Dipshikha

ধুবুৰীত বাঢ়নী পানীত পৰি কৰুণ মৃত্যুৰ সাৱটি লয় এগৰাকী ১৭ বছৰীয়া ছাত্ৰীয়ে। ধুবুৰীৰ শিশু পাঠশালা উচ্চতৰ মাধ্যমিক বিদ্যালয়ৰ উচ্চতৰ মাধ্যমিক প্ৰথম বাৰ্ষিকৰ ছাত্ৰী আকছাৰা গোৱালাই আজি পুৱা প্ৰায় ১০ বজাত ঘৰৰ কাষৰ গদাধৰ নৈত পৰি মৃত্যুমুখত পৰে।

বানৰ কবলত যোৰহাট: বিধায়ক হিতেন্দ্ৰনাথ গোস্বামীৰ অনুপস্থিতিক লৈ প্ৰশ্ন, বিদেশত থকাৰ খবৰ যোৰহাট: ৰাজ্যৰ কেইবাখনো জিলাত বান পৰিস্থিতি ক্ৰমাৎ অধিক ভয়াৱহ হৈ পৰাৰ সময়তে শিক্ষাৰ নগৰী যোৰহাটতো বানপানীয়ে ব্যাপক ক্ষতিসাধন কৰিছে। বহু লোকৰ ঘৰ-দুৱাৰ ক্ষতিগ্ৰস্ত হোৱাৰ লগতে স্বাভাৱিক জনজীৱন ব্যাহত হৈছে। ইফালে চৰাইদেউ, শিৱসাগৰ আৰু যোৰহাট জিলাত বহু লোক সন্ধানহীন হৈ থকাৰ খবৰ পোৱা গৈছে। এনে দুৰ্যোগপূৰ্ণ পৰিস্থিতিৰ মাজতে যোৰহাটৰ বিধায়ক হিতেন্দ্ৰনাথ গোস্বামীৰ অনুপস্থিতিক লৈ প্ৰশ্ন উত্থাপন কৰিছে একাংশই। অভিযোগ অনুসৰি, কিছুদিন পূৰ্বে বিদেশ ভ্ৰমণলৈ যোৱা বিধায়কগৰাকী এতিয়াও সমষ্টিলৈ উভতি অহা নাই। প্ৰাপ্ত তথ্য অনুসৰি, বিধানসভাৰ অধ্যক্ষৰ অনুমতি লৈ পৰিয়ালৰ সৈতে বিদেশত সময় অতিবাহিত কৰিছে বিধায়কগৰাকীয়ে। অৱশ্যে, এই সময়ছোৱাত তেওঁৰ…

উজনি অসমত ভয়াৱহ বান পৰিস্থিতিৰ পৰিপ্ৰেক্ষিতত কাজিৰঙা ৰাষ্ট্ৰীয় উদ্যান কৰ্তৃপক্ষ সাম্ভাব্য বানৰ বাবে সাজু হৈ উঠিছে । বিভিন্ন সংবাদ মাধ্যমত কাজিৰঙা ৰাষ্ট্ৰীয় উদ্যানৰ বানৰ সংক্ৰান্তত বাতৰি পৰিৱেশন হৈছে যদিও এতিয়ালৈ তেনে কোনো ভয়াৱহ পৰিস্থিতিৰ উদ্ভৱ হোৱা নাই ।কাজিৰঙা ৰাষ্ট্ৰীয় উদ্যানৰ বুঢ়াপাহাৰ বনাঞ্চলৰ বনাঞ্চলিক বিষয়া নিলয় বৰাই কয় "উজনি অসম যি পানী হৈছে, সেই পানী ব্ৰহ্মপুত্ৰৰে কাজিৰঙা ৰাষ্ট্ৰীয় উদ্যান পাবলৈ অকণমান সময় লাগিব । সেই পৰিপ্ৰেক্ষিততো আমি সাজু হৈ আছো । যিহেতু, সমগ্ৰ বাৰিষাৰ বতৰত পানী থাকিবই, গতিকে কাজিৰঙা ৰাষ্ট্ৰীয় উদ্যান কৰ্তৃপক্ষ ইয়াৰ কাৰণে সাজু হৈ আছে ।" তদুপৰি, পানী বঢ়াৰ লগে-লগে ৰাষ্ট্ৰীয় উদ্যানৰ জীৱকুলৰ বিচৰণৰ বিষয়ে বিষয়াগৰাকীয়ে কয়, "সাধাৰণতে কাজিৰঙাৰ…

ছিকিমৰ নামচি জিলাত তিস্তা ষ্টেজ ষষ্ঠ জলবিদ্যুৎ প্ৰকল্পত সোমবাৰে নিৰ্মাণৰত এন​​এইচপিচি এটা সুৰংগ ভাঙি বৰ্তমান পৰ্যন্ত ২২ জন শ্ৰমিকৰ মৃত্যু হৈছে ৷ সুৰংগত মৃত্যু হোৱা শ্ৰমিকসকলৰ এজনক অসমৰ বুলি চিনাক্ত কৰা হৈছে ৷ সুৰংগৰ ভিতৰত এতিয়াও ৩ জন শ্ৰমিক আবদ্ধ হৈ আছে । তেওঁলোকক বিচাৰি বৰ্তমান প্ৰশাসনৰ লোকে উদ্ধাৰ অভিযান অব্যাহত ৰাখিছে ৷নামচিৰ আৰক্ষী অধীক্ষক সোণম ডি ভূটিয়াই মঙলবাৰে কয় যে সুৰংগটোৰ ভিতৰত আবদ্ধ হৈ থকা ২৫ জন লোকৰ ভিতৰত ২০ জন লোকৰ মৃত্যু হৈছে । বুধবাৰলৈকে ৮টা মৃতদেহ চিনাক্ত কৰা হৈছে । ইয়াৰে চাৰিজন পশ্চিমবংগৰ জলপাইগুৰি জিলাৰ হোৱাৰ বিপৰীতে পঞ্জাৱ, উত্তৰাখণ্ড, অসম আৰু ছিকিমৰ এজনকৈ শ্ৰমিকৰ মৃত্যু হৈছে ।

দিল্লীৰ যন্তৰ মন্তৰ আৰু ইয়াৰ কাষৰীয়া অঞ্চল বুধবাৰে নিশা যুদ্ধক্ষেত্ৰত পৰিণত হয় ৷ কেন্দ্ৰীয় শিক্ষামন্ত্ৰী ধৰ্মেন্দ্ৰ প্ৰধানৰ পদত্যাগৰ দাবীত ক’কৰোচ্ছ জনতা পাৰ্টী আৰু ছাত্ৰ সংগঠনে আয়োজন কৰা বিক্ষোভৰ সময়ত আৰক্ষী আৰু প্ৰতিবাদকাৰীৰ মাজত হিংসাত্মক সংঘৰ্ষৰ সৃষ্টি হয় ৷নিশা প্ৰায় ৮:১৫ বজাত প্ৰতিবাদকাৰী আৰু আৰক্ষীৰ মাজত পুনৰ সংঘৰ্ষ আৰম্ভ হয় আৰু এই সংঘৰ্ষই তীব্ৰ ৰূপ লয় ৷ প্ৰতিবাদকাৰীয়ে আৰক্ষীলৈ শিলগুটি নিক্ষেপ কৰিবলৈ আৰম্ভ কৰাৰ ফলত দিল্লী আৰক্ষী আৰু ৰেপিড একচন ফ’ৰ্চে লাঠি চাৰ্জ আৰু কন্দুৱা গেছ নিক্ষেপ কৰে ৷ নিশা ৮:৩০ বজাত আৰএএফে বাৰে বাৰে কন্দুৱা গেছ নিক্ষেপ কৰাৰ পাছতো প্ৰতিবাদকাৰীসকলে পিছুৱাই যাবলৈ অস্বীকাৰ কৰে ৷ একাংশ ছাত্ৰ-ছাত্ৰীয়ে আক্ৰমণাত্মক স্থিতি গ্ৰহণ…

নাগালেণ্ডত অব্যাহত থকা নেৰানেপেৰা বৰষুণৰ ফলত NEEPCO ৰ অধীনস্থ দৈয়াং জলবিদ্যুৎ প্ৰকল্পৰ জলাশয়ত পানীৰ স্তৰ বিপজ্জনকভাৱে বৃদ্ধি পাইছে। সম্ভাব্য প্লাৱন আৰু বিপদৰ প্ৰতি লক্ষ্য ৰাখি গোলাঘাট জিলা প্ৰশাসনে সমগ্ৰ জিলাখনতে এক জৰুৰীকালীন সতৰ্কবাণী জাৰি কৰিছে।জিলা প্ৰশাসন আৰু NEEPCO কৰ্তৃপক্ষ একেৰাহে যোগাযোগত আছে। প্ৰকল্পটোৰ সুৰক্ষা আৰু পানীৰ গতি নিয়ন্ত্ৰণ নিশ্চিত কৰিবলৈ প্ৰয়োজন অনুসাৰে নিৰ্ধাৰিত নিয়ন্ত্ৰিত ৰূপত দৈয়াং বান্ধৰ গেটসমূহ মুকলি কৰি অতিৰিক্ত পানী এৰি দিয়া হ’ব পাৰে। লগতে দৈয়াং আৰু ধনশিৰি নদীৰ দুয়োপাৰৰ বাসিন্দা, নিম্নভূমি অঞ্চল আৰু নদী কাষৰীয়া ৰাইজক বিশেষভাৱে সতৰ্ক হৈ থাকিবলৈ আহ্বান জনোৱা হৈছে। ৰাইজক প্ৰশাসনৰ নিৰ্দেশনাসমূহ কঠোৰভাৱে মানি চলিবলৈ অনুৰোধ জনোৱা হৈছে।

চি জে পিৰ আহ্বানত লাখ লাখ ছাত্ৰ- ছাত্ৰ তথা দল- সংগঠনৰ প্ৰতিবাদত সমগ্ৰ দিল্লী উত্তপ্ত হৈ থকাৰ মাজতে আহিছে এক ডাঙৰ খবৰ। কেন্দ্ৰীয় চৰকাৰলৈ পত্ৰ প্ৰেৰণ কৰি চৰ্ত বান্ধি দিছে পৰিবেশ কৰ্মী তথা বিশিষ্ট শিক্ষাবিদ সোণম ৱাংচুকে। নীট পৰীক্ষাৰ প্ৰশ্নকাকত ফাদিলকে ধৰি শিক্ষা ব্যৱস্থাৰ সংস্কাৰৰ দাবীৰে বিগত ২৫ দিনতকৈও অধিক সময় ধৰি অনশন কাৰ্যসূচী ৰূপায়ণ কৰি থকা সোণম ৱাংচুকে অনশন ভংগৰ চৰ্ত সন্দৰ্ভত কেন্দ্ৰীয় চৰকাৰলৈ এক বিশেষ পত্ৰ প্ৰেৰণ কৰিছে। চৰকাৰে যদি আন্দোলনকাৰী শিক্ষাৰ্থীসকলৰ বিৰুদ্ধে কোনো ধৰণৰ শাস্তিমূলক ব্যৱস্থা গ্ৰহণ নকৰাৰ স্পষ্ট আশ্বাস প্ৰদান কৰে, তেন্তে তেওঁ অনশন ভংগ কৰিব বুলি উল্লেখ কৰে। অন্যথা, এই ভোক হৰতাল অব্যাহত থাকিব বুলিও…

শিৱসাগৰ জিলাত দিখৌ নদীৰ বানে ভয়াবহ ৰূপ ধাৰণ কৰিছে ৷ বন্যাত সকলক উদ্ধাৰ কৰাৰ বাবে সেনাবাহিনীৰ হেলিকপ্টাৰ আৰু মটৰচালিত নাও ব্যৱহাৰ কৰা হৈছে যদিও এয়া পৰ্যাপ্ত নহয় বুলি অভিযোগ উত্থাপন হৈছে ৷জানিব পৰা মতে, জলবন্দী বহু মানুহক এইপৰ্যন্ত উদ্ধাৰ কৰা নাই ৷ আনকি জলবন্দী লোকক খোৱাপানীও যোগান ধৰা নাই ৷ যাৰবাবে মানুহৰ মাজত ক্ষোভ বৃদ্ধি পাইছে ৷ জলসম্পদ মন্ত্ৰীক ৰাইজে ক্ষুৰধাৰ সমালোচনা কৰিছে ৷আজি বানে নতুন নতুন অঞ্চল প্লাবিত কৰিছে ৷ আজি ঐতিহাসিক বৰআলি, খৰিকটীয়া আলি, চিপাহীগাঁও পথ, জোলাগাঁও পথ জলমগ্ন হৈছে ৷ কালি দিনৰ ভাগতে নগা পাহাৰৰ পৰা কোবাল গতিৰে নামি অহা পানীৰ ধলে নদীপৰীয়া শতাধিক গাঁও প্লাবিত কৰে…

CJP নহয়, এইবাৰ কৃষকৰ গৰ্জনত কঁপিব দিল্লী। ভাৰত-আমেৰিকাৰ বাণিজ্যিক চুক্তিৰ বিৰোধিতাৰে হাৰিয়ানাৰ পৰা দিল্লীলৈ গাড়ীয়ে গাড়ীয়ে আহিল হাজাৰ হাজাৰ কৃষক। বন্ধ কৰি দিয়া হ'ল শম্ভু বৰ্ডাৰ।প্ৰস্তাবিত ভাৰত-আমেৰিকা বাণিজ্য চুক্তিৰ বিৰুদ্ধে ৰাজধানী দিল্লীত অনুষ্ঠিত হ’বলগীয়া 'কিষাণ মহাপঞ্চায়ত'ক কেন্দ্ৰ কৰি পঞ্জাব-হাৰিয়ানা সীমান্তত তীব্র উত্তেজনাৰ সৃষ্টি হৈছে। "দেশ বাচাও মৰ্চা"ৰ বেনাৰত দিল্লীৰ ঐতিহাসিক 'কিষাণ ঘাট'ত এই একদিনীয়া কৃষক সমাৱেশৰ আহ্বান জনোৱা হৈছে। এই কাৰ্যসূচীত অংশগ্ৰহণৰ উদ্দেশ্যে পঞ্জাব আৰু হাৰিয়ানাৰ বিভিন্ন প্ৰান্তৰ পৰা হাজাৰ হাজাৰ কৃষক দিল্লী অভিমুখে ৰাওনা হৈছে। এই আন্দোলনক নিয়ন্ত্ৰণ কৰাৰ উদ্দেশ্যে ভাৰতীয় কিষাণ ইউনিয়নৰ সভাপতি গুৰনাম সিং চাৰুনীক হাৰিয়ানা আৰক্ষীয়ে পথৰ পৰা আটক কৰাক লৈ কৃষকসকলৰ মাজত ক্ষোভ বৃদ্ধি পাইছে।