Blog

টি-২০ বিশ্বকাপৰ ছুপাৰ-৮ পৰ্যায়ৰ পৰা লজ্জাজনক বিদায় লোৱাৰ পাছতে পাকিস্তান ক্ৰিকেট দলৰ খেলুৱৈসকলৰ বিৰুদ্ধে অভূতপূৰ্ব কঠোৰ স্থিতি গ্ৰহণ কৰিছে পাকিস্তান ক্ৰিকেট ব’ৰ্ডে। আইচিচিৰ এই গুৰুত্বপূৰ্ণ টুৰ্ণামেণ্টত দুৰ্বল প্ৰদৰ্শনৰ বাবে এতিয়া প্ৰতিজন খেলুৱৈয়ে নিজৰ পকেটৰ পৰাই মূল্য ভৰিবলগীয়া হৈছে। ব’ৰ্ডৰ এই আকস্মিক পদক্ষেপে পাকিস্তানৰ ক্ৰীড়া মহলত তীব্ৰ জোকাৰণিৰ সৃষ্টি কৰিছে। বিশ্বস্ত সূত্ৰই জনোৱা মতে, বিশ্বকাপৰ গ্ৰুপ পৰ্যায়ত টীম ইণ্ডিয়াৰ বিৰুদ্ধে শোচনীয় পৰাজয় আৰু পৰৱৰ্তী সময়ত ছুপাৰ-৮ৰ পৰা বাহিৰ হোৱাৰ পাছতে ব’ৰ্ডে প্ৰতিজন খেলুৱৈক ৫০ লাখ পাকিস্তানী টকাৰ জৰিমনা বিহাৰ সিদ্ধান্ত লৈছে। এই বৃহৎ অংকৰ ধন খেলুৱৈসকলৰ মাহিলী দৰমহা অথবা মেচ ফীৰ পৰা পোনপটীয়াকৈ কৰ্তন কৰা হ’ব। ভাৰতীয় মুদ্ৰাৰ হিচাপত এই জৰিমনাৰ…

কেন্দ্ৰীয় সংৰক্ষিত আৰক্ষী বাহিনী চমুকৈ চি আৰ পি এফৰ গুৱাহাটীৰ  পশ্চিম প্ৰান্তৰ ৰাণীস্থিত ১৭৫ বেটেলিয়ানৰ উদ্যোগত বাহিনীটোৰ জনহিতকৰ কাৰ্যসূচীৰ অংশ হিচাপে বৃহত্তৰ ৰাণী অঞ্চলৰ আৰ্থিকভাবে দুৰ্বল ১০ গৰাকী মহিলা- যুৱতীক ৭ ফেব্ৰুৱাৰীৰ পৰা ২০ দিনীয়াকৈ উন্নত মানৰ চিলাই প্ৰশিক্ষণ প্ৰদান কৰা হয়। মূলতঃ যুৱতী - মহিলাসকলে যাতে কাপোৰ চিলাইকে ধৰি চিলাই মেচিনেৰে কৰিব পৰা কামসমূহ কৰি আৰ্থিকভাবে স্বাৱলম্বী হব পাৰে সেই লক্ষ্যৰে দক্ষ প্ৰশিক্ষকৰ দ্ৱাৰা প্ৰশিক্ষণ প্ৰদান কৰা হয়। আনহাতে  প্ৰশিক্ষণ কাৰ্যসূচীৰ সামৰণি অনুষ্ঠানত মুখ্য অতিথি হিচাপে ভাগ লৈ ১৭৫ চি আৰ পি এফ বেটেলিয়ানৰ কমাডেণ্ট ৰাজীৱ কুমাৰ ঝাই প্ৰশিক্ষণ গ্ৰহণ কৰা ১০ গৰাকী মহিলা - যুৱতীক একোটাকৈ চিলাই মেচিন…

ইৰানৰ ওপৰত আমেৰিকাৰ আক্ৰমণৰ পিছত উপসাগৰীয় অঞ্চলৰ আকাশমাৰ্গ বন্ধ হোৱাৰ বাবে ডুবাইত আবদ্ধ হৈ থকাৰ বাবে মঙলবাৰৰ পৰা আৰম্ভ হ’বলগীয়া অল ইংলেণ্ড বেডমিণ্টন চেম্পিয়নশ্বিপত দুবাৰৰ অলিম্পিক পদক বিজয়ী পিভি সিন্ধুৱে অংশগ্ৰহণ কৰিব নোৱাৰিব। খেলুৱৈসকলৰ ভ্ৰমণৰ বাধাই ছুপাৰ ১০০০ প্ৰতিযোগিতাৰ বাবে তেওঁৰ প্ৰস্তুতিত গুৰুতৰ প্ৰভাৱ পেলাইছে। ইৰানৰ ওপৰত আমেৰিকা আৰু ইজৰাইলৰ আক্ৰমণ আৰু পৰৱৰ্তী সময়ত ইৰানৰ প্ৰতিশোধৰ বাবে বিমান সেৱা বাতিল হোৱাৰ বাবে শনিবাৰৰ পৰা ডুবাইত আবদ্ধ হৈ আছে সিন্ধু। ডুবাইত আবদ্ধ হৈ আছে সিন্ধু আৰু তেওঁৰ প্ৰশিক্ষক ইণ্ডোনেছিয়াৰ ইৰৱানছিয়া আদি প্ৰতামা। তেওঁলোকৰ থকাৰ স্থানৰ ওচৰত হোৱা বিস্ফোৰণৰ পৰা কথমপি ৰক্ষা পৰে। পিছত উপসাগৰীয় অঞ্চলত উত্তেজনা বৃদ্ধি পোৱাৰ বাবে তেওঁলোকক সুৰক্ষিত…

ইৰাণৰ সৰ্বোচ্চ নেতা আয়াতুল্লাহ আলী খামেনেই আমেৰিকা আৰু ইজৰাইলৰ আক্ৰমণত নিহত হৈছে। ইৰাণী সেনাৰ মুৰব্বী আব্দুল ৰহিম মৌছাভি আৰু প্ৰতিৰক্ষা মন্ত্ৰী মেজৰ জেনেৰেল আজিজ নাছিৰজাদেও নিহত হয়। ইৰাণীৰ ৰিভল্যুচনেৰী গাৰ্ডৰ মুৰব্বী জেনেৰেল মহম্মদ পাকপা আৰু কেইবাজনো জ্যেষ্ঠ সেনাধ্যক্ষৰ মৃত্যুও নিশ্চিত হৈছে। শনিবাৰে আমেৰিকা আৰু ইজৰাইলে ইৰাণৰ কেইবাখনো চহৰত আক্ৰমণ চলায় আৰু দেওবাৰে পুৱাই আমেৰিকাৰ ৰাষ্ট্ৰপতি ড’নাল্ড ট্ৰাম্পে ট্ৰুথ ছ’চিয়েলত খামেনেইৰ মৃত্যুৰ দাবী কৰে। ইয়াৰ পিছতে ইৰাণৰ চৰকাৰী সংবাদ মাধ্যমে খামেনেইৰ মৃত্যু নিশ্চিত কৰে। ইৰাণৰ এগৰাকী চৰকাৰী টিভি এংকৰে কান্দি কান্দি খামেনেইৰ মৃত্যুৰ কথা ঘোষণা কৰি ৪০ দিনৰ শোক ঘোষণা কৰে। ট্ৰাম্পে ট্ৰুথ ছ’চিয়েলত লিখিছে-ইতিহাসৰ অন্যতম বেয়া মানুহ খামনেই এতিয়া মৃত্যুমুখত…

উজনিমুৱা বিবেক এক্সপ্ৰেছৰ পৰা পৰি সোমবাৰে কমাৰবন্ধাত এগৰাকী যুৱতীৰ কৰুণ মৃত্যু ঘটে। কন্যাকুমাৰীৰ পৰা ডিব্ৰুগড় অভিমুখী ট্ৰেনখন কমাৰবন্ধা আলি ষ্টেচন পাৰ হোৱাৰ মুহূৰ্ততে এই শোকাৱহ ঘটনাটো সংঘটিত হয়। ফৰকাটিং ষ্টেচনত ক্ষন্তেক সময় ৰোৱাৰ পাছত ডিব্ৰুগড় অভিমুখে তীব্ৰ বেগেৰে গৈ থকা অৱস্থাতে হঠাতে ৰে’লখনৰ পৰা যুৱতীগৰাকী তলত পৰি যায়। অৱশ্যে যুৱতীগৰাকী দুৰ্ঘটনাবশতঃ চলন্ত ট্ৰেনৰ পৰা পৰি গৈছে নে ইয়াৰ আঁৰত অন্য কিবা ৰহস্য লুকাই আছে, সেইয়া বৰ্তমানো স্পষ্ট হোৱা নাই। ৰে’ল আৰক্ষীয়ে ঘটনাটোৰ প্ৰাথমিক তদন্ত আৰম্ভ কৰিছে যদিও এতিয়ালৈকে মৃত্যু হোৱা যুৱতীগৰাকীৰ পৰিচয় উদ্ধাৰ কৰিব পৰা নাই। আৰক্ষীয়ে জনোৱা মতে, মৃত যুৱতীগৰাকীৰ পিন্ধনত বগা পেন্ট, বগা চুৱেটাৰ আৰু এটা পাতল সেউজীয়া…

চৰ্চিত জুবিন গাৰ্গ হত্যা গোচৰৰ শুনানিত সোমবাৰে এক গুৰুত্বপূৰ্ণ পৰিস্থিতিৰ উদ্ভৱ হয়। আদালতৰ পৰ্যবেক্ষণত পোহৰলৈ আহে যে অভিযুক্ত শ্যামকানুৰ বেংক একাউণ্ট ফ্ৰীজ কৰাৰ ক্ষেত্ৰত ভাৰতীয় নাগৰিক সুৰক্ষা সংহিতা চমুকৈ বিএনএছএছৰ ১০৭ ধাৰা সঠিকভাৱে পালন কৰা হোৱা নাছিল। ইয়াৰ পৰিপ্ৰেক্ষিততে আদালতে অভিযুক্তৰ বেংক একাউণ্টটো পুনৰ খুলি দিয়াৰ নিৰ্দেশ জাৰি কৰে। শুনানিৰ সময়ত বিশেষভাৱে চৰ্চিত হয় ছিংগাপুৰৰ কৰ’নাৰ্ছ প্ৰতিবেদন দাখিলৰ বিষয়টো। আদালতত আৰক্ষীৰ তৰফৰ পৰা জনোৱা হয় যে ইতিমধ্যে ছিংগাপুৰৰ বহু গুৰুত্বপূৰ্ণ নথি সংগ্ৰহ কৰি অভিযোগনামাৰ সৈতে সংযুক্ত কৰা হৈছে। অৱশ্যে আদালতে স্পষ্ট কৰি দিয়ে যে নতুন আইন অনুসৰি বিদেশৰ পৰা নথি আনিবলৈ আদালতৰ নিজা ক্ষমতা নাই। এই আইনী জটিলতাৰ সন্দৰ্ভত আদালতে…

অসম বিধানসভা নিৰ্বাচনৰ ৰণশিঙা বজাৰ লগে লগে নগাঁও জিলাৰ বঢ়মপুৰ সমষ্টিৰ প্ৰাৰ্থিত্বক লৈ চলি থকা সকলো জল্পনা-কল্পনাৰ অন্ত পেলাইছে ভাৰতীয় জনতা পাৰ্টিৰ ৰাজ্যিক নেতৃত্বই। দেওবাৰে বঢ়মপুৰৰ পুৰণিগুদামত অনুষ্ঠিত জন আশীৰ্বাদ যাত্ৰাৰ দ্বিতীয় দিনাৰ সামৰণি সভাত বিজেপিৰ ৰাজ্যিক সভাপতি দিলীপ শইকীয়াই বৰ্তমানৰ বিধায়ক জীতু গোস্বামীৰ প্ৰাৰ্থিত্ব একপ্ৰকাৰ নিশ্চিত কৰে। শইকীয়াই দলীয় কৰ্মীসকলক সম্বোধন কৰি স্পষ্টকৈ কয় যে এইবাৰো জীতু গোস্বামীয়ে পূৰ্বতকৈ অধিক ভোটৰ ব্যৱধানত জয়লাভ কৰাটো নিশ্চিত। প্ৰদেশ সভাপতিগৰাকীৰ এই ঘোষণাই সমষ্টিটোত মিত্ৰদল অসম গণ পৰিষদৰ আশা নিৰ্বাপিত কৰা পৰিলক্ষিত হৈছে। বিশেষকৈ অগপৰ নগাঁও জিলাৰ সভাপতি তথা মন্ত্ৰী কেশৱ মহন্তৰ ভাতৃ মণি মাধৱ মহন্তই বঢ়মপুৰৰ পৰা মিত্ৰজোঁটৰ প্ৰাৰ্থী হোৱাৰ যি সম্ভাৱনা…

অসম বিধানসভা নিৰ্বাচনৰ প্রাকমুহূৰ্তত বিটিআৰৰ ৰাজনীতিত ব্যাপক পরিবর্তন ঘটিছে, য’ত ইউপিপিএল দলের কেইবাগৰাকীও শীৰ্ষ নেতা পদত্যাগ কৰি বিপিএফত যোগদানৰ যো-জা চলাইছে। খাম্পা বৰগয়াৰীৰ নেতৃত্বৰ দ্বাৰা দল ত্যাগ কৰা ঘটনাই বিপিএফৰ বাবে এক গুরুত্বপূৰ্ণ সুযোগ বিৰ্তন কৰিছে। খাম্পা বৰগয়াৰীয়ে পদত্যাগ পত্ৰত ব্যক্তিগত কাৰণ উল্লেখ কৰাৰ লগতে, ৰাজনৈতিক মহলত এই পদত্যাগক এক সুপৰিকল্পিত কৌশল হিচাপে প্ৰকাশ কৰা হৈছে। মাওথী ব্ৰহ্ম হাজোৱাৰী আৰু আফজাল খানেও ইউপিপিএলৰ পৰা পদত্যাগ কৰিছে। বিধানসভা নিৰ্বাচনৰ আগতে হোৱা এই ঘটনা, বৃহত্তৰ রাজনীতিত নতুন চিঞ্জ কৰে আৰু আগন্তুক নিৰ্বাচনৰ প্ৰভাৱ সৃষ্টিৰ তথ্য প্ৰকাশ কৰে।

সীমান্তৰ উত্তেজনাৰ সময়ত, আফগানিস্তানৰ বায়ুসেনাই সোমবাৰে পাকিস্তানৰ কেইবাটাও গুৰুত্বপূৰ্ণ সামৰিক ঘাটিত ড্ৰোণ যোগে শক্তিশালী আক্ৰমণ চলায়। এই আক্ৰমণৰ লক্ষ্য আছিল পাকিস্তানৰ সামৰিক শক্তি আৰু সামরিক কেন্দ্ৰসমূহ, বিশেষকৈ ৰাৱালপিণ্ডিৰ নুৰ খান বিমান ঘাটিৰ পৰা কোৱেটাৰৰ ১২ নং কৰ্পছলৈ। আফগান প্ৰতিৰক্ষা মন্ত্ৰণালয়ে স্পষ্ট কৰি কৈছে যে, পাকিস্তানৰ আকাশমাৰ्ग উলংঘনৰ প্ৰত্যুত্তৰত এই অভিযান চলোৱা হৈছে। আফগানিলে জনোৱা মতে, খাইবার পাখতুনখৱৰ খোৱাইজো কেম্প আৰু ঘুলনি সামরিক ঘাটিত বৃহৎ ধ্বংস সাধন হৈছে। পাকিস্তানত চলোৱা বিমান আক্ৰমণৰ পাছত দুয়োখন দেশৰ মাজত যুদ্ধ সদৃশ পৰিস্থিতি সৃষ্টি হৈছে। আফগান প্ৰতিৰক্ষা মন্ত্ৰণালয়ে দাবী কৰিছে যে, পাকিস্তানৰ গুৰুত্বপূৰ্ণ সামরিক প্ৰতিষ্ঠানসমূহৰ ওপৰত এক সুপৰিকল্পিত বিমান অভিযান চলোৱা হৈছে আৰু আগলৈ এইধৰণৰ…

পশ্চিম এছিয়াত ইৰাণ আৰু আমেৰিকাৰ মাজত বৃদ্ধি পোৱা সামাৰিক উত্তেজনাৰ পৰিণতিত, ভাৰতীয় বিমান পৰিবহন খণ্ডত উল্লেখযোগ্য প্ৰভাৱ পৰিছে। চলিত সপ্তাহত, লক্ষ্ণৌৰ চৌধুৰী চৰণ সিং আন্তঃৰাষ্ট্ৰীয় বিমানবন্দৰৰ পৰা উপসাগৰীয় দেশসমূহলৈ যোৱা প্ৰায় ১৭ খন বিমান বাতিল কৰিবলগীয়া হৈছে, যাৰ ফলত ২৫০০ যাত্ৰী হাৰাশাস্তিৰ সন্মুখীন হৈছে আৰু বিমানবন্দৰত এক হাহাকাৰ পৰিস্থিতিৰ সৃষ্টি হৈছে। উপসাগৰীয় দেশসমূহৰ পৰা অহা আৰু চলা বিমানৰ নেটৱৰ্কৰ সম্পূৰ্ণ স্তব্ধতা, বিশেষকৈ আবু ধাবি, শ্বাৰজাহ, ডুবাই, ৰিয়াদ, মছকট আৰু দাম্মামৰ যাত্ৰীসকলৰ বাবে পৰিস্থিতি সংকটজনক হৈছে। লক্ষ্ণৌৰ লগতে চুবুৰীয়া জিলাসমূহৰ অসংখ্য লোক কৰ্মসংস্থাপনৰ বাবে বিদেশলৈ যাবলৈ ওলাইছে, কিন্তু এতিয়া সেই আশা সংকটৰ সন্মুখীন হৈছে বিমানবন্দৰ কৰ্তৃপক্ষৰ মতে, আকাশমাৰ্গৰ নিৰাপত্তাৰ প্ৰসঙ্গত সৃষ্ট…