Paromita

উত্তৰ ভাৰতত অব্যাহত থকা প্ৰচণ্ড গৰমৰ মাজতে দেওবাৰে এক ব্যতিক্ৰমী পৰম্পৰাগত বিধান আগবঢ়াই চৰ্চালৈ আহে কেন্দ্ৰীয় যোগাযোগ মন্ত্ৰী জ্যোতিৰাদিত্য সিন্ধিয়া। মধ্যপ্ৰদেশৰ শিৱপুৰী জিলাৰ পিছোৰত এটা নতুন তহচিল ভৱন উদ্বোধন কৰি ৰাইজক সম্বোধন কৰাৰ সময়তে পকেটত এটা পিঁয়াজ ৰাখিবলৈ পৰামৰ্শ দিয়ে মন্ত্ৰীগৰাকীয়ে। গৰমৰ প্ৰকোপৰ পৰা বাচি থাকিবলৈ এয়া এক সহজ আৰু ফলপ্ৰসূ উপায় বুলি তেওঁ ৰাজহুৱাকৈ মন্তব্য কৰে। নিৰ্বাচনী যুঁজৰ সমান্তৰালভাৱে গৰমৰ বিৰুদ্ধে যুঁজিবলৈ পিঁয়াজৰ গুৰুত্ব বুজাবলৈ গৈ সিন্ধিয়াই কয়, "মই দেখিবলৈ ডেকা হ’ব পাৰোঁ, কিন্তু মোৰ আত্মা যথেষ্ট পুৰণি। আপুনি আপোনাৰ পকেটত এটা পিঁয়াজ ৰাখক, গৰমে আপোনাৰ একো কৰিব নোৱাৰে।" আনকি নিজৰ জেপৰ পৰা এটা পিঁয়াজ উলিয়াই ৰাইজক দেখুৱাই তেওঁ…

ব’হাগৰ উমাল বতৰৰ মাজতে ৰাজ্যজুৰি অব্যাহত থকা বৰষুণৰ প্ৰকোপে হ্ৰাস কৰি ৰাখিছে তাপমাত্ৰা। চ’তৰ শেষৰ পৰাই হোৱা ধাৰাসাৰ বৃষ্টিপাতৰ ফলত স্বাভাৱিকতকৈ বহু পৰিমাণে কমিছে গৰমৰ প্ৰকোপ। দেওবাৰে বৰঝাৰস্থিত আঞ্চলিক বতৰ বিজ্ঞান কেন্দ্ৰই জাৰি কৰা শেহতীয়া পূৰ্বানুমান অনুসৰি আগন্তুক ২৪ ঘণ্টাতো অসমৰ লগতে উত্তৰ-পূৰ্বাঞ্চলৰ ৰাজ্যসমূহত বৰষুণৰ ধাৰা অব্যাহত থকাৰ সম্ভাৱনা আছে। বতৰ বিজ্ঞান কেন্দ্ৰই জনোৱা মতে অসম আৰু মেঘালয়ৰ অধিকাংশ ঠাইৰ লগতে অৰুণাচল প্ৰদেশ, নাগালেণ্ড, মণিপুৰ আৰু ত্ৰিপুৰাত পাতলীয়াৰ পৰা মধ্যমীয়া বৰষুণ হোৱাৰ সম্ভাৱনা প্ৰকট। ইফালে মিজোৰামৰ কেইবাটাও অঞ্চলত বৰষুণৰ লগতে তাপমাত্ৰাৰ যথেষ্ট সালসলনি হোৱাৰো আশংকা ব্যক্ত কৰিছে বিভাগটোৱে। বৰষুণৰ সমান্তৰালভাৱে এই ৰাজ্যসমূহত বজ্ৰপাত আৰু ধুমুহা অহাৰো সতৰ্কতা জাৰি কৰা হৈছে।…

নাগালেণ্ড আৰু অৰুণাচল প্ৰদেশত নিৰাপত্তাৰক্ষীৰ পৃথক অভিযানত নিষিদ্ধ ঘোষিত সংগঠন আলফা (স্বাধীন) আৰু এন এচ চি এন (আইএম)ৰ বিৰুদ্ধে এক বৃহৎ সফলতা লাভ কৰিবলৈ সক্ষম হৈছে ভাৰতীয় সেনা। শুকুৰবাৰে নিশা নাগালেণ্ডৰ মন জিলাত চলি থকা এক যৌথ অভিযানৰ সময়ত তিনিজন সক্ৰিয় আলফা কেডাৰক আটক কৰে নিৰাপত্তাবাহিনীয়ে। আনহাতে, শনিবাৰে অৰুণাচল প্ৰদেশৰ টিৰাপ জিলাত এন এচ চি এন (আইএম)ৰ এজন শীৰ্ষ নেতাই নিৰাপত্তাৰক্ষীৰ ওচৰত আত্মসমৰ্পণ কৰে। আৰক্ষীৰ সূত্ৰই জনোৱা মতে, নাগালেণ্ডৰ ফমচিং অঞ্চলত সক্ৰিয় হৈ থকা আলফা (স্বা)ৰ গোটটোৱে চাংনিউ গাঁৱৰ দিশে আগবাঢ়ি থকাৰ সময়তে নিৰাপত্তাৰক্ষীৰ জালত পৰে। ধৃত কেডাৰকেইজনক তেজপুৰৰ স্বয়ম্ভূ লেফটেনেণ্ট গজেন্দ্ৰ অসম, যোৰহাটৰ স্বয়ম্ভূ লেন্স কৰ্পোৰেল ব্ৰজেন অসম আৰু…

অসমৰ ডিটেনচন চেণ্টাৰত বঙালী হিন্দুসকলক আৱদ্ধ কৰি ৰখাৰ বিষয়টোক লৈ ৰাষ্ট্ৰীয় ৰাজনীতিত চলি থকা বিতৰ্কৰ মাজতে শনিবাৰে এক বিস্ফোৰক মন্তব্য কৰে মুখ্যমন্ত্ৰী ড০ হিমন্ত বিশ্ব শৰ্মাই। ৰাজ্যখনৰ কোনো এটা শিবিৰতে এজনো বঙালী হিন্দু লোক নাই বুলি দাবী কৰি তেওঁ বিৰোধীৰ সকলো অভিযোগ নস্যাৎ কৰে। বিশেষকৈ তৃণমূল কংগ্ৰেছৰ দৰে দলসমূহে উত্থাপন কৰা এই বিষয়টোক লৈ চৰকাৰৰ স্থিতি স্পষ্ট কৰিবলৈ গৈ তেওঁ ৰাজহুৱা প্ৰত্যাহ্বান জনায়। মুখ্যমন্ত্ৰী শৰ্মাই সংবাদ মাধ্যমৰ আগত কয়, "অসমৰ ডিটেনচন কেম্পত এজনো বঙালী হিন্দু নাই। যদি এজনো তেনে ব্যক্তি ওলায়, তেন্তে মই আজিৰ দিনটোতে পদত্যাগ কৰিবলৈ সাজু আছোঁ। উচ্চতম ন্যায়ালয়ে ১৯৫০ চনৰ আইনখনৰ অধীনত অসম চৰকাৰক যথেষ্ট ক্ষমতা প্ৰদান…

জামিন লাভ কৰিলে কাৰাবন্দী সাংসদ অমৃতপাল সিঙে। ডিব্ৰুগড় কেন্দ্ৰীয় কাৰাগাৰত থকা তেওঁৰ কোঠাৰ পৰা ইলেক্ট্ৰনিক সামগ্ৰী উদ্ধাৰ হোৱাৰ গোচৰত শুকুৰবাৰে ডিব্ৰুগড় আদালতে সাংসদগৰাকীক জামিন প্ৰদান কৰে। জিলাখনৰ ২১/২০২৪ নম্বৰৰ এই গোচৰটোৰ সন্দৰ্ভত ডিব্ৰুগড় আৰক্ষী থানাত উপস্থিত হৈ ভাৰ্চুৱেলী আদালতত হাজিৰ হয় অমৃতপাল। কাৰাগাৰ অধীক্ষক নিপেন দাসে দাখিল কৰা এক অভিযোগৰ ভিত্তিত ৰুজু হোৱা এই গোচৰটোত তেওঁৰ সৈতে বন্দী হৈ থকা আন কেইবাগৰাকীও লোকক অভিযুক্ত কৰা হৈছিল। অমৃতপাল সিঙৰ অধিবক্তা যশবীৰ কৌৰে জনোৱা মতে ইতিমধ্যে এই গোচৰৰ অভিযোগনামা দাখিল কৰা হয়। ইয়াৰ পাছতে ডিব্ৰুগড়ৰ প্ৰথম শ্ৰেণীৰ ন্যায়িক দণ্ডাধীশ চন্দন শইকীয়াৰ আদালতত জামিন আবেদন দাখিল কৰাত ন্যায়ালয়ে সেই আবেদন মঞ্জুৰ কৰে। অৱশ্যে…

আম আদমি পাৰ্টি ত্যাগ কৰিলে সাংসদ ৰাঘৱ চাড্ডাই। দলীয় নেতৃত্বৰ সৈতে দীৰ্ঘদিন ধৰি চলি থকা সংঘাতৰ পাছত শুকুৰবাৰে ৰাজ্যসভাৰ সাতগৰাকী সাংসদৰ সৈতে তেওঁ ভাৰতীয় জনতা পাৰ্টিত যোগদান কৰে। ৰাঘৱ চাড্ডাৰ উপৰি এই দলটোত আছে সন্দীপ পাঠক, অশোক মিট্টাল, স্বাতী মালিৱাল আৰু হৰভজন সিঙৰ দৰে প্ৰভাৱশালী নেতা। দলটোৰ মূল আদৰ্শৰ পৰা বিচ্যুত হোৱাৰ অভিযোগ তুলি শুকুৰবাৰে নতুন দিল্লীত এক সংবাদমেলযোগে তেওঁলোকে গেৰুৱা শিবিৰত যোগ দিয়াৰ কথা ঘোষণা কৰে। আম আদমি পাৰ্টিৰ ৰাজ্যসভাৰ দুই-তৃতীয়াংশ সাংসদ একত্ৰিত হৈ সাংবিধানিক ব্যৱস্থাৰ অধীনত বিজেপিৰ সৈতে বিলীন হোৱাৰ সিদ্ধান্ত লয়। সংবাদমেলত চাড্ডাই কয়, "যিটো দলক মই তেজ-ঘামেৰে গঢ়ি তুলিছিলোঁ, সেই দলটোৱে এতিয়া ব্যক্তিগত স্বাৰ্থৰ বাবে কাম…

ভাৰতীয় মছলা উদ্যোগৰ অন্যতম বলিষ্ঠ কাণ্ডাৰী তথা বিকাজী ফুডছ ইন্টাৰনেশ্যনেলৰ প্ৰতিষ্ঠাপক শিৱ ৰতন আগৰৱালাই বৃহস্পতিবাৰে শেষ নিশ্বাস ত্যাগ কৰে। প্ৰতিষ্ঠাকালৰে পৰা বিকাজীক পথ প্ৰদৰ্শন কৰি অহা আগৰৱালাৰ এই প্ৰস্থানে দেশৰ বাণিজ্যিক মহলত এক গভীৰ শূন্যতাৰ সৃষ্টি কৰিছে। প্ৰণিধানযোগ্য যে বিখ্যাত হালদিৰাম পৰিয়ালৰ উত্তৰাধিকাৰী শিৱ ৰতন আগৰৱালাই আশীৰ দশকৰ শেষৰ ফালে নিজাকৈ বিকাজী ব্ৰেণ্ডটো গঢ়ি তুলিছিল। ১৯১৮ চনত বিকানেৰত জন্ম লাভ কৰা তেওঁৰ পিতামহ গঙ্গাবিষাণ 'হালদিৰাম' আগৰৱালাই আৰম্ভ কৰা পৰম্পৰাক আগুৱাই নি ১৯৮৭ চনত তেওঁ বিকাজীৰ ভেটি স্থাপন কৰিছিল। পৰম্পৰাগত ভুজিয়াক বিশ্বজনীন মান প্ৰদান কৰিবলৈ তেওঁ প্ৰথমবাৰৰ বাবে উচ্চপৰ্যায়ৰ প্ৰযুক্তিৰ ব্যৱহাৰ কৰিছিল। বৰ্তমান বিশ্বৰ ২০ খনতকৈও অধিক দেশলৈ বিকাজীৰ সামগ্ৰী ৰপ্তানি…

নিত্য-প্ৰয়োজনীয় সামগ্ৰীৰ আকাশলংঘী মূল্যবৃদ্ধিৰ মাজতে ৰাজ্যৰ বজাৰত পুনৰ কণীৰ দৰ বৃদ্ধি পোৱা ঘটনাই জুৰুলা কৰিছে সাধাৰণ গ্ৰাহকক। গুৱাহাটীৰ জু-ৰোডৰ এগৰাকী ব্যৱসায়ীয়ে জনোৱা মতে, পূৰ্বে ১৭০ টকাত বিক্ৰী হোৱা প্ৰতিখন কণীৰ ক্ৰেটৰ মূল্য এতিয়া ২০০ টকালৈ বৃদ্ধি পাইছে। অতি কম সময়ৰ ভিতৰতে প্ৰতিখন ক্ৰেটত ৩০ টকাকৈ বৃদ্ধি পাই মধ্যবিত্তৰ পাকঘৰত এতিয়া মাধমাৰ শোধাইছে এই মূল্যবৃদ্ধিয়ে। কেৱল খুচুৰা বজাৰতে নহয়, পাইকাৰী বজাৰতো এক নতুন অভিলেখ গঢ়িছে কণীৰ মূল্যই। বৰ্তমান প্ৰতি কাৰ্টন কণীৰ মূল্য পূৰ্বৰ ১১৫০ টকাৰ পৰা ১২০০ টকালৈ বৃদ্ধি পাইছে। পুষ্টিকৰ খাদ্যৰ এক সুলভ উৎস হিচাপে পৰিচিত কণীৰ এই দ্ৰুত বৃদ্ধিয়ে এতিয়া বিপাঙত পেলাইছে নিম্নবিত্ত পৰিয়ালসমূহক। বজাৰত যোগানৰ নাটনি আৰু পৰিবহণ…

অসমৰ বৌদ্ধিক জগতত এক বিশাল শূন্যতাৰ সৃষ্টি কৰি ইহসংসাৰৰ পৰা চিৰবিদায় ল’লে বিশিষ্ট সাংবাদিক তথা সাহিত্যিক নিত্য বৰাই। যোৱা প্ৰায় ছমাহ ধৰি উচ্চ ৰক্তচাপজনিত ৰোগত আক্ৰান্ত হৈ থকা ৮৩ বছৰীয়া বৰাই বুধবাৰে যোৰহাটৰ এখন ব্যক্তিগত চিকিৎসালয়ত শেষ নিশ্বাস ত্যাগ কৰে। গুৱাহাটী আৰু পৰৱৰ্তী সময়ত যোৰহাটত চিকিৎসাধীন হৈ থকা অৱস্থাতে বুধবাৰে বিয়লি তেওঁৰ স্বাস্থ্যৰ অধিক অৱনতি ঘটে আৰু চিকিৎসকে ২.৩০ বজাত তেওঁক মৃত ঘোষণা কৰে। অসমৰ সাংবাদিকতা আৰু সাহিত্য ক্ষেত্ৰলৈ অনবদ্য অৱদান আগবঢ়োৱা এইগৰাকী প্ৰবীণ সম্পাদকৰ বিয়োগত সমগ্ৰ ৰাজ্যতে শোকৰ ছাঁ পৰিছে। যোৰহাটৰ এ জি নাৰ্চিং হোমৰ আই চি ইউত চিকিৎসাধীন হৈ থকা বৰাৰ বিয়োগৰ সন্দৰ্ভত তেওঁৰ জোঁৱায়েক কয়, "যোৱা তিনিদিন…

ৰাজপথত ট্ৰাক আৰু কেইবাখনো বাহনৰ মাজৰ ভয়ংকৰ সংঘৰ্ষই নমাই আনিলে মৃত্যুৰ বিভীষিকা। উত্তৰ প্ৰদেশৰ মিৰ্জাপুৰত বুধবাৰে নিশা সংঘটিত এই মৰ্মান্তিক দুৰ্ঘটনাত জীৱন্তে অগ্নিদগ্ধ হৈ ১১ গৰাকী লোকৰ মৃত্যু ঘটাৰ লগতে গুৰুতৰভাৱে আহত হয় ট্ৰাকৰ চালকজন। ড্ৰামণ্ডগঞ্জ আৰক্ষী থানাৰ অন্তৰ্গত বৰকা ঘূমান ছেক্সনৰ সমীপত দুখন দ্ৰুতবেগী ট্ৰাক আৰু দুখন চাৰিচকীয়া বাহনৰ মাজত হোৱা এই খুন্দাৰ ফলত মুহূৰ্তৰ ভিতৰতে দাউ দাউকৈ জ্বলি উঠে বাহনসমূহ। আৰক্ষী অধীক্ষক অপৰ্ণা ৰজত কৌশিকে জনোৱা মতে, ড্ৰামণ্ডগঞ্জ ভেলীৰ পৰা নামি অহা এখন ট্ৰাকৰ ব্ৰেক বিকল হোৱাৰ বাবেই এই শৃংখলাবদ্ধ দুৰ্ঘটনাটো সংঘটিত হয়। নিয়ন্ত্ৰণহীন ট্ৰাকখনে সন্মুখত থকা আন এখন ট্ৰাক আৰু মাজত সোমাই পৰা এখন বলেৰ’ তথা চুইফট…