Paromita

পত্নীৰ সৈতে হোৱা পাৰিবাৰিক বিবাদে নিমিষতে কাঢ়ি নিলে দুটা নিষ্পাপ শিশুৰ প্ৰাণ। সুৰাসক্ত অৱস্থাত খঙৰ বশৱৰ্তী হৈ নিজৰেই দুই সন্তানক কাঠৰ টুকুৰাৰে আক্ৰমণ কৰাৰ অভিযোগ উত্থাপিত হৈছে এগৰাকী পিতৃৰ বিৰুদ্ধে। ঘটনাত থিতাতে মৃত্যু ঘটে ১৩ বছৰীয়া এগৰাকী কিশোৰী আৰু চাৰি বছৰীয়া ভাতৃৰ। শনিবাৰে ত্ৰিপুৰাৰ ধলাই জিলাৰ গান্দাচেৰা মহকুমাৰ অন্তৰ্গত উল্টাচৰা ব্ৰু পুনৰ সংস্থাপন গাঁৱত এই শোকাৱহ ঘটনা সংঘটিত হয়। মৃত শিশুদ্বয়ক ঋষিকা খা হামতি ব্ৰু (১৩) আৰু প্ৰিহ স্মাইনা ব্ৰু (৪) বুলি চিনাক্ত কৰা হৈছে। পিতৃ লালচুনাওমা ব্ৰুৰ প্ৰহাৰতে প্ৰাণ হেৰুৱায় দুয়োটি কণমানিয়ে। আৰক্ষীৰ প্ৰাথমিক তদন্তত পোহৰলৈ অহা তথ্য অনুসৰি, শনিবাৰে পুৱা সুৰাসক্ত অৱস্থাত পত্নী ৰান্তাৰুং ব্ৰুৰ সৈতে লালচুনাওমা ব্ৰুৰ…

বাংলাদেশী নাগৰিকক পুশ্ববেক কৰাক কেন্দ্ৰ কৰি উত্তপ্ত হৈ পৰিছে শ্ৰীভূমি জিলাৰ ভাৰত-বাংলাদেশ আন্তঃৰাষ্ট্ৰীয় সীমান্ত। সীমান্তৱৰ্তী নিলামবজাৰৰ বিলবাৰী অঞ্চলত উদ্ভৱ হোৱা এই পৰিস্থিতিৰ পিছতে অতিৰিক্ত নিৰাপত্তা বাহিনী মোতায়েন কৰিছে কৰ্তৃপক্ষই। বিশেষ সূত্ৰৰ তথ্য অনুসৰি, বাংলাদেশৰ নিউ পহ্লাথল সীমান্তৰে একাংশ বাংলাদেশী নাগৰিকক নিজ দেশলৈ ওভতাই পঠোৱাৰ প্ৰচেষ্টা চলাইছিল ভাৰতীয় সীমান্ত সুৰক্ষা বাহিনীয়ে (বিএছএফ)। এই পুশ্ববেক প্ৰক্ৰিয়াক কেন্দ্ৰ কৰিয়েই সীমান্তত উত্তেজনাৰ সূচনা হয়। তাৰ পিছতে মুখামুখি অৱস্থানত অৱতীৰ্ণ হয় বিএছএফ আৰু বাংলাদেশ সীমান্তৰক্ষী বাহিনী (বিজিবি)। সূত্ৰটোৰ দাবী অনুসৰি, পৰিস্থিতি অধিক উত্তপ্ত হৈ পৰাৰ সময়ত গুলীচালনাৰ ভাবুকিও প্ৰদান কৰে বিজিবিয়ে। অৱশ্যে এই দাবীৰ কোনো আনুষ্ঠানিক নিশ্চিতকৰণ এতিয়ালৈকে কৰা হোৱা নাই। ঘটনাটোক লৈ বিএছএফ বা…

ৰাজ্যজুৰি অব্যাহত আছে মাৰাত্মক চোৱাইন ফ্লু ভাইৰাছৰ তীব্ৰ আতংক। অসমৰ ভিন্ন প্ৰান্তত এই ভাইৰাছত আক্ৰান্ত হোৱাৰ খবৰ পোহৰলৈ অহাৰ মাজতে এইবাৰ নলবাৰী জিলাত এই ব্যাধিৰ বলি হৈ মৃত্যুক সাৱটিবলগীয়া হ’ল এটি কণমানিয়ে। যোৱা ২৩ জুনৰ নিশা জিলাখনৰ পশ্চিম নলবাৰী অঞ্চলৰ গামাৰিমূৰী গাঁৱত চোৱাইন ফ্লুত আক্ৰান্ত হৈ চিকিৎসাধীন অৱস্থাতে মৃত্যু ঘটে মৃন্ময়জ্যোতি দাস (৬) নামৰ এটি শিশুৰ। উল্লেখ্য যে, মৃত মৃন্ময়জ্যোতি দাস আছিল স্থানীয় সাহপুৰ নিবাসী সংগীতা দেৱী আৰু প্ৰয়াত অমল দাসৰ একমাত্ৰ পুত্ৰ। ইয়াৰ লগতে তেওঁ ৫৪৭ নং সাহপুৰ নিম্ন বুনিয়াদী বিদ্যালয়ৰ 'ক' শ্ৰেণীৰ ছাত্ৰ আছিল। পৰিয়াল আৰু চিকিৎসালয়ৰ সূত্ৰই প্ৰকাশ কৰা অনুসৰি, মৃন্ময়জ্যোতিৰ জন্মৰ কেইমাহমান পিছৰে পৰা তেওঁ ছিজাৰ…

তিনিচুকীয়া চহৰত নিৰীহ লোকক লক্ষ্য কৰি সন্ত্ৰাস সৃষ্টি কৰাৰ এক ভয়ংকৰ পৰিকল্পনা ব্যৰ্থ কৰিবলৈ সক্ষম হ’ল অসম আৰক্ষী। গোপন সূত্ৰৰ ভিত্তিত চলোৱা এক অভিযানত নিষিদ্ধ ঘোষিত আলফা (স্বাধীন)ৰ দুজন সশস্ত্ৰ সদস্যক অস্ত্ৰ-শস্ত্ৰসহ গ্ৰেপ্তাৰ কৰে আৰক্ষীয়ে। শনিবাৰে তিনিচুকীয়া জিলাৰ জাগুন অঞ্চলত অসম আৰক্ষীয়ে কেন্দ্ৰীয় নিৰাপত্তা সংস্থাৰ সহযোগত এই অভিযান চলায়। গ্ৰেপ্তাৰ হোৱা দুয়োজনক আলফা (স্বাধীন)ৰ স্বঘোষিত ছেকেণ্ড লেফটেনেণ্ট চিঞৰ অসম ওৰফে হোমেনজ্যোতি বৰুৱা আৰু মনোজ অসম ওৰফে পাপু মৰাণ বুলি চিনাক্ত কৰা হৈছে। দুয়োজনেই তিনিচুকীয়া জিলাৰ বাসিন্দা। আৰক্ষীৰ তদন্তত প্ৰকাশ পোৱা অনুসৰি, কাকপথাৰ আৰু জাগুনত পূৰ্বে সংঘটিত নিৰাপত্তাৰক্ষীক লক্ষ্য কৰি চলোৱা আক্ৰমণতো জড়িত আছিল দুয়োজন। অভিযানত আৰক্ষীয়ে দুটা একে-৫৬ ৰাইফল, ১৭২…

অৱশেষত নতুন জীৱন লাভ কৰিলে বিৰিণাই। শিৱসাগৰ জিলাৰ ডিমৌৰ বিশেষভাৱে সক্ষম কিশোৰী বিৰিণা চাউৰাই অৱশেষত লাভ কৰিলে কৃত্ৰিম ভৰি। ইয়াৰ ফলত এতিয়াৰে পৰা আন বহুজনৰ দৰেই দুই ভৰিৰে খোজ কাঢ়িব পাৰিব আৰু দৈনন্দিন বহু কাম স্বাভাৱিকভাৱে সম্পন্ন কৰিব পাৰিব বিৰিণাই। কামৰূপ জিলাৰ আমিনগাঁৱৰ তোলাৰাম বাফনা কৃত্ৰিম ভৰি সংস্থাপন কেন্দ্ৰত শুকুৰবাৰে বিৰিণাৰ শৰীৰত সফলতাৰে সংস্থাপন কৰা হয় বিশেষভাৱে প্ৰস্তুত কৰা কৃত্ৰিম ভৰি। সম্পূৰ্ণ বিনামূলীয়াকৈ এই সেৱা আগবঢ়ায় কেন্দ্ৰটোৱে। কৃত্ৰিম ভৰি সংস্থাপনৰ পাছতে কেন্দ্ৰটোত আবেগঘন পৰিৱেশৰ সৃষ্টি হয়। কেক কাটি বাফনা পৰিয়ালে বিৰিণাৰ এই বিশেষ দিনটো উদযাপন কৰে আৰু নতুন জীৱনৰ শুভেচ্ছা জনায়। উল্লেখ্য, কিছুদিন পূৰ্বে ৰাজ্যৰ মুখ্যমন্ত্ৰী ড০ হিমন্ত বিশ্ব শৰ্মালৈ…

দেৱীৰ ওচৰত পূজা আগবঢ়াই ঘৰলৈ উভতি যোৱাৰ কথা আছিল। সেই উদ্দেশ্যেই একেলগে মন্দিৰলৈ গৈছিল পৰিয়ালটোৰ সদস্যসকল। কিন্তু পূজাৰ পিছত কাবেৰী নদীৰ পাৰত কটোৱা কেইটামান মুহূৰ্তই সলনি কৰি দিলে সকলো। নদীৰ সোঁতত এটাৰ পিছত এটাকৈ উটি গ'ল একেটা পৰিয়ালৰ চাৰিগৰাকী মহিলাসহ পাঁচজন। মুহূৰ্ততে আনন্দমুখৰ তীৰ্থযাত্ৰা পৰিণত হ'ল এক শোকাৱহ ঘটনালৈ। বুধবাৰে সন্ধিয়া কৰ্ণাটকৰ মাণ্ড্যা জিলাৰ মুথাথিৰ সমীপত কাবেৰী নদীত এই হৃদয়বিদাৰক ঘটনা সংঘটিত হয়। নিহতসকল হৈছে ২০ বছৰীয়া চৈত্ৰা, ৩৮ বছৰীয়া শ্বেতা, ৫০ বছৰীয়া বিজয়াম্মা, ২৮ বছৰীয়া প্ৰিয়ংকা আৰু ভাড়াতীয়া বাহনখনৰ চালক মহেশ। আটাইকেইজনেই বেংগালুৰুৰ ব্যাডাৰাহল্লি অঞ্চলৰ বাসিন্দা। তেওঁলোকৰ ঘৰ মূলতঃ চন্নাপাটনাত। আৰক্ষীৰ তদন্তত প্ৰকাশ পোৱা অনুসৰি, চাৰি বছৰীয়া এটি শিশুসহ…

প্ৰেমৰ সম্পৰ্ক এটা লুকুৱাই ৰাখি পৰিয়ালৰ সিদ্ধান্তমতে আন এজন যুৱকৰ সৈতে বিয়াৰ প্ৰস্তুতি চলিছিল ছিয়াৰ। সেই দ্বন্দ্বৰ মাজতেই সংঘটিত হৈছিল কেতন আগৰৱাল হত্যাকাণ্ড। এতিয়া আৰক্ষীৰ তদন্তত পোহৰলৈ আহিছে এই ভয়ংকৰ তথ্য। আৰক্ষীয়ে সদৰি কৰা মতে, অভিযুক্ত ছিয়া গোৱেলৰ সহ-অভিযুক্ত চেতন চৌধুৰীৰ সৈতে থকা সম্পৰ্কৰ বিষয়ে পৰিয়ালৰ অন্ততঃ কেইবাজনো সদস্যই পূৰ্বৰে পৰা জানিছিল। আৰক্ষীৰ তদন্তত প্ৰকাশ পোৱা অনুসৰি, চলিত বৰ্ষৰ জানুৱাৰীত অনুষ্ঠিত এখন ক্ৰিকেট প্ৰতিযোগিতাৰ সময়তে চেতন চৌধুৰীৰ সৈতে ছিয়াৰ ঘনিষ্ঠ সম্পৰ্কৰ বিষয়ে গোৱাল পৰিয়ালে অৱগত হৈছিল। কিন্তু দুয়োটা পৰিয়ালৰ আৰ্থিক বৈষম্যৰ বাবে সেই সম্পৰ্কক গুৰুত্ব নিদি বিত্তশালী আগৰৱাল পৰিয়ালৰ সৈতে ছিয়াৰ বিয়া ঠিক কৰা হৈছিল। তদন্তকাৰী বিষয়াসকলে সন্দেহ প্ৰকাশ কৰিছে…

চিকিৎসাৰ নামত চলি থকা ভুৱা প্ৰৱঞ্চনাৰ বিৰুদ্ধে কঠোৰ হৈছে কাছাৰ আৰক্ষী। বিগত কিছুদিন ধৰি জিলাজুৰি অব্যাহত থকা বিশেষ অভিযানৰ অংশ হিচাপে শুকুৰবাৰে পুনৰ দুজন কথিত ভুৱা চিকিৎসকক গ্ৰেপ্তাৰ কৰে আৰক্ষীয়ে। পৃথক দুটা গোচৰৰ ভিত্তিত চলোৱা এই অভিযানত সোনাই আৰু শিলচৰ আৰক্ষীয়ে দুয়োজন অভিযুক্তক আটক কৰে। আৰক্ষীৰ তথ্য অনুসৰি, সোনাই থানাত ৰুজু হোৱা এটা গোচৰৰ ভিত্তিত কচুদাৰাম থানাৰ অন্তৰ্গত বান্টাৰাপুৰ নিবাসী ৫৩ বছৰীয়া বিশ্বজিৎ সিঙক গ্ৰেপ্তাৰ কৰা হৈছে। আনহাতে, শিলচৰ থানাত ৰুজু হোৱা আন এটা গোচৰৰ ভিত্তিত তাৰাপুৰৰ মণিপুৰবস্তি নিবাসী ২৬ বছৰীয়া বিক্ৰম সিঙকো গ্ৰেপ্তাৰ কৰে আৰক্ষীয়ে। দুয়োৰে বিৰুদ্ধে ভাৰতীয় ন্যায় সংহিতাৰ ৩১৬(২), ৩১৯(২), ৩৩৬(২), ৩৪০(২), ১২৫ আৰু ২৭১ ধাৰাৰ অধীনত…

পুৱাৰ ব্যস্ত সময়। ট'ল প্লাজাত চলি আছিল স্বাভাৱিক যান-বাহনৰ অহা-যোৱা। সেই সময়তেই নিয়ন্ত্ৰণ হেৰুৱায় এখন এলপিজি টেংকাৰে। মুহূৰ্ততে ট'ল প্লাজাত খুন্দা মৰাৰ পাছতে সংঘটিত হয় প্ৰচণ্ড বিস্ফোৰণ। ভয়ংকৰ অগ্নিকাণ্ডত দগ্ধ হয় সাতজন লোক, যাৰ ভিতৰত পাঁচজন ট'ল প্লাজাৰ কৰ্মচাৰীৰ অৱস্থা সংকটজনক। শুকুৰবাৰে পুৱা প্ৰায় ৭ বজাত উত্তৰ প্ৰদেশৰ কৌশাম্বী জিলাৰ কোকৰাজ থানাৰ অন্তৰ্গত ছিহোৰি ট'ল প্লাজাত এই ঘটনা সংঘটিত হয়। কানপুৰৰ পৰা প্ৰতাপগড়লৈ গৈ থকা এলপিজি টেংকাৰখন আন এখন বাহনক অতিক্ৰম কৰাৰ চেষ্টা কৰোঁতেই নিয়ন্ত্ৰণ হেৰুৱাই পেলায়। প্ৰায় ৬০-৭০ কিলোমিটাৰ বেগেৰে অহা টেংকাৰখন প্ৰথমে পথৰ ডিভাইডাৰত খুন্দা মাৰি বাগৰি পৰে আৰু তাৰ পিছতে ট'ল প্লাজাত সোমাই যায়। খুন্দাৰ লগে লগে…

ৰাজ্যত অব্যাহত আছে ড্ৰাগছৰ বিৰুদ্ধে আৰক্ষীৰ অভিযান। শ্ৰীভূমি জিলাত নিশা চলোৱা এক বিশেষ অভিযানত প্ৰায় ১০.৮ কোটি টকা মূল্যৰ ড্ৰাগছ জব্দ কৰাৰ লগতে এজন লোকক গ্ৰেপ্তাৰ কৰিবলৈ সক্ষম হয় আৰক্ষীয়ে। মুখ্যমন্ত্ৰী হিমন্ত বিশ্ব শৰ্মাই শুকুৰবাৰে এই তথ্য সদৰী কৰি শ্ৰীভূমি আৰক্ষীৰ ভূয়সী প্ৰশংসা কৰে। মুখ্যমন্ত্ৰী হিমন্ত বিশ্ব শৰ্মাই কয়, "অসম আৰক্ষীৰ সৈতে শত্ৰুতা কৰিবলৈ ১০.৮ কোটি টকা বহুত ডাঙৰ মূল্য। নিশাৰ অভিযানত বৃহৎ পৰিমাণৰ ড্ৰাগছৰ চালান জব্দ কৰি শ্ৰীভূমি আৰক্ষীয়ে উল্লেখযোগ্য সফলতা লাভ কৰিছে।" ঘটনাৰ সৈতে জড়িত এজন লোকক ইতিমধ্যে গ্ৰেপ্তাৰ কৰা হৈছে বুলিও জানিবলৈ দিয়ে মুখ্যমন্ত্ৰীয়ে। আন অভিযুক্তসকলক বিচাৰি উলিয়াই গ্ৰেপ্তাৰ কৰাৰ বাবে আৰক্ষীয়ে অভিযান অব্যাহত ৰাখিছে।