Sonakshi Sarkar

ৰাজ্যৰ আকাশত হঠাতে দেখা দিয়া প্ৰতিকূল বতৰৰ বাবেই অসমৰ বিভিন্ন প্ৰান্তত বিগত তিনি দিনত বজ্ৰপাতৰ ফলত কৰুণ মৃত্যুক সাৱটি ল’বলগীয়া হৈছে কমেও পাঁচজন লোকে। অসম ৰাজ্যিক দুৰ্যোগ ব্যৱস্থাপনা প্ৰাধিকৰণৰ সূত্ৰই প্ৰকাশ কৰা তথ্য অনুসৰি, কোকৰাঝাৰ, বৰপেটা, গোলাঘাট, ওদালগুৰি আৰু ডিব্ৰুগড় জিলাৰ সুকীয়া সুকীয়া স্থানত এই শোকাৱহ ঘটনাৰাজি সংঘটিত হয়। মানুহৰ সমান্তৰালভাৱে এই সময়ছোৱাত হোৱা প্ৰচণ্ড বজ্ৰপাতৰ ফলত ৰাজ্যৰ বিভিন্ন ঠাইত অন্ততঃ ছয়টাকৈ পোহনীয়া পশুধনৰো মৃত্যু ঘটিছে। শেহতীয়া তথ্য অনুসৰি, কেৱল ২৩ মে’ দিনটোতে কোকৰাঝাৰ, বৰপেটা আৰু গোলাঘাট জিলাত এজনকৈ মুঠ তিনিজন লোকৰ কৰুণ মৃত্যু হয়। ইয়াৰ পূৰ্বে যোৱা ২২ মে’ত ওদালগুৰিত আৰু ২১ মে’ত ডিব্ৰুগড় জিলাত এজনকৈ লোকে বজ্ৰপাতৰ ফলত…

কাছাৰ জিলাত ড্ৰাগছ সৰবৰাহকাৰীৰ বিৰুদ্ধে অব্যাহত থকা আৰক্ষীৰ তীব্ৰ অভিযানৰ মাজতে শিলচৰ বাইপাছৰ সমীপত জব্দ কৰা হৈছে প্ৰায় ৫০ লাখ টকা মূল্যৰ হেৰ’ইন। জিলাখনত ড্ৰাগছৰ অবৈধ কাৰবাৰ সম্পূৰ্ণৰূপে নিৰ্মূল কৰাৰ উদ্দেশ্যে চলোৱা এক নিয়মীয়া তালাচী অভিযানৰ সময়তে আৰক্ষীৰ এটা দলে এই বৃহৎ সফলতা লাভ কৰে। এক গোপন সূত্ৰৰ পম খেদি শিলচৰ বাইপাছ পথত খাপ পিটি থকা আৰক্ষীৰ দলটোৱে মিজোৰামৰ পঞ্জীয়নভুক্ত এখন বোলেৰ’ বাহন অৱৰোধ কৰি তালাচী চলাওতেই উদ্ধাৰ হয় এই নিষিদ্ধ ড্ৰাগছখিনি। আৰক্ষীৰ সূত্ৰই প্ৰকাশ কৰা তথ্য অনুসৰি, জব্দ কৰা বোলেৰ’ বাহনখনৰ ভিতৰত অতি গোপনীয়ভাৱে লুকুৱাই থোৱা আঠটাকৈ চাবোনৰ বাকচৰ পৰা প্ৰায় ৯০ গ্ৰাম সন্দেহযুক্ত হেৰ’ইন উদ্ধাৰ কৰা হয়। ক’লা…

শেহতীয়া অসম বিধানসভা নিৰ্বাচনত এক ঐতিহাসিক বিজয় সাব্যস্ত কৰাৰ পিছতেই কাইলৈ ২৬ মে’ত গুৱাহাটীত আয়োজন কৰা হৈছে এক বিশাল সম্বৰ্ধনা অনুষ্ঠানৰ। ৰাজ্যত ধাৰাবাহিকভাৱে তৃতীয়বাৰৰ বাবে চৰকাৰ গঠনৰ পথ প্ৰশস্ত কৰা বিজেপি দলৰ সকলো নৱ-নিৰ্বাচিত ৮২ গৰাকী বিধায়কক অসম প্ৰদেশ বিজেপিৰ তৰফৰ পৰা এই অনুষ্ঠানত বিশেষভাৱে সন্মানিত কৰা হ’ব। কাইলৈ সন্ধিয়া ৬ বজাত শ্ৰীমন্ত শংকৰদেৱ আন্তৰ্জাতিক প্ৰেক্ষাগৃহত এই মূল কাৰ্যসূচী ৰূপায়ণ কৰা হ’ব বুলি দলৰ মুখ্য কাৰ্যালয়ৰ পৰা প্ৰকাশ কৰা এক বিবৃতিত জানিব পৰা গৈছে। এই সম্বৰ্ধনা অনুষ্ঠানৰ পূৰ্বে কাইলৈ পুৱা ১০ বজাৰ পৰা শ্ৰী শ্ৰী দামোদৰদেৱ প্ৰেক্ষাগৃহত ৰাজ্যৰ সকলো জিলা আৰু মণ্ডল সভাপতিৰ উপস্থিতিত এক গুৰুত্বপূৰ্ণ সাংগঠনিক বৈঠক অনুষ্ঠিত হ’ব।…

বিগত ২০২৩ চনৰ গোষ্ঠীগত হিংসাৰ সময়ত মণিপুৰত সংঘটিত হোৱা দুগৰাকী ছাত্ৰৰ মৰ্মন্তুদ হত্যাকাণ্ডৰ তদন্তৰ ক্ষিপ্ৰ অগ্ৰগতিৰ মাজতে অৱশেষত গ্ৰেপ্তাৰ কৰা হৈছে ঘটনাৰ মূল অভিযুক্তক। কেন্দ্ৰীয় তদন্তকাৰী সংস্থা চমুকৈ চি বি আই আৰু নিৰাপত্তা বাহিনীয়ে শনিবাৰে পুৱাৰ ভাগত চুৰাচান্দপুৰ জিলাত চলোৱা এক যুটীয়া অভিযানত এই সফলতা অৰ্জন কৰে। আৰক্ষীৰ সূত্ৰই প্ৰকাশ কৰা তথ্য অনুসৰি, ধৃত অভিযুক্তজনক ‘কে এন এফ (জৌগাম)’ উগ্ৰপন্থী সংগঠনৰ কমাণ্ডাৰ নহগিন বাইটে কুকি ওৰফে ‘টাইগাৰ নহগিন’ বুলি চিনাক্ত কৰা হৈছে। সুৰক্ষা কৰ্মী আৰু চি বি আইৰ বিষয়াসকলে শনিবাৰে পুৱা চলোৱা এই পৰিকল্পিত অভিযানত অভিযুক্তটোক কৰায়ত্ত কৰাৰ পিছত অধিক তদন্ত আৰু জেৰাৰ বাবে সেইদিনাই বিয়লি প্ৰায় ৪ বজাত গুৱাহাটীলৈ…

বিগত কেইবাদিনো ধৰি ৰাজ্যখনত অব্যাহত থকা অশান্তজৰ্জৰ পৰিস্থিতিৰ মাজতে মণিপুৰৰ বিভিন্ন প্ৰান্তত চলোৱা ধাৰাবাহিক অভিযানত অৱশেষত গ্ৰেপ্তাৰ কৰা হৈছে নিষিদ্ধ ঘোষিত সংগঠনৰ পাঁচটাকৈ সক্ৰিয় উগ্ৰপন্থী কেডাৰ। যোৱা ২২ আৰু ২৩ মে’ত নিৰাপত্তা বাহিনীয়ে চলোৱা এই সুকীয়া সুকীয়া অভিযানত উগ্ৰপন্থী কেইটাক কৰায়ত্ত কৰাৰ লগতে তেওঁলোকৰ জিম্মাৰ পৰা বুজন পৰিমাণৰ মাৰণাস্ত্ৰ, বিস্ফোৰক আৰু গুৰুত্বপূৰ্ণ সামগ্ৰী উদ্ধাৰ কৰিবলৈ সক্ষম হয় সুৰক্ষা কৰ্মীসকলে। আৰক্ষীৰ সূত্ৰই প্ৰকাশ কৰা তথ্য অনুসৰি, ২৩ মে’ত চলোৱা এক অভিযানত ইম্ফলৰ ৱাংখেই অয়াংপল্লী পথৰ পৰা ‘মণিপুৰ ৰিভল্যুশ্বনেৰী আৰ্মী’ৰ দুটা সক্ৰিয় কেডাৰক গ্ৰেপ্তাৰ কৰা হয়। ধৃত উগ্ৰপন্থী দুটা ক্ৰমে ইম্ফল পূব জিলাৰ নিংথৌজাম বিকী সিং ওৰফে মুনাল আৰু ইম্ফল পশ্চিম জিলাৰ…

প্ৰতি দুবছৰৰ মূৰে মূৰে অনুষ্ঠিত হোৱা ৰাজ্যসভা নিৰ্বাচনৰ দিন ঘোষণা কৰিছে নিৰ্বাচন আয়োগে। জুন মাহত ১০খন ৰাজ্যৰ ২৪খন আসন খালী হ’ব, আনহাতে আন দুখন ৰাজ্যৰ আসন ইতিমধ্যে খালী হৈ আছে। ১৮ জুনত এই আসনসমূহ পূৰণৰ বাবে ভোটগ্ৰহণ অনুষ্ঠিত হ’ব।নিৰ্বাচন আয়োগে আজি এক অধিসূচনা জাৰি কৰি নিৰ্বাচনৰ সময়সূচী ঘোষণা কৰে। কৰ্ণাটক, অন্ধ্ৰ প্ৰদেশ, গুজৰাট, ৰাজস্থান, মধ্যপ্ৰদেশ, মণিপুৰ, মেঘালয়, অৰুণাচল প্ৰদেশ, মিজোৰাম, আৰু ঝাৰখণ্ডৰ ২২ গৰাকী সাংসদে অহা ১ জুনত অৱসৰ গ্ৰহণ কৰিব।তামিলনাডু আৰু মহাৰাষ্ট্ৰতো উপ-নিৰ্বাচনৰ কথা। নিৰ্বাচন আয়োগৰ তথ্য অনুসৰি উপৰোক্ত ৰাজ্যসমূহৰ বৰ্তমানৰ সাংসদসকলৰ কাৰ্যকাল ২১ জুনৰ পৰা ১৯ জুলাইৰ ভিতৰত বিভিন্ন তাৰিখৰ অন্ত পৰিব। অন্ধ্ৰ প্ৰদেশ, গুজৰাট, আৰু কৰ্ণাটকত খালী…

গুৱাহাটী মহানগৰীৰ পশ্চিম প্ৰান্তৰ  অগ্ৰণী সাহিত্য সংস্কৃতিমুলক অনুষ্ঠান অন্বেষ গোষ্ঠীৰ ১০৭ সংখ্যক বৈঠকখন খানামুখৰ ৰূপালীম নগৰস্থিত  মহেশ্বৰ লহকৰৰ বাসভৱনত  অনুস্থিত হৈ যায় ৷ উল্লেখযোগ্য যে অসমৰ সাহিত্য সংস্ক্‌তি জগতৰ উত্তৰণত এক উল্লেখযোগ্য ভুমিকা লৈ অহা অন্বেষ গোষ্ঠীয়ে বিগত ২০১৬ চনৰে পৰা আলোচনী প্ৰকাশকে ধৰি বিভিন্ন সাহিত্য সংস্ক্‌তিমুলক কামকাজত আগভাগ লৈ আহিছে। আনহাতে গোষ্ঠীৰ স্থায়ী সভাপতি ডঃ দিলীপ কুমাৰ কলিতাৰ সভাপতিত্বত অনুষ্ঠিত বৈঠকখনত উদ্দ্যেশ্য বাখ্যা কৰে সম্পাদক পৰীক্ষিত হালৈয়ে  আৰু আদৰণি ভাষণ প্ৰদান কৰে৷ সহকাৰী  সম্পাদক অতুল কলিতাই ৷ উল্লেখযোগ্য যে অন্বেষ গোষ্ঠীৰ কোষাধ্যক্ষ মহেশ্বৰ লহকৰৰ  সোনালী জয়ন্তী সংখ্যক বিবাহ বাৰ্ষিকীৰ লগত সংগতি ৰাখি তেওঁলোকৰ পৰিয়ালৰ আমন্ত্ৰণ ক্ৰমে  বৈঠকখন  তেওঁলোকৰ বাসগৃহত…

বিহাৰৰ ভাগলপুৰ আৰু ইয়াৰ প্ৰতিৱেশী অঞ্চলসমূহৰ বাবে জীৱন ৰেখাস্বৰূপ বিক্ৰমশিলা সেতুৰ ওপৰত অৱশেষত প্ৰতিৰক্ষা মন্ত্ৰালয়ৰ নিৰ্দেশত স্থাপন কৰা হ’ল ১৭০ ফুট দৈৰ্ঘ্যৰ এক সাময়িক বেইলী ব্ৰীজ। গংগা নদীৰ ওপৰত অৱস্থিত ৪.৮৮ কিলোমিটাৰ দৈৰ্ঘ্যৰ এই গুৰুত্বপূৰ্ণ সেতুখনৰ ৩৪ মিটাৰ অংশ ভাঙি পৰাৰ পিছতেই সম্পূৰ্ণৰূপে স্তব্ধ হৈ পৰিছিল ৰাষ্ট্ৰীয় ঘাইপথ ৩৩ আৰু ৩১ ৰ মাজৰ সংযোগ ব্যৱস্থা। পৰিস্থিতিৰ ভয়াৱহতা আৰু জনসাধাৰণৰ চৰম যাতায়াত সংকটৰ প্ৰতি লক্ষ্য ৰাখি বিহাৰ চৰকাৰে জৰুৰীকালীন সাহায্যৰ বাবে প্ৰতিৰক্ষা মন্ত্ৰালয়ক অনুৰোধ জনাইছিল। ইয়াৰ পিছতেই প্ৰতিৰক্ষা মন্ত্ৰালয়ে সেতুখনৰ মেৰামতি আৰু পুনৰুদ্ধাৰৰ সম্পূৰ্ণ দায়িত্ব সীমান্ত পথ সংস্থা চমুকৈ বি আৰ অ’ৰ ওপৰত অৰ্পণ কৰে। ইয়াৰ পাছতে, উত্তৰ আৰু দক্ষিণ বিহাৰৰ…

ৰাজ্য চৰকাৰৰ মিতব্যয়ী নীতিৰ সৈতে সংগতি ৰাখি অসম বিধানসভাতো এতিয়া গ্ৰহণ কৰা হৈছে এক অভূতপূৰ্ব বিত্তীয় অনুশাসনৰ সিদ্ধান্ত। সদনৰ নতুন অধ্যক্ষ হিচাপে নিৰ্বাচিত হোৱাৰ পিছতেই অপ্ৰয়োজনীয় ব্যয় হ্ৰাস কৰাৰ বাবে কেইবাটাও ডাঙৰ ঘোষণা কৰে ৰণজিৎ কুমাৰ দাসে। এতিয়াৰে পৰা বিধানসভাৰ কোনো কাৰ্যসূচীতে বিলাসী হোটেলৰ ব্যয়বহুল খাদ্য পৰিৱেশন কৰা নহ’ব। ইয়াৰ পৰিৱৰ্তে থলুৱা আৰু অসমীয়া পৰম্পৰাগত খাদ্যকহে বিশেষভাৱে অগ্ৰাধিকাৰ দিয়া হ’ব বুলি জানিব পৰা গৈছে। নতুন নিয়মানুসাৰে, বিধানসভাৰ অতিথি বা বিধায়কসকলৰ খাদ্যৰ প্লেটত বিলাসী হোটেলৰ দামী খাদ্যৰ সলনি স্থান পাব মাথোঁ এখন অসমীয়া পিঠা আৰু এখন নিমকিয়ে। কেৱল সিমানেই নহয়, সৌজন্যমূলক চাহমেলৰ মেন্যুৰ পৰাও চৰ্বিযুক্ত বা দামী খাদ্যসমূহ সম্পূৰ্ণভাৱে বাদ দিয়া…

উত্তৰ-পূৰ্বাঞ্চলৰ যোগাযোগ ব্যৱস্থালৈ অহা বৈপ্লৱিক পৰিৱৰ্তনৰ মাজতে এতিয়া দেশৰ ৰে’ল খণ্ডত সফলতাৰ এক নতুন অধ্যায় সূচনা কৰিছে অমৃত ভাৰত এক্সপ্ৰেছে। অসম আৰু পশ্চিমবংগৰ বিভিন্ন প্ৰান্তৰ পৰা চলাচল কৰা এই অত্যাধুনিক তথা যাত্ৰীবান্ধৱ ৰে’লসেৱাই শেহতীয়া মাহবোৰত ১.৭৮ লাখতকৈও অধিক যাত্ৰী কঢ়িয়াই ২৩ কোটি টকাতকৈও অধিক ৰাজহ সংগ্ৰহ কৰা বুলি বুধবাৰে সদৰী কৰে উত্তৰ-পূব সীমান্ত ৰে’লৱে প্ৰাধিকৰণে। সুলভ মূল্য আৰু আৰামদায়ক যাত্ৰাৰ বাবেই দেশজুৰি এই বিশেষ ৰে’লসেৱাই সৰ্বসাধাৰণৰ মাজত অভূতপূৰ্ব সঁহাৰি লাভ কৰা বুলি স্পষ্ট কৰে ৰে’ল বিভাগে এই সফল পৰিসংখ্যা সন্দৰ্ভত এক বিশেষ বিবৃত্তি দাঙি ধৰে উত্তৰ-পূব সীমান্ত ৰে’লৱেৰ মুখ্য জনসংযোগ বিষয়া কপিলঞ্জল কিশোৰ শৰ্মাই। চলিত ২০২৬ চনৰ জানুৱাৰী মাহৰ পৰা…