Paromita

চিকিৎসা বিজ্ঞানৰ সপোন বুকুত বান্ধি আগবাঢ়ি যোৱা এগৰাকী ছাত্ৰীৰ যাত্ৰা শেষ হ’ল চৰম দুখবোধেৰে। ৰাষ্ট্ৰীয় পৰ্যায়ৰ চিকিৎসা বিজ্ঞানৰ প্ৰৱেশিকা পৰীক্ষা নীটৰ প্ৰশ্নকাকত ফাদিল আৰু খেলিমেলিৰ বাতৰিয়ে সৃষ্টি কৰা মানসিক অৱসাদ সহ্য কৰিব নোৱাৰি অৱশেষত আত্মহত্যাৰ দৰে চৰম পথ বাচি ল’লে ১৮ বছৰীয়া এগৰাকী ছাত্ৰীয়ে। মধ্যপ্ৰদেশৰ মাউগঞ্জ জিলাৰ মগনীয়া গাঁৱৰ আকাংক্ষা চতুৰ্বেদী নামৰ এই ছাত্ৰীগৰাকীৰ আত্মহননৰ ঘটনাই এতিয়া সমগ্ৰ দেশজুৰি তীব্ৰ চাঞ্চল্যৰ সৃষ্টি কৰিছে। নাগপুৰৰ এটা কোচিং প্ৰতিষ্ঠানত পৰীক্ষাৰ বাবে প্ৰস্তুতি চলাই থকা আকাংক্ষাক যোৱা ২০ মে’ত নিজ কক্ষতে ওলমি থকা অৱস্থাত উদ্ধাৰ কৰা হৈছিল। শেহতীয়াকৈ পৰিয়ালৰ লোকে উদ্ধাৰ কৰা ছাত্ৰীগৰাকীৰ এখন হস্তলিখিত পত্ৰই এতিয়া পোহৰলৈ আনিছে তেওঁৰ অন্তিম সময়ৰ মানসিক…

দীৰ্ঘদিনীয়া জল্পনা-কল্পনাৰ অৱসান ঘটাই কাইলৈ অৰ্থাৎ ৫ জুনত অনুষ্ঠিত হ’ব ৰাজ্য চৰকাৰৰ বহু প্ৰত্যাশিত কেবিনেট সম্প্ৰসাৰণ প্ৰক্ৰিয়া। মুখ্যমন্ত্ৰী ড° হিমন্ত বিশ্ব শৰ্মাই নিজৰ মন্ত্ৰী পৰিষদত এইবাৰ প্ৰায় ১৩ গৰাকী নতুন মন্ত্ৰীক অন্তৰ্ভুক্ত কৰাৰ সম্ভাৱনা আছে। মহানগৰীৰ জ্যোতি বিষ্ণু কলা মন্দিৰত দুপৰীয়া ১২:৪৫ বজাত এই নতুন মন্ত্ৰীসকলৰ আনুষ্ঠানিক শপত গ্ৰহণ সমাৰোহ অনুষ্ঠিত হ’ব। মুখ্যমন্ত্ৰীৰ কাৰ্যালয়ে নতুন মন্ত্ৰীসভাৰ আনুষ্ঠানিক তালিকাখন এতিয়ালৈকে ৰাজহুৱা কৰা নাই যদিও কেইবাগৰাকীও জ্যেষ্ঠ বিধায়কৰ নাম চৰ্চালৈ আহিছে। সম্ভাব্য তালিকাত ডাঃ ৰণোজ পেগু, অশোক সিংহল, পীয়ূষ হাজৰিকা, জয়ন্ত মল্ল বৰুৱা আৰু বিমল বৰাৰ নাম প্ৰমুখ্যে উলেখ কৰা হৈছে। ইয়াৰ উপৰিও কেশৱ মহন্ত, অশ্বিনী ৰয় সৰকাৰ, বলীন চেতিয়া, তুলিৰাম ৰংহাঙৰ…

ৰাজ্যখনত অব্যাহত থকা মাদকদ্ৰব্যৰ অবৈধ বেহাৰ বিৰুদ্ধে চলোৱা এক অভিযানৰ সময়তে মণিপুৰত সংঘটিত হৈছে এক শোকাৱহ ঘটনা। থৌবাল জিলাত কৰ্তব্য পালন কৰি থকা অৱস্থাতে এজন আৰক্ষী কমাণ্ডো দুষ্কৃতিকাৰীৰ আক্ৰমণত নিহত হয়। বৃহস্পতিবাৰে জিলাখনৰ থৌবাল আৰক্ষী থানাৰ অন্তৰ্গত মইজিং মীনা বজাৰ থংখং অঞ্চলত এই ঘটনা সংঘটিত হয়। প্ৰাপ্ত তথ্য অনুসৰি, গোপন সূত্ৰৰ পম খেদি থৌবাল কমাণ্ডো বাহিনীৰ এটা দলে অঞ্চলটোত মাদকদ্ৰব্য সৰবৰাহকাৰীৰ বিৰুদ্ধে এক অভিযান চলাইছিল। এই অভিযানকাৰী দলটোত অন্তৰ্ভুক্ত আছিল হেড কনষ্টেবল খৈৰম সুৰেশ। আৰক্ষীৰ দলটোৱে এজন সন্দেহযুক্ত সৰবৰাহকাৰীক কৰায়ত্ত কৰিবলৈ চেষ্টা চলোৱাৰ সময়তে পৰিস্থিতি হঠাতে হিংসাত্মক হৈ পৰে। অভিযানৰ মাজতে দুষ্কৃতিকাৰীয়ে চোকা কটাৰীৰে সুৰেশৰ ওপৰত অতৰ্কিতে আক্ৰমণ চলায়। গুৰুতৰভাৱে…

শত্ৰুপক্ষৰ যিকোনো আকাশমাৰ্গৰ আক্ৰমণক প্ৰতিহত কৰিবলৈ সাজু হৈ উঠিছে ভাৰতীয় প্ৰতিৰক্ষা বাহিনী। দীৰ্ঘদিনীয়া অপেক্ষাৰ অন্তত ৰাছিয়াৰ পৰা ভাৰতে লাভ কৰিছে অত্যাধুনিক এছ-৪০০ প্ৰতিৰক্ষা প্ৰণালীৰ চতুৰ্থটো স্কোয়াড্ৰন। দেশীয় প্ৰেক্ষাপটত ‘সুদৰ্শন চক্ৰ’ নামেৰে পৰিচিত এই শক্তিশালী ব্যৱস্থাটো ইতিমধ্যে সাগৰীয় পথেৰে আহি ভাৰতত উপস্থিত হৈছে আৰু অতি শীঘ্ৰে ইয়াক এক গুৰুত্বপূৰ্ণ সীমান্তৱৰ্তী অঞ্চলত মোতায়েন কৰা হ’ব। ৰাছিয়া আৰু ইউক্ৰেইনৰ মাজত চলি থকা দীৰ্ঘদিনীয়া যুদ্ধৰ বাবে এই সামৰিক সঁজুলিটো ভাৰতত উপস্থিত হোৱাত কিছু পলম হৈছিল। প্ৰতিৰক্ষা বিভাগৰ সূত্ৰই প্ৰকাশ কৰা অনুসৰি, যুদ্ধৰ বাবে সৃষ্টি হোৱা যোগানৰ ব্যাঘাত এতিয়া সম্পূৰ্ণৰূপে দূৰ হৈছে আৰু নিৰ্ধাৰিত সময়সূচী অনুসৰিয়েই কাম-কাজ চলিছে। উল্লেখ্য যে, দেশৰ পশ্চিম আৰু উত্তৰ সীমান্তৰ…

দিল্লীৰ মালব্য নগৰৰ অগ্নিকাণ্ডৰ ভয়াৱহতা মাৰ নৌযাওঁতেই এইবাৰ বিহাৰৰ মুজাফ্ফৰপুৰ জিলাত সংঘটিত হৈছে আন এক অনুৰূপ কৰুণ ঘটনা। জিলাখনৰ এখন হাস্পতালত বুধবাৰে পুৱতি নিশা জুই লাগি ৪ গৰাকী ৰোগীৰ কৰুণ মৃত্যু ঘটে। প্ৰাপ্ত তথ্য অনুসৰি, নিশা প্ৰায় ৩ বজাত হাস্পতালখনৰ আই চি ইউ কক্ষত এই জুইৰ সূত্ৰপাত হয়। মুহূৰ্তৰ ভিতৰতে জুইৰ ফলত সৃষ্টি হোৱা ক’লা ধোঁৱাই সমগ্ৰ অট্টালিকাটো আৱৰি ধৰাত হাস্পতালখনৰ ভিতৰত এক হাহাকাৰ পৰিৱেশৰ সৃষ্টি হয়। প্ৰাৰম্ভিক তদন্তত অক্সিজেন ইউনিট আৰু মনিটৰ প্ৰণালীত হোৱা চৰ্ট চাৰ্কিটৰ বাবেই এই দুৰ্ঘটনা সংঘটিত হোৱা বুলি সন্দেহ কৰা হৈছে। অগ্নিনিৰ্বাপক বাহিনীৰ ১০ খনতকৈও অধিক গাড়ীয়ে কেইবা ঘণ্টাজোৰা চেষ্টাৰ অন্তত জুই নিয়ন্ত্ৰণলৈ আনে। উদ্ধাৰকাৰী…

বিশ্বজুৰি আজি পালন কৰা হৈছে বিশ্ব চাইকেল দিৱস। ৰাষ্ট্ৰসংঘই স্বীকৃতি দিয়া এই বিশেষ দিৱসৰ মূল উদ্দেশ্য হৈছে চাইকেলক এক পৰিৱেশ-অনুকূল, সুলভ আৰু স্বাস্থ্যসন্মত যাতায়াতৰ মাধ্যম হিচাপে প্ৰচাৰ কৰা। ইয়াৰ জৰিয়তে জনস্বাস্থ্য উন্নত কৰাৰ লগতে যানজঁট আৰু কাৰ্বন নিঃসৰণ হ্ৰাস কৰাৰ বাৰ্তাও প্ৰচাৰ কৰা হয়। বিশ্ব চাইকেল দিৱস উপলক্ষে গুৱাহাটী বিশ্ববিদ্যালয়ত “Cycling for a Greener Future” অৰ্থাৎ “সেউজ ভৱিষ্যতৰ বাবে চাইক্লিং” শীৰ্ষক বিষয়বস্তুৰে এক চাইকেল ৰেলী উলিওৱা হয়। বিশ্ববিদ্যালয় চৌহদৰ পৰা আৰম্ভ হোৱা এই ৰেলীত ছাত্ৰ-ছাত্ৰী, অধ্যাপক, NSS স্বেচ্ছাসেৱক, বিভিন্ন স্বেচ্ছাসেৱী সংস্থা আৰু গুৱাহাটীৰ বহু চাইক্লিং অনুৰাগীয়ে অংশগ্ৰহণ কৰে।

ভাৰত-বাংলাদেশৰ সীমান্তৰে অব্যাহত আছে বাংলাদেশীৰ অবৈধ অনুপ্ৰৱেশ। ইয়াৰ মাজতে এইবাৰ গুজৰাটৰ আহমেদাবাদত আৰক্ষীৰ জালত পৰিল কমেও ১৬৬ জন অবৈধ অনুপ্ৰৱেশকাৰী। কোনো বৈধ নথিপত্ৰ নোহোৱাকৈ বসবাস কৰি থকাৰ অভিযোগত জিলাখনৰ আৰক্ষীয়ে বুধবাৰে এই লোকসকলক কৰায়ত্ত কৰে। ৰাজ্যখনৰ উপ-মুখ্যমন্ত্ৰী হৰ্ষ সংঘৱীৰ অধ্যক্ষতাত অনুষ্ঠিত এক গুৰুত্বপূৰ্ণ বৈঠকৰ সিদ্ধান্ত মৰ্মে ‘অপাৰেচন ডেল্টা হাণ্ট’ নামৰ এই বিশেষ অভিযান চলোৱা হয়। সমগ্ৰ গুজৰাটত বৃহৎ সংখ্যক বাংলাদেশী নাগৰিকে অবৈধভাৱে প্ৰৱেশ কৰাৰ তথ্য পোহৰলৈ অহাৰ পিছতে প্ৰশাসনে এই পদক্ষেপ গ্ৰহণ কৰে। আৰক্ষী ক্ৰাইম ব্ৰাঞ্চ, এছ অ’ জি স্কোয়াড আৰু স্থানীয় বিভিন্ন থানাৰ কৰ্মীৰে গঠিত ৩০ টাতকৈও অধিক দলে এই অভিযান চলায়। আহমেদাবাদ জিলাৰ নাৰোদা, দানিলিমদা, ভাতভা আৰু জুহাপুৰাৰ…

গুৱাহাটী উচ্চ ন্যায়ালয়ত কাইলৈ অৰ্থাৎ ৪ জুনত অনুষ্ঠিত হ’ব প্ৰাণৰ শিল্পী জুবিন গাৰ্গৰ ৰহস্যজনক মৃত্যুৰ গোচৰৰ অন্যতম মুখ্য অভিযুক্ত সিদ্ধাৰ্থ শৰ্মাৰ জামিন আবেদনৰ শুনানি। আদালতৰ সূত্ৰই প্ৰকাশ কৰা অনুসৰি, পঞ্জীয়নভুক্ত এই আবেদনখন ইতিমধ্যে ন্যায়াধীশ পাৰ্থিৱজ্যোতি শইকীয়াৰ বিচাৰপীঠৰ সন্মুখত তালিকাভুক্ত কৰা হৈছে। জুবিন গাৰ্গৰ এই প্রাক্তন মেনেজাৰজনে ইয়াৰ পূৰ্বে ফাষ্ট ট্ৰেক আদালতত জামিন বিচাৰিছিল যদিও অভিযোগৰ গুৰুত্ব আৰু তদন্তৰ অগ্ৰগতিৰ দোহাই দি আদালতে সেই আবেদন খাৰিজ কৰিছিল। ইয়াৰ পিছতেই তেওঁ উচ্চ ন্যায়ালয়ৰ কাষ চাপে। উল্লেখ্য যে, সমগ্ৰ অসমজুৰি তীব্ৰ চাঞ্চল্য সৃষ্টি কৰা এই হাই-প্ৰফাইল গোচৰটোৰ অন্যতম মূল অভিযুক্ত হৈছে এই সিদ্ধাৰ্থ শৰ্মা। শেহতীয়াকৈ গুৱাহাটী উচ্চ ন্যায়ালয়ে এই একেটা গোচৰৰে আন এজন…

স্থানীয় নামঘৰৰ ভাওনা প্ৰদৰ্শনক কেন্দ্ৰ কৰি সূত্ৰপাত হোৱা এটা বিবাদে ল’লে এক ভয়ংকৰ ৰূপ। আৱেগ আৰু ভক্তিৰ পৰিৱেশৰ মাজতে সৃষ্টি হোৱা এই কন্দলৰ পৰিণতিত এটা পৰিয়ালৰ চাৰিগৰাকীকৈ সদস্য চোকা অস্ত্ৰৰ আক্ৰমণৰ বলি হ’বলগীয়া হয়। গোলাঘাট জিলাৰ জামুগুৰিৰ অন্তৰ্গত নাগুৰা গাঁৱত বুধবাৰে পুৱতি নিশা এই চাঞ্চল্যৰ ঘটনাটো সংঘটিত হয়। প্ৰাপ্ত তথ্য অনুসৰি, নামঘৰৰ ভাওনাক লৈ স্থানীয় বিতুল দত্ত আৰু বিজন কৃষ্ণ দত্তৰ সৈতে ঋতুপৰ্ণ হাজৰিকা নামৰ এজন ব্যক্তিৰ তীব্ৰ তৰ্কবিতৰ্কৰ সৃষ্টি হৈছিল। এই বাকবিতণ্ডাই পৰৱৰ্তী সময়ত এক হিংসাত্মক ৰূপ ধাৰণ কৰে। অভিযুক্ত ঋতুপৰ্ণ হাজৰিকাই হঠাতে এক চোকা অস্ত্ৰৰে পৰিয়ালটোৰ ওপৰত জপিয়াই পৰে আৰু তেওঁলোকক নিৰ্মমভাৱে আক্ৰমণ কৰে। এই আকস্মিক আৰু বৰ্বৰ…

মাতৃহাৰা হ'ল বিধায়ক অখিল গগৈ। শিৱসাগৰ সমষ্টিৰ ৰাইজৰ দল বিধায়ক অখিল গগৈৰ মাতৃ প্ৰিয়দা গগৈৰ বুধবাৰে পুৱা দেহাৱসান ঘটে। গুৱাহাটীৰ চিকিৎসালয়ত চিকিৎসাধীন অৱস্থাতে পুৱা প্ৰায় ৬:২০ বজাত ৯৬ বছৰ বয়সত তেওঁ শেষ নিশ্বাস ত্যাগ কৰে। দীৰ্ঘদিন ধৰি তেওঁ বাৰ্ধক্যজনিত কেইবাটোও ৰোগত আক্ৰান্ত হৈ আছিল বুলি পৰিয়ালৰ সূত্ৰই জানিবলৈ দিয়ে। প্ৰিয়দা গগৈৰ এই বিয়োগৰ খবৰ বিয়পি পৰাৰ লগে লগেই সমগ্ৰ অসমৰে ৰাজনৈতিক ক্ষেত্ৰখনৰ লগতে শুভাকাংক্ষীসকলৰ মাজত গভীৰ শোকৰ ছাঁ পৰে। দল-মত নিৰ্বিশেষে বিভিন্ন ৰাজনৈতিক দলৰ নেতাই এই মৃত্যুত গভীৰ শোকপ্ৰকাশ কৰাৰ লগতে শোকসন্তপ্ত পৰিয়ালবৰ্গলৈ সমবেদনা জ্ঞাপন কৰে। পৰিয়ালৰ লোকে জনোৱা অনুসৰি, গুৱাহাটীৰ পৰা তেওঁৰ নশ্বৰ দেহ যোৰহাট জিলাৰ মৰিয়নীৰ সমীপৱৰ্তী চেলেনঘাটৰ…