Paromita

সন্ত্ৰাসবাদ বিৰোধী অভিযানত পুনৰ সফলতা লাভ কৰিলে নিৰাপত্তা বাহিনীয়ে। মণিপুৰৰ বিভিন্ন প্ৰান্তত চলোৱা পৃথক পৃথক অভিযানত দুজন নাবালকসহ চাৰিজন সন্দেহজনক উগ্ৰপন্থীক গ্ৰেপ্তাৰ কৰাৰ লগতে অস্ত্ৰ-শস্ত্ৰ, সজীৱ গুলী আৰু এটা সন্দেহজনক বিস্ফোৰক উদ্ধাৰ কৰে নিৰাপত্তা বাহিনীয়ে। ইম্ফল পূব জিলাৰ ৱাংখেই অঞ্চলত চলোৱা অভিযানত ইউনাইটেড নেচনেল লিবাৰেচন ফ্ৰণ্ট (পামবেই)ৰ সদস্য মৈৰাংথেম নাওবা মেইতেইক গ্ৰেপ্তাৰ কৰে আৰক্ষীয়ে। তেওঁৰ পৰা এটা বন্দুক আৰু দুটা মোবাইল ফোন জব্দ কৰা হয়। ২০২৩ চনত কেন্দ্ৰীয় চৰকাৰৰ সৈতে শান্তি চুক্তিত স্বাক্ষৰ কৰা ইউএনএলএফ (পামবেই) সংগঠনৰ একাংশ সদস্যৰ বিৰুদ্ধে ধন দাবী আৰু অবৈধ অস্ত্ৰ সৰবৰাহৰ দৰে অভিযোগত পূৰ্বেও একাধিক ব্যৱস্থা গ্ৰহণ কৰিছে আৰক্ষীয়ে। আন এক অভিযানত ইম্ফল পশ্চিম জিলাৰ…

বয়সৰ ওচৰত নতি স্বীকাৰ নকৰি পুনৰ এক দৃষ্টান্ত স্থাপন কৰিলে এগৰাকী বৃদ্ধাই। ১১৬ বছৰ বয়সত তিৰুমালা মন্দিৰৰ ৩ সহস্ৰাধিক চিৰি বগাই ঈশ্বৰ দৰ্শনৰ বাবে উপস্থিত হয় লক্ষ্মাভা ওৰফে ভীমাব্বাই। ভগৱান ভেংকটেশ্বৰৰ দৰ্শনৰ বাবে মন্দিৰৰ ৩,৫৫০টা চিৰি বগাই যোৱাৰ ঘটনাই এতিয়া দেশজুৰি ব্যাপক চৰ্চাৰ সৃষ্টি কৰিছে। কৰ্ণাটকৰ বাসিন্দা লক্ষ্মাভাই আলিপিৰি পথেদি খোজকাঢ়ি তিৰুমলালৈ যায়। লাঠিৰ সহায় লৈ সম্পূৰ্ণ পথ অতিক্ৰম কৰা বৃদ্ধাগৰাকীয়ে যাত্ৰাৰ সমগ্ৰ সময়ছোৱাত "গোবিন্দ… গোবিন্দ…" নাম জপ কৰি আগবাঢ়ে। তিৰুমলালৈ যোৱা বহু ভক্তই সাধাৰণতে বাহনৰ সহায় লয়। কিন্তু শতায়ু অতিক্ৰম কৰা লক্ষ্মাভাই নিজেই খোজকাঢ়ি পাহাৰ বগাই যোৱাৰ দৃশ্যই উপস্থিত ভক্তসকলক বিস্মিত কৰি তোলে। বহু লোকে তেওঁক প্ৰণাম জনোৱাৰ লগতে…

এদিন মোদীৰো পতন ঘটিব। তেওঁক লৈ ভয় কৰাৰ কোনো কাৰণ নাই। - এই মন্তব্যৰে প্ৰধানমন্ত্ৰী নৰেন্দ্ৰ মোদীক লক্ষ্য কৰি তীব্ৰ ৰাজনৈতিক আক্ৰমণ চলালে এআইইউডিএফৰ সভাপতি বদৰুদ্দিন আজমলে। দেওবাৰে গুৱাহাটীত সংবাদমাধ্যমৰ সৈতে মত বিনিময় কৰি বিৰোধী শিবিৰক অধিক শক্তিশালী আৰু ঐক্যবদ্ধ হোৱাৰ বাবে তেওঁ আহ্বান জনায়। আজমলে কয়, "আমি ভয় কৰিব নালাগে। ৰাহুল গান্ধীৰ নেতৃত্বত গঠিত ইণ্ডিয়া মিত্ৰজোঁট অধিক শক্তিশালী হ'ব লাগিব। তেতিয়াহে বিজেপিৰ বিৰুদ্ধে ফলপ্ৰসূভাৱে যুঁজ দিব পৰা যাব।" পশ্চিমবংগৰ ৰাজনৈতিক পৰিস্থিতিৰ প্ৰসংগ উত্থাপন কৰি আজমলে কয় যে, মিত্ৰজোঁটৰ অংশীদাৰ দলসমূহে পৰস্পৰৰ বিৰুদ্ধে নিৰ্বাচনত অৱতীৰ্ণ হ'ব নালাগে। তেওঁৰ ভাষাত, "মিত্ৰজোঁট গঠন কৰাৰ পিছত পশ্চিমবংগত প্ৰতিদ্বন্দ্বিতা নকৰিলেহেঁতেন হয়তো মমতা বেনাৰ্জীয়ে এনে…

মহানগৰীৰ ৰাজপথত স্বয়ম্ভূ বিজেপি নেতা বুলি পৰিচয় দি এজন যুৱকক আক্ৰমণ কৰাৰ ঘটনাই তীব্ৰ চৰ্চাৰ সৃষ্টি কৰিছে। ঘটনাৰ মূল অভিযুক্ত অভিলাষ দত্তক গ্ৰেপ্তাৰ কৰাৰ পিছত তেওঁ বিজেপিৰ সৈতে জড়িত নহয় বুলি স্পষ্ট কৰে মুখ্যমন্ত্ৰী হিমন্ত বিশ্ব শৰ্মাই। সামাজিক মাধ্যম 'এক্স'ত প্ৰকাশ কৰা এক বাৰ্তাত মুখ্যমন্ত্ৰীয়ে কয়, "অভিযুক্তজনক গ্ৰেপ্তাৰ কৰা হৈছে। তেওঁৰ সৈতে বিজেপিৰ কোনো সম্পৰ্ক নাই। অসমত পথৰ উদ্ভণ্ডালিৰ কোনো স্থান নাই। এনে ঘটনাত জড়িত যিকোনো লোকৰ বিৰুদ্ধে আইন অনুসৰি কঠোৰ ব্যৱস্থা গ্ৰহণ কৰা হ'ব।" লতাশিল আৰক্ষী থানাত ৰুজু হোৱা এজাহাৰ অনুসৰি, গুৱাহাটীত এখন বাহনে অভিলাষ দত্তৰ বাহন অতিক্ৰম কৰাৰ পিছতে দুয়োপক্ষৰ মাজত বাকবিতণ্ডাৰ সূত্ৰপাত হয়। ইয়াৰ পিছতে অভিযোগকাৰীক শাৰীৰিকভাৱে…

অভিমান কৰি অসমৰ পিতৃগৃহলৈ গুচি অহা পত্নী আৰু কন্যা সন্তানক লগ কৰিবলৈ আহি আৰক্ষীৰ জালত পৰিল এজন বাংলাদেশী নাগৰিক। অবৈধভাৱে ভাৰতত অনুপ্ৰৱেশ কৰাৰ অভিযোগত হাইলাকান্দিত অভিযান চলাই আৰক্ষীয়ে গ্ৰেপ্তাৰ কৰে বাংলাদেশী নাগৰিকজনক। ধৃত বাংলাদেশীজনক শ্ৰীহট্ট জিলাৰ ছাহেদ আহমেদ বুলি চিনাক্ত কৰা হৈছে। আৰক্ষীৰ তথ্য অনুসৰি, প্ৰায় আঠ বছৰ পূৰ্বে হাইলাকান্দি জিলাৰ জমিৰা গাঁৱৰ এগৰাকী যুৱতীৰ সৈতে বিবাহপাশত আৱদ্ধ হৈছিল ছাহেদ আহমেদ। বিবাহৰ পিছত বাংলাদেশতে একেলগে বসবাস কৰিছিল দম্পতীহালে। তেওঁলোকৰ এটি কন্যা সন্তানো আছে। শেহতীয়াকৈ পাৰিবাৰিক মনোমালিন্যৰ পিছত পত্নীয়ে কন্যা সন্তানটিক লগত লৈ হাইলাকান্দিস্থিত পিতৃগৃহলৈ উভতি আহে। ইয়াৰ পিছতে পত্নী আৰু কন্যাক ঘৰলৈ ওভতাই নিয়াৰ উদ্দেশ্যে ছাহেদে অবৈধভাৱে ভাৰতত প্ৰৱেশ কৰে।…

আৰক্ষী জিম্মাত কিধৰণৰ ব্যৱহাৰৰ সন্মুখীন হ’বলগীয়া হয় মহিলা? জেৰাৰ সময়ত কেনে প্ৰশ্ন সোধা হয়? - গ্ৰেপ্তাৰৰ পূৰ্বেই ইণ্টাৰনেটত এই সমূহ প্ৰশ্নৰ উত্তৰ বিচাৰিছিল ছিয়া গোৱেলে। মহাৰাষ্ট্ৰৰ পুনেত কেতন আগৰৱাল হত্যাকাণ্ডৰ তদন্তৰ সময়ত ছিয়া গোৱেল সম্পৰ্কে এই বিস্ফোৰত তথ্য সদৰি কৰিছে আৰক্ষীয়ে। তদন্তকাৰীৰ মতে, এই গোচৰত ছিয়াক গ্ৰেপ্তাৰ কৰাৰ পূৰ্বেই তেওঁৰ মোবাইলৰ চাৰ্ছ ইঞ্জিনত আৰক্ষীৰ জেৰা আৰু আৰক্ষীৰ জিম্মাত মহিলাৰ সৈতে কৰা আচৰণ সম্পৰ্কে সন্ধান চলাইছিল। ইয়াৰোপৰি হত্যাকাণ্ডৰ তদন্ত পদ্ধতি আৰু বহুচৰ্চিত ৰাজা ৰঘুবংশী হত্যাকাণ্ড সম্পৰ্কে বিস্তাৰ তথ্য বিচাৰিছিল মূল অভিযুক্ত ছিয়া গোৱেলে। তদন্তকাৰী বিষয়াসকলৰ মতে, ছিয়াৰ জব্দ কৰা দুটা মোবাইল ফোনৰ চাৰ্ছ হিষ্টৰীত আৰক্ষীৰ জিম্মাত মহিলাসকলৰ সৈতে কেনেদৰে ব্যৱহাৰ কৰা…

নিষিদ্ধ ঘোষিত সংগঠন আলফা স্বাধীনৰ সৈতে যোগাযোগ ৰক্ষা আৰু ধন দাবীৰ কাৰ্যকলাপত জড়িত থকাৰ অভিযোগত আৰক্ষীৰ জালত পৰিল এজন। তদন্তৰ ভিত্তিত অভিযান চলাই টিংখং আৰক্ষীয়ে গ্ৰেপ্তাৰ কৰে অভিযুক্তজনক। ডিব্ৰুগড় জিলাৰ টিংখং আৰক্ষী থানাৰ অন্তৰ্গত লেঙেৰীৰ চাংমাই গাঁৱৰ বাসিন্দা মণিদীপ চাংমাই বুলি অভিযুক্তজনৰ পৰিচয় জানিব পৰা গৈছে। আৰক্ষীৰ তথ্য অনুসৰি, নিষিদ্ধ সংগঠনটোৰ লিংকমেন হিচাপে কাম কৰাৰ লগতে ধন দাবীৰ ঘটনাৰ সৈতেও জড়িত আছিল মণিদীপ চাংমাই। এই তথ্যৰ ভিত্তিত পূৰ্বেই তেওঁৰ বিৰুদ্ধে টিংখং আৰক্ষী থানাত এটা গোচৰ ৰুজু কৰা হৈছিল। তদন্ত আগবঢ়োৱাৰ পিছত আৰক্ষীয়ে অভিযুক্তজনক আটক কৰে। ভাৰতীয় ন্যায় সংহিতাৰ ৩০৮ ধাৰাৰ লগতে অবৈধ কাৰ্যকলাপ (প্ৰতিৰোধ) আইনৰ ১০ আৰু ১৩ ধাৰাৰ অধীনত…

মণিপুৰত সন্ত্ৰাসবাদীৰ অতৰ্কিত আক্ৰমণত প্ৰাণ হেৰুৱাবলগীয়া হ'ল অসম ৰাইফলছৰ দুজন জোৱান। সোমবাৰে উখৰুল জিলাত সংঘটিত এই আক্ৰমণত কেইবাজনো আন জোৱানো আহত হয়। আৰক্ষীৰ তথ্য অনুসৰি, দুপৰীয়া প্ৰায় ১.৩০ বজাত নুংসাং খং অঞ্চলত ৪০ অসম ৰাইফলছৰ এটা কনভয় লক্ষ্য কৰি সন্দেহযুক্ত সন্ত্ৰাসবাদীয়ে গুলীবৰ্ষণ কৰে। আক্ৰমণত ঘটনাস্থলীতেই দুজন জোৱান নিহত হয় আৰু কেইবাজনো জোৱান আঘাতপ্ৰাপ্ত হয়। ঘটনাৰ পিছতে সমগ্ৰ অঞ্চলটো ঘেৰি ধৰি ব্যাপক তালাচী অভিযান আৰম্ভ কৰে নিৰাপত্তা বাহিনীয়ে। আক্ৰমণকাৰীক বিচাৰি অভিযান অব্যাহত থকা বুলি আৰক্ষীয়ে জনায়। ইফালে, এই আক্ৰমণৰ তীব্ৰ গৰিহণা দিয়ে মণিপুৰৰ গৃহমন্ত্ৰী গোবিন্দদাস কন্থৌজামে। সামাজিক মাধ্যম 'এক্স'ত প্ৰকাশ কৰা এক বাৰ্তাত তেওঁ কয়, "উখৰুলৰ নুংসাং খঙত ৪০ অসম ৰাইফলছৰ…

অসম বিধানসভাৰ কাৰ্যবিৱৰণীত সংযোজন হ'ল হিন্দী ভাষা। সোমবাৰৰ পৰা আৰম্ভ হোৱা বাজেট অধিৱেশনৰ পৰাই অসমীয়া, ইংৰাজী আৰু বড়োৰ লগতে হিন্দীতো সদনৰ কাৰ্যবিৱৰণীত অন্তৰ্ভূক্ত কৰে ৰাজ্য চৰকাৰে। এই সিদ্ধান্তৰ জৰিয়তে প্ৰথমবাৰৰ বাবে অসম বিধানসভাৰ চৰকাৰী কাৰ্যবিৱৰণীৰ ভাষা হিচাপে স্বীকৃতি লাভ কৰে হিন্দীয়ে। শনিবাৰে অনুষ্ঠিত সাধাৰণ উদ্দেশ্য সমিতিৰ বৈঠকত প্ৰস্তাৱটো সৰ্বসন্মতিক্ৰমে গৃহীত হয়। বিধানসভাৰ অধ্যক্ষ ৰঞ্জিত কুমাৰ দাসে জনায় যে সংসদীয় পৰিক্ৰমা মন্ত্ৰী পীয়ূষ হাজৰিকা, মন্ত্ৰী কেশৱ মহন্ত, বিৰোধী দলপতি ৱাজেদ আলী চৌধুৰীকে ধৰি চৰকাৰী আৰু বিৰোধী পক্ষৰ সদস্যসকল বৈঠকখনত উপস্থিত থাকে। সদস্যসকলৰ ভাষিক সুবিধাৰ প্ৰতি লক্ষ্য ৰাখিয়েই এই সিদ্ধান্ত লোৱা হৈছে বুলি জনায় অধ্যক্ষগৰাকীয়ে। তেওঁ কয়, "দেশৰ ৰাষ্ট্ৰভাষা হিন্দীত নিজৰ বক্তব্য…

প্ৰবল বৰষুণৰ পিছত সংঘটিত আকস্মিক বানে বিধ্বস্ত কৰিলে জম্মু-কাশ্মীৰৰ ডোডা-কিস্তৱাৰ ঘাইপথ। সোমবাৰে পুৱতি নিশা সংঘটিত এই দুৰ্যোগৰ ফলত যান-বাহনৰ চলাচল সম্পূৰ্ণৰূপে বন্ধ হৈ পৰাৰ লগতে পথৰ ওপৰতে মাটি আৰু শিল-বালিৰ তলত পোত যায় একাধিক বাহন। ডোডা আৰু কিস্তৱাৰ জিলাত নিশাটোৰ অবিৰত বৰষুণৰ ফলতে এই আকস্মিক বানৰ সৃষ্টি হয়। বানৰ সোঁতে বৃহৎ পৰিমাণৰ বোকা, শিল আৰু ধ্বংসাৱশেষ উটুৱাই আনি ঘাইপথত জমা কৰাৰ ফলত পথটোৰ এটা অংশ ক্ষতিগ্ৰস্ত হয়। প্ৰেমনগৰ অঞ্চলত পথৰ কাষত ৰখাই থোৱা কেইবাখনো বাহন ধ্বংসাৱশেষৰ মাজত আবদ্ধ হৈ পৰে। অৱশ্যে, এই ঘটনাত কোনো লোকৰ মৃত্যু বা আহত হোৱাৰ খবৰ পোৱা হোৱা নাই। ইফালে, কিস্তৱাৰ জিলাৰ নিৰ্মীয়মাণ ৫৪০ মেগাৱাট ক্ষমতাসম্পন্ন…