17
Jul
কাৰ্বি আংলঙৰ চিলনী নদীত নিৰুদ্দেশ হোৱা যুৱকজনৰ মৃতদেহ যোৱা ১৭ জুলাইৰ পুৱা লংছ’ কাংথু ইক’ টুৰিজিম পাৰ্কত উদ্ধাৰ কৰে। উদ্যানখনৰ দায়িত্বত থকা বন বিভাগৰ বিষয়াসকলে অবিনাশ ৰায় নামৰ যুৱকজনৰ মৃতদেহ নদীৰ বিপদজনক অঞ্চলত ওপঙি থকা অৱস্থাত উদ্ধাৰ কৰে। মৃতদেহটো বিচাৰি পোৱাৰ পিছত বন বিভাগৰ বিষয়াই মাঞ্জা আৰক্ষী থানাক খবৰ দিয়ে। ডিফুৰ আছেব সম্প্ৰদায়ৰ বাসিন্দা অবিনাশে দেওবাৰে (১৬ জুলাই) কেইবাজনো বন্ধুৰ সৈতে ইক’ টুৰিজিম পাৰ্কখন পৰিদৰ্শন কৰিছিল যদিও তেওঁলোকে গা ধুই থকাৰ সময়তে দুৰ্ভাগ্যজনকভাৱে তেওঁ নদীৰ বিপদজনক অঞ্চলত পৰি যায় বুলি তেওঁৰ বন্ধুসকলে জনায়। ইয়াত উল্লেখ কৰিব লাগিব যে অবিনাশে ডিফুৰ এটা ব্যক্তিগত ব্যৱসায়িক প্ৰতিষ্ঠানত কৰ্মৰত আছিল।
