অসম

ভাৰ্টিগো আৰু বে লেন্স (মুৰ ঘুৰণী আৰু ভাৰসাম্য সন্তুলন)ক্লিনিকৰ উদ্বোধন

ভাৰ্টিগো আৰু বে লেন্স (মুৰ ঘুৰণী আৰু ভাৰসাম্য সন্তুলন)ক্লিনিকৰ উদ্বোধন

গুৱাহাটীৰ হেল্থ চিটি হাস্পতালত আজি ভাৰ্টিগো আৰু বে ** লেন্স (মুৰ ঘুৰণী আৰু ভাৰসাম্য সন্তুলন)ক্লিনিকৰ উদ্বোধন সফলভাৱে সম্পন্ন হয়, এই বিশেষ ক্লিনিকখনত মুৰ ঘুৰণী আৰু ভাৰসাম্য সমস্যাৰ প্ৰতি বিশেষায়িত চিকিৎসাৰ ক্ষেত্ৰত এক গুৰুত্বপূৰ্ণ পদক্ষেপ হিচাপে পৰিগণিত হ'ব। উক্ত অনুষ্ঠানত অসমৰ জল-সম্পদ, তথ্য প্ৰচাৰ, মুদ্ৰণ আৰু স্টেচনৰী বিভাগ তথা সামাজিক ন্যায় আৰু ক্ষমতায়ন বিভাগৰ কেবিনেট মন্ত্ৰী মহোদয় সম্মানীয় শ্ৰীযুত পীযুষ হাজৰিকা মুখ্য অতিথি হিচাপে উপস্থিত হৈ চিকিৎসালয়ৰ নেতৃত্বৰ সৈতে এই আধুনিক সুবিধাৰ শুভ উদ্বোধন কৰে। অনুষ্ঠান সম্বোধন কৰি শ্ৰী হাজৰিকাই হাস্পতালৰ এই উদ্যোগৰ প্ৰতি তেওঁৰ গভীৰ কৃতজ্ঞতা প্ৰকাশ কৰি কয়, ই স্বাস্থ্য সেৱা আৰু মানৱ কল্যাণৰ বাবে এক গুৰুত্বপূৰ্ণ পদক্ষেপ। তেওঁ…
Read More
ভোটাৰ তালিকাৰ বিসংগতিক লৈ উচ্চতম ন্যায়ালয়ত উপস্থিত মমতা; নিৰ্বাচন আয়োগলৈ জাননী জাৰি

ভোটাৰ তালিকাৰ বিসংগতিক লৈ উচ্চতম ন্যায়ালয়ত উপস্থিত মমতা; নিৰ্বাচন আয়োগলৈ জাননী জাৰি

ভোটাৰ তালিকা সংশোধনৰ প্রক্রিয়াক কেন্দ্ৰ কৰি সৃষ্টি হোৱা আইনী যুঁজৰ মাজতে বুধবাৰে উচ্চতম ন্যায়ালয়ত অধিবক্তাৰূপে উপস্থিত হ’ল পশ্চিমবংগৰ মুখ্যমন্ত্ৰী মমতা বেনাৰ্জী। ৰাজ্যখনত চলি থকা স্পেচিয়েল ইনটেনচিভ ৰিভিজনৰ অধীনত ভোটাৰ তালিকাৰ বিসংগতিৰ বিৰুদ্ধে দাখিল কৰা এক আবেদনৰ শুনানিত মুখ্যমন্ত্ৰীগৰাকীয়ে নিজে উপস্থিত থাকি ব্যক্তিগতভাৱে যুক্তি দৰ্শায়। নিৰ্বাচনৰ পূৰ্বে হাজাৰ হাজাৰ বৈধ ভোটাৰৰ নাম তালিকাৰ পৰা কৰ্তন কৰাৰ অভিযোগ উত্থাপন কৰি মমতা বেনাৰ্জীয়ে আদালতৰ মজিয়াত এক আৱেগিক পৰিৱেশৰ সৃষ্টি কৰে। মুখ্যমন্ত্ৰীগৰাকীৰ ভাষ্য অনুসৰি, জীয়াই থকা ব্যক্তিক কাগজত 'মৃত' সজাই ভোটাৰ তালিকাৰ পৰা বহিষ্কাৰ কৰাৰ ফলত বিশেষকৈ দুখীয়া, মহিলা আৰু প্ৰব্ৰজিত শ্ৰমিকসকল চৰম দুৰ্ভোগৰ সন্মুখীন হৈছে। আনহাতে, নিৰ্বাচন আয়োগে পৰ্যাপ্ত চৰকাৰী বিষয়াৰ অভাৱত 'মাইক্ৰ'…
Read More
ৰায়দানত বিলম্ব হোৱা কাৰ্য এক পৰিচিত ব্যাধি, এই ব্যাধি নির্মূল হোৱাটো জৰুৰীঃ উচ্চতম ন্যায়ালয়

ৰায়দানত বিলম্ব হোৱা কাৰ্য এক পৰিচিত ব্যাধি, এই ব্যাধি নির্মূল হোৱাটো জৰুৰীঃ উচ্চতম ন্যায়ালয়

দেশৰ বিচাৰ ব্যৱস্থাত দীৰ্ঘদিন ধৰি চলি অহা ৰায়দানৰ লেহেমীয়া গতিক এক পৰিচিত ব্যাধি বুলি অভিহিত কৰে উচ্চতম ন্যায়ালয়ে। মঙলবাৰে উচ্চ ন্যায়ালয়সমূহৰ মাহৰ পিছত মাহ ধৰি ৰায়দান সংৰক্ষিত কৰি ৰখাৰ প্ৰৱণতাক তীব্ৰ সমালোচনা কৰি দেশৰ শীৰ্ষ আদালতে এই অনিয়ম সম্পূৰ্ণৰূপে নিৰ্মূল কৰাৰ কঠোৰ নিৰ্দেশ প্ৰদান কৰে। প্ৰধান ন্যায়াধীশ সূৰ্যকান্তৰ নেতৃত্বত গঠিত বিচাৰপীঠখনে স্পষ্ট কৰি দিয়ে যে বিচাৰ প্ৰক্ৰিয়াত এনে শিথিলতাই আইনৰ মৰ্যাদা লাঘব কৰে। ঝাৰখণ্ড উচ্চ ন্যায়ালয়ৰ এক গোচৰৰ শুনানি গ্ৰহণ কৰি বিচাৰপীঠখনে উল্লেখ কৰে যে যোৱা বৰ্ষৰ ৪ ডিচেম্বৰতে এখন আবেদন খাৰিজ কৰি মৌখিকভাৱে ৰায় দিয়া হৈছিল যদিও আজি পৰ্যন্ত সেই ৰায়ৰ কপি আপলোড কৰা হোৱা নাই। এই ঘটনাক লৈ…
Read More
অসম অসামৰিক সেৱাৰ বিষয়া সংগীতা শইকীয়াৰ গ্ৰন্থ উন্মোচন

অসম অসামৰিক সেৱাৰ বিষয়া সংগীতা শইকীয়াৰ গ্ৰন্থ উন্মোচন

অসম অসামৰিক সেৱাৰ বিষয়া  সংগীতা শইকীয়াৰ ৰচিত গ্ৰন্থ  "As Life Moves On"  গুৱাহাটীৰ বিষ্ণু নিৰ্মলা শিশু পুথিভঁৰালত এক সাহিত্যিক অনুষ্ঠানত উন্মোচন কৰা হয় । এই উপলক্ষে অনুষ্ঠিত অনুষ্ঠানত মুখ্য অতিথি হিচাপে ভাগ লৈ গ্ৰন্থখন উন্মোচন কৰে অসম সাহিত্য সভাৰ প্ৰাক্তন সভাপতি আৰু অসম আৰক্ষীৰ অৱসৰপ্ৰাপ্ত সঞ্চালক প্ৰধান ডঃ কুলধৰ শইকীয়াই। অনুষ্ঠানত যুৱ সাহিত্যিক চেইখ আল আহমেদ, নীলোৎপল গোঁহাই আৰু ঋত্বিকা ফুকন উপস্থিত আছিল। অনুষ্ঠানটোত সাহিত্য, জীৱনৰ অভিজ্ঞতা, আৰু লেখাৰ মাধ্যমত আত্ম-অনুসন্ধান লাভৰ বিষয়ত গুৰুত্বপূৰ্ণ আলোচনা অনুষ্ঠিত হয়। উল্লেখ্য যে "As Life Moves On"  এখন মননশীল সাহিত্যকৰ্ম । য'ত জীৱনৰ পৰিবৰ্তন, মানসিক দৃঢ়তা, আৰু দৈনন্দিন জীৱনত লুকাই থকা নিঃশব্দ কাহিনী বৰ্ণনা…
Read More
পুনৰ এয়াৰ ইণ্ডিয়াত যান্ত্ৰিক বিজুতি! পাইলটৰ তৎপৰতাত ৰক্ষা পৰিল শতাধিক যাত্ৰীৰ প্ৰাণ

পুনৰ এয়াৰ ইণ্ডিয়াত যান্ত্ৰিক বিজুতি! পাইলটৰ তৎপৰতাত ৰক্ষা পৰিল শতাধিক যাত্ৰীৰ প্ৰাণ

বিমানৰ ইন্ধন নিয়ন্ত্ৰণ চুইচত দেখা দিয়া মাৰাত্মক বিসংগতিয়ে এতিয়া এয়াৰ ইণ্ডিয়াৰ সুৰক্ষা ব্যৱস্থাক লৈ সৃষ্টি কৰিছে এক তীব্ৰ প্ৰশ্নবোধকৰ। যোৱা বছৰ ২৬০ জন লোকৰ প্ৰাণ কাঢ়ি নিয়া আহমেদাবাদৰ সেই বিভীষিকাময় দুৰ্ঘটনাৰ বাবে জগৰীয়া একেই যান্ত্ৰিক বিজুতি পুনৰ লণ্ডন-বেংগালুৰু অভিমুখী বিমানত ধৰা পৰাৰ ঘটনাই এতিয়া যাত্ৰীসকলৰ মাজত সৃষ্টি কৰিছে চৰম হাহাকাৰৰ। লণ্ডনৰ পৰা উৰা মৰাৰ ঠিক আগমুহূৰ্তত এআই ১৩২ বিমানখনৰ পাইলটে ইন্ধন যোগান ব্যৱস্থাত খুঁত ধৰা পেলোৱাৰ লগে লগে বিমানখনৰ উৰণ বাতিল কৰি পৰীক্ষাৰ বাবে আৱদ্ধ কৰি ৰখা হয়। এয়াৰ ইণ্ডিয়া কৰ্তৃপক্ষই স্বীকাৰ কৰা মতে, ব’য়িং ৭৮৭-৮ বিমানখনৰ ইন্ধন নিয়ন্ত্ৰণ চুইচত পাইলটে বিসংগতি প্ৰত্যক্ষ কৰাৰ পাছতে বিষয়টো অগ্ৰাধিকাৰ ভিত্তিত পৰীক্ষা কৰিবলৈ…
Read More
বিজেপি-আগপৰ মাজত নাই কোনো প্ৰভেদঃ মিত্ৰজোঁটৰ অভিন্ন লক্ষ্যক লৈ ডিমৰীয়াত হিমন্তৰ ঘোষণা

বিজেপি-আগপৰ মাজত নাই কোনো প্ৰভেদঃ মিত্ৰজোঁটৰ অভিন্ন লক্ষ্যক লৈ ডিমৰীয়াত হিমন্তৰ ঘোষণা

অসমৰ বিধানসভা নিৰ্বাচনৰ দিন চমু চাপি অহাৰ লগে লগে বিজেপি আৰু অসম গণ পৰিষদৰ মাজৰ সম্পৰ্কক লৈ ৰাজনৈতিক মহলত চলি থকা চৰ্চাই এতিয়া লাভ কৰিছে এক নতুন মাত্ৰা। ৰাষ্ট্ৰীয় গণতান্ত্ৰিক মিত্ৰজোঁটৰ শক্তি প্ৰদৰ্শনৰ উদ্দেশ্যে সোমবাৰে ডিমৰীয়াত অনুষ্ঠিত এক কাৰ্যসূচীত মুখ্যমন্ত্ৰী হিমন্ত বিশ্ব শৰ্মাই দুয়োটা দলৰ মাজত কোনো ধৰণৰ পাৰ্থক্য নাই বুলি এক তাৎপৰ্যপূৰ্ণ মন্তব্য কৰে। আগন্তুক নিৰ্বাচনত মিত্ৰজোঁটৰ ঐক্যবদ্ধ যুঁজৰ কথা ঘোষণা কৰি মুখ্যমন্ত্ৰীগৰাকীয়ে স্পষ্ট কৰি দিয়ে যে দুয়োটা দলৰ উমৈহতীয়া লক্ষ্য হৈছে অসমত পুনৰ এখন এন ডি এ চৰকাৰ গঠন কৰা। সংবাদ মাধ্যমক সম্বোধন কৰি মুখ্যমন্ত্ৰী শৰ্মাই কয় যে অসম গণ পৰিষদ আৰু বিজেপিৰ মাজত কোনো বিৰোধ নাই। তেওঁ…
Read More
হাইলাকান্দিত ২৮০০ বিঘা ভূমি বেদখলমুক্ত কৰিবলৈ চলিল বুলড’জাৰ

হাইলাকান্দিত ২৮০০ বিঘা ভূমি বেদখলমুক্ত কৰিবলৈ চলিল বুলড’জাৰ

অসম-মিজোৰাম সীমান্তৰ সংৰক্ষিত বনাঞ্চলত চৰকাৰী ভূমিত চলি থকা দীৰ্ঘদিনীয়া বেদখল উচ্ছেদ কৰিবলৈ সোমবাৰে হাইলাকান্দি জিলা প্ৰশাসনে এক বৃহৎ অভিযান আৰম্ভ কৰিছে। ঘৰমুৰা বন সংমণ্ডলৰ অধীনস্থ দামচেৰা অঞ্চলৰ প্ৰায় ২৮০০ বিঘা বনভূমি উদ্ধাৰৰ লক্ষ্যৰে চলোৱা এই অভিযানে সমগ্ৰ জিলাখনতে এক তীব্ৰ উত্তেজনাপূৰ্ণ পৰিৱেশৰ সৃষ্টি কৰিছে। মিজোৰাম সীমান্তৰ এই স্পৰ্শকাতৰ অঞ্চলটোত সোমবাৰে পুৱাৰে পৰা প্ৰায় ১৫০ খন বুলড’জাৰ আৰু ১৫০০ সশস্ত্ৰ বাহিনীৰ উপস্থিতিত উচ্ছেদ কাৰ্য আৰম্ভ হয়। জিলা প্ৰশাসনে জনোৱা অনুসৰি, এই উচ্ছেদ অভিযানে ৫১৬ টা পৰিয়ালক প্ৰভাৱিত কৰিছে যদিও বহু পৰিয়ালে অভিযানৰ পূৰ্বেই নিজৰ সা-সম্পত্তি লৈ স্থান ত্যাগ কৰে। প্ৰথম দিনৰ কাৰ্যসূচীত মূলতঃ বনভূমিত অবৈধভাৱে গঢ়ি তোলা তামোল বাগানসমূহ ধ্বংস কৰাত…
Read More
কলিয়াবৰত বন্যহস্তীৰ সন্ত্ৰাস! এইবাৰ বনৰীয়া হাতীৰ গছকত মহিলাৰ মৃত্যু

কলিয়াবৰত বন্যহস্তীৰ সন্ত্ৰাস! এইবাৰ বনৰীয়া হাতীৰ গছকত মহিলাৰ মৃত্যু

বন্য হস্তীৰ ধাৰাবাহিক আক্ৰমণে কলিয়াবৰত সৃষ্টি কৰিছে আতংকময় পৰিৱেশৰ। হাতী-মানুহৰ চৰম সংঘাতৰ বলি হৈ অঞ্চলটোত প্ৰতিদিনেই সাধাৰণ জনতাই নিজৰ প্ৰাণৰ সুৰক্ষাৰ বাবে হাহাকাৰ কৰিবলগীয়া হৈছে। সোমবাৰে পুনৰ এটা উন্মত্ত বনৰীয়া হাতীৰ আক্ৰমণত এগৰাকী মহিলাই কৰুণ মৃত্যুক সাৱটি লোৱা ঘটনাই সমগ্ৰ জিলাখনতে তীব্ৰ উত্তেজনা আৰু ক্ষোভৰ সৃষ্টি কৰিছে। মৰ্মান্তিক ঘটনাটোত প্ৰাণ হেৰুওৱা মহিলাগৰাকীক মীনা বৰা বুলি চিনাক্ত কৰা হৈছে। নিজৰ ঘৰৰ চোতালত হঠাতে হাতীটো প্ৰত্যক্ষ কৰি মীনা বৰাই প্ৰাণৰ মমতাত পলাবলৈ চেষ্টা কৰিছিল যদিও বন্য হস্তীটোৱে তেওঁক খেদি খেদি গচকি হত্যা কৰে। এই শোকাৱহ কাণ্ডৰ পাছতে মন্ত্ৰী কেশৱ মহন্তই ঘটনাস্থলীত উপস্থিত হৈ পৰিস্থিতিৰ বুজ লয় আৰু বন মন্ত্ৰী চন্দ্ৰমোহন পাটোৱাৰীক হাতীটোক…
Read More
গৌৰৱ গগৈৰ ‘পাকিস্তান সংযোগ’ক লৈ হিমন্তৰ বিস্ফোৰণঃ কংগ্ৰেছ-ৰাইজৰ দলৰ মিত্ৰতাক ‘ললিপপ’ আখ্যা মুখ্যমন্ত্ৰীৰ

গৌৰৱ গগৈৰ ‘পাকিস্তান সংযোগ’ক লৈ হিমন্তৰ বিস্ফোৰণঃ কংগ্ৰেছ-ৰাইজৰ দলৰ মিত্ৰতাক ‘ললিপপ’ আখ্যা মুখ্যমন্ত্ৰীৰ

কংগ্ৰেছ সাংসদ গৌৰৱ গগৈৰ কথিত ‘পাকিস্তান সংযোগ’ৰ ৰহস্য ফাদিল কৰিব মুখ্যমন্ত্ৰী হিমন্ত বিশ্ব শৰ্মাই। বিগত সময়ছোৱাত কেইবাটাও দিন নিজে নিৰ্ধাৰণ কৰি দি মুখ্যমন্ত্ৰীয়ে গৌৰৱ গগৈৰ পাকিস্তান সংযোগ ফাদিল কৰাৰ হুংকাৰ দিছিল। এইবাৰ পুনৰ মুখ্যমন্ত্ৰীয়ে নিৰ্ধাৰণ কৰিছে ৮ ফেব্ৰুৱাৰীৰ দিনটো। অহা ৮ ফেব্ৰুৱাৰীত হ’বলগীয়া এক বিস্ফোৰক সংবাদ মেলৰ সম্ভাব্য পৰিণতি চম্ভালিবলৈহে বিৰোধীয়ে এই জৰুৰীকালীন মিত্ৰতাৰ আশ্ৰয় লৈছে বুলি গুৰুতৰ অভিযোগ উত্থাপন কৰিছে মুখ্যমন্ত্ৰী হিমন্ত বিশ্ব শৰ্মাই। ৰাজ্যখনৰ আগন্তুক নিৰ্বাচনৰ পূৰ্বে কংগ্ৰেছ আৰু ৰাইজৰ দলৰ মাজত গঢ়ি উঠা বুজাপৰাক এক সাময়িক ৰাজনৈতিক কৌশল বুলি অভিহিত কৰি মুখ্যমন্ত্ৰীয়ে দেওবাৰে বিৰোধীৰ মিত্ৰতাক তীব্ৰ সমালোচনা কৰে। তেওঁ দাবী কৰে যে এই মিত্ৰতা কোনো আদৰ্শৰ ভেটিত…
Read More
বিজেপিৰ শক্তিশালী ভেটি নে বিৰোধীৰ পুনৰুত্থান? অসমৰ নিৰ্বাচনী যুঁজত কোন আগত, পোহৰলৈ আহিল চাঞ্চল্যকৰ সমীক্ষা

বিজেপিৰ শক্তিশালী ভেটি নে বিৰোধীৰ পুনৰুত্থান? অসমৰ নিৰ্বাচনী যুঁজত কোন আগত, পোহৰলৈ আহিল চাঞ্চল্যকৰ সমীক্ষা

আসন্ন বিধানসভা নিৰ্বাচনক লৈ ৰাজ্যৰ ৰাজনৈতিক বতাহত তীব্ৰ উত্তেজনাই বিৰাজ কৰাৰ মাজতে এক ৰাষ্ট্ৰীয় সমীক্ষাই অসমৰ নিৰ্বাচনী সমীকৰণত সৃষ্টি কৰিছে এক নতুন জোৱাৰৰ। আগন্তুক নিৰ্বাচনৰ পূৰ্বে ৰাইজৰ হৃদস্পন্দন পৰীক্ষা কৰি 'ইণ্ডিয়া টুডে-চি ভোটাৰ মুড অফ দ্য নেচন' সমীক্ষাই যি ফলাফল দাঙি ধৰিছে, সি বিজেপি আৰু কংগ্ৰেছ- দুয়োটা শিবিৰৰে নিদ্ৰা হৰণ কৰিছে। এই সমীক্ষাৰ মতে, ৰাজ্যত আঞ্চলিক দলসমূহৰ অস্তিত্ব প্ৰায় ম্লান পৰাৰ বিপৰীতে মূল যুঁজখন এতিয়া দ্বি-মেৰু কেন্দ্ৰিক হৈ পৰিছে। জানুৱাৰী মাহত চলোৱা এই সমীক্ষাৰ তথ্য অনুসৰি, যদি এতিয়াই নিৰ্বাচন হয় তেন্তে বিজেপি নেতৃত্বাধীন মিত্ৰজোঁটে ৫০.২ শতাংশ ভোট লাভ কৰি পুনৰ ক্ষমতা দখল কৰাৰ দৌৰত শীৰ্ষত আছে। আনহাতে, ৪৪ শতাংশ ভোটেৰে…
Read More