ত ৰেলৱেৰ অগ্ৰণী ট্ৰেড ইউনিয়ন এন এফ ৰেলৱে এম্পলইজ ইউনিয়নৰ কেন্দ্ৰীয় সাধাৰণ সম্পাদক মুনীন্দ্র শইকীয়া ,…