ভাৰত

দছেৰা আৰু দীপাৱলীৰ বতৰতে ৰাজনৈতিক শত্ৰুতাই পুনৰ এক উত্তপ্ত ৰূপ ধাৰণ কৰিছে উত্তৰ প্ৰদেশৰ ৰাজধানী চহৰখনত। দেওবাৰে পুৱা লক্ষ্ণৌ চহৰৰ বিভিন্ন গুৰুত্বপূৰ্ণ তথা ভিআইপি অঞ্চলসমূহত প্ৰত্যক্ষ কৰা হ'ল এক বিতৰ্কিত হৰ্ডিং। লংকাৰ ৰজা ৰাৱণৰ দহটা মূৰৰ স্থানত কংগ্ৰেছ নেতা ৰাহুল গান্ধী, সমাজবাদী পাৰ্টিৰ মুৰব্বী অখিলেশ যাদৱৰ লগতে কেইবাজনো ৰাষ্ট্ৰীয়-আন্তঃৰাষ্ট্ৰীয় ব্যক্তিত্বৰ ফটো সংলগ্ন কৰি এই হৰ্ডিং আৰি দিয়াৰ পিছতেই সমগ্ৰ অঞ্চলটোত ব্যাপক চাঞ্চল্যৰ সৃষ্টি হয়। প্ৰচাৰিত হৰ্ডিংখনৰ একেবাৰে ওপৰৰ অংশত ডাঙৰ আখৰেৰে লিখা আছে "সনাতন ভাৰতৰ বিৰোধী ৰাৱণ"। 'সনাতন ৰক্ষা সংগঠন' নামৰ এক সংগঠনৰ উদ্যোগত চহৰখনৰ হজৰতগঞ্জ বিধায়ক আৱাস, গোমতী নগৰ আৰু কাপুৰথালাকে ধৰি বিভিন্ন আৱাসিক তথা বাণিজ্যিক এলেকাত এই পোষ্টাৰসমূহ…

কেন্দ্ৰীয় শিক্ষা আৰু উত্তৰ-পূব অঞ্চল উন্নয়ন (DoNER) মন্ত্ৰালয়ৰ ৰাজ্যিক মন্ত্ৰী সুকান্ত মজুমদাৰে সোমবাৰে তেওঁৰ দুদিনীয়া ছিকিম ভ্ৰমণৰ অংশ হিচাপে হেলেন লেপচা ছিকিম চৰকাৰী চিকিৎসা মহাবিদ্যালয় পৰিদৰ্শন কৰে। প্ৰতিষ্ঠানখনত উপস্থিত হোৱাৰ পিছত কেন্দ্ৰীয় মন্ত্ৰীগৰাকীক ভৱন আৰু গৃহ নিৰ্মাণ বিভাগৰ পিচিই-তথা-সচিব চন্দ্ৰ বিজয় বসনেট, পিচিই ৱাই.এন. গৌতম আৰু ছিকিম চৰকাৰৰ অন্যান্য জ্যেষ্ঠ বিষয়াসকলৰ লগতে চিকিৎসা মহাবিদ্যালয়খনৰ অধ্যাপক-অধ্যাপিকাসকলে আদৰণি জনায়। ভ্ৰমণকালত মজুমদাৰে চিকিৎসা মহাবিদ্যালয়খনৰ আন্তঃগাঁথনিৰ বুজ লয়। মহাবিদ্যালয়খনৰ ডিন বিক্ৰম খাৰগাই তেওঁক চৌহদটোৰ বিভিন্ন সা-সুবিধাৰ বিষয়ে অৱগত কৰে। ইয়াৰ পিছতে মন্ত্ৰীগৰাকীয়ে চিকিৎসা মহাবিদ্যালয়খনৰ প্ৰথমটো বেচৰ ছাত্ৰ-ছাত্ৰীসকলৰ সৈতে মত-বিনিময় কৰে। ছিকিমৰ প্ৰথমখন চৰকাৰী চিকিৎসা মহাবিদ্যালয় হিচাপে হেলেন লেপচা ছিকিম চৰকাৰী চিকিৎসা মহাবিদ্যালয়খন ২০২৬ চনৰ…

নিশাৰ ঘন অন্ধকাৰ আৰু নিস্তব্ধতা ফালি দলঙৰ ওপৰৰ পৰা ভাঁহি আহিছিল এটি কণমানিৰ কৰুণ আৰ্তনাদ- “আম্মা… নান্না…”। কি হৈছে একো বুজি নাপাই আন্ধাৰ আৰু ঠাণ্ডাৰ মাজত চকুলো টুকিছিল তিনিবছৰীয়া নিষ্পাপ শিশুটিয়ে, কাৰণ চকুৰ সন্মুখতে উফন্দি উঠা নদীৰ বুকুত চিৰদিনৰ বাবে জাহ গৈছিল তাইৰ জন্মদাতাসকল। অন্ধ্ৰপ্ৰদেশৰ পশ্চিম গোদাৱৰী জিলাৰ গোদাৱৰী নদীৰ দলঙত বৃহস্পতিবাৰে নিশা সংঘটিত হ’ল এই চৰম হৃদয়বিদাৰক ঘটনা। নিজ সন্তানক স্কুটাৰখনৰ ওপৰতে অকলে এৰি থৈ নদীত জাঁপ দি আত্মহননৰ পথ বাছি ল’লে এহাল দম্পতীয়ে। স্থানীয় সূত্ৰ অনুসৰি, ভেলপুৰু গাঁৱৰ বাসিন্দা ২৯ বছৰীয়া ডড্ডা সাই আৰু তেওঁৰ ২৮ বছৰীয়া পত্নী শিৰীজাই নিশা প্ৰায় ১০ বজাত স্কুটাৰেৰে সন্তানসহ দলঙৰ ওপৰত উপস্থিত…

জুলাই মাহত নাগালেণ্ড আৰু অসমৰ বানৰ পৰা উদ্ধাৰ হোৱা ৫৩ বছৰীয়া মাইকী হাতী জয়মতীক একাধিক আঘাত আৰু দীৰ্ঘদিনীয়া চলা-ফুৰাৰ সমস্যাৰ বাবে বিশেষ পশু চিকিৎসাৰ বাবে জামনগৰৰ বন্তাৰালৈ বিমানেৰে লৈ যোৱা হৈছে। জুলাইৰ দ্বিতীয় সপ্তাহত নাগালেণ্ডত বানপানীত উটি গৈছিল জয়মতী। পিছত স্থানীয় লোক আৰু চৰকাৰী সংস্থাৰ সহায়ত হাতীটো উদ্ধাৰ কৰা হয়। হাতীটোৱে শৰীৰৰ কেইবাটাও অংশত আঘাত পাইছে, য'ত আছে কপাল, সোঁ কাণ, নেজৰ ওপৰৰ অংশ, বাওঁ ভিতৰৰ উৰু আৰু পেট। তাইৰ বাহ্যিক যৌনাংগৰ চাৰিওফালে গভীৰ ঘাঁও হৈছিল, য'ত পোক লাগিছিল। তাইৰ সোঁ চকু গুৰুতৰভাৱে ক্ষতিগ্ৰস্ত হৈছিল, যাৰ ফলত তাই সেই চকুৰে অন্ধ হৈ পৰিছে আৰু চকুৰ পৰা অবিৰত পানী ওলাই আছে।…

নাগালেণ্ডৰ মুখ্যমন্ত্ৰী নেইফিউ ৰিঅ’ই বিদেশী অনুদান (নিয়ন্ত্ৰণ) আইন (FCRA) ৰ প্ৰস্তাৱিত সংশোধনীৰ বিষয়ে কেন্দ্ৰীয় গৃহমন্ত্ৰী অমিত শ্বাহক পত্ৰ লিখি অধিক সংসদীয় পৰীক্ষণ আৰু অধিক অংশীদাৰৰ সৈতে পৰামৰ্শৰ ওপৰত গুৰুত্ব আৰোপ কৰিছে। লগতে এই বিষয়টো যুটীয়া সংসদীয় সমিতি (JPC) ৰ দ্বাৰা বিবেচনা কৰিবলৈও অনুৰোধ জনাইছে। ৰিঅ’ই পত্ৰত উল্লেখ কৰে, "সমাজৰ বিভিন্ন শ্ৰেণীৰ, বিশেষকৈ খ্ৰীষ্টান সমাজৰ মাজত FCRA ৰ প্ৰস্তাৱিত সংশোধনী সন্দৰ্ভত যি আশংকা প্ৰকাশ পাইছে, সেই সন্দৰ্ভত মই আপোনাক পত্ৰ লিখিছোঁ। নাগালেণ্ড বাপ্টিষ্ট চাৰ্চ কাউন্সিল আৰু নাগালেণ্ডৰ কোহিমাৰ বিশপেও আপোনাক এই গুৰুত্বপূৰ্ণ বিষয়ত প্ৰতিনিধিত্ব কৰিছে বুলি মই বুজি পাইছোঁ। তেওঁলোকে ৰাজ্যখনৰ গীৰ্জা আৰু ইয়াৰ লগত জড়িত দাতব্য সংগঠনসমূহে সন্মুখীন হোৱা গুৰুতৰ…

অৱসৰপ্ৰাপ্ত এগৰাকী পৰিবহন বিষয়াৰ সম্পত্তিয়ে চকু কপালত তুলিছে আৰক্ষীৰ। উত্তৰ প্ৰদেশৰ লক্ষ্ণৌত দুৰ্নীতি নিবাৰক শাখাৰ (Vigilance Team) এক অভিযানত এজন অৱসৰপ্ৰাপ্ত পৰিবহণ বিষয়াৰ ঘৰৰ পৰা উদ্ধাৰ হৈছে কেইবা কোটি টকাৰ সম্পত্তি।এই কাৰ্যবাহী অভিযানৰ অন্তত উদ্ধাৰ হোৱা সামগ্ৰিক সম্পত্তিৰ মূল্য প্ৰায় ৩৫ কোটি টকা বুলি ধাৰণা কৰা হৈছে।তদন্তকাৰী দলটোৱে জনোৱা অনুসৰি, ললিত কুমাৰৰ ঘৰৰ বিভিন্ন স্থানত পেকেটত লুকুৱাই থোৱা অৱস্থাত নগদ ১.৬২ কোটি টকা জব্দ কৰা হৈছে। ইয়াৰ উপৰিও ঘৰটোৰ পৰা ১৩ কিলোগ্ৰাম সোণ আৰু ৯ কিলোগ্ৰাম ৰূপ (বিস্কুট, বাৰ আৰু অলংকাৰ হিচাপে) উদ্ধাৰ কৰা হৈছে, যাৰ আনুমানিক বজাৰ মূল্যই প্ৰায় ২০ কোটি টকা হ'ব।

এটা সাধাৰণ ৰন্ধনশালৰ আৱৰ্জনাক পানী প্ৰদূষণৰ বিৰুদ্ধে শক্তিশালী অস্ত্ৰলৈ ৰূপান্তৰিত কৰি ভাৰতীয় কিশোৰ-কিশোৰীৰ এটা দলে The Earth Prize 2026 বঁটা নিজৰ নামত কৰিছে। বিবান ছাভচাৰিয়া, আৰিয়ানা আগৰৱাল আৰু অৱ্যনা মেহতা নামৰ এই ছাত্ৰ-ছাত্ৰী তিনিজনে Plas-Stick নামৰ এটা কম খৰচী, জৈৱ-বিঘ্নিতকৰণযোগ্য ফিল্টাৰ উদ্ভাৱন কৰাৰ বাবে স্বীকৃতি লাভ কৰে। এই ফিল্টাৰখন তেঁতেলিৰ বীজৰ গুড়িৰে তৈয়াৰী আৰু ই পানীৰ পৰা মাইক্ৰ’প্লাষ্টিক আঁতৰাব পাৰে। তেওঁলোকৰ প্ৰকল্পটোৱে বিশেষ গুৰুত্ব পাইছে কাৰণ ই এনে এটা সমস্যাৰ সমাধান কৰিছে য’ত সাধাৰণ ফিল্টাৰবোৰ ব্যৰ্থ হয়। মাইক্ৰ’প্লাষ্টিক ইমানেই সৰু যে ই সাধাৰণ পৰিশোধন ব্যৱস্থাৰ মাজেৰে সোমাই যায় আৰু খোৱা পানীত মিলি যায়। কিশোৰ-কিশোৰীসকলৰ এই সমাধানে কোনো বিষাক্ত ৰাসায়নিক ব্যৱহাৰ…

ভাৰতলৈ প্ৰত্যৰ্পণৰ ক্ষেত্ৰত প্ৰায় সকলো আইনী বাধা আঁতৰিল পলাতক হীৰা ব্যৱসায়ী নিৰৱ মোদীৰ। ইউৰোপীয় মানৱ অধিকাৰ আদালততো শেষ আইনী যুঁজত পৰাজিত হোৱাৰ পিছত এতিয়া তেওঁক ভাৰতলৈ প্ৰত্যৰ্পণৰ প্ৰক্ৰিয়া অধিক দ্ৰুত হোৱাৰ সম্ভাৱনা সৃষ্টি হৈছে। সূত্ৰৰ তথ্য অনুসৰি, ইউৰোপীয় মানৱ অধিকাৰ আদালতে নিৰৱ মোদীৰ আবেদন নাকচ কৰাৰ লগে লগে তেওঁৰ হাতত থকা সকলো আইনী পথ প্ৰায় বন্ধ হৈ পৰিছে। এতিয়া কেৱল কেইটামান প্ৰশাসনিক আনুষ্ঠানিকতা সম্পূৰ্ণ হ'লেই যুক্তৰাজ্য চৰকাৰে প্ৰত্যৰ্পণ প্ৰক্ৰিয়া আগবঢ়াব পাৰিব। ইয়াৰ পূৰ্বে চলিত বৰ্ষৰ এপ্ৰিল মাহত যুক্তৰাজ্যৰ উচ্চ ন্যায়ালয়ে প্ৰত্যৰ্পণৰ সিদ্ধান্তক পুনৰ প্ৰত্যাহ্বান জনোৱাৰ অনুমতি দিবলৈ অস্বীকাৰ কৰিছিল। ভাৰত চৰকাৰে ভাৰতীয় কাৰাগাৰৰ পৰিৱেশ সম্পৰ্কে দিয়া আশ্বাসক সন্তোষজনক বুলি আদালতে…

শনিবাৰে চিকিমৰ শ্ৰম আৰু গৃহ নিৰ্মাণ বিভাগৰ মন্ত্ৰী তথা ইয়াংথাং সমষ্টিৰ বিধায়ক ভীম হাং লিম্বুৱে চিকিম দুখীয়া গৃহ আঁচনিৰ অধীনত নিৰ্মাণ কৰা ঘৰসমূহৰ উদ্বোধন কৰি হিতাধিকাৰীসকলক চাবি বিতৰণ কৰে। গেজিঙৰ খণ্ড প্ৰশাসনিক কেন্দ্ৰই আয়োজন কৰা এই কাৰ্যসূচী ৰাজ্য চৰকাৰৰ গুৰুত্বপূৰ্ণ আৱাসিক আঁচনি চিকিম দুখীয়া গৃহ আঁচনি ৰূপায়ণৰ ক্ষেত্ৰত এক উল্লেখযোগ্য সফলতা। এই আঁচনিৰ জৰিয়তে ৰাজ্যজুৰি যোগ্য হিতাধিকাৰীসকলক সুৰক্ষিত, স্থায়ী আৰু সন্মানজনক বাসগৃহ প্ৰদান কৰা হয়। কাৰ্যসূচীত মন্ত্ৰী লিম্বুৱে ৫০ গৰাকী হিতাধিকাৰীক নতুনকৈ নিৰ্মিত ঘৰৰ চাবি বিতৰণ কৰে। ইয়াৰ পূৰ্বে তেওঁ দাৰাপ আৰু টিকজুক অঞ্চলৰ দুগৰাকী হিতাধিকাৰীৰ ঘৰ উদ্বোধন কৰিছিল। সমবেত লোকসকলক উদ্দেশ্যি মন্ত্ৰীগৰাকীয়ে কয় যে চিকিম দুখীয়া গৃহ আঁচনি ৰাজ্য…

আন্তঃৰাষ্ট্ৰীয় ডেস্ক: পুনৰ সংঘটিত হৈছে এক ভয়ংকৰ বিমান দুৰ্ঘটনা। মাৰ্কিন যুক্তৰাষ্ট্ৰৰ মিছৌৰী ৰাজ্যত সংঘটিত এই দুৰ্ঘটনাত তৎমুহূৰ্ততে জ্বলি ছাৰখাৰ হৈ পৰে এখন যাত্ৰীবাহী বিমান। দুৰ্ঘটনাৰ পিছতেই অঞ্চলটোত সৃষ্টি হয় তীব্ৰ চাঞ্চল্য। প্ৰাথমিক তথ্য অনুসৰি, বিমানখন দুৰ্ঘটনাগ্ৰস্ত হোৱাৰ লগে লগে ভয়ংকৰ অগ্নিকাণ্ড সংঘটিত হয়। ঘটনাস্থলীত জৰুৰীকালীন উদ্ধাৰকাৰী দল উপস্থিত হৈ উদ্ধাৰ অভিযান আৰম্ভ কৰে। এই পৰ্যন্ত লাভ কৰা তথ্য অনুসৰি, দুৰ্ঘটনাটোত কমেও ১২ জন লোকৰ মৃত্যু হোৱা বুলি জানিব পৰা গৈছে। নিহতৰ সংখ্যা আৰু বৃদ্ধি পাব পাৰে বুলি আশংকা প্ৰকাশ কৰিছে কৰ্তৃপক্ষই। দুৰ্ঘটনাৰ সঠিক কাৰণ এতিয়াও স্পষ্ট হোৱা নাই। বিমানখন কেনেদৰে দুৰ্ঘটনাগ্ৰস্ত হ'ল সেয়া তদন্তৰ অন্তৰ্গত বুলি জানিবলৈ দিয়ে সংশ্লিষ্ট বিষয়াসকলে।…