Paromita

উত্তৰাখণ্ডৰ চামোলী জিলাত নিৰ্মাণৰত এটি জলবিদ্যুৎ প্ৰকল্পত হঠাতে সৃষ্টি হয় এক শোকাৱহ দুৰ্ঘটনা। বৃহস্পতিবাৰে সন্ধিয়া প্ৰায় ৭:০৫ বজাত প্ৰকল্পটোৰ সুৰংগৰ ভিতৰত প্ৰৱল বেগেৰে পাহাৰীয়া ঢল আৰু আৱৰ্জনা সোমাই পৰাৰ ফলত ৭ গৰাকী শ্ৰমিকে প্ৰাণ হেৰুৱাবলগীয়া হয়। প্ৰাথমিক তথ্য অনুসৰি, তেহৰী হাইড্ৰ’ ডেভেলপমেণ্ট কৰ্প’ৰেশ্যন লিমিটেডৰ অধীনস্থ পিপলকোটি অঞ্চলৰ এই সুৰংগটোত কাম কৰি থকা অৱস্থাত প্ৰায় ২২ গৰাকী শ্ৰমিক আবদ্ধ হৈ পৰে। উদ্ধাৰকাৰী দলে বৰ্তমানলৈকে ২১ গৰাকী লোকক সুৰংগৰ পৰা বাহিৰলৈ উলিয়াই আনিবলৈ সক্ষম হৈছে। উদ্ধাৰ কৰা লোকসকলৰ ভিতৰত ৭ জনক চিকিৎসকে মৃত ঘোষণা কৰে আৰু আন ১৪ গৰাকী শ্ৰমিক গুৰুতৰভাৱে আহত হৈ ওচৰৰ চিকিৎসালয়ত চিকিৎসাধীন হৈ আছে। ঘটনাস্থলীত তৎপৰতাৰে উদ্ধাৰ অভিযান…

অসম-অৰুণাচল সীমান্তত পুনৰ বিৰাজ কৰিছে উত্তেজনাই। শেহতীয়াকৈ দুই ৰাজ্যৰ সীমান্তত সংঘটিত গুলীচালনাত ১২জন লোক আহত হোৱাৰ পিছতে পৰিস্থিতি অধিক উত্তপ্ত হৈ পৰে। এনে পৰিস্থিতিত সীমান্তৱৰ্তী অঞ্চলত শান্তি আৰু সম্প্ৰীতি অটুট ৰখাৰ লগতে পাৰস্পৰিক সন্মান বজাই ৰাখিবলৈ আহ্বান জনাইছে দুয়োখন ৰাজ্যৰ মুখ্যমন্ত্ৰীয়ে। অৰুণাচল প্ৰদেশৰ মুখ্যমন্ত্ৰী পেমা খাণ্ডুৱে অসম আৰু অৰুণাচল প্ৰদেশৰ মাজৰ ঐতিহাসিক সম্পৰ্ক, বন্ধুত্ব আৰু ভাতৃত্ববোধৰ কথা উল্লেখ কৰি মতানৈক্য আলোচনাৰ জৰিয়তে সমাধানৰ পোষকতা কৰে। সামাজিক মাধ্যমত প্ৰকাশ কৰা এটা বাৰ্তাত তেওঁ দুয়োখন ৰাজ্যৰ লোকক শান্তি আৰু সম্প্ৰীতি বজাই ৰাখিবলৈ আহ্বান জনোৱাৰ লগতে সাম্প্ৰতিক মতানৈক্যই দুয়োটা সম্প্ৰদায়ৰ দীৰ্ঘদিনীয়া সম্পৰ্কত যাতে প্ৰভাৱ নেপেলায়, তাৰ বাবেও আহ্বান জনায়। পেমা খাণ্ডুৰ এই আহ্বানক…

কাজিৰঙাৰ পৰিৱেশ-সংবেদনশীল অঞ্চলৰ সীমাক লৈ চলি থকা চৰ্চাৰ মাজতে ৰাজ্য চৰকাৰৰ স্থিতি স্পষ্ট কৰিছে কৃষি আৰু জলসিঞ্চন মন্ত্ৰী পিযুষ হাজৰিকাই। বৃহস্পতিবাৰে মন্ত্ৰীগৰাকীয়ে প্ৰকাশ কৰা মতে, কাজিৰঙাৰ পৰিৱেশ-সংবেদনশীল অঞ্চল ১০ কিলোমিটাৰৰ পৰা ১ কিলোমিটাৰলৈ হ্ৰাস কৰা বুলি চলা চৰ্চাৰ কোনো ভিত্তি নাই। হাজৰিকাই উল্লেখ কৰে যে ৰাষ্ট্ৰীয় উদ্যানৰ চাৰিওফালে পৰিৱেশ-সংবেদনশীল অঞ্চল অধিসূচনা কৰাৰ ক্ষেত্ৰত উচ্চতম ন্যায়ালয়ে ৰাজ্য চৰকাৰসমূহৰ বাবে ১ৰ পৰা ৩ কিলোমিটাৰৰ সীমা নিৰ্ধাৰণ কৰিছে। কোনো ৰাজ্যই পৰিৱেশ-সংবেদনশীল অঞ্চল অধিসূচনা নকৰিলে সেই অঞ্চল ১০ কিলোমিটাৰ পৰ্যন্ত বিস্তৃত হোৱাৰ ব্যৱস্থা আছে বুলিও মন্ত্ৰীগৰাকীয়ে স্পষ্ট কৰে। কাজিৰঙাৰ ক্ষেত্ৰত পূৰ্বে অসম চৰকাৰে পৰিৱেশ-সংবেদনশীল অঞ্চল অধিসূচনা কৰা নাছিল বুলি উল্লেখ কৰি হাজৰিকাই কয় যে…

যি ৰামলীলা মৈদানত কিছুদিন পূৰ্বে ৰেলী অনুষ্ঠিত কৰিছিল কংগ্ৰেছ অধ্যক্ষ মল্লিকাৰ্জুন খাৰ্গেই, এইবাৰ সেই মৈদানতে যজ্ঞ পাতি শুদ্ধিকৰণ কৰিলে এটা হিন্দু সংগঠনে। ৮ আগষ্টত উত্তৰাখণ্ডৰ হালদ্বানীৰ ৰামলীলা মৈদানত খাৰ্গেৰ ৰেলী অনুষ্ঠিত হোৱাৰ দুদিন পিছতে ১০ আগষ্টত শ্ৰী ৰাম সেনা ধৰ্মাৰ্থ সেৱা ন্যাসে শুদ্ধিকৰণ যজ্ঞ অনুষ্ঠিত কৰাক লৈ এতিয়া তীব্ৰতৰ হৈছে ৰাজনৈতিক বিতৰ্ক। এই ঘটনাক কেন্দ্ৰ কৰি কংগ্ৰেছ আৰু বিজেপিৰ মাজতো আৰম্ভ হৈছে অভিযোগ-প্ৰত্যাভিযোগ। বুধবাৰে ৰাজ্যসভাত বিষয়টো উত্থাপন কৰে খাৰ্গেই। ৰাজ্যসভাত খাৰ্গেই কয় যে, ৰেলীৰ সময়ত তেওঁ কোনো ধৰ্ম বা সমাজৰ বিৰুদ্ধে মন্তব্য কৰা নাছিল আৰু ভাষণ দিয়াৰ পিছদিনাই মঞ্চত যজ্ঞ অনুষ্ঠিত কৰি শুদ্ধিকৰণ কৰা হৈছিল। বিষয়টো সন্দৰ্ভত খাৰ্গেই কয় যে,…

আকৌ মধ্য আকাশত বিমানত হাহাকাৰ! ইণ্ডিগ’ৰ যাত্ৰীবাহী বিমানৰ ইঞ্জিন বিকল হোৱাৰ পিছতে হাহাকাৰৰ সৃষ্টি হয় যাত্ৰীৰ মাজত। অৱশ্যে পাইলটৰ তৎপৰতাত চেন্নাই বিমানবন্দৰত সুকলমে জৰুৰী অৱতৰণ কৰে বিমানখনে। বুধবাৰে নিশা কলকাতাৰ পৰা চেন্নাই অভিমুখী বিমানখনত সংঘটিত হয় এই ঘটনা। জানিব পৰা মতে, কলকাতাৰ পৰা চেন্নাই অভিমুখে উৰা মৰাৰ কিছু সময় পিছতে ইণ্ডিগ’ৰ ৬ই-৭২৩ বিমানখনৰ বাওফালৰ ইঞ্জিনটো অচল হৈ পৰে। বিমানখন চেন্নাইত উপস্থিত হোৱাৰ পূৰ্বে এই সমস্যাৰ সৃষ্টি হোৱাত বিমানবন্দৰ কৰ্তৃপক্ষই নিশা ১১ বাজি ২৯ মিনিটত সম্পূৰ্ণ জৰুৰী অৱস্থা ঘোষণা কৰে। বিমানখনৰ নিৰাপদ অৱতৰণৰ বাবে বিমানবন্দৰত জৰুৰীকালীন সঁহাৰি ব্যৱস্থা সাজু কৰি ৰখা হয়। নিশা ১১ বাজি ৩৭ মিনিটত ২৫ নম্বৰ ৰানৱেত সুৰক্ষিতভাৱে…

বিধায়ক নিৰ্বাচিত হৈয়েই সমষ্টিবাসী যুৱক-যুৱতীক এক ডাঙৰ প্ৰতিশ্ৰুতি প্ৰদান কৰিলে জন সূৰজ পাৰ্টিৰ মুৰব্বী প্ৰশান্ত কিশোৰে। বিহাৰৰ বাংকিপুৰ বিধানসভা সমষ্টিৰ নৱনিৰ্বাচিত বিধায়কগৰাকীয়ে সমষ্টিটোৰ ১০ হাজাৰ নিবনুৱা যুৱক-যুৱতীক সংস্থাপন প্ৰদানৰ লক্ষ্য ঘোষণা কৰাৰ পিছতে এতিয়া চৰ্চালৈ আহিছে এই ঘোষণা। বিধায়ক হিচাপে দায়িত্ব গ্ৰহণ কৰাৰ পিছত প্ৰথমটো বৃহৎ উদ্যোগ হিচাপে এই সংস্থাপন অভিযানৰ কথা ঘোষণা কৰে প্ৰশান্ত কিশোৰে। সমষ্টিটোৰ শিক্ষিত নিবনুৱা যুৱক-যুৱতীৰ বায়’ডাটা আৰু ব্যক্তিগত পৰিচয়-পত্ৰ নিজৰ কাৰ্যালয়লৈ পঠিয়াবলৈ পৰিয়ালসমূহক আহ্বান জনায় বিধায়কগৰাকীয়ে। মঙলবাৰে বাংকিপুৰ বিধানসভা সমষ্টিত আৰম্ভ কৰা জনসম্পৰ্ক অভিযানৰ প্ৰথম দিনাৰ সভাত প্ৰশান্ত কিশোৰে এই ঘোষণা কৰে। প্ৰশান্ত কিশোৰে কয়, “আপোনালোকৰ সন্তানসকলে পঢ়া-শুনা কৰি নিবনুৱা হৈ বহি আছে যদি, তেওঁলোকৰ…

ক্ৰিকেটৰ পথাৰত সফলতাৰ পৰিচয় দিয়া এগৰাকী যুৱ ক্ৰিকেটাৰৰ বিৰুদ্ধে উত্থাপিত হৈছে গুৰুতৰ যৌন নিৰ্যাতনৰ অভিযোগ। বিয়াৰ প্ৰতিশ্ৰুতি দি শাৰীৰিক সম্পৰ্ক স্থাপনৰ লগতে অপৰাধমূলক ভাবুকি আৰু ব্যক্তিগত মুহূৰ্তৰ দৃশ্যাংশ সংৰক্ষণ কৰাৰ অভিযোগত মঙলবাৰে পশ্চিমবংগ আৰক্ষীয়ে গ্ৰেপ্তাৰ কৰে দিল্লী কেপিটেলছৰ উইকেটকীপাৰ-বেটছমেনগৰাকীক। গ্ৰেপ্তাৰ হোৱা ক্ৰিকেটাৰগৰাকী হৈছে বংগৰ উইকেটকীপাৰ-বেটছমেন অভিষেক পোৰেল। আৰক্ষীয়ে জনোৱা অনুসৰি, জেৰা কৰাৰ পিছত আনুষ্ঠানিকভাৱে গ্ৰেপ্তাৰ দেখুওৱা হয় ২৩ বছৰীয়া পোৰেলক। চিকিৎসা পৰীক্ষাৰ পিছত চুঁচুৰা আদালতত হাজিৰ কৰোৱা হয় অভিযুক্তক। মোগৰা থানাত দাখিল কৰা অভিযোগ অনুসৰি, ২০২৩ চনত মহিলাগৰাকীৰ সৈতে পৰিচয় গঢ়ি উঠাৰ পিছত বিবাহৰ প্ৰতিশ্ৰুতি দি শাৰীৰিক সম্পৰ্ক স্থাপন কৰিছিল পোৰেলে। পৰৱৰ্তী সময়ত দুয়োৰে বিবাহক লৈ পৰিয়ালৰ মাজতো আলোচনা হৈছিল…

অবিজেপি শাসিত ঝাৰখণ্ডৰ ছাত্ৰ আন্দোলনক ৰাজনৈতিক ইছ্যু হিচাপে ব্যৱহাৰ কৰিবলৈ তৎপৰ হৈ পৰিছে ভাৰতীয় জনতা পাৰ্টি। ৰাজ্যখনত নিযুক্তি পৰীক্ষাত সংঘটিত অনিয়মৰ বিৰুদ্ধে শিক্ষাৰ্থীসকলে অব্যাহত ৰখা প্ৰতিবাদৰ মাজতে সোমবাৰে আৰক্ষী আৰু প্ৰশাসনে প্ৰতিবাদকাৰীৰ বিৰুদ্ধে জলকামান, কন্দুৱা গেছ আৰু লাঠীচালনা কৰাৰ পিছতে মঙলবাৰে ৰাজ্যজোৰা বন্ধৰ আহ্বান জনায় বিজেপিয়ে। বন্ধৰ প্ৰভাৱত ৰাঁচীসহ ঝাৰখণ্ডৰ কেইবাটাও অঞ্চলত স্বাভাৱিক জনজীৱন ব্যাহত হৈছে। অধিকাংশ বিদ্যালয় আৰু ব্যৱসায়িক প্ৰতিষ্ঠান বন্ধ থকাৰ লগতে ৰাজধানী ৰাঁচী আৰু আন কেইবাখনো চহৰত যান-বাহনৰ চলাচল যথেষ্ট হ্ৰাস পোৱা পৰিলক্ষিত হয়। ৰাঁচীৰ কিশোৰগঞ্জ, আৰগোৰা আৰু কানকে অঞ্চলত বিজেপি কৰ্মীয়ে পথ অৱৰোধ কৰে। হৰমু চক আৰু কিশোৰগঞ্জ চকতো টায়াৰ জ্বলাই প্ৰতিবাদ সাব্যস্ত কৰা হয়। ইফালে,…

নিমিষতে মৃত্যুৰ বিভীষিকাই জোকাৰি গ'ল এখন চহৰ! ৰিখটাৰ স্কেলত ৭.৪ প্ৰাবল্যৰ এটা ভূমিকম্পই ধ্বংসলীলা চলোৱাত প্ৰাণ হেৰুৱায় অতি কমেও ১৩২ জন লোকে। সোমবাৰে কলম্বিয়াৰ পশ্চিম প্ৰান্তত সংঘটিত এই ভয়ংকৰ ভূমিকম্পই শ শ অট্টালিকা ক্ষতিগ্ৰস্ত কৰাৰ লগতে বহু লোকক ধ্বংসস্তূপৰ তলত আবদ্ধ কৰি পেলায়। শেহতীয়া তথ্য অনুসৰি, ভূমিকম্পটোত নিহতৰ সংখ্যা ১৩২ জনলৈ বৃদ্ধি পাইছে। আহত হৈছে ৫৭০ৰো অধিক লোক। ধ্বংসস্তূপৰ মাজত আবদ্ধ লোকসকলক বিচাৰি উলিয়াবলৈ উদ্ধাৰকাৰী দলৰ সৈতে স্থানীয় বাসিন্দাসকলেও অভিযান অব্যাহত ৰাখিছে। আমেৰিকাৰ ভূতাত্ত্বিক জৰীপ সংস্থাই জানিবলৈ দিয়া মতে, ভূমিকম্পটোৰ অভিকেন্দ্ৰ আছিল চোকো অঞ্চলৰ ছান হোছে দেল পালমাৰৰ সমীপত। ৰাজধানী বোগোটাৰ পৰা প্ৰায় ৪০০ কিলোমিটাৰ পশ্চিমে অৱস্থিত অঞ্চলটোত ভূমিকম্পৰ তীব্ৰ…

১০১ জনলৈ বৃদ্ধি পালে অসমৰ বানত নিহতৰ সংখ্যা। পানী শুকুৱাৰ পিছত জিলাই জিলাই উদ্ধাৰ হৈছে ইটোৰ পিছত সিটো মৃতদেহ। শেহতীয়াকৈ পুনৰ এটা মৃতদেহ উদ্ধাৰ হোৱাৰ পিছতে এই বলিয়া বানত নিহতৰ সংখ্যা ১০১ জনলৈ বৃদ্ধি পায়। ১০ আগষ্টৰ শেহতীয়া বান প্ৰতিবেদন অনুসৰি, ৰাজ্যৰ ১০খন জিলাত এতিয়াও ১,২৬,৪৩১ জন লোক বানৰ কবলত আছে। নগাঁও, গোলাঘাট, শিৱসাগৰ, হোজাই, দৰং, কাৰ্বি আংলং, লখিমপুৰ, কাছাৰ, চৰাইদেউ আৰু যোৰহাটত অব্যাহত আছে বানৰ প্ৰভাৱ। ইয়াৰ মাজতে ২৫টা ৰাজহ চক্ৰৰ ৪৫৮খন গাঁও বানত ক্ষতিগ্ৰস্ত হৈছে। আক্রান্ত লোকৰ সংখ্যাই গোলাঘাটৰ ভয়াবহ পৰিস্থিতিৰ ছবিখন স্পষ্ট কৰিছে। জিলাখনত ৭১,০৬১ জন লোক বানৰ কবলত পৰিছে। শিৱসাগৰত ২১,৬০০ জন আৰু নগাঁৱত ১৬,৯০৮ জন…