Paromita

আগন্তুক বিধানসভা নিৰ্বাচনত অকলেই প্ৰতিদ্বন্দ্বিতা আগবঢ়াব ইউপিপিএলে। শুকুৰবাৰে এই গুৰুত্বপূৰ্ণ সিদ্ধান্তৰ কথা সদৰি কৰে দলটোৰ সভাপতি প্ৰমোদ বড়োৱে। চিৰাং জিলাৰ কাজলগাঁৱত অনুষ্ঠিত এক বিশাল মটৰচাইকেল ৰেলীত অংশ লৈ তেওঁ কয় যে বিটিআৰৰ সামগ্ৰিক উন্নয়নৰ স্বাৰ্থতেই দলটোৱে কাৰো সৈতে মিত্ৰতা নকৰাকৈ আগবাঢ়িব। প্ৰাৰ্থিত্বৰ সন্দৰ্ভত প্ৰমোদ বড়োৱে কয়, "বিটিআৰৰ ১৫টা বিধানসভা সমষ্টিতে আমি প্ৰাৰ্থী থিয় কৰাম। বড়োলেণ্ডৰ সৰ্বতোপ্ৰকাৰৰ উন্নয়নৰ বাবে আমি সদায়ে দায়বদ্ধ।" তেওঁ লগতে কয়, "যোৱা ২০২১ চনৰ নিৰ্বাচনত আমি বিজেপি নেতৃত্বাধীন এন ডি এৰ অংশীদাৰ আছিলোঁ। কিন্তু শেহতীয়া বিটিচি নিৰ্বাচনত দুয়োটা দলে পৃথকভাৱে প্ৰতিদ্বন্দ্বিতা কৰাৰ পাছত নিৰ্বাচনী বতাহ সলনি হৈছে।" উল্লেখ্য যে বিটিচি নিৰ্বাচনৰ পাছত বিপিএফে ক্ষমতা দখল কৰাৰ পৰিপ্ৰেক্ষিতত…

আগন্তুক বিধানসভা নিৰ্বাচনৰ বাবে মিত্ৰজোঁটৰ ভিতৰচ’ৰাত আসন বুজাবুজিৰ কুচকাৱাজ চলি থকাৰ মাজতে শিৱসাগৰ সমষ্টিৰ প্ৰাৰ্থিত্বক লৈ এতিয়াও কোনো চূড়ান্ত সিদ্ধান্ত গ্ৰহণ কৰা নাই শাসকীয় দলে। শুকুৰবাৰে সংবাদ মাধ্যমৰ আগত মুখ্যমন্ত্ৰী হিমন্ত বিশ্ব শৰ্মাই এই কথা স্পষ্ট কৰাৰ লগতে ৰাইজৰ দলৰ নেতা অখিল গগৈৰ মিত্ৰতাৰ ৰাজনীতিক লৈ তীব্ৰ আক্ৰমণ কৰে। শাসকীয় বিজেপি আৰু অগপ- দুয়োটা দলেই এই ঐতিহাসিক সমষ্টিটোৰ বাবে দাবী উত্থাপন কৰি থকাৰ ফলত এক আমোদজনক পৰিস্থিতিৰ সৃষ্টি হৈছে। প্ৰাৰ্থিত্বৰ জটিলতা সন্দৰ্ভত হিমন্ত বিশ্ব শৰ্মাই কয়, "শিৱসাগৰ আসনখনৰ বাবে আমি এতিয়াও কোনো সিদ্ধান্ত লোৱা নাই। যিহেতু আমাৰ মিত্ৰ দল অগপ আৰু বিজেপিৰ প্ৰাৰ্থীসকলে প্ৰাৰ্থিত্ব বিচাৰিছে, সেয়েহে আমি এতিয়াও বিষয়টো আলোচনা…

ৰঙৰ উৎসৱ ফাকুৱাক লৈ ৰাজ্যজুৰি এতিয়া বিৰাজ কৰিছে এক পাৰাপাৰহীন উছাহৰ। আজি পবিত্ৰ দৌল যাত্ৰা আৰু কাইলৈ হোলী উদযাপনৰ ব্যাপক প্ৰস্তুতি চলিছে চাৰিওফালে। ফাকুৱা উপলক্ষে মৰিগাঁও, কামৰূপ মহানগৰ, নগাঁও আৰু শোণিতপুৰ জিলাত অহা ৪ মাৰ্চত স্থানীয় বন্ধ ঘোষণা কৰিছে সংশ্লিষ্ট জিলা প্ৰশাসনে। নগাঁও জিলাৰ জিলা আয়ুক্ত দেৱাশীষ শৰ্মাই সোমবাৰে এক নিৰ্দেশনাযোগে এই স্থানীয় বন্ধৰ কথা জানিবলৈ দিয়ে। বটদ্ৰৱা থান পৰিচালনা সমিতি আৰু কেইবাটাও সামাজিক অনুষ্ঠানৰ আবেদনৰ প্ৰতি সঁহাৰি জনাই জিলা আয়ুক্তই এই সিদ্ধান্ত গ্ৰহণ কৰিছে। এই নিৰ্দেশনাৰ ফলত কামৰূপ মহানগৰ, শোণিতপুৰ আৰু মৰিগাঁও জিলাৰ অন্তৰ্গত সকলো চৰকাৰী কাৰ্যালয়, শিক্ষানুষ্ঠান আৰু বেংক আদি বন্ধ থাকিব। অৱশ্যে জিলা প্ৰশাসনে স্পষ্ট কৰি দিছে…

অসমৰ উচ্চশিক্ষাৰ পৰিৱেশত এক বৈপ্লৱিক পৰিৱৰ্তন আনিবলৈ এতিয়া পৰিকল্পনা কৰিছে ৰাজ্য চৰকাৰে। ৰাজ্যৰ সকলো মহাবিদ্যালয় আৰু বিশ্ববিদ্যালয়ক পৰ্যায়ক্ৰমে সম্পূৰ্ণ আৱাসিক শিক্ষানুষ্ঠানলৈ ৰূপান্তৰ কৰাৰ এক অভিলাষী লক্ষ্য লৈছে চৰকাৰে। সোমবাৰে ডিব্ৰু মহাবিদ্যালয়ৰ এক অনুষ্ঠানত অংশগ্ৰহণ কৰি শিক্ষামন্ত্ৰী ডাঃ ৰণোজ পেগুৱে সদৰী কৰে এই গুৰুত্বপূৰ্ণ পৰিকল্পনাৰ কথা। ছাত্ৰ-ছাত্ৰীসকলক শৈক্ষিক দিশত অধিক মনোনিৱেশ কৰিবলৈ দিয়াৰ বাবে এতিয়াৰ পৰা ১০০ শতাংশ হোষ্টেল সুবিধা প্ৰদানত গুৰুত্ব দিব ৰাজ্য চৰকাৰে। শিক্ষামন্ত্ৰীগৰাকীয়ে কয় যে ছাত্ৰ-ছাত্ৰীসকল যাতে বহিঃজগতৰ পৰা কোনো ধৰণৰ বিভ্ৰান্তিৰ চিকাৰ নহয়, তাৰ বাবে কেম্পাছৰ শৈক্ষিক পৰিৱেশ উন্নত কৰাটো অত্যন্ত জৰুৰী। ডে-স্কলাৰসকলক লক্ষ্য কৰি তেওঁ কয় যে উপযুক্ত আৱাসিক পৰিৱেশ অবিহনে মানদণ্ডসম্পন্ন শিক্ষা আশা কৰাটো কঠিন।…

পশ্চিম এছিয়াত ইৰাণে চলোৱা শেহতীয়া আক্ৰমণৰ পাছত সৃষ্টি হোৱা যুদ্ধসদৃশ পৰিৱেশৰ প্ৰত্যক্ষ প্ৰভাৱ এতিয়া অসমৰ পৰ্যটকৰ ওপৰতো পৰিছে। ইৰাণৰ এই আক্ৰমণৰ পৰিপ্ৰেক্ষিতত আন্তঃৰাষ্ট্ৰীয় বিমান সেৱা ব্যাহত হোৱাৰ ফলত ডুবাইত আৱদ্ধ হৈ পৰিছে দুলীয়াজানৰ ১৮ জনীয়া এটা পৰ্যটকৰ দল। ৩ মাৰ্চত ভাৰতলৈ উভতি অহাৰ কথা আছিল যদিও ডুবাই বিমানবন্দৰ কৰ্তৃপক্ষই নিৰাপত্তাজনিত কাৰণত বিমান বাতিল কৰাত তেওঁলোক এতিয়া অনিশ্চয়তাৰ মাজত দিন কটাবলগীয়া হৈছে। দলটোৰ সদস্যসকলে জনোৱা মতে, যোৱা নিশা তেওঁলোকে ডুবাইৰ বুৰ্জ খলিফা দৰ্শন কৰি থকাৰ সময়তে হঠাতে ইৰাণৰ আক্ৰমণৰ খবৰ বিয়পি পৰে। ইয়াৰ পাছতে সমগ্ৰ ডুবাইতে নিৰাপত্তা ব্যৱস্থা কটকটীয়া কৰি তোলা হয় আৰু বহুতো আন্তঃৰাষ্ট্ৰীয় বিমানৰ উৰণ স্থগিত ৰখা হয়। ফলত…

ছিকিমৰ বিশিষ্ট অৰ্কিড বিশেষজ্ঞ মোহন প্ৰধানে আঠ বছৰীয়া নিৰন্তৰ গৱেষণা আৰু বৰ্ণসংকৰণ প্ৰক্ৰিয়াৰ অন্তত উদ্ভাৱন কৰিছে অৰ্কিডৰ এক নতুন প্ৰজাতি। অসমৰ প্ৰাকৃতিক সৌন্দৰ্য আৰু জৈৱ-বৈচিত্ৰ্যৰ প্ৰতি সন্মান জনাই বিশেষজ্ঞগৰাকীয়ে এই নতুন হাইব্ৰিড অৰ্কিডবিধৰ নাম ৰাখিছে ‘সেউজীয়া কাজিৰঙা’। এই বিশেষ উদ্ভাৱনে এতিয়া উত্তৰ-পূৰ্বাঞ্চলৰ উদ্ভিদ বিজ্ঞানৰ ক্ষেত্ৰখনলৈ এক নতুন মাত্ৰা কঢ়িয়াই আনিছে। অসমীয়া শব্দ ‘সেউজীয়া’ আৰু বিশ্ব ঐতিহ্য ক্ষেত্ৰ ‘কাজিৰঙা’ৰ সংমিশ্ৰণেৰে নামকৰণ কৰা এই অৰ্কিডবিধে ৰাজ্যখনৰ প্ৰকৃতিৰ সৈতে ছিকিমৰ বিশেষজ্ঞগৰাকীৰ থকা গভীৰ আৱেগিক সম্পৰ্কক সূচাইছে। অৰ্কিড বিশেষজ্ঞসকলৰ মতে, এবিধ দুৰ্লভ অৰ্কিডৰ বৰ্ণসংকৰণ কৰিবলৈ পৰাগযোগৰ সঠিক নিয়ন্ত্ৰণ আৰু সুস্থিৰ সপুষ্পক চক্ৰৰ বাবে বহু বছৰীয়া পৰ্যবেক্ষণৰ প্ৰয়োজন হয়। ড০ প্ৰধানৰ এই কৃতিত্বই কেৱল উদ্ভিদ…

ডিমা হাছাও জিলাৰ মাইবাং আৰক্ষী থানাৰ অন্তৰ্গত হৰিচন্দ্ৰপুৰৰ পৰা ১ মাৰ্চৰ দুপৰীয়াৰে পৰা তিনিটাকৈ শিশু সন্ধানহীন হোৱা ঘটনাই অঞ্চলটোত তীব্ৰ চাঞ্চল্যৰ সৃষ্টি কৰিছে। সন্ধানহীন শিশু কেইটা ক্ৰমে ১২ বছৰীয়া ৰণু কুৰ্মী, ১০ বছৰীয়া সঞ্জু ঘাটোৱাৰ আৰু ৯ বছৰীয়া আমন কুৰ্মী বুলি চিনাক্ত কৰা হৈছে। দেওবাৰে দুপৰীয়া ঘৰৰ পৰা ওলাই যোৱাৰ পিছৰে পৰা শিশুকেইটাৰ কোনো শুংসূত্ৰ নোলোৱাত পৰিয়ালৰ লোকসকল এতিয়া গভীৰ চিন্তাত পৰিছে। ইতিমধ্যে এই সন্দৰ্ভত স্থানীয় আৰক্ষীক অৱগত কৰা হৈছে আৰু আৰক্ষীয়ে শিশুকেইটাৰ সন্ধানত অভিযান আৰম্ভ কৰিছে। ইফালে, দুৰ্ভগীয়া পৰিয়ালৰ তৰফৰ পৰা শিশুকেইটাৰ কিবা সম্ভেদ পালে ৯৩৬৫৪৫২৮০৪ নম্বৰত যোগাযোগ কৰিবলৈ বিনম্ৰ অনুৰোধ জনোৱা হৈছে।

অসম বিধানসভা নিৰ্বাচনৰ দিন চমু চাপি অহাৰ লগে লগে ৰাজ্যৰ ৰাজনৈতিক পৰিৱেশত এতিয়া সৃষ্টি হৈছে এক তীব্ৰ উত্তজনাৰ। নিৰ্বাচন আয়োগে যিকোনো মুহূৰ্ততে সময়সূচী ঘোষণা কৰাৰ সম্ভাৱনাৰ মাজতে বিৰোধী কংগ্ৰেছে ৪৬ খন আসনত জিকাৰ দাবী কৰিছে। প্ৰদেশ কংগ্ৰেছৰ এক উচ্চস্তৰীয় সূত্ৰৰ মতে, যোৱা চাৰি মাহত দলৰ সাংগঠনিক স্থিতি লক্ষণীয়ভাৱে শক্তিশালী হৈ উঠিছে। বিজেপিয়ে কংগ্ৰেছক সংখ্যালঘু এলেকাত সীমাবদ্ধ থকা বুলি কৰা প্ৰচাৰক নস্যাৎ কৰি দলটোৱে কয় যে সমষ্টি পুনৰ নিৰ্ধাৰণৰ পাছত এতিয়া হ্ৰাস পাইছে সংখ্যালঘু প্ৰধান আসনৰ সংখ্যা। বৰ্তমান ৰাজ্যৰ মাত্ৰ ১৯ খন আসনতহে ৫০ শতাংশতকৈ অধিক মুছলমান ভোটাৰ আছে আৰু ইয়াৰে বেছিভাগ আসনতে কংগ্ৰেছে জয়ী হোৱাৰ আশা ৰাখিছে। ইয়াৰ উপৰি উজনি…

আমেৰিকা যুক্তৰাষ্ট্ৰত অনুষ্ঠিত হ’বলগীয়া ফিফা বিশ্বকাপ ফুটবলত ইৰানৰ অংশগ্ৰহণক লৈ এতিয়া তীব্ৰ অনিশ্চয়তাই দেখা দিছে। আমেৰিকা আৰু ইজৰাইলৰ যৌথ আক্ৰমণৰ পাছত সৃষ্টি হোৱা যুদ্ধসদৃশ পৰিৱেশৰ পৰিপ্ৰেক্ষিতত ইৰানে বিশ্বকাপৰ পৰা নাম প্ৰত্যাহাৰ কৰাৰ সম্ভাৱনা প্ৰকট হৈ পৰিছে। ইৰানৰ ফুটবল এছ’চিয়েচনৰ মুৰব্বী মেহদি তাজীয়ে সোমবাৰে স্পষ্ট কৰি দিয়ে যে বৰ্তমানৰ পৰিস্থিতিত তেওঁলোকৰ দেশৰ বাবে আমেৰিকাৰ মাটিত খেলাটো প্ৰায় অসম্ভৱ। ৰাষ্ট্ৰীয় নিয়ন্ত্ৰিত এটা টেলিভিছন চেনেলৰ জৰিয়তে মেহদীয়ে কয়, "আমেৰিকাৰ আক্ৰমণ আৰু দেশৰ সাম্প্ৰতিক পৰিস্থিতিৰ বাবে বিশ্বকাপত অংশগ্ৰহণ কৰাৰ সম্ভাৱনা অতি কম। অৱশ্যে এই ক্ষেত্ৰত চূড়ান্ত সিদ্ধান্ত ক্ৰীড়া কৰ্তৃপক্ষই ল’ব।" ইফালে, ইৰানৰ সৰ্বোচ্চ নেতা আলী খামেনেইৰ মৃত্যুৰ খবৰে দেশখনৰ পৰিস্থিতি অধিক জটিল কৰি তুলিছে।…

বজালী জিলাৰ বঙালীপাৰাত অৱস্থিত ষ্টেলা মেৰিছ স্কুলত সোমবাৰে এক অনাকাংক্ষিত ঘটনাই তীব্ৰ উত্তেজনাৰ সৃষ্টি কৰে। বিদ্যালয়খনৰ এগৰাকী কম্পিউটাৰ শিক্ষকৰ বিৰুদ্ধে চতুৰ্থ শ্ৰেণীৰ এজন ছাত্ৰক শৰীৰিকভাৱে অপদস্থ কৰাৰ অভিযোগ উত্থাপন হৈছে। শিক্ষকগৰাকীয়ে কোনো কথাতে ক্ষুব্ধ হৈ ছাত্ৰজনক দেৱালত জোৰেৰে ঠেলা মাৰি দিয়াৰ ফলত মূৰত গুৰুতৰভাৱে আঘাত পায় কিশোৰজনে। আহত ছাত্ৰজনক লগে লগে চিকিৎসাৰ বাবে বজালী অসামৰিক হাস্পতাললৈ নিয়া হয় যদিও মূৰৰ আঘাত গুৰুতৰ হোৱা বাবে উন্নত চিকিৎসাৰ বাবে তেওঁক মুছলপুৰৰ এখন ব্যক্তিগত হাস্পতাললৈ প্ৰেৰণ কৰা হৈছে। এই ঘটনাক কেন্দ্ৰ কৰি বিদ্যালয়ৰ চৌহদত এক উত্তপ্ত পৰিৱেশৰ সৃষ্টি হয়। অভিভাৱক আৰু স্থানীয় ৰাইজে দোষী শিক্ষকজনৰ বিৰুদ্ধে দৃষ্টান্তমূলক শাস্তিৰ দাবী জনাইছে। ইফালে, ছাত্ৰজনৰ পৰিয়ালে…